معرفـــش! بس لـــو…

Amr Sayed
  • 0.0 (0)
  • PHILOSOPHY
  • UPDATED DAILY

بودكاست بسيط بدون قواعد أو أهداف محددة، مجرد مساحة مفتوحة للأفكار والتساؤلات اللي بتدور في دماغي. كل حلقة بتتناول فكرة أو تساؤل معين، وأحاول أتخيل مواقف وأسأل نفسي: "لو أنا في الموقف ده، هعمل إيه؟" مش هنا علشان أديك إجابات، بس ممكن أساعدك تفكر بصوت عالي. أحيانًا هكون لوحدي، وأحيانًا هستضيف ناس شايف إن عندهم وجهات نظر تستحق إنها تتسمع. لو بتحب التفكير بدون قيود، يبقى مكانك معايا هنا.

Episodes

  1. الحلقة التاسعة | لو كل الناس بتقرا أفكارك، هتبطل تفكر؟

    05/11/2025

    الحلقة التاسعة | لو كل الناس بتقرا أفكارك، هتبطل تفكر؟

    في الحلقة التاسعة من "معرفش.. بس لو!"، بنسأل سؤال بسيط بس بيخبط في حتة عميقة جوانا.. لو كل الناس بتقرأ أفكارك، هتبطل تفكر؟ تخيل لو كان في لحظة معينة كل اللي حواليك يقدروا يعرفوا بالضبط إنت بتفكر فيه؟ هتكون شخص تاني؟ هل هتبدأ تحط حدود لأفكارك عشان متكشفش كل حاجة؟ في الحلقة دي، هنتكلم عن فكرة الشفافية التامة، عن تأثير إنك تبقى عارف إن كل كلمة، كل فكرة، كل إحساس جواك ممكن يظهر لأي حد حواليك. هنتساءل مع بعض: هل دا هيخلينا أكتر صدق مع نفسنا؟ ولا هيدفعنا للهرب من أفكارنا وإخفاء مشاعرنا علشان نعيش حياة أسهل؟ في الحلقة دي، هنفتح النقاش عن تأثير الشفافية على حياتنا اليومية، واللي ممكن يخليك تسأل: لو كل الناس بتقرأ أفكارك، هتبطل تفكر؟

    25 min
  2. الحلقة الثامنة | لو هتعرّف نفسك بس من غير شغلك، هتقول ايه؟

    04/27/2025

    الحلقة الثامنة | لو هتعرّف نفسك بس من غير شغلك، هتقول ايه؟

    في الحلقة التامنة من "معرفش.. بس لو!"، بنسأل سؤال بسيط بس بيخبط في حتة عميقة جوانا..لو هتعرّف نفسك بس من غير ما تقول شغلك، ولا اللقب بتاعك، هتقول إيه؟هل هتعرف تحكي عن نفسك بشخصيتك، بأفكارك، بأحلامك، من غير ما تحتمي ورا كلمة "أنا شغال كذا"؟في الحلقة دي، هنفكر مع بعض إحنا مين بعيد عن شغلنا، عن دورنا الاجتماعي، عن اللي الناس متعودة تعرفه عننا.تعالوا نهدى شوية ونشوف.. لو كنت بتحكي عن نفسك، كنت هتبتدي منين؟

    19 min
  3. الحلقة السابعة | لو بكرة نهاية العالم، هتعمل ايه؟

    04/20/2025

    الحلقة السابعة | لو بكرة نهاية العالم، هتعمل ايه؟

    في الحلقة السابعة من "معرفش.. بس لو!" هنتناقش عن فكرة مجنونة شوية، وهي لو بكرة هو نهاية العالم، هتعمل إيه؟ هنفكر مع بعض في السيناريوهات اللي ممكن تحصل لو اكتشفنا إن الوقت خلاص انتهى. هل هتحاول تعيش اللحظات الأخيرة زي ما أنت عايز؟ ولا هتندم على الحاجات اللي ما عملتهاش؟ هل هتكون مشغول بالأشياء التافهة، ولا هتدور على الفرص لتقضي الوقت مع الناس اللي بتحبهم؟ هنتكلم عن إزاي إن لحظات النهاية دي ممكن تكشف لنا حاجات كتير عن حياتنا وتخلي كل حاجة تباين أكتر. هل هتكون الفرصة لتكون صريح مع نفسك؟ ولا هتبقى غرقان في الخوف والندم؟ ولسه في وقت نقدر نغير فيه حاجات؟ تعالوا نفكر مع بعض في ده ونشوف لو كنت في مكانك، إيه القرار اللي هتخده

    26 min
  4. الحلقة السادسة | لو كنت قابلت نسخة منك اختارت نفسها، كنت هتشوفها كسبت ولا؟

    04/13/2025

    الحلقة السادسة | لو كنت قابلت نسخة منك اختارت نفسها، كنت هتشوفها كسبت ولا؟

    في الحلقة السادسة، هنحكي عن لحظة بيعدّي بيها كتير مننا… اللحظة اللي تكتشف فيها إنك دايمًا كنت بتختار الناس، بس عمرك ما كنت المُختار.هنفتح كلام عن المواقف اللي عملت فيها كل اللي تقدر عليه عشان تفرّح الناس، وتكون موجود وقت ما كانوا محتاجينك… بس في المقابل، ملقتش حد سأل: "إنت عامل إيه؟"عن التعب اللي بيجي من إنك دايمًا الجندي المجهول، واللي بيتحمل، وبيعدي، وبيضحّي… بس مفيش حد اختار يعمل نفس الحاجة علشانك.هل يا ترى المشكلة فيك؟ولا في الناس اللي اتعودت تاخد وتنسى تدي؟وهل اختيار نفسك بقى غلط؟ولا هو أول خطوة للنجاة؟استنى الحلقة دي… يمكن تلاقي نفسك فيها، وتفهم قد إيه اختيارك ليك مش أنانية… دي نجاة.

    25 min
  5. الحلقة الخامسة | لو حد كان وصّلك إحساس إنك كفاية.. كنت هترتاح؟

    04/06/2025

    الحلقة الخامسة | لو حد كان وصّلك إحساس إنك كفاية.. كنت هترتاح؟

    في الحلقة الخامسة، هنتكلم عن الإحساس اللي بنحاول نخبّيه حتى عن نفسنا.. الإحساس إننا عمرنا ما كنا كفاية.هنفتح كلام عن لحظات فضلنا فيها ندوّر على القبول، وعن أصوات جوانا فضلت تكرّر إنك ناقص، مهما عملت.يا ترى، لو كنت اتربيت على فكرة إنك تستاهل من غير ما تثبت ده، كانت حياتك هتكون شكلها عامل إزاي؟وهل فعلًا إحنا مش كفاية… ولا اللي حوالينا عمرهم ما عرفوا يقولوا لنا إننا كده تمام زي ما إحنا؟

    28 min
  6. الحلقة الرابعة | لو فعلاً اللي فات مات.. هيتغير ايه؟

    03/30/2025

    الحلقة الرابعة | لو فعلاً اللي فات مات.. هيتغير ايه؟

    معرفش، بس لو فكرت فيها.. هل فعلًا اللي فات مات؟ ولا الماضي لسه عايش جوانا بشكل أو بآخر؟ في الحلقة الرابعة، هنتكلم عن القرارات اللي افتكرنا إننا تجاوزناها، والأشخاص اللي سابوا أثر رغم إنهم مش موجودين، واللحظات اللي فاكرين إنها انتهت، لكنها لسه بتشكل جزء من حياتنا.. يا ترى، لو الماضي فعلاً اختفى بدون أثر، كان إيه اللي هيتغير فيك؟

    23 min
  7. الحلقة الثالثة | لو الحياة بتجري منك.. فاكر إمتى عشت بجد؟

    03/23/2025

    الحلقة الثالثة | لو الحياة بتجري منك.. فاكر إمتى عشت بجد؟

    معرفش، بس لو فكرت فيها.. ساعات بتحس إن الحياة بتجري منك، وكل حاجة بقت سريعة لدرجة إنك مش عارف إمتى وقفت وعشت بجد؟ في الحلقة التالتة، هنتكلم عن اللحظات اللي بننسى فيها الوقت، والذكريات اللي بتحسسنا إننا عشنا بجد.. يا ترى إمتى آخر مرة حسيت كده؟

    21 min
  8. الحلقة الثانية | لو الصوت اللي في دماغك بطل يهاجمك لثواني.. هتحس بإيه؟

    03/09/2025

    الحلقة الثانية | لو الصوت اللي في دماغك بطل يهاجمك لثواني.. هتحس بإيه؟

    معرفش، بس لو فكرت فيها.. هتلاقي إن أكتر معركة بتدور يوميًا مش بينك وبين العالم، لكن بينك وبين الصوت اللي جوا دماغك. الصوت اللي دايمًا بيحكم، بينتقد، ويفكر في أسوأ السيناريوهات. بس لو فجأة سكت؟ لو منحك لحظة هدوء حقيقية؟ هتحس بإيه؟ في الحلقة دي، هنتكلم عن الصراع المستمر بيننا وبين أفكارنا، عن تأثير الصوت الداخلي علينا، وإزاي ممكن نحوله من عدو لصديق.. ولو صوتك الداخلي دلوقتي بيهدا، كنت هتسمع إيه؟

    26 min
  9. الحلقة الأولى | لو العالم كله هيسمعك.. هتقول ايه؟

    03/02/2025

    الحلقة الأولى | لو العالم كله هيسمعك.. هتقول ايه؟

    معرفش، بس لو فكرت فيها.. هتلاقي إن زمان الناس كانت بتسمع بعض أكتر. دلوقتي كله بيتكلم، بس مين بيسمع؟ في الحلقة الأولى، هنتكلم عن فكرة إننا بقينا محاصرين في دوائر مغلقة، بنستهلك كلام أكتر ما بنتكلم بجد.. ولو العالم كله بيسمعك دلوقتي، كنت هتقول إيه؟

    20 min
  • 9 Episodes

About

بودكاست بسيط بدون قواعد أو أهداف محددة، مجرد مساحة مفتوحة للأفكار والتساؤلات اللي بتدور في دماغي. كل حلقة بتتناول فكرة أو تساؤل معين، وأحاول أتخيل مواقف وأسأل نفسي: "لو أنا في الموقف ده، هعمل إيه؟" مش هنا علشان أديك إجابات، بس ممكن أساعدك تفكر بصوت عالي. أحيانًا هكون لوحدي، وأحيانًا هستضيف ناس شايف إن عندهم وجهات نظر تستحق إنها تتسمع. لو بتحب التفكير بدون قيود، يبقى مكانك معايا هنا.

Information