Baraah Podcast- بودكاست براح

Muttakaa- متكأ
  • 5.0 (1)
  • RELATIONSHIPS
  • UPDATED WEEKLY

براح هو بودكاست إنساني، بيوفّر مساحة صوتية آمنة وصادقة للشباب، وخاصة فاقدي الرعاية الوالدية،🎙للتعبير، التفكير، والتمكين. براح بيكم وليكم

Episodes

  1. متعلق في شماعه

    09/01/2025

    متعلق في شماعه

    "في الحلقة دي من براح، بنفتح موضوع التعلق: إمتى بيكون حب حقيقي؟ وإمتى يتحول لاعتماد يخلينا نحط حياتنا كلها على شماعة شخص أو فكرة؟"

    49 min
  2. بودكاست براح حلقة 6 l من الدار للنار

    06/02/2025

    بودكاست براح حلقة 6 l من الدار للنار

    🎧 في الحلقة دي، بنفتح ملف حساس ومهم: إيه اللي بيحصل بعد الخروج من دور الرعاية؟عادل بيحكي بصوته، مش بس عن تجربته، لكن كمان عن تجربة كتير من الشباب اللي فجأة لقوا نفسهم لوحدهم... بلا بيت، بلا دعم، بلا خريطة!إزاي ممكن حد يقولك "إنت زي ابني"، وبعدين تلاقي نفسك مش لاقي مكان تنام فيه؟ إزاي بنات بتضطر تتجوز بس علشان تهرب من مصير مجهول؟ وإزاي غياب التأهيل والمتابعة بيحول لحظة المفروض تبقى بداية... لنقطة انهيار؟الحلقة دي مش بس قصة، دي مادة خام لأي حد: عاوز يفهم عاوز يغيّر أو حتى بيسأل نفسه: "أنا ممكن أعمل إيه؟"✨ الحلقة دي برعاية La Maison Treize ✨

    33 min
  3. بودكاست براح حلقة 5 l باب مفتوح

    05/19/2025

    بودكاست براح حلقة 5 l باب مفتوح

    تخيل لو إنت سايب باب بيتك مفتوح 24 ساعة عالشارع…ممكن يحصل إيه؟ مين ممكن يدخل؟ هتكون مرتاح؟في الحلقة دي من براح، بنغوص في مفهوم “المساحة الشخصية” والحدود:بنسمع قصص من واقع شباب اتربوا من غير خصوصيةبنتعرف على المواقف اللي خلتهم يحسّوا بالاختناقبنناقش إزاي الكلمة الواحدة “لا” ممكن تغيّر المساروبياخدنا عادل وعبير في خطوات عملية لتطبيق الحدود بحنان.تعالوا نتعلم في الحلقة دي إمتى بنحتاج نقفل الباب وامتى نفتحه وامتى بنواربه ولمين.

    28 min
  4. بودكاست براح حلقة 4 l فاكهة البابايا

    05/12/2025

    بودكاست براح حلقة 4 l فاكهة البابايا

    في الحلقة الرابعة من بودكاست "براح"، بنتكلم عن الفقد — مش الفقد اللي بييجي بعد الخسارة، لكن الفقد اللي بيعيش جوه حد من أول لحظة… لما تبقى طول عمرك مفتقد إحساس ما جربتوش.في حوار صريح ومليان مشاعر، بيحكي عادل عن شعوره وبيجاوب على سؤال “إزاي ممكن تفتقد حاجة معشتهاش؟”، وكمان هنتكلم عن أول مرة حس إنه محتاج يكون ليه "حد"، وعن الفرق بين الحب والشفقة في عيون الناس.دي مش بس حلقة عن الأيتام، دي حلقة عن أي حد حس في يوم إنه لوحده.اسمعها للآخر… هتكتشف إنك مش لوحدك.

    33 min
  5. بودكاست براح حلقة 3 l حب ولا تعاطف؟

    05/05/2025

    بودكاست براح حلقة 3 l حب ولا تعاطف؟

    قصة عادل مش بس عن كونه يتيم… هي عن مجتمع بيقرر مصيرك من أول لحظة.في الحلقة الثالثة من "براح"، بنحكي عن التنمر، التمييز، والوصمة اللي بترافق أولاد دور الأيتام من المدرسة لحد الجواز.بس كمان بنحكي عن النور اللي بيخرج من وسط الظلمة… وبنسمع لأول مرة قصص تخلينا نعيد النظر في اللي بنقوله عنهم... ومنهم.

    16 min
  6. بودكاست براح حلقة 2 l بابا ماجد- بين الألم والضحك

    04/28/2025

    بودكاست براح حلقة 2 l بابا ماجد- بين الألم والضحك

    في الحلقة دي من بودكاست "براح"، بنسمع شهادة صادقة ومؤثرة من عادل، وعلى الرغم انه حكى حاجات عانى منها ولكن كمان كان قادر يضحكنا ويخلينا نسمع واحنا مستمتعين جداً. وشاركنا رحلته داخل الدار: عن الأبهات اللي بيتغيروا، عن معنى إنك تكبر من غير ضهر، وعن أثر ده كله على اتخاذ القرارات والاستقلالية لما يكبر.بنحكي كمان مواقف حقيقية بين الألم والضحك عن شخصيات شفناها زي "بابا ماجد" وغيرهم، وبنسمع اقتراح جريء في اخر الحلقة ممكن يغير حياة اللي بيكبروا في دور الأيتام.حلقة إنسانية ومليانة ضحك، هتحرك قلبك وعقلك مع بعض.

    24 min
  7. بودكاست براح حلقة 1 l بداية الحكاية- هو أنا أستحق؟

    04/23/2025

    بودكاست براح حلقة 1 l بداية الحكاية- هو أنا أستحق؟

    في أول حلقة من "براح"، بنشارككم حكاية لايف كوتش اسمها عبير ومقابلتها بشاب اسمه عادل رائد أعمال، وبيسأل: "أنا ليه مش حاسس إني أستحق أي حاجة؟"رحلة بدأت بسؤال… وفتحت باب كبير لفهم أعمق، ومشاعر كانت مدفونة سنين. دي مش مجرد قصة… دي بداية "براح" حقيقي بيتخلق لما حد يسمعك بجد، من غير حُكم، من غير شروط.اسمعوا الحلقة، ونتمنى تشاركوها مع أي حد ممكن تفرق معاه.🎙️ بودكاست "براح" – مساحة إنسانية بنحكي فيها الحكايات اللي متقالش

    21 min
  • 7 Episodes

About

براح هو بودكاست إنساني، بيوفّر مساحة صوتية آمنة وصادقة للشباب، وخاصة فاقدي الرعاية الوالدية،🎙للتعبير، التفكير، والتمكين. براح بيكم وليكم

Information