ဒီနေ့အတွက်စကား

Padamyar FM
  • 0.0 (0)
  • Self-Improvement
  • Daily

နေ့စဉ်ဘဝအတွက် စိတ်ခွန်အားပေးမည့် စကားလုံးများနှင့် အတွေးအမြင်များ။

  1. 16h ago

    There will always be people in your life who treat you wrong. Be sure to thank them for making you strong.

    လောကကြီးမှာလူရယ်လို့ဖြစ်လာရင် ပေါင်းသင်းဆက်ဆံရေးဆိုတာတကယ့်ကိုအရေးပါတဲ့ အခန်းကဏ္ဍတစ်ခုပါ။တစ်ဦးတစ် ယောက်တည်းရှင်သန်ရပ်တည်လို့မရတဲ့အသိုင်းအဝိုင်း ပတ်ဝန်းကျင်နဲ့ လုပ်ကိုင်နေထိုင်ကြတဲ့ လူသားတွေအတွက် ချစ်ခင်ရင်းနှီး မှုဆိုတာတစ်ဦးပေါ်တစ်ဦးထားရှိရမယ့်အပြန်အလှန်မေတ္တာတရားပါ။ ဒါပေမယ့် လောကမှာလူအမျိုးမျိုးစိတ်အထွေထွေ ဖြစ်တဲ့ အတွက် အသိုင်းအဝိုင်းတစ်ခုအတွင်းမှာလူတိုင်းစေ့နဲ့ အဆင်ပြေဖို့ဆိုတာလွယ်ကူတဲ့ ကိစ္စ မဟုတ်ပါဘူး။ တစ်ချို့သောလူတွေကတော့ကိုယ်တိုးတက်ကြီးပွားတာအောင်မြင်တာကိုသဘောကျတာရှိချင်ရှိမယ်။ ကိုယ့်ဘ၀ တိုးတက်သွား တာကို နှုတ်၏ဆောင်မခြင်းကိုယ်၏ကြည့်ရှုခြင်းနဲ့ ပံ့ပိုးကူညီတာမျိုးရှိချင်ရှိမယ်။ဒါပေမယ့် အဲဒါ လူတိုင်းတော့ မဖြစ်နိုင်ပါဘူး။ ကိုယ်တိုးတက်ကြီးပွားမှာကိုမနာလိုမယ့်သူ၊ကိုယ်အောင်မြင်မှာကိုမရှုစိမ့်တဲ့သူ၊ ကိုယ့်ကိုဒုက္ခမရောက်ရောက်အောင် ကြံစည် ကြိုးပမ်းတဲ့သူ၊ ကုန်ကုန်ပြောရရင်လမ်းသွားရင်တောင် အလစ်မှာခြေထိုးခံချင်တဲ့ အကောက်ကြံမယ့်သူတွေလည်း ဘဝတစ်ကွေ့ မဟုတ်တစ်ကွေ့မှာတွေ့ကြုံရမှာပါ။

  2. 1d ago

    If you love life, don’t waste time, for time is what life is made up of.

    အချိန်တွေကို ဘဝတစ်ခုကို တန်ဖိုးထားဖို့ သင့်တဲ့အကြောင်းဒီစကားလေးကိုတော့ တရုတ်လူမျိုးကမ္ဘာကျော်အက်ရှင်မင်းသား Bruce Lee ပဲဖြစ်ပါတယ်။ လူတိုင်းလူတိုင်းကိုယ့်ရဲ့ ဘဝကို မြတ်နိုးတန်ဖိုးထားတတ်ကြပါတယ်။ကိုယ့်ရဲ့ဘဝကို အောင်မြင် တိုးတက်ချင်ကြတယ်။ စည်းစိမ်ဥစ္စာတွေနဲ့ ဘဝကို ကြောင့်ကြမှုကင်းကင်းနဲ့ဖြတ်သန်းနိုင်ခွင့်ကိုလူတိုင်း လိုချင်တပ်မက် ကြပါတယ်။ ဒါပေမယ့် လူတိုင်းတော့မအောင်မြင်ကြပါဘူး။ လိုချင်ကြတဲ့ စည်းစိမ်ဥစ္စာတွေ ဓနချမ်းသာတွေမရကြပါဘူး။ ဘာလို့ပါလဲ။အဲဒီလူတွေ ရရှိတဲ့အချိန်တွေကိုရတဲ့အခါမှာရသလိုအကျိုးရှိရှိအသုံးမချတတ်ခဲ့ မသုံးခဲ့လို့ပါပဲ။တကယ်တော့ ကိုယ်ရှင်သန်နေရတဲ့ဘဝဆိုတာတစ်စက္ကန့်တစ်မိနစ်တစ်နာရီတစ်ရက်တစ်လတစ်နှစ်စတဲ့ အချိန်တွေကိုစုစည်း ထားတဲ့ ကာလရှည်တစ်ခုဆိုတာကိုသူတို့တွေသတိမထားတတ်ကြလို့ပါပဲ။ အချိန်ဆိုတာကတော့ ကုန်ဆုံးနေမြဲကုန်ဆုံးသွား တတ်ပြီးအဲဒီကုန်ဆုံးသွားတဲ့အချိန်တွေကိုဘယ်လိုအရာနဲ့အစားထိုးအလဲအထပ်ပြုလို့ ပြန်မရနိုင်ပါဘူး။ ဒါကြောင့် ကိုယ့်ဘဝမှာ တစ်ကြိမ်တစ်ခါပဲရခွင့်ရှိတဲ့အချိန်တွေကိုတန်ဖိုးထားရပါမယ်။

  3. 2d ago

    The greatest glory in living lies not in never falling; but in rising every time we fall.

    ကမ္ဘာ့ငြိမ်းချမ်းရေး နိုဘယ်ဆုအပါအဝင် ငြိမ်းချမ်းရေးဆိုင်ရာဆုတံဆိပ်ပေါင်းများစွာကိုချီးမြှောက်ခြင်းခံရတဲ့တောင်အာဖရိကရဲ့ ပထမဆုံးသောသမ္မတကြီး Nelson Mandela ပြောကြားခဲ့တဲ့စကားတစ်ခွန်းဖြစ်ပါတယ်။ ဒီစကားလေးကတော့ ဘဝမှာ ဘယ်လိုအရာကအောင်မြင်မှုဆိုတာကိုထင်ထင်ရှားရှားပြောပြပေးနေတဲ့စကားတစ်ခွန်းပါ။   လောကမှာတစ်ချို့တစ်ချို့သောကံအလွန်ကောင်းတယ်လို့ ယူဆရတဲ့သူတစ်ချို့ရှိကောင်းရှိပါလိမ့်မယ်။ မွေးကတည်းက ဘယ် အရာကိုမှ ခက်ခက်ခဲခဲမကျော်ဖြတ်ခဲ့ရတဲ့အရာတိုင်းမှာလောကဓံဆိုတာကိုလေပြေသာသာထိတွေ့ခံစားရတဲ့သူတွေပေါ့။ ဘိုး ဘွားအစဉ်အဆက် ချမ်းသာကြွယ်ဝမှုကြောင့်ကိုယ်တိုင်ဘာမှမကြိုးစားရပါဘဲအခန့်သင့် စည်းစိမ်ရတဲ့သူတွေ အဆင်သင့်ရာထူးရ သွားတဲ့သူတွေ တစ်ခါမှ ရှုံးနိမ့်တယ်ဆိုတာသူတို့တတွေမခံစားရဘူးပါဘူး။အခက်အခဲမှန်သမျှကိုသူတို့အနားကလူတွေက အလိုက်သိသိရှင်းသွားတဲ့အခါကြတော့ ကျရှုံးတယ်ဆိုတာမရှိတော့ဘူးပေါ့။အဲဒါဆိုရင် အဲဒီလူတွေကအောင်မြင်တဲ့သူတွေလား။ မဟုတ်ပါ ဘူး။

  4. 3d ago

    Follow One Course Until Successful.

    ကိစ္စရပ်တစ်ခုကိုအောင်မြင်ပြီးမြောက်တဲ့အထိ ပြုလုပ်ဖို့လိုအပ်တဲ့အကြောင်းလေးပါ။တစ်ချို့လူတွေရှိပါတယ်။ ကိစ္စတစ်ခုကို မပြီးပြတ်သေးခင်မှာဘဲတစ်ခြားအလုပ်တစ်ခုကိုလုပ်တတ်ကြပါတယ်။အဲဒီအခါမှာအာရုံတွေထွေပြားပြီးအရင်အလုပ်လည်း မပြီးနောက်အလုပ်ကလည်းတန်းလန်းနဲ့ဘယ်အရာမှာမှ အောင်မြင်ပြီးမြောက်မှုမရဖြစ်တတ်ပါတယ်။   ကျွန်တော်တို့တတွေ တက္ကသိုလ်ဝင်တန်းဖြေဆိုပြီးချိန်အသက်မွေးဝမ်းကျောင်းတက္ကသိုလ် တက်ဖို့ စောင့်ဆိုင်းနေတဲ့အချိန်တွေမှာ သင်တန်းတွေတက်ဖို့လုပ်တတ်ကြပါတယ်။ဒီအရာဟာကောင်းတဲ့အချင်းအရာဖြစ်ပါတယ်။ အားလပ်နေတဲ့အချိန်မှာအချိန်တွေကို အကျိုးရှိရှိအသုံးချခြင်းတစ်မျိုးပါ။အဲဒီမှာ ဖြစ်လေ့ဖြစ်ထရှိတဲ့အချက်ကတော့ တက်ချင်တဲ့ သင်တန်းတွေများတာပါပဲ။ ဒီနေ့ခေတ်ရဲ့စိန်ခေါ်မှုတွေကလည်းအများသားဆိုတော့ သိထားတတ်ထားချင်တဲ့ ပညာရပ်တွေကလဲအများကြီးပါ။ ဒီလိုနဲ့သင်တန်းသုံးလေးခုမကတက်မိတတ်ပါတယ်။ ဒီလိုတတ်တာကိုမကောင်းဘူးလို့ပြောတာမဟုတ်ပေမယ့် ကိုယ့်ရဲ့မှတ်ဉာဏ်၊ ဦးနှောက်စွမ်းရည်ကိုမညှာမတာသုံးသလိုဖြစ်သွားခဲ့ရင်တော့ ဘယ်ပညာဘယ်ဘာသာရပ်ကိုမှမှတ်သားနိုင်စွမ်းမရှိတော့တာမျိုး ကြုံရနိုင်ပါတယ်။

  5. 4d ago

    Never forget the responsibility you have over the words you speak.

    ကိုယ်ပြောလိုက်တဲ့စကားဘာဖြစ်သွားမလဲဆိုတာကိုမစဉ်းစားဘဲနဲ့ စိတ်ထင်ရာပြောတတ်တဲ့သူတွေကိုသတိပေးထားတဲ့စကားပါ။လောကမှာလူသားတိုင်းလူသားတိုင်းဟိုးအမြင့်ဆုံး နိုင်ငံကိုအုပ်ချုပ်နေတဲ့ ဘုရင်တို့ သမ္မတတို့လိုလူတန်းစားကနေအောက်ဆုံး အောက်ခြေလူတန်းစားအထိနေ့စဉ်နဲ့အမျှ စကားတွေပြောနေကျရပါတယ်။ ဒါပေမယ့် ကိုယ်နေ့စဉ်နေ့တိုင်းပြောလိုက်တဲ့စကားတစ်ခွန်းစီရဲ့ အကျိုးသက်ရောက်မှုကိုသတိထားဖို့လိုပါတယ်။                                                အုပ်ချုပ်သူလည်းအုပ်ချုပ်သူအလျောက်ပြောလိုက်တဲ့စကားကအရေးပါသလို၊ သာမာန်လူလည်းသာမာန်လူအလျောက် အရေး ကြီးပါတယ်။ တစ်ချို့တွေကတော့စကားတစ်ခွန်းကိုပြောလိုက်လို့ ဘာဖြစ်သွားနိုင်သလဲဆိုတာကိုသေသေချာချာမစဉ်းစားဘဲ လွတ်ခနဲပြောတတ်ဆိုတတ်ကြပါတယ်။ဒါဟာတကယ်တော့ သတိထားစရာပါ။ အဖွဲ့အစည်းကြီးကြီးမားမားကရာထူး ဂုဏ်သိမ် ကြီးမားတဲ့သူဆိုရင်ပိုပြီးအရေးကြီးပါတယ်။ စကားတစ်ခွန်းကိုမစဉ်းစားမဆင်ခြင်ဘဲပြောလိုက်လို့ ကိုယ့်အတွက်အကျိုးယုတ် သွားတာ၊ သူတစ်ပါးထိခိုက်နာကျင်သွားတာသွားမျိုးဆိုရင် ကိုယ်တစ်ယောက်တည်းအတွက်သာမကဘဲကိုယ့်ပတ်ဝန်းကျင်၊ ကိုယ့်အဖွဲ့ အစည်းရဲ့ ပုံရိပ်ကိုပါ ကြီးကြီးမားမားထိခိုက်သွားတာမျိုးဖြစ်သွားနိုင်တဲ့အတွက်အထူးဂရုပြုသင့်ပါတယ်။

  6. 5d ago

    The Age of 20 is a Very Important Time In Life.

    အသက်(၂၀) ပြည့်ပြီဆိုတာနဲ့ ဘဝတခု စတယ်လို့ ပြောရမှာပါ။  တာဝန်ယူမှု၊ တာဝန်ခံမှုတွေ ရှိလာရတယ်။ပိုပြီးတော့ ဆင်ခြင်တုံ  တရား ရှိလာတယ်၊ ပိုပြီးတော့ ရင့်ကျက်လာတယ်။ ဆယ်စုနှစ် ၂ခုစာကိုကျော်ဖြတ်ခဲ့ပြီးဖြစ်လို့ ခုကစပြီး အရာရာကို အလေးထား လုပ်ဆောင်ရတော့မှာ ဖြစ်ပါတယ် သေချာတာတခုကတော့ကျွန်တော်တို့ အမှားတွေလုပ်မိကြမယ်။ ဒါပေမယ့် အမှားတခုချင်း စီတိုင်းကနေသင်ခန်းစာယူနိုင်ရင် ဒါဟာ အမြတ်ပါဘဲ။  အသက်(၂၀)ကျော်ကာလတွေဟာ အောင်မြင်တဲ့ဘဝ တခုတည်ဆောက် ဖို့ အရေးကြီးဆုံး အချိန်တွေဖြစ်ပါတယ်။ဒီကာလတွေမှာ လုပ်တဲ့အရာတွေက ဘဝရဲ့ အချိန်တော်တော်များများ အထိ သက် ရောက်မှုရှိပါတယ်။                                                          အပေါင်းအသင်းကအရေးပါလာပြီ။ ဒါကအရေးကြီးဆုံးအရာပါ။ ဘာလို့လဲ?  အဖြေက ပတ်ဝန်းကျင်ဟာလူငယ်တွေရဲ့ဘဝကို အကြီးအကျယ် သက်ရောက်မှုရှိပြီး အဲ့ထဲမှာ အပေါင်းအသင်းက အဓိကကျတဲ့နေရာကနေ ပါဝင်ပါတယ်။ ဘယ်သူတွေနဲ့ အချိန် ပေးပေါင်းနေလဲ?ဆိုတာကို သတိပြုပါ။ လူငယ်တွေအနေနဲ့ ဒါကို ပေါ့ပေါ့တန်တန် တွေးကောင်းတွေးမိပါလိမ့်မယ်။  ကိုယ်ပေါင်း တဲ့အပေါင်းအသင်းတွေဟာ ကိုယ့်ကို အမြဲအားပေးနေဖို့၊ ကူညီနေဖို့ လိုပါတယ်။  စကားမစပ်: ကိုယ်ဟာလည်းတခြားသူတွေ အတွက် မိတ်ဆွေအပေါင်းအသင်းပါဘဲ။ ကိုယ်တိုင်လည်း မိတ်ဆွေကောင်း ဖြစ်ပါစေ။

  7. 6d ago

    Don’t Focus On The One Who Suffers Must Be The One Who Wins.

    ကျွန်တော်တို့ရဲ့ မြန်မာစကားပုံလေးတစ်ခုရှိပါတယ်။အနာခံမှ အသာစံတဲ့။ အနာခံရင် အသာစံရမယ်ဆိုတာ လူတိုင်း သဘော ပေါက်နားလည်ကြပါတယ်။ဒါပေမယ့် လူတွေ ပိုပြီး အာရုံစိုက်တာကကျတော့ ငါ အသာစံဖို့အတွက် အနာခံရမယ် ၊တစ်နည်း အားဖြင့် နာမှ ဖြစ်မယ်ဆိုတဲ့ အတွေး ကျွန်တော်တို့ ဝင်လာကြတယ်။ နာမှဖြစ်မယ်လို့ တွေးထားတဲ့အတွက်ကြောင့် နာလာပြီ ဆိုရင် အသာစံရတော့မယ်ဆိုတဲ့ခံစားချက်ဝင်လာတယ်။ ဒါပေမယ့် အနာခံပြီးတော့ အသာမစံရတဲ့အချိန်ကျရင်တော့ ဒေါသ ဖြစ်လိမ့်မယ်၊အလိုမကျတာတွေ ဖြစ်လာမယ်။                                                                                                                    အလုပ်တစ်ခု လုပ်တိုင်းမှာ ဒါရသွားရင် ဘာတွေ အသာစံရမလဲ။ဘာတွေ ပြန်ရမလဲ။ ဒါတွေကို ပြန်ပြီးတော့ Focus လုပ်ကြည့် ရအောင်။အနာခံတာကို Focus လုပ်မယ်ဆိုရင် နာတိုင်း၊ နာတိုင်းမှာအဲ့ဒါကိုပဲ တွေးခံစားနေလိမ့်မယ်။ အသာစံဖို့ဆိုတဲ့ အတွေး လေးကိုပြန်ပြောင်းတွေးကြည့်ရအောင်။

  8. Oct 27

    A Good Habit Is Hard To Build, But Easy To Break.

    အလေ့အကျင့်ကောင်းတစ်ခုဟာတည်ဆောက်ရတာခက်ပေမဲ့ ပျက်ဖို့ကလွယ်တယ်။ အလေ့အကျင့်တစ်ခုတည်ဆောက်ဖို့အ တွက် ၂၁ ရက်ကြတယ်၊ ၆၆ရက်ကြာတယ် စသဖြင့်ပြောကြတယ်။ ကိုယ်တည်ဆောက်မယ့် အကျင့်ပေါ်မူတည်ပြီး နှေးတာ၊ကြာတာကွာနိုင်သလို တစ်ဦးနဲ့တစ်ဦးလည်း မတူနိုင်ဘူး။ တူတာတစ်ခုကတော့ အကျင့်တစ်ခုဟာတည်ဆောက်ရတာခက်ပေမဲ့ ပျက်ဖို့ကတော့ ခဏလေးပဲ။                                                                                                                                                   တချို့လေ့ကျင့်ခန်းပုံမှန်လုပ်ဖို့အတွက် လတွေနဲ့ချီတည်ဆောက်ထားရပေမဲ့တစ်ပတ်နှစ်ပတ်လောက်မလုပ်ဖြစ်တာကနေ နောက် တစ်သက်လုံးမလုပ်ဖြစ်တော့တာမျိုးဖြစ်သွားတယ်။တချို့ နေ့တိုင်းနီးပါး စာဖတ်ဖြစ်ဖို့ လနဲ့ချီကျင့်သားရအောင် တည်ဆောက် ထားရပေမဲ့ရက်အနည်းငယ်ဖတ်ဖို့ပျက်ကွက်သွားတာကစပြီးတော်တော်နဲ့ပြန်မဖတ်ဖြစ်တော့ဘူးဖြစ်သွားတယ်။

See All (414)

About

နေ့စဉ်ဘဝအတွက် စိတ်ခွန်အားပေးမည့် စကားလုံးများနှင့် အတွေးအမြင်များ။

Information