وقت الحدوته

Omar Osama
  • 0.0 (0)
  • DOCUMENTARY
  • UPDATED BIWEEKLY

في حاله بين النوم والصحيان، عقلك بيفتكر تفاصيل صغيره أوي ويركز عليها، ويعمل منها حدوته، دا وقت الحدوته

Episodes

  1. JAN 26

    الأيام الممسوحة من التاريخ | وقت الحدوتة

    تخيل إنك تنام يوم الخميس 4 أكتوبر وتصحى تاني يوم تلاقيه الجمعة 15 أكتوبر! ده مش خيال علمي، دي حادثة حقيقية حصلت واتمسح فيها 10 أيام كاملة من تاريخ البشرية.. راحوا فين؟حلقة النهاردة مش بس عن التاريخ، دي عن "الوهم" اللي إحنا عايشين فيه ومسميينه "ساعة". جهز كوباية الشاي أو القهوة المتينة، وتعالى نشوف إيه اللي بيحصل لما بنلعب في عداد عمرنا. #وقت_الحدوته #عمر_أسامة #تاريخ #قصص #الزمن #غموض #وثائقي #ميشيل_سيفر #غرائب #التلاعب_بالتاريخ

    13 min

  2. JAN 9

    ليه مبنفهمش المغاربه؟ | وقت الحدوتة

    شوفت بوستات المغاربه في أمم أفريقيا بيتكلموا عن مصطفى محمد؟ فهمت حاجه؟المغاربه بيتكلموا بالدارجة المغربية، ودي خليط تاريخي عمره مئات السنين#أمم_افريقيا #الدارجة_المغربية #المغرب #وقت_الحدوتة #تاريخ_المغرب #اللغة_العربية #ليون_الأفريقي #اللهجات_العربية #ثقافة

    9 min

  3. 12/30/2025

    طرزان في قصص الأندلس | وقت الحدوتة

    طرزان واحدة من أشهر قصص العالم، لكن الغريب ان أصولها بترجع للقرن الـ ١٢ تحديدًا في الأندلس!#وقت_الحدوتة #طرزان #الأندلس #ابن_سينا #حي_ابن_يقظان #حكايات_تاريخية #سرد #سفر #القهوة #مصر #عمر_أسامة #عمر #OmarOsama

    9 min

  4. 12/13/2025

    صخرة سيزيف: السعادة أقرب مما تتخيل | وقت الحدوتة

    في كل مرة نسمع إسم سيزيف يجي في بالنا صورة عذابه الأبدي وهو بيرفع الصخرة كل يوم بلا نهاية، لكن ماذا لو كان سيزيف مش بيتعذب؟ ماذا لو عرفت ان سيزيف -قد- يكون مختار عقابه بنفسه وبشكل واعي؟في الحلقة نظرة ألبير كامو علي سيزيف، وهنشوف إزاي "الأعمال السيزيفية" ممكن تكون منقذ ليك في حياتك وسبب سعادتك!#وقت_الحدوتة #سيزيف #صخرة #أوديسيوس #الإلياذه #الأوديسه #حكايات_تاريخية #سرد #سفر #القهوة #مصر #عمر_أسامة #عمر #OmarOsama

    8 min

  5. 12/09/2025

    إزاي تنظم حياتك لو عرفت عهد أوديسيوس؟ | وقت الحدوته

    أوقات كتير مش بنفهم إزاي كل يوم عقلنا بيلاقي حاجه تشتته، نمسك الموبايل، نخرج مع اصحابنا، أو حتى نقعد قدام التلفزيون بالساعات. يوم في التاني نلاقي الأسبوع والشهر والسنه عدت واحنا مأنجزناش حاجه من اللى كنا عاوزين نحققهافي الحلقه دي بنتكلم عن نوعين من المكافئات اللى العقل بيستناهم، وإزاي عقلنا مظلوم في معادلة الحياة الحديثةكمان هنتكلم عن الحل، اللى مش سحري، في عهد أوديسيوس وحكاية أوديسيوس نفسه #وقت_الحدوتة #أوديسيوس #الإلياذه #الأوديسه #حكايات_تاريخية #marshmallowtest #سرد #سفر #القهوة #مصر #عمر_أسامة #عمر #OmarOsama

    8 min

  6. 11/17/2025

    أجاثا كريستي الكاتبة الأشهر في العالم | وقت الحدوته

    عن ليلة اختفاء أغرب كاتبة جريمة في التاريخ: إزاي أجاثا كريستي سابت عربيتها على حافة بحيرة واختفت ١١ يوم من غير أي أثر؟ وليه لحد النهارده محدش متأكد ١٠٠٪‏ إيه اللي حصل فعلًا؟في الحلقة دي من “وقت الحدوته” هنمشي مع حياة أجاثا من طفلة خجولة في توركاي لحد ما تبقى “ملكة الجريمة” وأكتر روائية مبيعًا في العالم بعد شكسبير والإنجيل. هنحكي علاقتها بجوزها الأول أرشي كريستي، إزاي جوازهم تشرخ، وإزاي ده دخلنا على ليلة الاختفاء سنة ١٩٢٦. هنعيش لحظة العثور على عربيتها الفاضية، حملة البحث المهولة، وظهورها فجأة في فندق باسم مستعار. وهنسأل مع بعض: هل ده فقدان ذاكرة حقيقي؟ ولا حركة هروب؟ ولا رد فعل موجوع من ست ريفية هادية اتحشرت في زاوية؟وفي الآخر هنعدّي على جُزء من رحلاتها للشرق ومسرحية “مصيدة الفئران” اللي كسرت أرقام قياسية على مسارح لندن. #وقت_الحدوتة #أجاثا_كريستي #AgathaChristie #ملكة_الجريمة #مصيدة_الفئران #TheMousetrap #حكايات_تاريخية #سرد_قصصي #روايات_بوليسية #إنجلترا #توركاي #OmarOsama

    10 min

  7. 10/31/2025

    السندباد وإدمان السفر | وقت الحدوته

    عن سِحر الحكي وقت الرجوع من السفر: ليه بنسمع للمسافر ونصدّق؟ وإمتى لازم ناخد بالنا؟من حكاية المَلّاح التائه لحد سندباد و روبنسون كروزو . رحلة في سلطة الحكاية وأثرها علينا.هنعرّف ببساطة يعني إيه سلطة المسافر وليه بتأثر فينا من غير ما ناخد بالنا. هنعيش مشهد سريع من حكاية الملاح التائه ونتعلم منه إزاي الراوي بيبني هيبته قدّام اللي بيسمعوه. هنلمّح لروح حكايات الناجي في الجزيرة زي روبنسون كروزو وليه النوع ده شد الناس عبر السنين. وبعدين نرجع لسندباد ونشوف إزاي بيخلّي الجمهور يطلب “كمان” كل مرة من غير ما يزهق. #وقت_الحدوتة #السندباد #ألف_ليلة_وليلة #حكايات_تاريخية #روبنسون_كروزو #سرد #سفر #سلطة_المسافر #مصر #العراق #عمر_أسامة #عمر #OmarOsama #ArabianNights

    7 min

  8. 10/17/2025

    جلجامش | وقت الحدوته

    في الحلقة دي من وقت الحدوته بنبدأ من أول الحكاية: نبوءة بتقلب مُلك، وطفل مرمي من فوق قلعة ينقذه نسر وينزّله في بستان… يكبر هناك ويبقى اسمه جلجامش. بنقرب من العالم اللي اتولدت فيه الملحمة، من أوروك وأسوارها لحد اكتشاف الألواح المسمارية بعد آلاف السنين، وإزاي القصة دي فتحت أسئلة عن السلطة والمعنى والخلود، بين العراق اللي خرجت منه الحكاية واهتمامنا إحنا في مصر بتاريخ المنطقة وقصصها. وبنمهّد كمان لظهور إنكيدو، القوة اللي هتوازن جلجامش، ونحكي رحلة صداقتهم ومغامراتهم اللي جاية. الحلقة دي بوابة لعالم أسطوري كبير.

    6 min

  9. 10/05/2025

    لعبة الحياه : إزاي تكسب؟ | وقت الحدوته

    #وقت_الحدوتةفي حلقة النهارده بنحكي حكاية فريق ألعاب قبل الإطلاق بكام يوم بس… قرارات صغيرة ومدير بيزق مهام “شكلها بسيطة” في آخر لحظة. ومع كده القصة بتسيب علامة وتخلّينا نسأل: احنا في حياتنا ماشيين ورا الـSide Quests اللي بتسرق وقتنا، ولا مركزين على الـMain Story اللي فعلاً بتودّينا لقدّام؟YouTubeInstagramFacebook pageTikTokبنعدّي مع بعض على:الفرق بين المهم والرنان: إزاي مهمة صغيرة تغيّر مسار مشروع حياتك.التكرار: إمتى يبقى عادة ذكية تتبني، وإمتى يبقى طحن فارغ ويستهلكك.إطار عملي سريع لاختيار المهام: حدّد الهدف، قصّ الزوايد، وزّع المجهود على مدى زمني ينفعك.لو الحلقة فادتك، شاركها مع حد محتاج يرجّع تركيزه على قصته الرئيسية، وسبلنا رأيك: إيه الـSide Quest اللي ناوي تقفله الأسبوع ده عشان تكمل الـMain Story بتاعتك؟#وقت_الحدوتة #لعبة_الحياة #لعبة_الحياه #تاريخ_الحكي #حكي #سرد #جيمينج #ألعاب #صناعة_الألعاب #GameDev #GameDesign #MainStory #SideQuest #AssassinsCreed #اساسنز_كريد #Ubisoft #CharlesRandall #كائن_لا_تحتمل_خفته #ميلان_كونديرا #MilanKundera #TheUnbearableLightnessOfBeing #توماس #تيريزا #العادات #تكرار #إدارة_الوقت #تطوير_الذات

    5 min

  10. 09/19/2025

    كليله ودمنه | وقت الحدوته

    رحلة في "كِليلة ودِمنة" حكايات حيوانات بتِكشَف بيها طبائع البشر والسياسة والسلطة. أصل الحكايات جاي من نص هندي قديم اسمه “البَنجَتَنترا” واترجَم للفرس وبعدين للعربي على إيد ابن المقفّع في القرن الثامن، واتنقلت بعدها لعشرات اللغات. في الحلقة دي بنحكي تاريخ الكتاب، ليه اتكتب، ليه الأبطال حيوانات، وإزاي فصل “محاكمة دِمنة” بيورّي خطورة الدهاء السياسي لما يتلبّس ثوب الحكاية. وفي الطريق بنقارن بروح إيسوب، وبنفتح سؤال: إيه اللى دخل الحيوانات في الحكايات؟

    7 min

  11. 09/05/2025

    سلاح الحكايات - ليه بنحكي حواديت؟

    من نار الكهف لحد ما الغزالة دخلت عقلنا… رحلة سريعة في “تاريخ الحكي” وازاي الحكاية بقت سلاح يجري قدّامنا ويغيّر الواقع. في الحلقة دي بنعدّي على المحطات الكبيرة: من المسمارية وجلجامش، لسِنوحي وإيسوب، لخيال الظل والأراجوز والسيرة وشهرزاد، للحكواتي الشامي، للطباعة، للسينما والراديو والتلفزيون… لحد سؤالنا الأساسي: ليه السلطة بتمسك الغزالة وتخلّي الناس تجري وراها؟

    7 min
  • 11 Episodes

About

في حاله بين النوم والصحيان، عقلك بيفتكر تفاصيل صغيره أوي ويركز عليها، ويعمل منها حدوته، دا وقت الحدوته

Information

  • Creator
    Omar Osama
  • Years Active
    2025 - 2026
  • Episodes
    11
  • Rating
    Clean
  • Copyright
    © Omar Osama
  • Show Website
    وقت الحدوته

You Might Also Like