بودكاست بالفلاحي

Mohamed Fawzy Hegab
  • 0.0 (0)
  • ENTREPRENEURSHIP
  • UPDATED WEEKLY

في بودكاست بالفلاحي بناقش المواضيع إللي تخص المزارعين بشكل بسيط وبلغة قريبة من لغة الفلاحين❤️❤️

  1. 12/24/2025

    بودكاست بالفلاحي - المزارع الموثوقة Trusted Farms

    مزارع الفراولة الموثوقة ❤️ في معلومة حقيقية ومهمة جدا عاوز المزارعين بتوع الفراولة يبقوا عارفينها كويس 😌 ان دلوقتي بقي في تشديد رهيب علي الفراولة المجمدة المصدرة من مصر إلي أوروبا وده عامل حالة كبيرة من القلق بين المستوردين إللي خايفين علي العقوبات إللي ممكن تطبق عليهم من الاتحاد الأوروبي لو ظهرت عندهم شحنات كتيره فيها مبيدات ☺️ وطبعا هنا كمان بين المصدرين إللي خايفين هما كمان من الكوارث إللي ممكن تحصل لو أتمسك ليهم شحنه أو اكتر فيها مبيدات ☺️ وده بالمناسبة مش علي الفراولة بس 😌 ده علي كل الخضروات والفواكهة المجمدة إللي بتتصدر للإتحاد الأوروبي 😌 وده معناه إنه هيبقي في تشديد كبير وحرص جامد من قبل المصنعين في مصر علي موضوع المبيدات وده الحقيقة في حد ذاته كويس مش وحش 👌 وده هيخلي المزارع إللي فيها عك هتبقي أسعارها قليلة جدا وممكن تتعرض لخسارة كبيرة 🥲 وبالعكس المزارع الملتزمة هتبقي فرصتها أفضل في السعر وفي التوريد 👌 وعشان كده فكرت في حل كويس 👌 هنبدأ السنه دي ننفذ أول خطوات برنامج المزارع الموثوقة Trusted farms 👌❤️ وايه هي المزارع دي بقي إن شاء الله 🤔 دي عبارة عن عدد معين من المزارع ٢٠-٥٠ مزرعة هنطبق فيهم نفس معايير الجودة إللي أنا بطبقها في مزرعتنا اجروتوبيا 👌 من حيث قوائم المبيدات وكمان المبيدات المستخدمة ونفس البرتوكول المكافحة 👌 هنسحب عينات من المزرعة دي ٦ مرات في السنه مرة في بداية التعاقد وفي كل شهر مرة من شهر ١ لحد شهر ٥👌 هنقارن التحاليل بالمواد المستخدمة وهنسجل النتايج في موقع الشركة تحت إسم Trusted Farms وهفتح ليهم مجال التوريد المباشر لعدد ٣-٤ مصانع 👌 وهنرجع نتابع نتايج التحاليل في المصانع دي ولو في عدم تطابق هنسجل ده في بيانات سجل المزرعة علي الموقع 👌 وبالتالي المصانع هتقدر تعرف مدي التزام المزرعة دي من عدمه ☺️ طب في شوية أسئلة محتاجين نعرفها 🤔 هل ممكن أي مزرعة تدخل 🤔 الإجابة لأ 😊 هما ٢٠ مزرعة كمرحلة أولي وبعدها كمان ٣٠ مزرعة كمرحلة تانية بس السنه دي ☺️ طب إيه شروط دخول المزرعة في البرنامج ده 🤔 أولا المساحة لا تقل عن ١٠ فدان في مكان واحد ويكون نصهم علي الاقل فيستفال وفرتونا 👌 ثانيا تكون مداره مباشرة من صاحب المزرعة مش من خلال فلاحين بنظام الشراكة ( لأنهم تعبوني قبل كده وهما كفيلين يبوظوا أي برنامج الحقيقة 😂) ثالثا هيدفع رسوم الاشتراك إللي هما ١٥ الف جنيه 😊 إللي هيتعمل بيهم تحليل أول مرة والخمس تحاليل إللي بعد كده 😌 طب السؤال الاخير دلوقتي هل لازم أورد ليك يا دكتور محمد 🤔 لأ خالص 🙂 مش شرط إنت حر ❤️ في النهاية إللي شايف إنه محتاج البرنامج ده يتواصل مع المهندس محمد حامد ❤️ 0103 3332453 ٠١٠٣٣٣٣٢٤٥٣ وهعمل حلقة بودكاست عن الموضوع ده هنتكلم فيه اكتر إللي حابب يبقي يسمعها 👌 مساؤكم جميل 🌹 ❤️

    53 min

  2. 12/05/2025

    ‎⁨بودكاست بالفلاحي - الثقة والأمانة سر النجاح في الزراعة مع شوية اقتصاد⁩

    ‎⁨بودكاست بالفلاحي - الثقة والأمانة سر النجاح في الزراعة مع شوية اقتصاد⁩

    1h 24m

  3. 11/21/2025

    بودكاست بالفلاحي - هل حالة الاحباط في الفراولة مبررة ☺️

    في إحباط بين مزارعي الفراولة في بداية الموسم 😌 فهل ده مبرر فعلا 🤔

    51 min

  4. 11/07/2025

    بودكاست بالفلاحي - استخدام المبيدات في الفراولة

    إزاي أقدر أعرف إن المبيد ده مسموح في الفراولة ولا لأ 😊

    1h 1m

  5. 10/31/2025

    بودكاست بالفلاحي - رحلة كفاح في عالم الصناعة مع م عماد غنيم

    أول قصة نجاح لينا في البودكاست ده خارج القطاع الزراعي

    1h 22m

  6. 10/25/2025

    بودكاست بالفلاحي - كيف تتحول من غني إلي فقير 😌

    كيف تتحول من غني إلي فقير 😌 لما تيجي تبص حواليك هتلاقي ناس كتيره كانت يوما ما أغنياء جدا ودلوقتي بقوا ناس عاديين وناس تاني كتيره عدت منهم وتجاوزتهم 😌 هل سألت نفسك مره ليه أو إيه إللي حصل 🤔 كنت سألت أحد المقربين مني محاولا الاستفسار منه عما حدث جعله يتراجع بشده ولقيته فعلا هو كمان متحير ومش عارف بس اجابته كانت جميلة أنا عمري ما خسرت بشكل كبير ( يعني عمري ما اشتريت حاجه بجنيه وبعتها ب ٧٠ قرش مثلا) وعمري ما شربت سجارة ولا عملت حاجه وحشه ( يقصد مضيعش فلوسه في الحرام)😊 اومال إيه إللي حصل أنا بسأله رغم إني عارف الإجابة 🤔 بيقولي والله ما أعرف 🥲 الإجابة ببساطة هو الثبات وعدم تحقيق نمو في ظل اقتصاد تصخمي شرس أو حتي نظام عالمي مبني أساسا علي التضخم 😌 إنت متخيل إن الدولار بهيبته بسيطرته بقوة أمريكا إللي وراه فقد ٣٠% من قيمته آخر سنه لما تيجي تقارنه بالدهب 😌 و٥٠% من قيمته في آخر ٥ سنوات 😌 يعني إللي كان معاه ١٠٠٠ دولار من ٥ سنين دلوقتي يشتروا بس ب ٥٠٠ دولار يعني خسر نص فلوسه في ٥ سنين 😌 وإللي كان معاه ١٠٠٠ دولار من سنه يشتري بيهم دلوقتي إللي كان بيشتريه ب ٧٠٠ دولار من سنه يعني خسر تلت فلوسه 😌 ومره تانيه أنا بتكلم عن الدولار مش الجنيه المصري ولا الليرة التركي ولا الليرة اللبناني 😌 نرجع بقي للسؤال تاني إيه إللي يخلي واحد كان ماشي حلو ومحقق نتايج كويسه فجأة تلاقيه مش في السوق 🤔 عدم النمو ☺️ يعني إيه 🤔 يعني كنت بزرع ٥ فدادين فراولة من ٥ سنين وربنا بيكرمني كل سنه وكل أرباحي بصرفها علي أي حاجه 😊 المهم كل سنه بزرع الخمس فدادين بتوعي ☺️ دلوقتي أخينا ده بقي بيزرع في الحقيقة فدانين ونص بس 😌 واحد بيبيع اسمدة ومبيدات ب ١٠ مليون في السنه من ٥ سنين وهما هما ال ١٠ مليون لحد دلوقتي يبقي كده كأنه بيبيع ب ٥ مليون ☺️ خمس سنين كمان تلاقي أخينا إللي كان زارع ٥ فدان فراولة يادوب كأنه زارع فدان واحد 🥲 وبدل ما كان بيجيب دبابة وبيعمل عمره كل سنه بقي بيعاني عشان عاوز يجوز ابنه أو يجهز بنته ☺️ النمو معدش رفاهية في زمن ببقي بيحصل فيه انهيار للعملة بشكل رهيب 😌 الإقتصاد العالمي أساسا مبني علي فكرة التضخم لإنه مؤمن بنظرية الاقتراض وإن أخد الفلوس النهاردة أعمل بيها مصنع واسدد الفلوس دي من إنتاج المصنع علي ١٠-١٥ سنه 😌 وده غصب عننا بيأثر علينا كلنا حتي علي إللي بيبيع شرابات في الشارع 😌 بقول الكلام ده وأنا قلته اكتر من مره عشان الناس حبايبي يفهموا الحقيقة ببساطة ووضوح ويخلوا بالهم من فخ الاستقرار ☺️ وده زي ما بيسري علي كأشخاص أو شركات طبعا بيسري علي دولتنا ☺️ عشان كده دايما أقول مفيش حل لمصر غير النمو ثم النمو ثم النمو بشكل سريع وبأقصي درجة 😌 والدولة أساسا في حقيقتها عبارة عن مجموعة أشخاص وشركات يعني لما الشركات و الاشخاص يحققوا النمو الدولة ذات نفسها هتكون بالفعل حققت النمو 👌 نفسي الدولة تقدر تحقق نمو ١٠% سنويا لمدة ١٠ سنين 🙏 لو ده حصل الناتج القومي هيتضاعف مرتين ونص 😳 حتي ساعتها التضخم لو زاد بقيمة مرتين ☺️ يبقي إحنا حققنا نمو حقيقي ٥٠%👌👌 الخلاصة إحنا في زمن سريع تنافسي وغير عادل إللي ينام شويه فيه أو يريح هيصحي يلاقي نفسه خارج اللعبة 😌 آه عواقب النمو المتسارع وخيمة وممكن تلبس في الحيطة بس عواقب الثبات هي الموت المحقق 🥲 صباحكم جميل وكله علم وفهم ونمو ❤️🙏👌

    1h 2m

  7. 10/10/2025

    بودكاست بالفلاحي - حياتي من أولي ابتدائي حتي اليوم 😌

    عمر نايل صديقي الذي لم أكن اعرفه 😌 بس هو كان يعرفني جدا جدا جدا ❤️☺️ عنده أسئلة كتيره وقرر يسألها لي لايف بدون أي ترتيب 😌 الحقيقة اتطرق لحتت محدش سألني عليها قبل كده 👌

    1h 38m

  8. 10/10/2025

    بودكاست بالفلاحي - مع عمر نايل

    عمر نايل صديقي الذي لم أكن اعرفه 😌 عمر رحلة كفاح ومعافرة بيقع وبيتكعبل في حياته وبيخسر كل فلوسه ٣ مرات 😌 وفي كل مرة يقوم أقوي من الأول 👌 بصراحة مكنتش متخيل إن في حد من قرية بسيطة من مركز بدر يقدر يوصل للعالمية بالطريقة دي 😌 اسمعوا البودكاست ده وإنتوا تعرفوا ليه أنا في ذهول حتي الآن 😊

    1h 21m
See All (20)

About

في بودكاست بالفلاحي بناقش المواضيع إللي تخص المزارعين بشكل بسيط وبلغة قريبة من لغة الفلاحين❤️❤️

Information