Idir Chroí agus Anam

Tomaí Rua
  • 0.0 (0)
  • RELIGION & SPIRITUALITY

Téigh ar aistear le Tomaí Rua agus é ag cíoradh ábhar caolchúiseach, neamhshaolta, dofheicthe - is é sin tóraíocht uilíoch an tsuaimhnis, an domhan inmheánach, an spioradáltacht. Le linn na sraithe bíonn comhráite oscailte ionraice ag Tomaí le haíonna den scoth faoi thraidisiúin éagsúla ghaoise, faoin dearcadh atá acu ar mhistéir na beatha, agus faoi chleachtaí spioradálta ó cheann ceann na Cruinne. Tá lón machnaimh le fáil ina gcuid focal feasa, sin agus ábhar misnigh do gach taistealaí ar thuras an tsaoil. Le tacaíocht ón Chiste Craoltóireachta Gaeilge, Scáileán Thuaisceart Éireann.

Episodes

  1. Pádraigín Ní Uallacháin | An Caoineadh, Leigheas an Cheoil agus Bandéithe na hÉireann

    10/28/2025

    Pádraigín Ní Uallacháin | An Caoineadh, Leigheas an Cheoil agus Bandéithe na hÉireann

    Is amhránaí, scríbhneoir, taighdeoir agus cumadóir í Pádraigín Ní Uallacháin a bhfuil a saol caite aici sna healaíona traidisiúnta, ag caomhnú amhráin a ceantair dúchais féin, Oirialla, agus ag cruthú saothar nua a bhfuil idir dhoimhneacht mhothúchánach agus saibhreas ceoil ina chroílár. Shuigh sí féin agus Tomaí síos le labhairt ar an bhás agus ar an bheatha, ar thraidisiún an chaointe agus ar bhandéithe na hÉireann. Phléigh siad chomh maith an tráma idirghlúine agus an tionchar atá aige ar Ghaeil inniu, foinse na cruthaitheachta, agus an bhrí níos doimhne a bhaineann lena cuid oibre i ndomhan na hamhránaíochta. Tá tuilleadh eolais faoi shaothar Phádraigín le fáil ar a suíomh idirlín irishsong.com

    43 min
  2. An tAthair Brian Ó Fearraigh | Cleachtadh an Ghrá agus Dúchas an Chreidimh

    10/27/2025

    An tAthair Brian Ó Fearraigh | Cleachtadh an Ghrá agus Dúchas an Chreidimh

    Tá an tAthair Brian Ó Fearraigh ina shagart paróiste i nGaoth Dobhair, Gaeltacht Dhún na nGall. Labhair sé le Tomaí faoina shaol féin mar shagart, faoi bhunteagasc na Críostaíochta, agus faoin íomhá atá aige féin go pearsanta de Dhia. Phléigh siad chomh maith an tart spioradálta atá ar dhaoine - in ainneoin na n-athruithe atá tagtha ar an tsochaí - agus an nasc domhain atá idir an creideamh, an oidhreacht agus an dúlra. Ar an drochuair, chuaigh Teach Pobail Mhuire i nGaoth Dobhair trí thine i mí Aibreáin 2025. Táthar ag bailiú airgid le Teach Pobail nua a thógáil agus is féidir tacú leis an fheachtas ar a leathanach gofundme.

    50 min
  3. Siobhán de Paor | An Réabhlóid Anama, Fuinneamh na Gaeilge agus Naofacht an Mháithreachais

    10/26/2025

    Siobhán de Paor | An Réabhlóid Anama, Fuinneamh na Gaeilge agus Naofacht an Mháithreachais

    Is file, scéalaí agus ceiliúraí í Siobhán de Paor atá ina léiriú beoga beathach ar an athshealbhú teanga, traidisiún agus diagachta atá ar siúl sa lá atá inniu ann. Labhair sí le Tomaí faoin réabhlóid anama a thug uirthi aghaidh a thabhairt ar an India, faoin tsaoirse atá le fáil sa chomhfhios Gaelach, agus faoi dhúshlán agus naofacht na breithe. Is féidir teacht ar níos mó eolais faoin obair ar leith a dhéanann Siobhán ar saordepaor.com

    44 min
  4. Antain Mac Lochlainn | Na Stóigh agus Tóraíocht na Dea-Bheatha

    10/25/2025

    Antain Mac Lochlainn | Na Stóigh agus Tóraíocht na Dea-Bheatha

    Cad é an Stóchas? An bhfuil an teagasc go fóill ábhartha do shaol an lae inniu? Cad iad na cosúlachtaí idir é agus an Búdachas? Labhair Tomaí faoin ábhar sin agus tuilleadh leis an sár-aistritheoir agus scríbhneoir Antain Mac Lochlainn. Phléigh siad an chomhairle a bhí ag na Sean-Stóigh, an dóigh ar amharc siad ar an chosmas, agus ar an dúshlán a bhaineann le cuid de na téarmaí fealsúnachta a aistriú go Gaeilge. ‘Tóraíocht na Dea-Bheatha’ is teideal don leabhar atá scríofa ag Antain ar chuid de na fealsaimh is clúití de chuid na Sean-Ghréige agus na Sean-Róimhe, saoithe an Stóchais ina measc. Is féidir an leabhar a cheannach ar leabharbreac.com

    41 min
  5. Jenny Ní Ruiséil | Cosán an Ióga, Ayurveda agus Leigheas an Athcheangail

    10/24/2025

    Jenny Ní Ruiséil | Cosán an Ióga, Ayurveda agus Leigheas an Athcheangail

    Is múinteoir ióga, ceoltóir agus treoraí í Jenny Ní Ruiséil atá ag athcheangal le naofacht dúchais na hÉireann trína cuid ceoil agus cleachtas. Labhair sí le Tomaí faoina haistear pearsanta féin, faoin teagasc ársa domhain de chuid na hIndia, Tantra, ar an mhodh leighis Ayurveda, agus ar thraidisiún na mantraí. Mhínigh Jenny chomh maith an bealach a bhfuil sí féin agus daoine eile ag athnascadh le bandéithe na hÉireann agus le spiorad na talún. Is féidir tuilleadh a fháil amach faoi cheol Jenny, agus faoi na ranganna agus imeachtaí áille a eagraíonn sí, ar jennyniruiseil.com

    38 min
  6. Michael Harding | Súile an Chroí agus Brí na Beatha

    10/23/2025

    Michael Harding | Súile an Chroí agus Brí na Beatha

    Cad é mar is féidir linn a bheith i láthair agus suaimhneach san aois ghnóthach seo? An bhfuil brí leis an saol? Cad iad na cosúlachtaí idir mór-reiligiúin na cruinne? Phléigh Tomaí na ceisteanna sin agus tuilleadh leis an údar aitheanta, colúnaí leis an Irish Times agus iarshagart, Michael Harding. Thrácht siad chomh maith ar struchtúr coilíneach na hEaglaise Caitlicí in Éirinn, ar an bhás, agus ar an dóigh a gcuidíonn an Búdachas le Michael a bheith ina Chríostaí níos fearr. Chun teacht ar an eolas is déanaí faoi leabhair Michael agus faoi na camchuairteanna iontacha a dhéanann sé ar fud na hÉireann, tabhair cuairt ar michaelharding.ie

    38 min

  7. SEASON 1, EPISODE 1 TRAILER

    Réamhrá le Tomaí Ó Conghaile

    Labhraíonn Tomaí Rua faoin chúis ar chinn sé ar thús a chur le podchraoladh faoi thóraíocht an tsuaimhnis, faoin saol inmheánach, faoin spioradáltacht. Insíonn sé dúinn faoina thuras pearsanta féin - ó bhás a mháthar go searmanais plandaí leighis - agus tugann blaiseadh de chuid den ábhar comhrá a bheidh le cluinstin le linn na sraithe. Tá idir ailt, fhilíocht agus aistriúcháin faoi na téamaí seo foilsithe ag Tomaí agus is féidir a chuid oibre a leanúint ar Instagram agus ar ardáin eile. Faoi Thomaí: Is scríbhneoir, aistritheoir agus cuardaitheoir é Tomaí Rua atá aitheanta as a chuid oibre sna meáin Ghaeilge. Bhunaigh sé an iris chultúir NÓS (agus Gradaim NÓS ina dhiaidh sin), bhí sé ina láithreoir raidió agus teilifíse leis an BBC ar feadh na mblianta, agus bíonn sé le cloisteáil go minic ar RTÉ Raidió na Gaeltachta. Is ball bunaidh é den ghluaiseacht cearta teanga An Dream Dearg agus chaith sé sé bliana ag obair leis an Choimisiún Eorpach sa Bheilg, áit ar chuir sé tús leis an fhéile bhliantúil Éigse na Bruiséile. Is mór an spéis atá aige i gcleachtais chneasaithe dúchais agus le deich mbliana anuas tá sé ag fiosrú an cheangail idir leigheas plandaí agus tráma na sinsear i gcomhthéacs na hÉireann, go háirithe an ról atá ag an Ghaeilge san obair thábhachtach sin.

    7 min

Trailer

About

Téigh ar aistear le Tomaí Rua agus é ag cíoradh ábhar caolchúiseach, neamhshaolta, dofheicthe - is é sin tóraíocht uilíoch an tsuaimhnis, an domhan inmheánach, an spioradáltacht. Le linn na sraithe bíonn comhráite oscailte ionraice ag Tomaí le haíonna den scoth faoi thraidisiúin éagsúla ghaoise, faoin dearcadh atá acu ar mhistéir na beatha, agus faoi chleachtaí spioradálta ó cheann ceann na Cruinne. Tá lón machnaimh le fáil ina gcuid focal feasa, sin agus ábhar misnigh do gach taistealaí ar thuras an tsaoil. Le tacaíocht ón Chiste Craoltóireachta Gaeilge, Scáileán Thuaisceart Éireann.

Information

  • Creator
    Tomaí Rua
  • Years Active
    2K
  • Episodes
    7
  • Rating
    Clean
  • Copyright
    © Tomaí Rua
  • Show Website
    Idir Chroí agus Anam