بودكاست يافندم

ماجى ناجى

بودكاست “يا فندم” هو قاعدة حلوة مع ناس عاديين شبهي وشبهك، بيحكوا عن حياتهم اليومية وإنجازاتهم البسيطة اللي في الحقيقة عظيمة. من خلال الحكايات دي، بنشوف إزاي الإنسان يوصل للرضا النفسي بأبسط الأشياء، وبنفكر بعض بأخلاقنا، و ديننا، ومبادئنا اللي اتربينا عليها. البودكاست هو مساحة دردشة بسيطة بنقول فيها الحلو والوحش، ونطلع دايمًا برسالة إن الحياة حلوه لما نتاملها ونقدر تفاصيلها ونشوف النعم....انما الانسان أثر فاصنع أثرك.. https://linktr.ee/yafandempodcast

  1. Oct 4

    حلقة ٢٢|من صحاب الكلية..لمشروع عمره ١٢ سنة|مع ضيوفي منة و سارة و مروة#بودكاست_يافندم# La Boutique

    في الحلقة دي من بودكاست يا فندم، بنحكي حكاية 3 بنات بدأت بالصدفة في الكلية، رغم إن كل واحدة فيهم كانت داخلة وهي مش متخيلة أصلًا إنها هتكون في نفس المكان مع التانية!خلفيات مختلفة، مدارس مختلفة، وشخصيات مختلفة… لكن حاجات بسيطة زي اللبس والاهتمامات والتدين كانت بداية التعارف، ومع الوقت الصداقة كبرت وبقت علاقة قوية جمعتهم. وبعد فترة، بدأت فكرة مشروع عند واحدة منهم… وبعدها انضمت التانية، ثم التالتة، وتحولت الفكرة من مجرد مشروع صغير إلى صفحة متخصصة في ملابس المحجبات بدأت من سنة 2014 واستمرت لسنين. في الحلقة هنعرف:✨ إزاي بدأت صداقتهم؟ ✨ إيه اللي جمع 3 شخصيات مختلفة مع بعض؟ ✨ إزاي تحولت الصداقة لشراكة في مشروع؟ ✨ إيه أصعب المواقف اللي قابلتهم في رحلة المشروع؟ ✨ إيه اللي بيميزهم وبيميز اختياراتهم في ملابس المحجبات؟ ✨ وإزاي قدروا يكملوا مع بعض كل السنين دي؟ حكاية عن الصحوبية، الاختلاف، الشراكة، والمشوار اللي بدأ من غير تخطيط وانتهى بقصة تستحق تتحكي. 🎙️ بودكاست يا فندم حكايات بسيطة… بس وراها تفاصيل كتيرمع ماجي ناجي انما الانسان اثر فاصنع اثرك تقدر تتواصل مع La Boutique علىFacebookhttps://www.facebook.com/share/1LsNQqZXB1/?mibextid=wwXIfrInstagram https://www.instagram.com/laboutiquestore.eg?stkn=Y2I1ZHY0d2JsZmY0 تقدر تتابعنا على Youtube https://youtu.be/Q74i2nuqdXo?si=vuwZIsFOqHMG37Yl Anghami https://open.anghami.com/4ZaHcyJ7X6b Like and subscribe

    حلقة ٢٢|من صحاب الكلية..لمشروع عمره ١٢ سنة|مع ضيوفي منة و سارة و مروة#بودكاست_يافندم# La Boutique

  2. Sep 11

    حلقة ٢١|..لما الأمـــان يتحول لإدمــــان..|عن التعلق القلق مع ضيفتنا مها عبد المنع

    في حلقة جديدة من بودكاست يا فندم، قعدتنا النهارده مع ضيفتنا مهة عبد المنعم، في رحلة صادقة ومليانة مشاعر عن التعلق والقلق، وعن إزاي ممكن الإنسان يلاقي نفسه متعلق بشخص لدرجة إنه مش قادر يتخيل حياته من غيره. مَها بتحكيلنا عن تجربة مرت بيها ، وإزاي الرحلة دي خلتها تلجأ لمتخصص، وتبدأ تفهم أسباب التعلق والقلق، وتكتشف إن التعافي ممكن، حتى لو الطريق مش سهل.هل إدمان الأشخاص ممكن يكون شبه إدمان المواد المخدرة؟ في الحلقة هنتكلم عن:• أسباب التعلق والقلق .• الفرق بين الحب والتعلق .• ليه بنتمسك بأشخاص رغم إن العلاقة بتتعبنا؟ • إزاي نبدأ رحلة التعافي ونساعد نفسنا؟ • وهل فعلًا نقدر نتعافى من كل شيء؟ حلقة لكل حد حس قبل كده إنه مش قادر يبعد، أو إن راحته وسعادته بقوا متعلقين بوجود شخص تاني.التعافي ممكن، والبداية إننا نفهم نفسنا، ونطلب المساعدة لما نحتاجها. 🫂 قعدة حلوة، وضحك من غير فلتر معاكم ماجى ناجي انما الانسان أثر فاصنع أثرك تقدرواتسمعونا و تشتركو في القناة على YouTube https://youtu.be/rbZXyhjGugA?si=GNe2xy5JnUZyjbk6 Anghami https://open.anghami.com/fYxwBQFVl6b Like & subscribe

    حلقة ٢١|..لما الأمـــان يتحول لإدمــــان..|عن التعلق القلق مع ضيفتنا مها عبد المنع

  3. May 19

    حلقة ٢٠|انا مش نسخة حد..متحاولش تبقى حد تاني غير نفسك|مع ضيفتنا رملة الحفناوي#بودكاست_يافندم

    في الحلقة دي من بودكاست "يا فندم" هنسمع رحلة مختلفة جدًا…رحلة رملة الحفناوي، البنت اللي شخصيتها القوية واختلافها كانوا سبب تميزها مش عائق في طريقها. من حب الفن والموهبة، لتكوين فرقة إسلامية بالدف من وهي في سن صغير…لرحلة أعمق مع التدبر ودار الذكر وحفظ القرآن، بعد ما كان مجرد فكرة إنها تحفظ شيء بعيد عنها. إزاي قدرت توازن بين الفن، والشخصية القيادية، والرحلة الروحية؟وإزاي لحظة واحدة خلت جواها شغف حقيقي إنها تفهم القرآن مش بس تحفظه؟ حلقة مليانة صدق، اختلاف، وقصة ملهمة عن إن كل واحد فينا ممكن يلاقي طريقه بطريقته الخاصة 🤍 انما الانسان أثر ...فاصنع أثرك معاكم ماجي ناجي تقدر تتابعنا على Youtube https://youtu.be/UvknEXiJ3hw Anghami https://open.anghami.com/NjHWuVg4g3b LIke & subscribe #بودكاست_يافندم #رملة_الحفناوي #حفظ_القرآن #التدبر #الدف #قصص_ملهمة #تطوير_الذات #الهوية #رحلة_التغيير

    حلقة ٢٠|انا مش نسخة حد..متحاولش تبقى حد تاني غير نفسك|مع ضيفتنا رملة الحفناوي#بودكاست_يافندم

  4. Apr 30

    حلقة ١٩-|حلقة عن جلد الذات مع الـ(مش) دكتورة ضيفتنا إلهام عبدالسلام

    حلقة انهارده مع ضيفتنا الهام عبدالسلام الحكاية النهاردة حكاية البنت الصغيرة دي، اللي هي مسمياها "فريدة" عشان هي فعلاً أول ما اتعلمت تشوفها شفتها فريدة ، البنت اللي ف إبتدائي كان بيتقال لها يا قُزعة ، و بتنزل تاني يوم المدرسة تقف و هي مش باينة م الأرض تمسك المايك و تأدي دورها ف الإذاعة المدرسية بمنتهى الحماس قدام مراحل عُمرية أكبر و ناس طويلييين قوي .. اللي هيشوف الحلقة دي ، هيشوف أكتر نسخة مرتاحة و راضية من الهام، نسخة هي نفسها مكنتش تتخيل إنها ممكن تكونها ! عشان كدة مترددتش ثانيتين أول ما انا قلتلها اني عايزة أسجّل حلقة معاها، مفرقش معاها كام حد هيشوفها و لا كام حد هيُعجب باللي هتقوله ، عشان حقيقي سجّلتها و اتكلمت فيها من قلبها على أمل إنها تلمس حد واحد بس ، و من قبل ما تتذاع هي خلاص لقيته .. الهام: شكراً فريدة إني من خلالك بعرف إيه يبسطك و أوعدك مش وتكسف أبداً أعمله طالما ميغضبش ربنا ، شكراً لكل حد هيستثمر وقته في إنه يسمعني .. تحذير أخير .. لو مش جاهزين لجرعة مصداقية و صراحة و إلهام حقيقي متتفرجوش ! انما الانسان أثر..فاصنع أثرك معاكم ماجي ناجي المصادر اللي في الحلقة: كتاب د احمد ضبيع تقدرو تسمعوا الحلقة على :Youtube https://youtu.be/tAS6BTbsNyI Anghami https://open.anghami.com/fMXYrgyuL2b Subscribe& follow

    حلقة ١٩-|حلقة عن جلد الذات مع الـ(مش) دكتورة ضيفتنا إلهام عبدالسلام

  5. Apr 22

    حلقة ١٨-| ١٢ عملية و لسة مكملة...حكاية أميرة ما بين الالم و الرضا|مع ضيفتنا المحاربة: أميرة ابو ستيت

    انهاردة في الحلقة دي مع ضيفتنا أميرة ابو ستيت… قصة مش سهلة تتحكي، ولا تتعاش. سنين من التمرد على ظروف صعبة، وبعدها رحلة أصعب مع المرض… أكتر من 12 عملية، وشلل في الجهاز الهضمي لسه ملوش حل واضح.وسط كل ده… أم، عندها طفلين،ابنها الكبير بقى ضهرها الحقيقي… شايل معاها مسئولية أكبر من سنه. وفي نص الرحلة… فقدت والدتها في نفس وقت ولادة بنتها. وجع الفقد، مع وجع المرض… بس لسه واقفة.دي حلقة عن: مش بس الألم… لكن عن الرضامش بس التعب… لكن عن القوةومش بس الخسارة… لكن عن اللي بيخلينا نكمل رغم كل حاجة أميرة مش بتحكي قصة مرض…هي بتحكي إزاي الإنسان ممكن يعيش… حتى وهو موجوع.أذاي تفضل تحارب و تتشبث بكل امل موجود انما الانسان أثر فاصنع أثرك معاكم ماجي ناجي تقدر تتابع بودكاست يافندم على YouTube https://youtu.be/QQJvzyFBSXs Anghami https://open.anghami.com/zICOH0Bny2b Subscribe & follow

    حلقة ١٨-| ١٢ عملية و لسة مكملة...حكاية أميرة ما بين الالم و الرضا|مع ضيفتنا المحاربة: أميرة ابو ستيت

  6. Apr 11

    الحلقة ١٧|كل حاجة بتعدى..فاذاي منصعبهاش على نفسنا..سر البساطة والخفة وسط الزحمة| مع ضيفتنا: نهى موسى

    انهارده مع ضيفتنا نهى موسى دكتورة صدر و حساسية بتحكي لنا رحلتها بشكل بسيط وصادق جدًا… من أيام ضغط كلية الطب، للتحديات اللي قابلتها في الشغل، لحد ما قدرت تبني عيادتها وتكمل طريقها بثبات ورضا. بنسمع مواقف إنسانية وخفيفة من حياتها اليومية، ولحظات فيها ضحك وسط الزحمة، وإزاي كانت دايمًا بتحاول تشوف الجانب المضيء حتى في أصعب الظروف. الحلقة بتتكلم عن الرضا، الإيمان، وإن الحياة مهما كانت صعبة فهي بتمر… المهم إحنا نعدّيها بإيه إحساس وإزاي نفضل متمسكين بالأمل و نراعى ربنا دائما بنلاقي كل حاجة حلوة بتتردلنا حلقة مليانة طمأنينة، خفة، وتجربة إنسانية قريبة من القلب 🤍 الحياة بسيطة و احنا جايين ضيوف نبسطها على الناس وعلى نفسنا عشان الحياة تستمر و نقدر انما الانسان أثر فاصنع أثرك معاكم ماجي ناجي قناة دكتورة نهى موسى للصدر و الحساسية https://www.facebook.com/drnohamoussa تابع بودكاست يافندم علي YouTube https://youtu.be/hr0c21K3q9g anghami https://open.anghami.com/Bce4HsLTf2b Subscribe

    الحلقة ١٧|كل حاجة بتعدى..فاذاي منصعبهاش على نفسنا..سر البساطة والخفة وسط الزحمة| مع ضيفتنا: نهى موسى

  7. Apr 4

    حلقة ١٦ Part 2|قالوا مش هتكمل ..فاضلها ايام..وحصلت المعجزة!|رحلة الهام مع ضيفتنا:مها عبد المنعم

    في الجزء الثاني من حلقة مها عبد المنعم، بنغوص أكتر في واحدة من أصعب التجارب اللي ممكن يمر بيها إنسان… مها بتحكي لحظة بلحظة عن إصابتها بـ Encephalitis، وإزاي وصلت لمرحلة حرجة جدًا لدرجة إن الأطباء توقعوا إنها مش هتكمل… وإن أيامها ممكن تكون قليلة.لكن اللي حصل بعد كده كان أقرب لمعجزة…رحلة تعافي مليانة إيمان، صبر، وقوة داخلية غير عادية، بتتكلم فيها مها عن إزاي قربها من ربنا كان نقطة التحول في حياتها. مش بس كده…هتسمعوا عن تجربتها في فرنسا لمدة 6 شهور وقت الكورونا، وإزاي التجربة دي غيرت شخصيتها بالكامل، وخليتها تعيد ترتيب أولوياتها وتركز على أسرتها وعلى نفسها.الحلقة مليانة رسائل مهمة: لكل أم عندها طفل بيمر برحلة علاج صعبة لكل طبيب في بداية طريقه لكل شخص فقد الأمل وبيحاول يقوم من جديدوفي النهاية، مها بتوجه رسالة شكر خاصة لكل الناس اللي دعمتها في رحلتها، اللي كان ليهم دور مهم في حياتها.حلقة عن الألم… لكن كمان عن الأمل، والإيمان، والبداية الجديدة ❤️ مها عاملة قناة لشرح امراض الدم اللي حابب يستفيد ده لينك القناة: https://youtube.com/@mahaabdelmoneimmohamed?si=J1ppT2Tss2n6Ivo4 انما الانسان أثر فاصنع أثرك معاكم ماجي ناجي Subscribe and follow us on Youtube https://youtu.be/lED2LDj_xS8 Anghami

    حلقة ١٦ Part 2|قالوا مش هتكمل ..فاضلها ايام..وحصلت المعجزة!|رحلة الهام مع ضيفتنا:مها عبد المنعم

  8. Mar 31

    حلقة ١٦ Part 1|هل ممكن الإنسان يتكسر أكتر من مرة… ويقوم كل مرة أقوى؟| رحلة إلهام مع ضيفتنا مها عبد المنعم

    في حلقة مؤثرة من بودكاست يا فندم مع ضيفتنا مها عبد المنعم، استشاري وأستاذ مساعد أورام أطفال، في رحلة إنسانية مليئة بالتحديات، الفقد، والاختيارات الصعبة… لكنها في النهاية كانت رحلة قوة ونضج وأمل.من فقد والدها، إلى فقدان المنتور والداعم الأساسي لها في مسيرتها الأكاديمية، مرورًا بتجارب نفسية صعبة دفعتها لطلب المساعدة والبدء في رحلة علاج … ورغم كل ذلك، استطاعت أن تكمّل طريقها، تحقق نجاحها المهني، تسافر في منحة دولية، وتبني حياة متوازنة كأم وزوجة وطبيبة ناجحة. هذه الحلقة ليست فقط عن الألم، بل عن:كيف يمكن للإنسان أن يعبر من أصعب اللحظات دون أن يفقد نفسه كيف نحول الصدمات إلى نقطة بداية جديدة وكيف يمكن للأمل أن يظهر حتى في أحلك الظروف إذا كنت تمر بفترة صعبة، أو تبحث عن طاقة تدفعك للاستمرار، فهذه الحلقة تحمل لك رسالة مهمة:أن ما تمر به قد يكون بداية لقوة لم تكن تعرف أنها بداخلك. انما الانسان أثر..فاصنع أثرك معاكم ماجي ناجي#بودكاست_يافندم #انجازات_بسيطة #قصص_واقعية #قصص_مؤثرة تابع بودكاست_يافندم علي Youtube https://youtu.be/ERxazJ-uHKA Anghami https://open.anghami.com/uVH60SvKX1b اشترك في القناة عشان يوصلك قصص اكتر هتلاقي واحده فيهم تلمسك

    حلقة ١٦ Part 1|هل ممكن الإنسان يتكسر أكتر من مرة… ويقوم كل مرة أقوى؟| رحلة إلهام مع ضيفتنا مها عبد المنعم
See All (40)

About

بودكاست “يا فندم” هو قاعدة حلوة مع ناس عاديين شبهي وشبهك، بيحكوا عن حياتهم اليومية وإنجازاتهم البسيطة اللي في الحقيقة عظيمة. من خلال الحكايات دي، بنشوف إزاي الإنسان يوصل للرضا النفسي بأبسط الأشياء، وبنفكر بعض بأخلاقنا، و ديننا، ومبادئنا اللي اتربينا عليها. البودكاست هو مساحة دردشة بسيطة بنقول فيها الحلو والوحش، ونطلع دايمًا برسالة إن الحياة حلوه لما نتاملها ونقدر تفاصيلها ونشوف النعم....انما الانسان أثر فاصنع أثرك.. https://linktr.ee/yafandempodcast

Information

  • Creator
    ماجى ناجى
  • Years Active
    2025 - 2026
  • Episodes
    40
  • Rating
    Clean
  • Copyright
    © ماجى ناجى
  • Show Website
    بودكاست يافندم