• صدى Thought •

Basouum
  • 0.0 (0)
  • SOCIETY & CULTURE
  • UPDATED WEEKLY

"طب وبعدين فى الدوشة الــــ جوا دى؟ خلاص خلاص ..هنخرجها و نواجه بيها العالم كمان" فى "صدى Thought" هتلاقى شوية رغى عشوائى للحاجات الـ بتيجى فى دماغنا وبتسحلنا بس مش دايما هنعبر عنها.. هنتكلم عن مواقف منسية صغيره وحتى ممكن تبقى عبثية.. ذكريات.. مشاعر.. حاجات بتيجى ف دماغك بس هتتكسف تتكلم فيها.. بُص مش عايزين نغير العالم عايزينها بس تحل عن دماغنا شوية عشان ننام.. اسمعونا.. و خلونا نردد صدى افكارنا سوا!

Episodes

  1. FEB 12

    "ما وراء الكواليس" ..

    خلصنا 7 حلقات.. بس هل الحكاية خلصت؟ النهاردا قررت احكى كأنى فى شات حد من اصحابى.. دى حلقة شكر وفضفضه من القلب للقلب.. لو حابين تعرفوا (صدى Thought) بدأ ازاى ورايح على فين.. اسمعوا مسك الختام للسيزون الاول.. " شكرا اوى انك كنتوا الكواليس الحلوة فى رحلتى.. نتقابل فى السيزون الجاى!"

    39 min

  2. FEB 5

    ع الهادى خالص

    ع الهادي.. الحياة مش سباق تتابع! "ليه دايماً حاسين إننا متأخرين؟ ليه بنصحى كل يوم بننهج وكأننا في سباق مع ناس إحنا مش عارفينهم أصلاً؟ في الحلقة دي هنتكلم عن رعب العشرينات و وهم السرعه.. فـ يا واش ياواش.. لو نَفَسك مقطوع وحاسس إن القطر فاتك، الحلقة دي معمولة عشانك.. عشان نفهم سوا إن الوصول بسلام، أهم بكتير من الوصول بسرعة. اسمعوا الحلقة وقولولي: إيه أكتر حاجة بتجري وراها ومخلياك مش عارف تستمتع بيومك؟"

    12 min

  3. JAN 29

    الطبع طلع غلاب..

    "انا طبعى كدا.. وبحب كدا.. وبحب اعيش ومعنديش الا كدا" و دا طبعا سلوجان مٌقتبس من احد روائع الفنانه نيكول سابا.. هو الطبع فعلا غلاب؟ ولا انت الـ مكسل تتغير!! فى حلقة النهاردا هنشوف هو فكرة اننا طباعنا كدا دى رخصة ماشيين بيها.. ولا تبرير لكسل انك تبذل مجهود عشان الـ بتحبهم.. اسمعوا الحلقة وقولولي : ايه اكتر طبع حاولتوا تغيروه فى الـ قدامكم وبعدين اكتشفتوا انكم بتحرقوا طاقة ع الفاضى.. اسمعوا البودكاست دلوقتى على Spotify و Apple Podcast..

    13 min

  4. JAN 22

    "وانا مالى يالمبى.."

    يعنى انت بتعانى من ترومات طفوله.. فـ جاى تكدرنا فـ 2026.. الحلقة دى لكل حد لقى نفسه فجأة بيدفع فاتورة جروح هو معملهاش.. هنتكلم عن الـ تعبان بجد و الـ واخدها شماعه عشان ضميره يبقى مستريح وهو بيرازى فى خلق الله.. اسمعوا الحلقة دى عشان تعرفوا تفرقوا بين الـ محتاج يتطبطب عليه والـ محتاج يتقاله "طب وانا مالى يالمبى!!"

    11 min

  5. JAN 15

    لأ.. و ألف لأ

    لو "حاضر" كلمة بتطلع منك كتير وانت مش عارف تبطلها.. تبقى الحلقة دى عشانك.. النهاردا هنحاول نفك شفرة "ليه بنخاف نقول لأ" .. و ازاى الموافقة ممكن تتحول لجلد ذات.. شوية فضفضة عن مواقف كان نفسك تقول فيها " لأ وألف لأ" بس لقيت نفسك بتقول " عيونى"..

    13 min

  6. JAN 8

    "انا كويس ياض.. انا كويس"

    النهاردا حلقة واقعية جدا بتلمس حاجة بنعيشها كل يوم.. ممكن نقول عليها تفريغ طاقه! الحلقة عن التمثليه الـ بنمثلها كل يوم الصبح.. فى الحلقة دى هنتكلم عن الثبات الانفعالى المزيف.. ليه بنلبس وش القوة واحنا من جوانا بننهار! مش هتبقى نصايح على قد ما هتلاقوا فضفضة عن الساقية الـ بنلف فيها.. اسمعوا الحلقة وعرفونى انتوا فعلا تمام ولا هنتكرم على تمثيلنا الهايل؟

    9 min

  7. JAN 1

    " قدر تتقدر "

    فى حلقة النهاردا هنفتح ملف شائك.. شعور بيفرق معانا كلنا وبنحس بيه بس مش دايما بنتكلم عنه "التقدير". ياترى ايه الـ بنحس بيه فى مرة نتعشم فى حتة تقدير و ماتحصلش و هل فى اعذار للناس الـ مابتقدرش.. اسمعوا حلقة (قدر تتقدر) عشان تعرفوا ليه"شكرا" هى ارخص حاجة ممكن تقدمها بس اغلى حاجة ممكن حد يستقبلها.. جهزوا هوت شوكوليت ويلا بينا

    15 min
  • 7 Episodes

About

"طب وبعدين فى الدوشة الــــ جوا دى؟ خلاص خلاص ..هنخرجها و نواجه بيها العالم كمان" فى "صدى Thought" هتلاقى شوية رغى عشوائى للحاجات الـ بتيجى فى دماغنا وبتسحلنا بس مش دايما هنعبر عنها.. هنتكلم عن مواقف منسية صغيره وحتى ممكن تبقى عبثية.. ذكريات.. مشاعر.. حاجات بتيجى ف دماغك بس هتتكسف تتكلم فيها.. بُص مش عايزين نغير العالم عايزينها بس تحل عن دماغنا شوية عشان ننام.. اسمعونا.. و خلونا نردد صدى افكارنا سوا!

Information