Uppsveitakastið

Jónas

0.0 (0)
SOCIETY & CULTURE

Spjall og hugleiðingar um menn og málefni í uppsveitum Árnessýslu

1D AGO

Magnús Orri - Rauðukambar

Magnús Orri Marínarson Schram kom til mín og kynnti fyrir okkur Rauðukamba í Þjórsárdal. Þar er verið að byggja hótel og baðstað sem er merkilegt sökum þess að hótelið og baðstaðurinn er inni í fjalli með frábæru útsýni suður yfir landið. Þegar hótelið opnar verður það með stærri vinnustöðum í sveitunum og líklega verður uppbygging í kring um hótelið talsverð. Það verður spennandi að fylgjast með þessu verkefni áfram og sjá þetta verða að veruleika.

1h 7m
FEB 18

Laugarás lagoon - Bryndís og Gísli

Tveir á tali, þeir Jónas Yngvi og Árni Þór, skruppu í Laugarás lagoon til að baða sig og fá sér eitthvað í gogginn. Þar hittum við Bryndísi Björnsdóttur, framkvæmdastjóra, og Gísla Matthías Auðunsson, matreiðslumeistara, og þau kynntu fyrir okkur Laugarás lagoon og veitingastaðinn Ylju. Það er skemmst frá að segja að bæði veitingastaðurinn og lónið eru frábærlega vel heppnuð og flottur nýr áfangastaður í uppsveitum Árnessýslu.

1h 9m
FEB 4

Bara tveir á tali

Við sátum tveir Jónas Yngvi og Árni Þór og fórum yfir það sem er efst á baugi í Uppsveitunum. Danir eru áberandi á Flúðum, þorrablót í fullum gangi, sum búin önnur ekki, íþróttastarf, skák, félagsstarf. Matarhornið var á sínum stað.

1h 2m
JAN 28

Atli og Alda

Þau setja sterkan svip á mannlífið og eru ófeimin við að prófa eitthvað nýtt. Atli Lilliendahl og Alda Björk Lilliendahl Ólafsdóttir komu í spjall og sögðu frá stórmerkilegu lífshlaupi sínu, Grænland, Svíþjóð, England, svo nefnd séu einhver lönd sem þau bjuggu í áður en þau hittust fyrir tilviljun hér á landi. Þau eru með ótal járn í eldinum og maður veltir helst fyrir sér hvernig sólarhringurinn nægir fyrir þau til að ná að vinna að öllu sem þau gera.

1h 21m
JAN 21

Rakel Theódórsdóttir - Byggðaþróunarfulltrúi

Tveir á tali, þeir Jónas Yngvi og Árni Þór, fengu til sín góðan gest. Rakel Theódórsdóttir, nýr byggðarþróunarfulltrúi uppsveitanna, kom í heimsókn og sagði okkur frá sér og sínum högum. Hún hefur komið víða við, afgreitt kaffi í London, unnið í Friðheimum, aðstoðað ferðamenn í vanda og bara alls konar. Núna er hún sem sagt orðin byggðaþróunarfulltrúi og leiðir okkur í allan sannleik um hvað það starf felur í sér.

1h 8m
JAN 14

Stefán Þorleifsson

Í þessum þætti er tekið hús á Stefáni Þorleifssyni, tónlistarmanni og kennara (og margt fleira). Hann tók á móti okkur í Tónsmiðju Suðurlands og við ræddum lífshlaupið, tónlistina, kennsluna og margt fleira. Stefán er lífsglaður og hláturmildur með skoðanir á hlutunum og við hefðum getað talað mikið lengur um tónlist og kennslu. Því miður voru einhverjir tæknilegir örðugleikar á upptöku spyrils þannig að í síðari hluta þáttarins voru spurningar stjórnanda teknar upp aftur og skeytt í á sína staði. Ég vona að þetta komi ekki að sök en það er búið að ganga í málið og vonandi verða ný tæki komin fyrir næsta þátt.

1h 2m
JAN 1

Árný Fjóla og Daði Freyr

Á nýársdag gáfu Árný Fjóla og Daði Freyr sér tíma til að kíkja við og spjalla við okkur í Tveir á tali. Við ræddum um tónlistina og myndlistina og bara flest milli himins og jarðar. Eurovision bar á góma ásamt leiklist í FSU og þar sem Árni Þór var einn af stjórnendum var auðvitað rætt um körfubolta. Það var virkilega gaman að fá þessa ungu listamenn í heimsókn og heyra aðeins af þeirra lífi.

1h 4m
12/17/2025

Tveir á tali - Við hvorn annan

Tveir á tali, þeir Jónas Yngvi og Árni Þór, spjalla um desember, jólin, hefðir og allt sem tengist jólunum...og þeim sjálfum. Pínulítið sjálfhverfur þáttur þar sem farið er um víðan völl. - Valið á uppsveitamanni ársins er í gangi og nokkrar tilnefningar hafa borist en við hvetjum alla sem hafa tillögur að hafa samband.

1h 10m

Spjall og hugleiðingar um menn og málefni í uppsveitum Árnessýslu

Creator

Jónas
Years Active

2K
Episodes

63
Rating

Clean
Copyright

© 2026 Uppsveitakastið
Show Website

Uppsveitakastið