Unger üs gseit

Julie Schulhofer und Fabian Amstutz

Eui semi-seriöse, semi-professionelle Kommunikationsexperte Julie und Fabian rede im Podcast «Unger üs gseit» über aui Sache Kommunikation. Tatsächlech simer nid würk Experte, sondern üs interessiert aues was Public Speaking, zwüschemönschlechi Kommunikation und Gebruch vo üsere Mundart ahgeit. Aus Studentin in Kommunikation und Medien ar ZHAW und begeisterti Moderatorin bringt Julie Erfahrig us dene Bereiche mit. Fabian isch zertifizierte Coach fürs Uftrete und er bsitzt grossartigi Storytelling Skills und möchti meh drüber rede was üsi Sprach usmacht. Jedi Wuche gits ä nöii Folg.

  1. 1d ago

    27: Innerer Dialog

    Was seit dir d Stimm ih dim Chopf? Redsch du positiv mit dir selber oder eher negativ. Schimpfsch mit dir, wöu de wieder z spät hesch ahgfange lerne, öbbis hesch vergässe oder öbbis hesch kaputt gmacht? Oder begegnisch dir eher mit Empathie und versuechsch di selber nid ache z mache? Es isch echt schwierig die negative Denkmuster wo sech es Lebe lang ihpflanzt hei im Chopf umzmodle, aber es isch nid unmüglech. Villech chasch us dere Episode dr eint oder anger Tipp mitnäh, wie de mit dir umgeisch wie mitere guete Fründin oder emne guete Fründ.

    1h 10m

  2. May 30

    26: Ethische Dilemmatas

    I derä Foug heimer z erste Mau ä Kommunikationsbeobachtig vo öperem wo üs offebar ab u zue lost, ds freut üs riiisig. Dasmau hei mir üs säuber di eher schwirigi Ufgab gsteut, üs über verschiedeni ethischi Dilemmata z ungerhaute… Wed inelosisch: wi würdsch du kommunikativ i so Gränzfäu reagiere?! Mir si erstuunlich nöch i üsne Perspektive. Stay tuned.. und unger üs gseit: s wird uf jede fau spannend.

    59 min

  3. May 23

    25: Redewendungen

    Wie oft mir Redewenige verwände ih üsem Sprachgebruch, isch de meischte äuä nid mau bewusst. Villech ou darum, wöu üs oh nid immer bewusst isch, was de Redewendige si und was nid. Es git paar schwizerischi Redewenige, wo Julie so nie hätt vermuetet und Fabian wird testet uf sis Wüsse, wöuer mau gseit het er isch richtig schlecht ih dene Sache.

    1h 7m

  4. May 16

    24: Gute TED Talks

    Zum Wort vom Tag mache mir usnahmswiis ä Abstecher is Bündnerland. Und d Kommunikationsbeobachtige schiine sich aus neui rubrik dürezsetze. Mir rede über gueti oder besser gseit unvergesslichi TED Talks und Präsentatione generell u analysiere was sone Präsentation bsunder usmacht. Tune in, s wird lustig u villech sogar chli lehrrich. Hie no aui Talks verlinkt: FrancescaHogi- How to Unlock Your Flirting Superpowers https://youtu.be/RXwQ7_hlL3g?si=tLkv7Dxi2tCeJEEE Will Stephen – How to sound smart in your TEDx Talk https://youtu.be/8S0FDjFBj8o?si=whijq8CxRdQKL1Pr Tim Urban –Inside the Minde of a Master Procrastinator https://youtu.be/arj7oStGLkU?si=9s2u20My0Z97o_PA Oz Pearlman – The Art of Reading Minds https://youtu.be/h3M00JI8Iwo?si=PCN7ualQI7NOTZJW

    1h 1m

  5. May 9

    23: "Social Hacking"

    "Social Hacking" beschriebt d Beeiflussig dür Kommunikation ih gsellschaftleche Situatione. Es isch hert ar Grenze zur Manipulation, aber je nachdem wiemers ihsetzt chamer würk Vorteile drus zieh. Ir dere Episode bespreche mir es paar so "social hacks", wo aber ganz harmlos si. Paar netti, chlini Tricks, wo euch sympathischer löh lah würke oder chöi häufe ih private oder bruefleche Situatione.

    1h 2m

  6. May 2

    22: Glaubenssätze

    Nachem locker-flockige Ihstieg inklusive ere neue Rubrik wirds ganz schnäu ganz deep. Hüt rede mir über intrinsischi Glaubenssätz wo sech wohl jedi und jede drmit cha indentifizere. Es geit um töif ih üsem Bewusstsi verankeriti Überzügige, wo positiv, aber ou negativ chöi si. Bi wellne gsehsch du di wieder? Gueti Nachrichte oh hie: Gseht me sech bi somne Glaubenssatz, heisst das nid, dasme niemeh drvo weg chunnt. Mir heis zum Glück selber ir Hand, wie viel Macht mir dene schenke.

    1 hr

  7. Apr 25

    21: Storytelling 101

    Mir rattere hie itz nid aui Tipps abe für guets Storytelling. Da drzue fingt me online gnueg. Mir bereite z Thema meh uf mit persönleche Gschichte und Erlebnis rundum Stories us üsem Alltag. Es git chuum ä Lebensbereich, wo Storytelling nid irgendwie relevant isch. Paar Gschichte si besser und paar schlechter. Die wahri Kunst isch Gschichte guet chönne z verzeue - egau was ihre Inhalt isch. Shownotes: Instagram vor Fotografin Sophie Wagner: https://www.instagram.com/_sophienina/?hl=de Sie steit uf dr angere Site vor Kamera vo üsem Titelbild :) Link zu Julies Lieblingsstand-up-Clip vom Daniel Sloss über Religion: https://www.youtube.com/watch?v=PZ5aILCKz8Y

    1h 6m

  8. Apr 19

    20: Persönlechkeitstests

    Mir starte „gstabig“ i di neui Foug und knacke när dr Mythos hinger Persönlichkeitstests. Werum sisi fasziniderend, obwou d Wüsseschaft mängisch o dr Kopf schüttlet? Di Foug isch zwüsche unterhautsamer Säubstanalyse und echtem Deep Dive. Wo öffne settigi Tests d Ouge? U sisi eventuell mängisch o gfährlich ischränkend? Wie versproche no dr Link zu de 16 Personality-Test: https://www.16personalities.com/de

    1h 4m
See All (27)

About

Eui semi-seriöse, semi-professionelle Kommunikationsexperte Julie und Fabian rede im Podcast «Unger üs gseit» über aui Sache Kommunikation. Tatsächlech simer nid würk Experte, sondern üs interessiert aues was Public Speaking, zwüschemönschlechi Kommunikation und Gebruch vo üsere Mundart ahgeit. Aus Studentin in Kommunikation und Medien ar ZHAW und begeisterti Moderatorin bringt Julie Erfahrig us dene Bereiche mit. Fabian isch zertifizierte Coach fürs Uftrete und er bsitzt grossartigi Storytelling Skills und möchti meh drüber rede was üsi Sprach usmacht. Jedi Wuche gits ä nöii Folg.

Information

  • Creator
    Julie Schulhofer und Fabian Amstutz
  • Years Active
    2K
  • Episodes
    27
  • Rating
    Explicit
  • Copyright
    © Julie Schulhofer und Fabian Amstutz
  • Show Website
    Unger üs gseit