Út í óvissuna

Slysavarnafélagið Landsbjörg
  • 0.0 (0)
  • Documentary

Sögur úr starfi Slysavarnafélagsins Landsbjargar. Undanfarna mánuði höfum við rætt við einstaklinga úr starfi félagsins og farið yfir fjölbreytt málefni sem tengjast starfi Landsbjargar.  Nýr þáttur annan hvern miðvikudag. Fyrirspurnir og hugleiðingar má senda á: 📧molar@landsbjorg.is

Episodes

  1. #5 - Neyðarlínan & Björgunarhundasveit Íslands

    Jun 24

    #5 - Neyðarlínan & Björgunarhundasveit Íslands

    Í fimmta þætti hlaðvarps Landsbjargar höldum við áfram að kynna okkur ólíkar hliðar starfsins. Í fyrri hluta þáttarins ræðum við við Vilhjálm Halldórsson, varðstjóra hjá Neyðarlínunni. Hann hefur starfað þar um árabil og segir okkur frá fyrsta viðbragði þegar neyðarkall berst, samskiptum við þann sem hringir og samspili viðbragðsaðila, þar á meðal björgunarsveita, allt frá útkalli og út á vettvang. Í seinni hluta þáttarins færum við okkur yfir í starf leitarhunda. Björgunarhundasveit Íslands fagnaði 45 ára afmæli undir lok síðasta árs og af því tilefni ræddum við við Björk Arnardóttur, formann sveitarinnar. Hún segir okkur frá starfinu, þjálfun hundanna og hvernig hundar nýtast við hin ýmsu björgunarstörf. Fréttamolar og ábendingar - molar@landsbjorg.is

    38 min
  2. #4 - Bakverðir & Nýtt húsnæði HSSK

    Jun 10

    #4 - Bakverðir & Nýtt húsnæði HSSK

    Í fjórða þætti verður fjáröflun í brennidepli enda mikilvægur liður í starfsemi félagsins. Bakvarðaverkefnið fór af stað árið 2013 og hefur vaxið mikið síðan þá.  Rætt var við Flóka Guðmundsson hjá Takk, sem hefur starfað fyrir fjölmörg góðgerðarfélög og sjálfboðaliðasamtök. Við fórum yfir þróunina í fjáröflun, miðla og boðleiðir og hvernig hægt sé að ná til almennings á gervihnattaröld. Í síðari hlutanum förum við í stutta heimsókn í ný húsakynni Hjálparsveitar skáta í Kópavogi, þar sem Valgeir Tómasson, fyrrverandi formaður HSSK, tók á móti okkur og sagði frá framkvæmdinni og hvað þarf að vera í björgunarsveitarhúsi nútímans. Fréttamolar og ábendingar - molar@landsbjorg.is

    28 min
  3. #3 - Slysavarnaskóli sjómanna & Áhafnaskipti IMRF

    May 27

    #3 - Slysavarnaskóli sjómanna & Áhafnaskipti IMRF

    Sjóbjörgun verður í aðalhlutverki í þætti vikunnar. Bogi Þorsteinsson, skólastjóri Slysavarnaskóla sjómanna, tók á móti okkur á Reykjavíkurhöfn og bauð okkur um borð í skólaskipið Sæbjörgu. Hlutverk skólans er að standa fyrir öflugu fræðslustarfi fyrir sjómenn og aðra sem starfa í haftengdri starfsemi. Við fengum kynningu á starfsemi skólans og skipinu sjálfu, auk þess að fræðast um sjóbjörgun og helstu menntun og þjálfun sjómanna. Martha Karen Guðrúnardóttir fór síðasta haust til Eistlands í áhafnaskiptaverkefni á vegum alþjóðlegu sjóbjörgunarsamtakanna IMRF. Martha er félagi í björgunarsveitinni Erni og í áhöfn björgunarbátsins Kobba Láka í Bolungarvík, en ákvað að stíga út fyrir þægindarammann og taka þátt í verkefninu. Við fengum að heyra meira um upplifunina, sjóbjörgun í Eystrasalti og hvað hún tók með sér heim úr þessu áhugaverða skiptinámi. Fréttamolar og ábendingar - molar@landsbjorg.is

    34 min
  4. #2 - Sjálfboðaliði í tæp 70 ár & Rótarskot á Snæfellsnesi

    May 13

    #2 - Sjálfboðaliði í tæp 70 ár & Rótarskot á Snæfellsnesi

    Freyr Bjartmarz hefur séð tímana tvenna í starfi félagsins en hann gekk til liðs við Flugbjörgunarsveit Reykjavíkur á sjötta áratug síðustu aldar og hefur verið viðloðinn björgunarsveitina í tæp 70 ár. Við fórum yfir víðan völl og ræddum meðal annars eftirminnileg útköll, hvernig starfið hefur þróast í gegnum árin, svaðilfarir á vélsleðum og margt fleira. Í seinni hluta þáttarins var haldið á Snæfellsnes í lok október á síðasta ári þar sem björgunarsveitarfólk og fulltrúar Skógræktarfélags Íslands komu saman til að gróðursetja tré í hlíðum Drápuhlíðarfjalls. Trén voru keypt í gegnum verkefnið Rótarskot og sagði Brynjólfur Jónsson, framkvæmdastjóri Skógræktarinnar, okkur allt um verkefnið og markmið þess. Fréttamolar og ábendingar - molar@landsbjorg.is

    32 min
  5. #1 - Formaður Landsbjargar & Flugslysaæfing

    Apr 29

    #1 - Formaður Landsbjargar & Flugslysaæfing

    Borghildur Fjóla Kristjánsdóttir, formaður Slysavarnafélagsins Landsbjargar, gaf okkur innsýn í starf sitt sem formaður. Hún fór yfir víðfeðmt starf félagsins, áskorunum í starfi og velti einnig fyrir sér framtíðinni, ekki síst í ljósi þess að 100 ára afmæli félagsins er á næsta leiti. Viðtalið var tekið upp í febrúar 2026. Í síðari hluta þáttarins færum við okkur á Reykjavíkurflugvöllur í október 2025. Þar tóku Árni Birgisson og Friðfinnur Freyr Guðmundsson á móti okkur og sögðu frá flugslysaæfingu sem Isavia, björgunarsveitir og aðrir viðbragðsaðilar halda reglulega. Markmiðið er að skapa sem raunverulegastar aðstæður og undirbúningur er bæði umfangsmikill og krefjandi. Fréttamolar og ábendingar - molar@landsbjorg.is

    38 min
  • 5 Episodes

About

Sögur úr starfi Slysavarnafélagsins Landsbjargar. Undanfarna mánuði höfum við rætt við einstaklinga úr starfi félagsins og farið yfir fjölbreytt málefni sem tengjast starfi Landsbjargar.  Nýr þáttur annan hvern miðvikudag. Fyrirspurnir og hugleiðingar má senda á: 📧molar@landsbjorg.is

Information

  • Creator
    Slysavarnafélagið Landsbjörg
  • Years Active
    2K
  • Episodes
    5
  • Rating
    Clean
  • Copyright
    © 2026 Út í óvissuna
  • Show Website
    Út í óvissuna

You Might Also Like