Züri Podcast Derby

Jan und Michel
  • 0.0 (0)
  • Soccer
  • Updated Weekly

ZÜRI PODCAST DERBY. Grasshopper Club Zürich vs. FC Zürich  Zwei Zürcher Vereine. Zwei Meinungen. Eine Stadt, die sich darüber nie ganz einig wird. Michel (FCZ) und Jan (GCZ) sprechen jede Woche über das, was den Zürcher Fussball bewegt - Spiele, Entscheide, Geschichten und Emotionen. Mal ruhig, mal hitzig, oft mit Humor, immer mit Leidenschaft für die Stadt und ihre Clubs. Zwei Stimmen, zwei Blickwinkel. Ein Derby, das weitergeht.

  1. 1d ago

    Züri Podcast Derby: EP21 | Summerpause, Transferwünsch & WM

    Obwohl de FCZ hüt id Saison gstartet isch, isch bi beidne Zürcher Verein Summerpause-Vibe agseit. Kei Transfernews, kei Kandidate wo mer will verpflichte und au suscht nöd so viel Neus. D'GC-Community spielt eus defür es paar überraschendi Spieler-Potential ine und de FCZ staht wohl churz vorem Tsawa-Verchauf. Während d'WM in vollem Gange isch, ruumt d'FCZ U19 de Schwiizer Meistertitel ab. Herzlichi Gratulation!

    51 min

  2. May 29

    Züri Podcast Derby: EP20 | Saison-Review 2025/2026

    D’Saison 25/26 isch dure – und de Zürcher Fuessball het meh Frage als Antworte glieferet. FCZ im Umbruch, GC im Überlebensmodus. De FCZ landet uf Rang 10, hät im Winter en Totalumbruch vollzoge und startet jetzt mit em Marcel Koller in en neue Abschnitt. GC rettet sich zum dritte Mal in Serie über d’Barrage und hofft mit em Peter Zeidler uf meh Normalität.Mir lueged zrugg uf Trainerwechsel, Kaderbaustelle, Transferflops und rar gsähti Liechtblick. Saisonreview, Sommerusblick und chli Zürcher Fuessball-Therapie – Züri Podcast Derby halt.

    1h 4m

  3. May 22

    Züri Podcast Derby: EP19 - Barrage | Züri Podcast Derby: EP19 - Barrage | GC macht sich i de dritte Barrage in Folg unabstiegbar und Arsenal günnt d’Premier League

    Alle guten Dinge sind Drei - GC rettet sich i de dritte Barrage in Folg! Mit em 2:1 nach Verlängerig gege Aarau bliibed d’Hoppers erstklassig.Mir reded über en wilde Barrage-Abig mit Zvonarek-Führig, Filet-Traumgoal, Lee-Rot, Obexer-Kick, Abrashi in Vampir-Optik, Ngom-Penalty und eme Letzigrund, wo für GC-Verhältniss richtig voll gsi isch. Usserdem thematisieremer e neue Initiative "Vo Hoppers für Hoppers".Und will de Michel und de Jan für eimal nöd nur Rivalität, sondern au Liebi teiled, git’s no en churze Usflug id Premier League: Arsenal holt nach 22 Jahr wiedermal de Titel!Im Gegesatz zum FCZ gaht mer det aber nonig id Ferie, s'Champions-League-Finale gege PSG staht nächst Wuchenend ah.

    51 min

  4. May 18

    Züri Podcast Derby: EP18 - Spieltag 38 | Regulärs Saisonfinale mit ere GC-Überraschig und em Abschiedsspiel vom Brecher bim FCZ

    Zum reguläre Saisonfinale git’s im Zürcher Fuessball nomal gnueg Stoff: GC überrascht in Lausanne mit ere stark verjüngte Mannschaft, holt en 3:1-Sieg und tankt vor de Barrage immerhin chli Selbstvertraue und schont Stammchräft. En Muetmacher für hüt Abig, wo sich erstmals zeige wird, ob die Rechnig für GC chan ufgah. Bim FCZ staht gliichziitig s'Abschiedsspiel vom Yanick Brecher im Zentrum. Nach 367 Pflichtspiel gaht ä Ära z'End — und das usgrächnet mit ere 0:2-Niederlag gege Servette. Mir reded über em Yanick sin Entscheid, nöd es Jahr lang Nummer 2 z'sii, über s'Endi vo de churze Ära Bernegger und über die grossi Frag: Git’s bim FCZ im Summer würkli kein Umbruch — oder nennt mers eifach nöd so?

    52 min

  5. May 13

    Züri Podcast Derby: EP17 - Spieltag 37 | GC mit dramatischem Comeback und de FCZ het d'Saison scho abgschlosse

    Am 37. Spieltag gahts für d'Hoppers namal um alles. Es Unentschiede langed zum d'Barrage sichere aber es chunt anderst. Das Spiel wird zur Achterbahn der Gefühle wo de Michel und Jan live im Letzi erlebed. De FCZ het d'Saison gfühlt scho abgschlosse und freut sich uf d'Summerferie. S'Gliiche gilt für de FC Luzern - das Spiel haut niemert us de Socke und d'Niederlag interessiert eigetlich au nüm gross.

    43 min

  6. May 12

    Züri Podcast Derby: EP16 - Spieltag 36 | Zürcher Derby und heissi Saison-Schlussphase

    Euse Podcast als perfekti Matchvorbereitig für hüt Abig: Mir lueged zrugg ufs Zürcher Derby vom Weekend, wo vor beeidruckender Kulisse im Letzigrund stattgfunde hät. FCZ-Sieg, GC-Frust, Derby-Wahnsinn und es Stadion, wo wieder emal komplett uf Betriebstemperatur gsi isch.Und mir stimmed eu ih uf die heissi Schlussphase vo dere Saison: No zwei Spiel — de FCZ schiebt jetzt ä ruhigi Chuglä und GC befindet sich im nackte Kampf ums Überläbe. Hüt chunnt Winti in Letzi. Meh Brisanz gaht fascht nöd.Inelose!

    38 min

  7. May 4

    Züri Podcast Derby: EP15 - Spieltag 35 | De Zürcher Fuessball kennt nur ei Richtig

    D'Grasshoppers überrasched nöd und verlüred mit 0:2 geg Servette. De FCZ chunt nöd über es 2:2 geg Winti und de Zürcher Fuessball macht momentan eifach kei Freud. Bi GC gits unglaublich viel Baustelle, nöd nur ufem Platz sondern im gsamte Konstrukt vo de GFAG. Eh Challenge League tauglichi Leistig - und das sit Mönet! De FCZ schaffts nöd sich ih de Tabelle abzsetze und mir bespreched, welli Spieler im Summer chönted verpflichtet werde und ob de Marcel Koller de neu Mohammed Salah us Ägypte mitbringt. Danke fürs Zuelose und sind lieb mitenand.

    49 min

  8. Apr 27

    Züri Podcast Derby: EP14 - Spieltag 34 | Bernegger-Debakel | Meh Gspröchstoff als Pünkt für die beide Zürcher Verein. Es hagled Niederlage gege Lausanne und Luzern.

    Bim FCZ startet d'Amtsziit vom Carlos Bernegger mit eme Totalabsturz. Vor em Spiel seit de Interimstrainer, de FCZ stöchi im Vordergrund – und stellt denn so drastisch um, als müesst er sich selber es Denkmal setze. Brecher zrugg im Goal, Tsawa als Rechtsverteidiger, Kény irgendwo zwüsche Zehner und Offensivexperiment, Hack komplett dusse und Vujevic ine. Nach 21 Minute isch s'Spiel praktisch gloffe, nach 40 Minute stahts 3:0 für Lausanne. Zur Pause macht de Bernegger en Drüfachwechsel - au das bringt nüt. De FCZ isch uf em Platz purs Chaos.De Grasshopper Club zeigt gege Luzern zerscht e Reaktion ufs Out im Cup und gaht mitem 1:0 id Pause. Aber halt, es isch ja immerno GC: statt de Vorsprung hei z'bringe, kassiered d'Hoppers no zwei Goal vom Spadanuda und verlüred 1:2. Wieder kein Befreiigsschlag, wieder kei Rueh. En Match, wo me nachher seit: eigentlich hätt mer uf de FCZ chöne ufschlüsse. Wär mer nöd selber so schlecht.

    38 min
See All (21)

About

ZÜRI PODCAST DERBY. Grasshopper Club Zürich vs. FC Zürich  Zwei Zürcher Vereine. Zwei Meinungen. Eine Stadt, die sich darüber nie ganz einig wird. Michel (FCZ) und Jan (GCZ) sprechen jede Woche über das, was den Zürcher Fussball bewegt - Spiele, Entscheide, Geschichten und Emotionen. Mal ruhig, mal hitzig, oft mit Humor, immer mit Leidenschaft für die Stadt und ihre Clubs. Zwei Stimmen, zwei Blickwinkel. Ein Derby, das weitergeht.

Information

  • Creator
    Jan und Michel
  • Years Active
    2K
  • Episodes
    21
  • Rating
    Explicit
  • Copyright
    © Jan und Michel
  • Show Website
    Züri Podcast Derby