كعدة ربع

رضا تقريباً
رضا تقريباً
  • 0.0 (0)
  • Comedy Interviews
  • Updated Weekly

"كعدة ربع" هو بودكاست حواري مستقل من السماوة. إطار واحد يجمعنا، وحوارات تشبه يومياتنا نناقش بيها قصص شبابية، تجارب اجتماعية ومهنية بأسلوب عفوي وبدون تكلف.

Episodes

  1. Oct 7

    كعدة ربع | الحلقة الخاصة | الأب مكتبة مركزية والابن ورقة !

    متعودين بكل حلقة أنا اللي أسأل وأنبش بأوجاع وأفكار ضيوفي، بس بهاي الحلقة الخاصة من (كعدة ربع) انگلبت الآية، وصرت أنا الضيف! كعدة بيها بوح من الگلب، لعبنا بيها لعبة أسئلة عفوية بس گلبت المواجع. سولفت بيها عن "فلسفة السيارة" ومطبات الحياة، وعن الطفولة اللي انباكت مني بعمر 11 سنة لما وكفت بـ "المغيسل" أودع والدي بأقسى مشهد ممكن يشوفه طفل. حجينا عن الأب اللي يمثل "المكتبة المركزية" بحياتنا، وعن ثورة المرأة بداخل الرجل. وبالنهاية، غصنا بتحليل شخصية الفرد العراقي، وليش نتهم نفسنا بالازدواجية؟ وشنو هي الخلطة السحرية (الروح، المعلومات، الفلوس) اللي من خلالها نگدر نبني مجتمع صحي ونبطل نلوم الظروف. حضروا استكان الچاي، وعيشوا وياي هاي الفضفضة اللي طالعة من نص الگلب. ☕✨ 🎙️ عن البودكاست: "كعدة ربع" هو بودكاست حواري مستقل من السماوة. إطار واحد يجمعنا، وحوارات تشبه يومياتنا نناقش بيها قصص شبابية، تجارب اجتماعية ومهنية بأسلوب عفوي وبدون تكلف. إعداد وتقديم: رضا الفضلي.

    كعدة ربع | الحلقة الخاصة | الأب مكتبة مركزية والابن ورقة !

  2. Sep 30

    كعدة ربع | البارستا منتظر خضر | 7 أيام بالغيبوبة خلتني أعيد حسابات حياتي!

    "شگد صعبة تدرس وتتخرج وتاليتك توگف ورا ماكينة القهوة 11 ساعة باليوم؟ وشگد حلوة لمن تخلق من هذا التعب قصة أثر وابتسامة توزعها للناس!" بهاي الحلقة من (كعدة ربع)، الكعدة جانت ويا صديقنا "منتظر".. الشاب اللي يمثل شريحة جبيرة من شبابنا الخريجين الكادحين. منتظر خريج (تحليلات) بس لقى نفسه (بارستا) ورا مكينة القهوة، سولفلنا عن تعب الشغل، وعن المبادرات الشبابية اللي كان جزء منها (مثل توزيع الملازم للمحتاجين وحملات التنظيف والتوعية المناخية). حجينا عن التلون الطائفي والمجتمعي، وعن الحادث المروري الصعب اللي گعده شهرين بالفراش وخلّاه يعيد ترتيب كل حساباته وأولوياته بالحياة، وعن استثماره لاختصاصه الطبي بخدمة الناس بمفرزة محرم. حلقة قريبة للقلب، تشبه تعب هواي شباب يحاولون يتركون بصمة رغم قسوة الظروف. ☕🩺 🎙️ عن البودكاست: "كعدة ربع" هو بودكاست حواري مستقل من السماوة. إطار واحد يجمعنا، وحوارات تشبه يومياتنا نناقش بيها قصص شبابية، تجارب اجتماعية ومهنية بأسلوب عفوي وبدون تكلف. إعداد وتقديم: رضا الفضلي.

    كعدة ربع | البارستا منتظر خضر | 7 أيام بالغيبوبة خلتني أعيد حسابات حياتي!

  3. Sep 23

    كعدة ربع | المهندس علي عدي | الدليل الشامل لطالب الهندسة بموقع العمل

    ليش بدينه نحس ان السماوة صارت خنكه وشي داخل بشيسؤال نبدي بيه حلقتنا، ونفتح وياه ملف كامل عن واقع التوسع العمراني بالمدينةفي الحلقة الثالثة من بودكاست "كعدة ربع"،نستضيف طالب الهندسة المدنية (علي عدي).نسولف بيها عن واقع المدينة التوسعي والمجمعات السكنية وشلون طالب الهندسة يعاني علمود يحصل فرصة عمل ضمن شركات المقاولات المستحوذة على سوق العمل ونختم الحلقة بطرح افكار على الجامعات علمود يكون الطالب صاحب خبرة اثناء الدراسة حتى من يتخرج يكون واعي السوق العمل

    كعدة ربع | المهندس علي عدي | الدليل الشامل لطالب الهندسة بموقع العمل

  4. Sep 16

    كعدة ربع | الشيخ عباس الفضلي | كيفية الدخول والدراسة في الحوزة العلمية في النجف الاشرف

    شلون تصير شيخ؟ وشنو اللي يصير بداخل أروقة الحوزة العلمية بالنجف الأشرف؟ 🤔 هواي شباب تستهويهم فكرة دراسة الدين، بس يشوفون الحوزة "عالم مغلق" وبي غموض. بهاي الحلقة من (كعدة ربع)، الشيخ عباس الفضلي يفتحلنا بيبان النجف، ويسولفلنا بالتفصيل عن رحلة طالب العلم.. من لحظة صعودة للسيارة لحد ما يوصل لمرحلة "الاجتهاد". كعدة مليانة صراحة وروحانية، حجينا بيها عن الفرق الصادم بين دراسة المدارس والحوزة، وعن المشاكل اللي تواجه الشباب ويا بعض المعممين (أزمة التواصل)، وكشفنا حقيقة "المتستر بالدين" اللي يدور ورا العمامة سمعه وفلوس! ورد منطقي وحاسم على اللي يقول "عقلي هو مرجعي وما أحتاج أقلد أحكام الدين". كعدة تلامس الروح وتجاوب على أسئلة جريئة تدور ببال كل شاب.. استماع ممتع!🎙️✨ عن البودكاست: "كعدة ربع" هو بودكاست حواري مستقل من السماوة. إطار واحد يجمعنا، وحوارات تشبه يومياتنا نناقش بيها قصص شبابية، تجارب اجتماعية ومهنية بأسلوب عفوي وبدون تكلف. 🎙️ إعداد وتقديم: رضا الفضلي

    كعدة ربع | الشيخ عباس الفضلي | كيفية الدخول والدراسة في الحوزة العلمية في النجف الاشرف

  5. Sep 11

    كعدة ربع | صديقي محمد رشيد | الحلقة السوداوية

    "أحياناً نشرد من مدننا مو لأن نكرهها، بس لأن ما نتحمل نظرة الشفقة بعيون ناسها!" بهاي الحلقة الاستثنائية والموجعة من (كعدة ربع)، نستضيف الشاعر والمهندس المعماري محمد رشيد.كعدة مليانة شجن، فتحنا بيها دفاتر الوجع والفقد..سولفلنا محمد عن الصدمة الكبرى باغتيال والده (الدكتور رشيد)، وشلون صار الشعر هو الملاذ الوحيد ومساحة التفريغ النفسي للهروب من قسوة الواقع.حجينا عن أسباب هروبه لبغداد، وعن عقدة "المركز" ونظرة الاستصغار اللي يواجهها ابن الجنوبوشاركنا قصة مرعبة وحقيقية توكف القلب عن اتصال داعش بأم شهيد.حلقة تمزج بين وحشة اليتيم اللي يدور حضن أبوه بالطيف، وبين المكابرة وتغطية الحزن بالضحك!كعدة طالعة من الگلب..حضروا استكان الچاي وعيشوا ويانا هذا البوح. عن البودكاست:"كعدة ربع" هو بودكاست حواري مستقل من السماوة. إطار واحد يجمعنا، وحوارات تشبه يومياتنا نناقش بيها قصص شبابية، تجارب اجتماعية ومهنية بأسلوب عفوي وبدون تكلف. إعداد وتقديم: رضا الفضلي.

    كعدة ربع | صديقي محمد رشيد | الحلقة السوداوية

  6. Sep 2

    كعدة ربع | الكابتن حسين رزاق | الجيم بدل المخدرات!

    بهاي الحلقة من (كعدة ربع)، استضفنا الكابتن حسين رزاق صاحب (ميلانو جيم). بدينا سوالفنا من صدمة الواقع بين الدراسة والعمل، وشلون الكابتن يكسر حاجز الخوف والجمود عند المتدربين الجدد. غصنا بالجانب النفسي للقاعة، وشلون رفعة الحديد ترفع وياها هرمونات السعادة (الدوبامين والتستوستيرون).بس ما غضينا الطرف عن الحقيقة المرة.. فتحنا ملف الجانب المظلم لرياضة كمال الأجسام وحجينا بصراحة عن أخطر السلبيات للمنشطات من واقع تجارب حقيقية. اللحظة الأهم بالكعدة جانت المبادرة الإنسانية لـ (ميلانو جيم) باحتضان الشباب اللي يريدون يتعافون من آفة المخدرات، مع إعلان (اشتراك مجاني لمدة 3 أشهر) حتى تكون القاعة هي طوق النجاة. وسولفنا عن التعامل الحساس ويا الأبطال فئة (45 سنة فما فوق)، وختمناها بتوريطة ونظام غذائي لمقدم البرنامج!كعدة مليانة طاقة، وعي، وسوالف من الگلب. 🎙️ عن البودكاست:"كعدة ربع" هو بودكاست حواري مستقل من السماوة. إطار واحد يجمعنا، وحوارات تشبه يومياتنا نناقش بيها قصص شبابية، تجارب اجتماعية ومهنية بأسلوب عفوي وبدون تكلف. إعداد وتقديم: رضا الفضلي.

    كعدة ربع | الكابتن حسين رزاق | الجيم بدل المخدرات!

  7. Aug 25

    كعدة ربع | المخرج حسن العزاوي | يمتى السماوة تصنع دراما حقيقية؟

    ليش ما عدنا صالات عرض سينما بالسماوة؟"..سؤال نبدي بيه حلقتنا، ونفتح وياه ملف كامل عن واقع الصناعة البصرية بمدينتنا.في الحلقة الثانية من بودكاست "كعدة ربع"،نستضيف المخرج وصانع الأفلام (حسن العزاوي).كعدة من مخرج إلى مخرج، نسولف بيها عن غياب الدعم، عقدة المستثمر اللي يخاف يحط فلوسه بمشروع فني وثقافي،وشلون الشباب دا يحاربون هذا النقص من خلال خلق سينما بديلة وإنتاج درامي يوصل لكل بيت عن طريق منصات رقمية مثل "منصة مكان".حوار مليان شجن فني، وتفاصيل تخص كل شاب طموح يريد يصنع دراما ويريد يحجي قصة مدينته. 🎙️ عن البودكاست:"كعدة ربع" هو بودكاست حواري مستقل من السماوة. إطار واحد يجمعنا،وحوارات تشبه يومياتنا نناقش بيها قصص شبابية،تجارب اجتماعية ومهنية بأسلوب عفوي وبدون تكلف. إعداد وتقديم: رضا الفضلي.

    كعدة ربع | المخرج حسن العزاوي | يمتى السماوة تصنع دراما حقيقية؟

  8. Aug 19

    كعدة ربع | صديقي علي ريسان | هل خُلق الشعر جنوبياً؟

    في الحلقة الأولى من بودكاست "كعدة ربع"، نستضيف الصديق المهتم بالشعر الشعبي (علي ريسان). كعدة عفوية واستكان جاي، نسولف بيها عن الشارع، شلون عين الروائي تلتقط التفاصيل اليومية، وشلون الشعر الشعبي يوثق وجعنا وتراثنا اللي ما ينكتب بالكتب الرسمية. حوار يدمج بين الفلسفة، الأدب، ونبض الشارع العراقي. 🎙️ عن البودكاست:"كعدة ربع" هو بودكاست حواري مستقل من السماوة. إطار واحد يجمعنا، وحوارات تشبه يومياتنا نناقش بيها قصص شبابية، تجارب اجتماعية ومهنية بأسلوب عفوي وبدون تكلف. إعداد وتقديم: رضا الفضلي

    كعدة ربع | صديقي علي ريسان | هل خُلق الشعر جنوبياً؟
  • 8 Episodes

About

"كعدة ربع" هو بودكاست حواري مستقل من السماوة. إطار واحد يجمعنا، وحوارات تشبه يومياتنا نناقش بيها قصص شبابية، تجارب اجتماعية ومهنية بأسلوب عفوي وبدون تكلف.

Information

More From رضا تقريباً