Ba3d El Tes3een - بعد التسعين

DG House
  • 0.0 (0)
  • Soccer

بودكاست لكل محبي ومشجعي الدوري الإنجليزي، عن كل اللي حصل في كل جولة من البريميرليج جوه وبره الملعب.. تحليل، كواليس، وحوارات عن الدوري الأقوى في العالم

Episodes

  1. 3d ago

    عقدة 14 سنة اتكسرت في أنفيلد! 🔥 وماله كاريك عبد العال | بعد التسعين مع أحمد وليد The Athletic | الجولة التاسعة

    جولة تاسعة للتاريخ في البريميرليج! أرسنال أخيراً بيكسر عقدة الـ 14 سنة في ملعب أنفيلد ويرجع لقمة الجدول، والسيتي بياخد الهزيمة التانية على التوالي! في حلقة قوية جداً من بودكاست بعد الـ 90، منورنا الصحفي والمحلل في موقع (The Athletic) أحمد وليد، عشان نحلل كل تفاصيل الجولة بالورقة والقلم. بدأت قعدتنا بنقاش مهم: هل الدوري الإنجليزي السنة دي فقد نجوم الشباك، ولا قوة الفرق المتوسطة والفلوس خلت كل الماتشات صعبة؟ وبعدها دخلنا على تطور توتنهام مع دي زيربي، وشرح على السبورة إزاي بيتعامل مع التكتلات الدفاعية، وتقييم صريح لمستوى عمر مرموش وأسباب قلة لمسه للكورة في الماتشات الأخيرة. فتحنا كمان ملف فوز تشيلسي على مانشستر يونايتد (2-0): ليه المكسب ده ممكن يكون خادع لتشابي ألونسو؟ وهل تهور ليساندرو مارتينيز كتب شهادة وفاته في اليونايتد؟ وايه مواضبع خناقة ماتيوس كونيا مع مايكل كاريك، تصريحات برونو فرنانديز، عشوائية الإدارة، وخناقة الجماهير: مين صفقة أنجح.. شيشكو ولا جيوكيريس؟ وبالصور والتحليل شرحنا إزاي برايتون مع هورتسلر ضرب دفاع مانشستر سيتي وكسبهم، وإيه اللي غيره ريان شرقي في الشوط التاني؟ وفي قمة الجولة، حللنا إزاي أرسنال شلّ هجوم ليفربول وخلاه يطلع بصفر تسديدات على المرمى في أنفيلد لأول مرة من 2003! ليه ليفربول مع إيراولا كان دخان كتير من غير كفتة؟ وخناقة فنية حول مستوى أوديجارد وتوظيف برونو جيماريش ولويس سكيلي. وفي الآخر، توقعنا نتايج الجولة العاشرة مع ماتشكوو واعلان الفائزين ولعبنا فقرة أسئلة الـ 90: اختيارات أحمد وليد لتشكيل الأفضل في الدوري بعد 9 جولات، وأكتر 3 لاعيبة فاجأوه، وأكتر 3 صدموه.. وهل فعلاً مرموش يعتبر صدمة لحد دلوقتي؟ Produced by DG House

  2. Oct 27

    قهوة سادة على روح اليونايتد: الكل لازم يمشي! 💥| بعد التسعين | الاسبوع الثامن

    جولة تامنة مجنونة في البريميرليج وكلاسيكو مولع في إسبانيا! في حلقة جديدة من بودكاست بعد الـ 90، قعدنا نشرب قهوة سادة على روح مانشستر يونايتد بعد فضيحة بورنموث (3-0): هل كاريك "متباع" من اللاعيبة؟ وهل فعلاً اليونايتد مبقاش نادي كبير لدرجة إن الناس بطلت تحفل عليه أصلاً؟ ومسكنا سكواد اليونايتد اسم اسم على المقصلة (مين يقعد ومين يمشي فوراً؟). اتكلمنا كمان عن أول وقعة لمانشستر سيتي الموسم ده قدام أستون فيلا (2-1)، صياعة أوناي إيمري في الطلوع بالكورة تحت الضغط، انفجار نيكولاس جاكسون، وسر حب ماريسكا الغريب لإنزو فرنانديز. ودخلنا على أرسنال وحيرة الجمهور بين الكورة الحلوة والبطولات، وخناقة على مستوى أوديجارد وزوبامندي ومادويكي، غير كوارث تشيلسي مع تشابي ألونسو قدام توتنهام وتصرفات كول بالمر العجيبة. وفي الكلاسيكو، إزاي مورينيو عمل ماستر كلاس مع ريال مدريد وبلّع فليك الطعم؟ وليه لامين يامال محتاج "كرباج" فليك يرجع تاني بعد تصريحاته؟ ده غير تحليل مكسب ليفربول الصعب على برايتون، حكاية خناقة الصحاب اللي عملت "ديربي الداتا"، توقعات الجولة التاسعة اللي كلها مدعكة، وتحدي اختيار أحلى وأسود ماتش في تاريخ اليونايتد! قولولنا في الكومنتات: لو في إيدك قرار تمشّي 5 لاعيبة من مانشستر يونايتد النهاردة.. هتمشّي مين؟ 👇 Produced by DG House

  3. Oct 19

    إيه البلوت تويست ده! 😅😂| بعد التسعين | الجولة السابعة

    في حلقة جديدة ومختلفة من بودكاست #بعد_التسعين، أيمن مصطفى وهَرَم بيفتحوا ملف كبار الدوري الإنجليزي وبيحللوا اللي بيحصل في الملعب بكل صراحة! من أرسنال وتشيلسي، لمانشستر يونايتد ومانشستر سيتي.. إزاي فريق يصرف أكثر من 450 مليون إسترليني والنتيجة تكون أداء غير متوقع؟ وهل فعلاً غياب صلاح ما كانش هيفرق كتير؟ وإيه اللي جرى لمتعة البريميرليج بعد رحيل كلوب وجوارديولا؟ ومين الأقرب للقب السنة دي؟ وهل هالاند لوحده قادر يضمن البطولات لأي فريق يلعب معاه؟ فقرات متفوتكش في الحلقة: ⚽ صفقات المليارات: هل "فيرتز" يعتبر من الصفقات المخيبة، ولا مظلوم في منظومة الفريق؟ ⚽ صراع الكبار: هل هالاند هيحسم الدوري مبكراً، ولا آرسنال عنده رأي تاني؟ ⚽ تقييم النجوم: برونو فيرنانديز، هافرتز، وأرتيتا.. بين تراجع المستوى وحجم التوقعات! Produced by DG House

  4. Oct 12

    كروت حمرا وشوية كورة وكاريك وأوديجارد | بعد التسعين | الجولة السادسة

    اهلاً بيكم في حلقة جديدة من بودكاست بعد التسعين مع ضيفين مميزين, ياسين منتصر وحسام شعيب. وحلقة بعد العودة من التوقف الدولي وجولة فيها تشيلسي مكمل في الأهداف السريعة وآرسنال والسيتي عرفوا يكسبوا ال 3 نقط واليونايتيد من سئ الى اسوء وتوتنهام لسه الحظ مضحكلوش. اتكلمنا في الحلقة عن تفاصيل كتير لكل فرق ال توب 6 وكمان سألنا سؤال مهم هو توتنهام يستحق يبقى من ال توب 6 اصلا؟ وتحليل اداء تشيلسي المرعب هجوميًا وهل في تطور على المستوى الدفاعي؟ وأرسنال والحاضر الغائب جبريال ومستوى اوديجارد هل يتقارن ب بالمر؟ وهل ليفربول اتعرض لظلم بطرد جرافينبيرخ؟ ومستوى اليونايتيد نازل لحد فين؟ وكمان اتكلمنا عن تجربتين ناجحين لحد دلوقتي هال سيتي وبرايتون .. ايه اسباب النجاح والاستمراريه؟ Produced by DG House

  5. Sep 21

    البريميرليج ضلم ع الكبار وانفجار برشلونة وديربي مدريد | بعد التسعين | الاسبوع الخامس

    في حلقة جديدة من بودكاست بعد التسعين، نستضيف طارق مصطفى في جولة مليانة تحليل، جدل وأسئلة عن شكل المنافسة هذا الموسم. من تشيلسي التائه وسقوط آرسنال، لثغرات مانشستر سيتي الدفاعية، وليفربول غير المقنع.. وصولًا إلى توتنهام وأزمة مانشستر يونايتد مع كاريك. مين الفريق الأكثر إقناعًا حتى الآن؟ومين المدرب اللي داخل الجولة القادمة تحت أكبر ضغط؟ 👀ومين المدرب الأقرب للإقالة؟وهل نشهد موسمًا مختلفًا تمامًا عن توقعات البداية؟ وفي الليجا.. انفجار برشلونة، وديربي مدريد في قلب النقاش وسط جدل الأخطاء التحكيمية 🔥 وبعدها نفتح باب أسئلة التسعين:مين صاحب المسيرة الأعظم: دي بروين، جيرارد أم لامبارد؟رودري أم كانتي؟ لو عاد صلاح للبريميرليج..؟صلاح أم هازارد في الـPrime؟مين الحصان الأسود هذا الموسم؟والتشكيلة التاريخية للبريميرليج وبالطبع.. ماتشكوو وتوقعات الجولة السادسة وإعلان الفائزين عن الجولة الرابعة وشهر سبتمبر🏆 Produced by DG House

  6. Sep 14

    أزمة كاريك ويونايتد وزحليقة مرموش، وكوارث التحكيم! | بعد التسعين | الجولة الرابعة

    في الجولة الرابعة من بعد التسعين، حسن جبر يحل ضيفًا على أيمن مصطفى ويدخل في نقاشات جدالية .. من مرموش و«الزحليقة» 😳، لجدل صلاح بعد الرحيل وأفضل الأجنحة في الدوري، وفيرتز واليونايتد، وهالاند والتحكيم! في الحلقة دي فتحنا ملفات شائكة جداً: هل محمد صلاح لسه على عرش أجنحة العالم ومين يقدر ينافسه؟ وهل عمر مرموش بدأ يركب "الزحليقة"؟ اتكلمنا كمان عن فضائح التحكيم مع مايكل أوليفر وهدف هالاند المثير للجدل، وهل البريميرليج بيصنع اللقطات دي قصداً عشان يخلي الدوري "سبايسي"؟ ده غير تقييم صريح لـ دي زيربي، حقيقة تراجع تشيلسي، لغز لوك شاو مع اليونايتد، وهل ديفيد رايا هو حارس العالم الأول حالياً؟ Produced by DG House

  7. Sep 7

    ديربي ومفاجآت وحلقة استثنائية | بعد التسعين | الاسبوع الثالث من الدوري الانجليزي

    حلقة استثنائية من "بعد التسعين" بعد جولة نارية وديربي مجنون أثبت إن لندن حمراء من ديربي لندن وانتصار آرسنال، لتعادل مانشستر يونايتد، وتذبذب ليفربول، والقوة الهجومية لمانشستر سيتي.. بنفكك أبرز أحداث الجولة سريعًا بعد لايف ديربي لندن.. مع ضيوفنا في حلقة استثنائية من بودكاست بعد التسعين. مرموش حكايته حكاية!! مين عنده أفضل سكواد؟ 👀 مين الفريق الأكثر إقناعًا حتى الآن؟ مين أفضل صفقة في الموسم؟ ومين الفريق الأقرب للهبوط؟ وبالطبع.. ماتشكوو 🔥 توقعات المباريات وإعلان الفائزين عن الجولة الماضية وأول فائز في أول شهر..! Produced by DG House

  8. Aug 31

    الجولة الثانية - أهداف وتحكيم تريند.. أيمن وطلعت قبل موقعة آرسنال وتشيلسي

    في حلقة جديدة من بودكاست بعد التسعين، نراجع معاكم أبرز أحداث الجولة الثانية من الدوري الإنجليزي الممتاز، من الأهداف والنتائج واللقطات اللي تصدرت الترند، إلى الحالات التحكيمية والقرارات اللي أثارت الجدل. لكن الحلقة المرة دي مختلفة شوية… 👀 لأن أيمن مصطفى  وعبد الرحمن طلعت، قرروا يحولوا جزء كبير من الحلقة إلى تحدي مباشر بين الفريقين، خصوصًا مع اقتراب المواجهة المنتظرة بين آرسنال وتشيلسي. - مين وضع فريقه في موقف أقوى؟ - مين عنده الحجة الأقوى؟ - وهل الجولة الثانية قالت لنا أي حاجة عن المنافسة على القمة؟ - وإيه حكاية اللقطات التحكيمية التريند اللي قلبت السوشيال ميديا؟ - وهل آرسنال وتشيلسي جاهزين للصدام؟ وطبعًا مش هننسى باقي فرق التوب 6، وأبرز نتائج وأهداف الجولة، واللقطات اللي خطفت الأنظار، وكل الحكايات اللي شغلت جمهور البريميرليج خلال الجولة الثانية. والأهم إن دي مجرد بروفة! 👀 لأن المواجهة الحقيقية بين أيمن مصطفى  وعبد الرحمن طلعت هتكون في Live Watch لمباراة آرسنال وتشيلسي في الجولة القادمة. 🔥⚽ مش بس كده هيكونوا معاهم ضيوف كتير من مشجعي ويوتيوبرز آرسنالاوية وتشيلساوية...  فهل تتحول المنافسة من مجرد كلام في الاستوديو إلى تحدي حقيقي أثناء المباراة؟ Produced by DG House

  9. Aug 24

    عودة الدوري يا سادة 🤩| بعد التسعين

    أهلاً بيكم من جديد في موسم جديد ومختلف من برنامج بعد التسعين. أيمن مصطفى راجع تاني مع ضيوف قوية جدًا عشان نتوقع ونحلل الموسم الجديد من البريميرليج ونتفرج على ماتشات لايف وتشاركونا حاجات كتير وكمان مسابقات توقعات بجوائز من ماتشكوو.  وبعد ميركاتو صيفي غريب ولسه مكمل معانا، هنصنف النهارده فرق كتير في الدوري، ونتكلم عن الصفقات اللي الفِرق لسه محتاجاها قبل ما السوق يقفل. وايه نقط الضعف والقوة في أرسنال، تشيلسي، ليفربول، مانشستر يونايتد، ومانشستر سيتي. وهل أرسنال محتاج سوبر ستار جديد زي الفاريز عشان يحافظ على لقب البريميرليج؟ إيه اللي ناقص خط وسط مانشستر يونايتد عشان يكمل إعادة البناء؟ وإزاي مانشستر سيتي هيتأقلم مع الحياة بعد مرحلة بيب جوارديولا ورودري؟ وازاي الليفر شكله كده بعد صلاح وهل غيابه فرق؟ وهيكون في توقعات الجريئة للموسم، وتوقعات الجولة الثانية على ماتشكوو.  وحشتونا والله! شاركونا توقعاتكم للجولات واكسبوا معانا من من خلال حسابك على ماتشكوو دوري بعد التسعين والجوائز أسبوعية وكمان شهرية: https://matchkoo.com/join/PL6144 Produced by DG House

  • 9 Episodes

About

بودكاست لكل محبي ومشجعي الدوري الإنجليزي، عن كل اللي حصل في كل جولة من البريميرليج جوه وبره الملعب.. تحليل، كواليس، وحوارات عن الدوري الأقوى في العالم

Information