El Koora Feen - الكورة فين

DG House
  • 0.0 (0)
  • Soccer

استمع لكل ما يخص الدوري المصري وتحليلات الماتشات وتقييم اللاعبين مع الكابتن عمر عبدالله والكابتن أحمد كانو

Episodes

  1. 2d ago

    شلاطة بـ 100 مليون!🤯وعقوبات الأهلي ومصايب فتوح🚨| الكورة فين؟ | الاسبوع العاشر

    لو أنت فاكر إننا في الحلقة العاشرة من "الكورة فين؟" هنتكلم عن الكورة والتكتيك، تبقى لسه جديد معانا! إحنا النهارده في أسبوع كله خناقات، عقوبات، تسريبات، وأزمات ملهاش آخر في الكرة المصرية مع كانو وعمر عبد الله. في الحلقة دي فتحنا كل الملفات: معسكر الأهلي: إيه حقيقة خناقة أحمد رضا مع حسين عموتة بعد استبعاده في الاستاد؟ وإزاي تدخل محمد الشناوي في التمرين؟ تسريبات عقوبات الأهلي: ليه استبعاد إمام عاشور ومحمد هاني وراه كواليس مختلفة؟ وليه اسم مروان عطية في العقوبات معاهم. تحليل فني صريح جداً لأخطاء ياسين مرعي.. وهل فعلاً ده سقف إمكانياته؟ مشاكل الزمالك ومسلسل أزمات أحمد فتوح اللي مبيخلصش من 2022. ملخص عبث الكرة المصرية "مودي شلاطة" يتسعر بـ 100 مليون جنيه. بيراميدز وسر إبداع موكوينا وتألق يوسف أوباما؟ وهل ينجح موكوينا لو مسك الأهلي أو الزمالك تحت ضغط الجماهير؟ متنساش تعمل لايك وشير وسبسكرايب للقناة، واكتبلنا في الكومنتات: شايف قرارات العقوبات في الأهلي والزمالك هتفوق اللعيبة ولا هتضيع الموسم؟ 👇🔥 Produced by DG House

  2. Oct 21

    ده سؤال صعب 🫣في أسبوع عموته ومنسي وعقوبات الفيفا 😬🙅🏻‍♂️| الكورة فين

    أسبوع حافل كروياً من غير كورة! بيانات، اعتراضات، إيقافات، وملحمة جديدة في العجن التحكيمي! 💣🔥 في الحلقة التاسعة من "الكورة فين"، عمر عبد الله وأحمد كانو بيفككوا أزمات الشارع الكروي: من لغز احتفال ناصر منسي و"إنحدار الذوق العام"، للـ "Overhype" اللي بتعمله الجماهير للاعيبة مش على مستواها. ده غير خناقة السكواد: مين أجهز وأقوى.. الأهلي ولا بيراميدز؟ وليه إمام عاشور فارق عن أي خط وسط في مصر؟ وقصص كتير حوالين بيانات الزمالك وتجاهل اتحاد الكرة وليه الاتحاد رافض فكرة الاستماع لغرفة الفار أو تفريغ المحادثات لقنبلة التكتيك: هل طريقة لعب فعلًا عموتة مش لايقة على الأهلي؟ وفقرة لاعيبة خارج دائرة الضوء واكتشافات فنية من كانو وعمر ولكنهم يستحقوا نظرة من الأجهزة الفنية للمنتخب.. وختامها مع قصة الفيفا وتدخل السياسة في الرياضة وعقوبات الجهاز الفني لمنتخب مصر واللاعب مصطفى زيكو وازدواجية المعايير لأكبر مؤسسة رياضية عالمية.!!! Produced by DG House

  3. Oct 14

    قمة العك الكروي! الأهلي في عجز وبيانات الزمالك التحكيم! | الكورة فين

    قمة الأهلي والزمالك خلصت.. لكن الجدل لسه شغال!!! 🔥⚽ في حلقة جديدة من الكورة فين، عمر عبد الله وأحمد كانو بيفتحوا الملفات الشائكة بعد القمة: أداء الأهلي، وهل تفوق حسين عموتة على معتمد جمال؟، مستوى إمام عاشور، وإشراك أكرم توفيق ،وأخطاء التحكيم اللي بتثير الجدل في الدوري المصري. هل القمة كانت فعلًا بين الفريقين ولا بين الجمهورين؟ مين يتحمل مسؤولية الأداء؟ وهل الزمالك اتعرض للظلم؟ وإيه حكاية الدولارات والتحكيم الأجنبي اللي فتحت باب النقاش؟.. ونظرة على بيراميدز الذي يعمل في صمت رغم كوارث الدوري، ونقاش سريع عن فرق الدوري 🎙️ نقاش كروي من غير مجاملات.. وتحليل لكل التفاصيل اللي شغلت الجمهور. Produced by DG House

  4. Oct 7

    ديربي وحكايات وتوقعات | الكورة فين؟

    حلقة خاصة من الكورة فين؟ قبل مباراة القمة بين الأهلي والزمالك مع عمر عبد الله وأحمد كانو بيدورا على الكورة بس المرادي مع ضيفين مميزين الكابتن أحمد جعفر والكابتن أحمد عادل.اتكلمنا فيها عن كل تفاصيل مباراة القمة وحظوظ مين اكتر بعد التوقف الدولي عموتة ولا مُعتمد جمال؟- وايه سلبيات وإيجابيات الفوز والهزيمة على الفرقتين- وتوقعات النجمين للمباراة- وكمان التشكيل المتوقع  وتفاصيل كتيره تانيه عن المنتخب وكابتن حسام حسن ومحمد صلاح وألعاب سريعة في آخر الحلقة Produced by DG House

  5. Sep 30

    أنا العميد | كوارث مؤتمرات المنتخب وأزمة محمد صلاح | الكورة فين

    حلقة جديدة من الكورة فين تحت عنوان.. «الكورة فين حرفيًا»، عمر عبد الله وأحمد كانو بيدورا على الكورة داخل معسكر منتخب مصر بداية من أزمة "الأنا" وكواليس الصراع الصامت بين حسام حسن ومحمد صلاح، لمهازل المؤتمرات الصحفية لمنتخب مصر اللي دخلتنا في فيلم الكيت كات… في الحلقة دي عمر عبدالله وأحمد كانو بيشرّحوا الوضع جوه منتخب مصر: - ليه منتخب مصر أكبر من أي اسم مهما كان؟ - سر تصريح حازم إمام عن عقدة عدم التقدير عند العميد - لغز الاستدعاءات العجيبة وكوارث المؤتمرات الصحفية! هل حسام حسن يحتاج إلى تغيير طريقة تعامله؟ وهل اكتشاف النجوم جزء أساسي من شغل أي مدرب للمنتخب؟ وماذا يحدث عندما تتحول التصريحات إلى أزمة مع الأندية واللاعبين؟ وكمان.. هل منتخب مصر فعلًا في أفضل حالاته؟ وهل محمد صلاح ما زال الاسم الذي لا يمكن تعويضه؟ وماذا عن أزمة مباراة جنوب إفريقيا مع اتحاد الكرة المصري وفي النهاية.. هل نرى حسام حسن يرفع كأس الأمم الإفريقية كمدرب لمنتخب مصر؟ ده غير الكلام في الجوانب التكتيكية والإدارية: الشد والجدب في الجهاز المعاون، ونظريات مؤتمرات "الست روايح"، وختامها مع أغنية متفرقين متلخبطين! Produced by DG House

  6. Sep 24

    لا صوت يعلوا فوق صوت المنتخب | الكورة فين؟ | الاسبوع الخامس

    في حلقة جديدة من الكورة فين مع عمر عبد الله وأحمد كانو، اتكلمنا عن مفاجآت قائمة الكابتن حسام حسن لمنتخب مصر واختياراته في كل مركز ومين كان يستحق التواجد ومين ممكن يكون لا يستحق. واتكلمنا عن ملخص أول ٥ جولات من الدوري المصري وأهم الظواهر اللي حصلت زي مين اللاعيبة اللي يستحقوا نتابعهم؟ وتشكيلة واحدة تجمع افضل ١١ لاعب و ٥ احتياطي؟ وتفاصيل تانية كتير نتمنى تستمتعوا بيها ودمتم سالمين الكورة فين مع عمر عبد الله و أحمد كانو.. كورة مصرية.. من زاويا مختلفة. 🎙️⚽ Produced by DG House

  7. Sep 16

    عموتة والأهلي وأزمة الزمالك وحكايات السحر | الكورة فين

    بيزيرا رايح فين؟ وهل عموتة وقع في الفخ؟ وجمهور الأهلي والإدارة هيصبروا؟.. وحكايات السحر والإقالات في الدوري المصري👀🔥 حلقة جديدة من «الكورة فين» بنفتح فيها ملفات تقيلة من قلب الكرة المصرية.. من قرار بيزيرا ومستجداته، إلى منظومة الزمالك والطرف الأكثر ظلمًا، وأزمة الأهلي وجماهيره مع حسين عموتة، واختيارات المدربين واللاعبين اللي بتفتح أسئلة أكتر مما بتقدم إجابات. في الحلقة: هل قرار بيع بيزيرا في صالح الزمالك؟ إيه حكاية البنود غير المعلنة في عقده؟ ليه اللاعب ممكن يبقى عايز يمشي من ناديه؟هل جمهور الزمالك هو أكتر طرف مظلوم في المنظومة؟مين أعظم مدرب في تاريخ الأهلي الحديث؟إيه الفكرة اللي الأهلي بيحاول ينفذها في الملعب؟هل جماهير الأهلي هتصبر على عموتة؟وهل الأهلي محتاج موسم بناء فعلًا؟وأين تكمن المشكلة الحقيقية في اختيارات الأندية؟ الكورة فين مع عمر عبد الله و أحمد كانو.. كورة مصرية.. من زاويا مختلفة. 🎙️⚽ Produced by DG House

  8. Sep 9

    النجاح في مصر بالصدفة! 🎲 وتقييم أزمة بيزيرا والمهاجمين🧐 | الكورة فين

    في الحلقة الثالثة من «الكورة فين».. لسه عمر عبد الله وأحمد كانو بيدورا على الكورة في الدوري المصري..! من الأهلي للزمالك لبراميدز ولغاية الفرق في أخر الترتيب.. ليه الدوري المصري بقى ضعيف هجوميًا؟ 🤔⚽ فين المهاجمين؟ وليه أغلب الفرق بتعاني في صناعة وتسجيل الأهداف؟ وهل المشكلة في المهاجمين فعلًا ولا في المنظومة كاملة؟ عمر وكانو بيفتحوا ملفات الدوري المصري وإفريقيا من زاويا مختلفة 👀🔥 من الصبغة الدفاعية وضعف المهاجمين، لاختيارات الأهلي والزمالك وبيراميدز للمهاجمين الأجانب.. وبيسألوا ويجاوبو: مين أصلًا بيختار اللاعبين؟ وهل النجاح في مصر بقى صدفة؟ وكمان بفتحوا ملفات الدوري العجيبة حالة الزمالك الاستثنائية الدفاع منظومة مش أفراد نظرة على أفضل المهاجمين في الدوري ومعدل التهديف مشاكل عموتة من وجهة نظر كانو أفضل تقسيم لتشكيل الأهلي مع عمر على لوحة التكتيك لغز خوان بيزيرا.. وأين ذهب؟ اختيارات وتشكيلات الأسبوع حلقة مليانة كورة، آراء، جدل وفلسفة كروية من نوع خاص. 🎙️ إنت شايف المشكلة فين؟ المهاجمين ولا المنظومة؟ 👇 Produced by DG House

  9. Sep 3

    تقييم ملفات الأهلي والزمالك والتحكيم بصراحة 🤔| الكورة فين

    فى الأسبوع التاني من بودكاست "الكورة فين" مع عمر عبدالله وأحمد كانو 🎙️⚽ اتكلمنا عن تفاصيل كتير حصلت في الأسبوع التاني وتفاصيل اكتر عن ملفات في نادي الزماك والأهلي وازاي تم التعامل معاها وعن وجود لاعبين سابقين كمديرين كورة او مدربين هل بيفرق؟ وعن التحكيم في مصر محتاج ايه عشان نحل أزمته؟ وحاجات كتير عن الدوري المصري وبكل أريحية ومن غير تجميل الكلام. Produced by DG House

  10. Sep 2

    انطلاقة بودكاست "الكورة فين" وتحليل الجولة الأولى

    أولى حلقات بودكاست "الكورة فين" مع عمر عبدالله وأحمد كانو 🎙️⚽ هنكون معاكم طول الموسم بنتكلم في كل حاجة عن الدوري المصري وبكل أريحية ومن غير تجميل الكلام، وفي الحلقة دي بنتكلم عن اننا نفسنا نلاقي الكورة في مصر ونشوفها بجد وعن مواضيع كتير زي ليه معظم الفرق بتلعب عشان "ما تخسرش" وتخطف نقطة، ومين بس اللي نازل يموت على الثلاث نقاط؟ ولغة الأرقام: تحليل 18 هدف، وسيادة المباريات للشوط الثاني، واكتفاج المحترفين مقابل تألق اللعيبة المصريين. مشاكل الزمالك وظروف 20 يوم إعداد، تجربة كابتن معتمد جمال، ولغز "بيزيرو" اللي ساب الملعب وطلع لايفات على التيك توك! ظاهرة المدرب الوطني: هل السن والجيل الجديد من المدربين المصريين هيدوا روح جديدة للدوري؟ وشكل الأهلي مع عموته وطبعًا تجديد إمام اللي حصل لايف في الإستوديو Produced by DG House

  • 10 Episodes

About

استمع لكل ما يخص الدوري المصري وتحليلات الماتشات وتقييم اللاعبين مع الكابتن عمر عبدالله والكابتن أحمد كانو

Information