BPN Debate Lab

Burma Podcast Network

ယခု BPN Debate Lab အစီစဥ်သည် Debater 12 ဦးပါဝင်တဲ့ အစီစဥ်တစ်ခုဖြစ်ပါတယ်။ မပြောမဖြစ်တဲ့ အကြောင်းအရာတွေဖြစ်တဲ့ မြန်မာပြည် လူငယ်များနှင့် ပညာရေးပန်းတိုင် ပျောက်ဆုံးမှု၊ ပညာသင်ယူခွင့်နှင့် အရင်းမြစ် မျှတစွာ မရရှိမှု၊ သမားရိုးကျပညာရေးနှင့် နည်းပညာ အားပြိုင်မှု အစရှိတဲ့ တကယ့်ဘဝထဲက မေးခွန်းများကို ရှုထောင့် အစုံကနေ Debate ပြုလုပ်ခဲ့ကြပြီး Burma Podcast Network မှ Podcast အသွင်ဖြင့် တင်ဆက်ပေးသွားမှာ ဖြစ်ပါတယ်။ ယခုအစီအစဥ်ဖြစ်မြောက်ရန်အတွက် ဥရောပသမဂ္ဂ European Union က ကူညီပံ့ပိုးထားပါတယ်။

Episodes

  1. Oct 31

    စမတ်ဖုန်းများ အသုံးပြုခြင်းသည် ကျောင်းနှင့် သင်ကြားမှုပတ်ဝန်းကျင်များအတွက် ဆိုးကျိုးထက်

    Round 4 စမတ်ဖုန်းများ အသုံးပြုခြင်းသည် ကျောင်းနှင့် သင်ကြားမှုပတ်ဝန်းကျင်များအတွက် ဆိုးကျိုးထက် ကောင်းကျိုးက ပိုမိုအလေးသာပါသလား? မိဘတွေ၊ ဆရာ/မ တွေ အတွက် Debate စာသင်ခန်းထဲ ဖုန်းယူလာသင့်သလား မသင့်ဘူးလား။​ ကလေးသူငယ်နဲ့လူငယ်တွေ သင်ကြားမှုအတွက် စမတ်ဖုန်းတွေက ကောင်းကျိုးများသလား ဆိုးကျိုးများမှာလား တစ်ခွန်းထဲအဖြေပေးလို့မရတဲ့ မေးခွန်းဖြစ်ပါလိမ့်မယ်။ BPN က Debate Lab round 4 မှာ ဒီမေးခွန်းအပေါ် လူငယ် ၆ ယောက်အကြိတ်အနယ် ဆွေးနွေးတင်ပြထားကြပါတယ်။ နားဆင်နိုင်ပါပြီ။

    စမတ်ဖုန်းများ အသုံးပြုခြင်းသည် ကျောင်းနှင့် သင်ကြားမှုပတ်ဝန်းကျင်များအတွက် ဆိုးကျိုးထက်

  2. Oct 3

    ကလေးတိုင်းသည် အနည်းဆုံး အခြေခံပညာရေး၏ ပထမသုံးနှစ်ကို မိခင်ဘာသာစကားဖြင့် သင်ယူခွင့်ရသင့်

    Round 3 ကလေးတိုင်းသည် အနည်းဆုံး အခြေခံပညာရေး၏ ပထမသုံးနှစ်ကို မိခင်ဘာသာစကားဖြင့် သင်ယူခွင့်ရသင့်ပါသလား? ကရင်ပြည်အစွန်းအဖျားသို့ရောက်လာသူတချို့က ဒေသခံများနှင့်တွေ့ကြရာတွင် “သူတို့က မြန်မာစကားလည်းမပြောတတ်ဘူး မြန်မာပြည်နေပြီး” ဆိုသည့်စိတ်ဖြစ်ကြသည်။ ထို့အတူ ရခိုင်စကားမတတ်သော မြို/ခမီ ဒေသခံများကို “ရခိုင်ပြည်နေပြီး ရခိုင်စကားမတတ်ဘူး” ဆိုသည့် စိတ်ဖြစ်ကြပြန်သည်။ ထိုပုဂ္ဂိုလ်တို့ အိန္ဒိယ သို့မဟုတ် ထိုင်းနိုင်ငံဖက် ရောက်ကြသည့်အခါ လမ်းဘေးစာများ၊ စကားများ စသဖြင့် ဘယ်အရာကိုမှ ရေရေလည်လည်ရော ရိပ်ဖမ်းသံဖမ်းပင် နားမလည်ကြတော့။ ထိုအခါတွင်မှ “မိခင်ဘာသာစကား” ၏ ခမ်းနားအရေးပါပုံကို ကွက်ကွက်ကွင်းကွင်းနားလည်ကြတော့သည်။ ဒါက အမြင်သာဆုံးဥပမာသာရှိပါသည်။ အင်္ဂလိပ်စာကျွမ်းမှု၊ ဘာသာပြန် အပလီကေးရှင်းများ၊ ဆော့ဝဲလ်များ မည်မျှခေတ်စား လာစေကာမူ လူတို့သည် မိမိဘာသာစကားဖြင့်သာ ရွေးချယ်ဘာသာပြန်ကြသလို တီထွင်သူများကလည်း ဘာသာစကားစုံသထက်စုံအောင် ပြုပြင်ဖြည့်စွက်နေကြရသည်။ သို့သော် ကလေးတစ်ဦးသည် ဘာသာစကားမည်မျှသာသင်နိုင်သည်၊ သင်သင့်သည်၊ ဗဟုစုံသောလူမျိုးများစွာ ရှိသည့်ဒေသများတွင် မည်သည့်ဘာသာကိုသင်ရမည်၊ ရုံးသုံးဘာသာကို မည်သည့်ဘာသာဖြစ်သင့်သည်၊ ထားဝယ်စကားဖြင့်သင်ကြားနေသော စာသင်ခန်းတွင် မန္တလေးသား ကလေးငယ်တစ်ဦး၏ ခံစားချက်နှင့် နားလည်နိုင်စွမ်း ဘယ်ပုံရှိမည် စသဖြင့် ငြင်းခုံအတွေးပွားစရာများစွာ ကျန်ရှိနေပါသည်။ အထူးသဖြင့် မြန်မာပြည်လို မိခင်ဘာသာစကားကိစ္စကို နှစ်ပေါင်းများစွာလျစ်လျူရှုခံခဲ့ရသော ပတ်ဝန်းကျင်တွင် ပိုမိုကျယ်လောင်စွာဆွေးနွေးရမည့်ကိစ္စဖြစ်နေသည်။ ၂၀၁၂ လောက်မှ မိခင်ဘာသာစကားအရေး စာနယ်ဇင်းများနှင့် ပညာရေးလောကသားများကြားတွင် ခပ်စိပ်စိပ်ကြားလာရသည်။ ထို့နောက် အာဏာသိမ်းမှုအတွင်း ထပ်မံမှေးမှိန်သွားရပြန်သည်။ မိခင်ဘာသာစကား အကောင်ထည်ဖော်ရမည့်နေရာအများစုမှာလည်း စစ်မက်ဖြစ်ပွားခြင်း၊ ရေရာသော မူဝါဒမည်သည့်အခါမှ မရှိခဲ့ခြင်းနှင့် လက်တွေ့အကောင်ထည်ဖော်မှုပိုင်းဆိုင်ရာ ယိုပေါက်များစွာ ကျန်နေပါသေးသည်။ ထိုကိစ္စက လူကြီးလူငယ်မရွေးဆွေးနွေးကြရမည့်ကိစ္စ၊ အကြောင်းရာများစွာကို ထည့်သွင်းဆင်ခြင်ချမှတ်ရမည့် ကိစ္စဖြစ်နေသည်။ယခုတစ်ခေါက်ထုတ်လွှင့်သည့် BPN Debate Lab အစီစဉ်တွင် တတိယအချီ Round 3 အဖြစ် လူငယ်များဆွေးနွေးငြင်းခုံကြမည့်ခေါင်းစဉ်က "ကလေးတိုင်းသည် အခြေခံပညာရေး၏ အနည်းဆုံး ပထမသုံးနှစ်ကို မိခင်ဘာသာစကားဖြင့် သင်ယူခွင့်ရသင့်ပါသလား" ဆိုသည့် ခေါင်းစဉ်ကြီးဖြစ်ပါသည်။ လူငယ်များ၏ စကားပြောစွမ်းရည်၊ သုတေသနပြုနိုင်မှုနှင့် ရဲစွမ်းသတ္တိများကို ကြီးငယ်မဟူ နားဆင်စဉ်းစားနိုင်ပြီဖြစ်ကြောင်း သတင်းကောင်းပါးဖြန့်ချိလိုက်ရပါသည်။

    ကလေးတိုင်းသည် အနည်းဆုံး အခြေခံပညာရေး၏ ပထမသုံးနှစ်ကို မိခင်ဘာသာစကားဖြင့် သင်ယူခွင့်ရသင့်

  3. Sep 12

    ပညာရေးစနစ် အရည်အသွေး မြှင့်တင်ခြင်းလား? ကျောင်းမတက်နိုင်သူ ကလေးများအားလုံး ပညာရေးလက်လှမ်

    Round 2 မြန်မာနိုင်ငံအနေဖြင့် မည်သည့်အရာကို ပိုမိုဦးစားပေးသင့်ပါသလဲ။ စာသင်ခန်းအတွင်းရှိ ကျောင်းသားများအတွက် ပညာရေးအရည်အသွေး မြှင့်တင်ခြင်းလား၊ သို့မဟုတ် ကျောင်းပြင်ပ/ ကျောင်းမတက်နိုင်သူ ကလေးများအတွက် ပညာရေးလက်လှမ်းမီရေးလား? မြန်မာပြည်ဟာ ဆင်းရဲမွဲတေတဲ့နိုင်ငံဖြစ်တယ်လို့ မျိုးဆက်များစွာက ကြေကွဲဖွယ် လက်ဆင့်ကမ်းပြောနေကြရပါတယ်။ ပြည်တွင်းစစ်ကဆက်ဖြစ်နေတော့ စစ်ဘေးဒုက္ခခံနေကြရသူတွေလည်း များစွာဆက်ရှိနေတယ်။ အလားတူ တစ်ဖက်မှာ နောက်မျိုးဆက်တွေရဲ့အနာဂတ်အလားအလာတွေဟာ မေးခွန်းထုတ် စောကြောဆွေးနွေးစရာကိစ္စကြီးဖြစ်လာပါတယ်။ ပညာရေးစနစ်လား၊ သင်ရိုးလား၊ လက်လှမ်းမီမှုလား၊ အရည်သွေးလား၊ အရေတွက်လား၊ မူဝါဒလား၊ လက်တွေ့လား၊ အရင်းမြစ်ပြဿနာလား၊ ပညာရေးသင်းသတ်ခံရမှုလား စသဖြင့် မြန်မာပြည်ကမှန်ရင်ခေါင်းခဲစဉ်းစားရမယ့်ကိစ္စတွေ အင်မတန်ဖြစ်ပေါ်နေပါတယ်။ ဒီအခြေနေဆိုးမှာ လူ့အဖွဲ့အစည်းအတွက် အစာအာဟာရထောက်ပံ့မှုလိုအပ်သလိုပဲ နှလုံးသားအာဟာရ၊ ဉာဏ်အာဟာရတိုက်ကျွေးဖို့လည်း လိုပါတယ်။ ဒါမှခေတ်ဘယ်လောက်ဆိုးဆိုး ကြိတ်မှိတ်မခံဘဲ ဝေဖန်ဆန်းစစ်နိုင်စွမ်း၊ လမ်းကြောင်းရှာဖောက်ထွက်နိုင်စွမ်းနဲ့ လူ့စရိုက်ရဲ့ ဗိုလ်ကျအနိုင်ကျင့်စော်ကားမှုတွေကို ဖယ်ရှားနိုင်ကြမှာဖြစ်ပါတယ်။ ဒါမှလည်း မကျေနပ်လို့လမ်းပေါ်ထွက်လာတဲ့လူအုပ်ကြီးကို အဆင်ခြင်နတ္ထိသမားတွေက သူခိုးကလူပြန်ဟစ်ပြီး ပညာမဲ့သူတွေလို့ အပုပ်ချနေကြတာကို တန်ပြန်နိုင်ကြမှာဖြစ်ပါတယ်။ တစ်ဦးချင်း၊ တစ်စုချင်း၊ တစ်နိုင်ငံချင်းရဲ့စွမ်းရည်ကိုမြှင့်တင်ပြီး တိုးတက်ရေးကိုရှေ့ရှုနိုင်ကြမှာဖြစ်ပါတယ်။ BPN Debate Lab ရဲ့ Round 1 မှာတုန်းက ကျောင်းတက်နေရတဲ့လူငယ်တွေအနေနဲ့ ရွေးချယ်ရမယ့်ကိစ္စတွေကို ဆွေးနွေးခဲ့ကြသလို ဒုတိယအချီအနေနဲ့ တိုင်းပြည်အဆင့်စဉ်းစားကြရမယ့်ကိစ္စတွေကို ဖော်ထုတ်ဆွေးနွေးသွားကြမှာဖြစ်ပါတယ်။ ပျော်ပွဲရွှင်ပွဲတွေမှာအပြတ်ကဲနေသူတွေ၊ နိုင်ငံကထွက်ပြေးရသူတွေ၊ စစ်ထဲပါသွားကြသူတွေအပြင် ကိုယ့်ဘဝလမ်းကြောင်းနဲ့ တိုင်းပြည်ရဲ့မူဝါဒဆိုင်ရာကိစ္စတွေအထိပြောဆိုနိုင်ကြတဲ့ ပျိုမျစ်နုနယ်ထိုလူငယ်တွေ ရှိသေးတယ်ဆိုတာကို သတိချပ်နိုင်ကြဖို့ ဒီအပိုင်းကို BPN နဲ့ ဥရောပသမဂ္ဂတို့ ပူးပေါင်းထုတ်လုပ်ဖြန့်ချိလိုက်ပါတယ်။

    ပညာရေးစနစ် အရည်အသွေး မြှင့်တင်ခြင်းလား? ကျောင်းမတက်နိုင်သူ ကလေးများအားလုံး ပညာရေးလက်လှမ်

  4. Sep 2

    မြန်မာလူငယ်များသည် ကျောင်း/တက္ကသိုလ်ပညာရေးသို့ ပြန်လည်ဝင်ရောက်သင်ယူသင့်သလား (သို့မဟုတ်) သ

    Round 1 မြန်မာလူငယ်များသည် ကျောင်း/တက္ကသိုလ်ပညာရေးသို့ ပြန်လည်ဝင်ရောက်သင်ယူသင့်သလား (သို့မဟုတ်) သက်မွေးပညာရပ်များကို ပိုမိုအာရုံစိုက်သင့်သလား? “Debate” ကို အချေအတင်ငြင်းခုံမှု၊ စကားစစ်ထိုးပွဲလို့ ဖလှယ်သုံးစွဲကြပါတယ်။ ဒီဓလေ့က တစ်ဦးနဲ့ တစ်ဦး တစ်ဖွဲ့နဲ့တစ်ဖွဲ့ ကျနယဉ်ကျေးစွာ ပြောဆိုဆွေးနွေးငြင်းခုံကြတဲ့ကိစ္စဖြစ်တယ်။ ကျောင်းတက်တဲ့အရွယ်ကနေ လူတောထဲဝင်ကြရာမှာ ကိုယ်ရည်ကိုယ်သွေးအဖြစ် စကားပြောစွမ်းရည်နဲ့ သုတေသနပြု တွေးခေါ်ဆန်းစစ်နိုင်စွမ်းကို လေ့ကျင့်သုံးစွဲဖို့ရာ ပြုလုပ်ကြပါတယ်။ မြန်မာပြည်မှာဆိုရင်လည်း ကိုလိုနီခေတ်တက္ကသိုလ်ပညာရေးမှာ အထူးအားပေးအားမြှောက်ပြုခဲ့ကြတဲ့ အစီအစဉ်တွေဖြစ်တယ်။ နောင်မှာကျော်ကြားထင်ရှားလာမယ့် ကိုအောင်ဆန်း၊ မအမာ တို့အပါအဝင် နိုင်ငံရေး၊ စီးပွားရေး၊ လူမှုရေး၊ စာနယ်ဇင်းပုဂ္ဂိုလ်ကျော်များဟာလည်း ဒီပရဝုဏ်တွေထဲက အချီအချအငြင်းအခုံ“Debate” တွေရဲ့ တွေးခေါ်ပြောဆိုမှုအလေ့အထတွေကနေ သန္ဓေတည်ခဲ့ကြတာဖြစ်ပါတယ်။ ဒါပေမဲ့ စစ်အာဏာရှင်စနစ် ကြီးထွားသက်ဆိုးရှည်လာတာနဲ့အမျှ လွတ်လပ်စွာ တွေးခေါ်ပြောဆိုထောက်ပြငြင်းခုံတာတွေ တတိတိပျောက်ကွယ်သွားခဲ့ပါတယ်။ ဒီဓလေ့တွေကို အယောင်ပြလုပ်ပြရာမှာ အာဏာရှင်တွေနဲ့ မင်းတြားတွေရဲ့ ဘုန်းတော်ဘွဲ့မော်ကွန်းတွေကိုသာ အဓိကထားခဲ့ကြတယ်။ အတိုင်းတာနည်းနည်းလွတ်လပ်ခဲ့တဲ့ အမည်ခံဒီမိုကရေစီခေတ်မှာတောင် ဒါကို အရှိန်တင်ဖို့အစပျိုးပြီး လမ်းတစ်ဝက်မရောက်တရောက် အခြေအနေသာရှိခဲ့ပါတယ်။ တီဗွီချန်နယ်တွေ၊ သတင်းဌာနတွေက “Debate” အစီစဉ်တွေလုပ်ခဲ့ပေမဲ့ ၂၀၂၁ မှာ အာဏာထပ်သိမ်းတော့ ဒီဓလေ့တွေ ထပ်မံဦးချိုးခံရပါတယ်။ လွတ်လပ်စွာ တွေးခေါ်ပြောဆိုငြင်းခုံမှုဆိုတာ အာဏာပိုင်တွေနဲ့ သူတို့ရဲ့လွဲမှားတဲ့ အယူအဆမူဝါဒတွေကို အခြိမ်းခြောက်နိုင်ဆုံး မို့ပါပဲ။ ဒီလိုနဲ့သမိုင်းတစ်ပတ်လည်လို့ မလွတ်မလပ်နဲ့ခိုးကြောင်ခိုးဝှက် ကျီးလန့်စာစားဘဝ ပြန်ရောက်ကြရပါတယ်။ လူငယ် လူငယ်နဲ့ ဗန်းပြပြောနေကြပေမဲ့ စကားစစ်ထိုးဖို့နေနေသာသာ လူစုစုလုပ်ရင်တောင်မှ မသင်္ကာဖြစ်ခံရတဲ့ ခေတ်ဆိုးကြီးမှာ BPN ရဲ့ Debate Lab အစီအစဉ်က ဒီယဉ်ကျေးမှုကို တစ်ဖက်တစ်လမ်းက ပါဝင်အားဖြည့်ဖို့ ကြိုးစားချက်ဖြစ်ပါတယ်။ စစ်ကျွန်နိုင်ငံတစ်ခုမှာ အောက်စဖို့ဒ်တွေ၊ ကိန်းဘရစ်ချ်အဆင့်တွေကို ခဏထားလိုက်ပါဦး။ တိုင်းပြည်ရဲ့အခြေခံဖြစ်တဲ့ ပညာရေး အဆောက်အဦတွေ နည်းမျိုးစုံနဲ့ ပုံဖျက်ခံနေရချိန် လူငယ်တွေအတွက် ရရာကနေ ဖော်ထုတ်တွေးခေါ်ပြောဆိုဖို့ နေရာတွေက ပိုအရေးကြီးတယ်။ ဒီလိုပဲ ပြောဆိုဆွေးနွေးကြမယ့် အကြောင်းအရာတွေရဲ့ အကျယ်အပြန့်ကလည်း အရေးကြီးပါတယ်။ အခုတင်ဆက်မယ့် Round 1 မှာတော့ လူကြီးလူငယ်မရွေး ငြင်းခုံလေ့ရှိကြတဲ့ ပညာရေးကဏ္ဍကို လူငယ်အရသာအပြည့်နဲ့ နားဆင်ကြရမှာဖြစ်ပါတယ်။ တစ်ချိန်က ကျောင်းတက်ခဲ့တဲ့ဘဝကို ပြန်ဝင်စားပြီး အတွေးဝင်ငြင်းခုံကြပါစို့။

    မြန်မာလူငယ်များသည် ကျောင်း/တက္ကသိုလ်ပညာရေးသို့ ပြန်လည်ဝင်ရောက်သင်ယူသင့်သလား (သို့မဟုတ်) သ
  • 4 Episodes

About

ယခု BPN Debate Lab အစီစဥ်သည် Debater 12 ဦးပါဝင်တဲ့ အစီစဥ်တစ်ခုဖြစ်ပါတယ်။ မပြောမဖြစ်တဲ့ အကြောင်းအရာတွေဖြစ်တဲ့ မြန်မာပြည် လူငယ်များနှင့် ပညာရေးပန်းတိုင် ပျောက်ဆုံးမှု၊ ပညာသင်ယူခွင့်နှင့် အရင်းမြစ် မျှတစွာ မရရှိမှု၊ သမားရိုးကျပညာရေးနှင့် နည်းပညာ အားပြိုင်မှု အစရှိတဲ့ တကယ့်ဘဝထဲက မေးခွန်းများကို ရှုထောင့် အစုံကနေ Debate ပြုလုပ်ခဲ့ကြပြီး Burma Podcast Network မှ Podcast အသွင်ဖြင့် တင်ဆက်ပေးသွားမှာ ဖြစ်ပါတယ်။ ယခုအစီအစဥ်ဖြစ်မြောက်ရန်အတွက် ဥရောပသမဂ္ဂ European Union က ကူညီပံ့ပိုးထားပါတယ်။

Information

  • Creator
    Burma Podcast Network
  • Years Active
    2026
  • Episodes
    4
  • Rating
    Clean
  • Copyright
    © Burma Podcast Network
  • Show Website
    BPN Debate Lab