ជ្រលងដំរីខេត្តមណ្ឌលគិរី ក្លាយជាកន្លែងទេសចរណ៍ដ៏ទាក់ទាញ

កម្ពុជាមានដំរីស្រុកប្រមាណជាង ៧០ក្បាល និងដំរីព្រៃពី​​​​ ៦០០ ទៅ ៨០០ ក្បាល ដែលកំពុងរស់នៅក្នុងព្រៃធម្មជាតិ ក្នុងភូមិភាគឦសាន តំបន់ជួរភ្នំក្រវាញ និងតំបន់ព្រៃឡង់ជាដើម។ ​នៅ​ក្នុង​ដី​ព្រៃខេត្តមណ្ឌលគិរី គម្រោងជ្រលងដំរីកំពុង​ជួយ​សង្គ្រោះ​​ដំរីចំនួន ៧ក្បាល​ឲ្យ​បាន​រស់​តាម​បែប​ធម្មជាតិ ​ដោយ​ជនជាតិ​ដើម​ភាគ​តិច​ពូនង​។ ការ​អភិវឌ្ឍ​អេកូ​ទេសចរណ៍​នៅ​ក្នុង​តំបន់​ទាក់ទាញ​ដោយសត្វ​​​ដំរី​មួយនេះ​ កំពុង​តែ​ជម្រុញ​ឲ្យ​សហគមន៍​ជនជាតិ​ដើម​ ចូលរួម​ការពារ​ព្រៃឈើ​។ ឯម្ចាស់ដំរី និងសត្វដំរី ក៏​​អាចទទួលបាន​ប្រាក់ចំណូល​ពីតំបន់អេកូទេសចរណ៍មួយនេះដែរ​។