سينما صيفي

Mada Masr

في «سينما صيفي» هنحكي عن السينما واختلاطها بالشارع اللي جاي منه صنّاعها وجمهورها.

  1. سينما صيفي| فقراء في المنيو

    2 DAYS AGO

    سينما صيفي| فقراء في المنيو

    في حلقتنا التانية عن الأكل والسينما، من بودكاست «سينما صيفي»، بيحاول بسام مرتضى يخلينا نفكر في البني الآدمين، اللي بيتاكلوا، بمناسبة إننا في شهر رمضان اللي الأكل بياخد فيه مساحة ضخمة، حتى التلفزيون بإعلاناته ومسلسلاته، بيقدم لنا الأكل ولمة السفرة على إنها المعادل للعيلة. البني آدمين كصنف في المنيو، في سينما خيري بشارة، هو موضوع حلقتنا، اسمعوها على منصاتنا المختلفة.

    16 min
  2. سينما صيفي| أكلات سينمائية

    4 MAR

    سينما صيفي| أكلات سينمائية

    بمناسبة شهر رمضان، ومن خلال حلقتين من بودكاست «سينما صيفي»، بيحاول بسام مرتضى التأمل في حضور الأكل في السينما، كرمز، وكجزء من عضم السيناريو لفهم الشخصيات ودوافعها. في الحلقة الأولى بيتناول حضور الطعام في أفلام عدد من المخرجين المصريين والأجانب، زي «أرض الخوف» و«رسائل البحر» لدوود عبد السيد، و«موعد على العشاء» لمحمد خان، و«النهر» لغسان سلهب، و«الأزمنة الحديثة» لشارلي شابلن، و«الإرهاب والكباب» لشريف عرفة، وغيرهم.

    13 min
  3. سينما صيفي| داوود عبد السيد.. في وداع صورة المخرج

    13 JAN

    سينما صيفي| داوود عبد السيد.. في وداع صورة المخرج

    في حلقتنا الجديدة من بودكاست «سينما صيفي» بيشاركنا بسام مرتضى قصتين عن سينمائي عظيم مفضل بالنسبة له، وهو المخرج الراحل داوود عبد السيد، وعن الشيء الساحر في سينماه، اللي كان حصيلتها 9 أفلام كانوا غير كافيين بالنسبة لرغبة مخرجنا الكبير إنه يعمل أفلام، واللي لحد آخر اللحظة كان عايز يزود عدد الأفلام لكنه حُرم من ده.

    18 min
  4. سينما صيفي| روكي وعلاء عبد الفتاح

    25/09/2025

    سينما صيفي| روكي وعلاء عبد الفتاح

    مع المشاعر العارمة اللي غمرتنا لما شفنا صوره الأولى مع العيلة ووالدته الدكتورة ليلى سويف، بيحتفل بسام مرتضى بالإفراج عن علاء عبد الفتاح، في حلقة جديدة من بودكاست «سينما صيفي»، بينطلق فيها من لحظة معينة من لحظات احتفال علاء بخروجه، وهي دندنته مزيكا فيلم «روكي» (1976) ببُقه وهو بيتنطط. روكي كفيلم عن الحب والهشاشة والجسد، أكتر من مجرد ثنائية الانتصار والهزيمة.

    13 min
  5. «سنترال».. في الجحيم

    02/08/2025

    «سنترال».. في الجحيم

    بسام مرتضى «السنترال ولّع»، خبر بعده اتفاجئنا كلنا بقطع الاتصالات، والإنترنت، وكروت الدفع، والخدمات المرتبطة بيهم. لحظة كسرت كل ما هو متوقّع، وهزت حياتنا، وخلتنا نعيد التساؤل فيما يمثله. هنا بيسترجع بسام مرتضى، في حلقة جديدة من بودكاست «سينما صيفي»، أحد الأفلام الفارقة في بدايات السينما المستقلة المصرية، سواء من الناحية الإنتاجية، أو من حيث اللغة السينمائية، فيلم «سنترال» للمخرج محمد حماد، واللي عمل ضجة رقابية كبيرة وقت صدوره، وضجة من حيث استقبال الجمهور، بجرأته في طرح معاني الأسرار والتواطؤ والفساد وانحلال وتفسخ المجتمع.  في حلقتنا بسام بيستضيف حماد، عشان يسمع منه إزاي بيشوف «سنترال» دلوقتي.

    33 min
  6. عصفور شاهين المطارد

    19/07/2025

    عصفور شاهين المطارد

    في رابع حلقات سلسلة الهزيمة في السينما من بودكاست «سينما صيفي»، بياخدنا بسام مرتضى للفيلم اللي قررت الدولة تعدم جميع نسخه، أهم أفلام يوسف شاهين عن النكسة، فيلم «العصفور»، واللي فيه بنشوف اختيارات شاهين الفنية الجريئة والمهمة، زي التنقل الحر في الزمن وربط العام بالخاص. شاهين كان شايف لحظة إدراك الهزيمة لحظة تغيير، لازم يقابلها تحرر في السرد السينمائي.

    20 min
  7. سينما صيفي| «أبناء الصمت».. سينمائيون على الجبهة

    25/06/2025

    سينما صيفي| «أبناء الصمت».. سينمائيون على الجبهة

    بعد سنة من نصر العبور، وسط ما الدولة والتلفزيون بيحتفلوا بالنصر العسكري، ظهرت كتير من الأفلام اللي بتتكلم عن حرب أكتوبر، لكن فيه اختلاف كبير بين الأفلام دي وفيلم «أبناء الصمت»، وحتى اختلاف بينه وبين أفلام الهزيمة، زي «أغنية على الممر» و«العصفور»، اختلاف جاي من كونه بيحكي عن أبطال بدون جعجعة أو ادعاءات، بيكافحوا بدون كلام.  في حلقتنا الجديدة من بودكاست «سينما صيفي»، بيجاوب بسام مرتضى على  إزاي الفيلم بيلقط شيء حقيقي ومعاش من الحكايات على الجبهة، مش مجرد قصة يتبني عليها فيلم.

    16 min
  8. سينما صيفي| «أغنية على الممر».. أحلام سينمائية كبرى

    21/06/2025

    سينما صيفي| «أغنية على الممر».. أحلام سينمائية كبرى

    زاوية أخرى معمقة تشتبك مع «أغنية على الممر» من المخرج ياسر نعيم، اللي بيستضيفه بسام مرتضى في الحلقة الثانية من سلسلة الهزيمة في السينما، من بودكاست سينما صيفي، واللي بتحاول تورينا إزاي السينمائيين المصريين شافوا  لحظة 5 يونيو، الاشتباك اللي أصبح ضرورة في ظل الحرب الإسرائيلية المستمرة.

    25 min
See All (49)

5
out of 5
3 Ratings

About

في «سينما صيفي» هنحكي عن السينما واختلاطها بالشارع اللي جاي منه صنّاعها وجمهورها.

Information

  • Channel
    Mada Masr
  • Creator
    Mada Masr | مدى مصر
  • Years Active
    2022 - 2026
  • Episodes
    49
  • Rating
    Clean
  • Copyright
    © Mada Masr | مدى مصر
  • Show Website
    سينما صيفي

More From Mada Masr

You Might Also Like