وش كنّا نقول؟

4.5 (45)
Personal Journals
Weekly

بودكاست أسبوعي غير مفيد. يجلس فيه عبادي وأسامة بازيد جلسة حبيّة، يسولفون فيها عن أحداث الأسبوع الماضي من وجهة نظرهم الشخصية وخيالهم الواسع. ما بتطلع منه بمعلومة لكن بيوسع صدرك!

1 day ago

تسافر بالطيارة ولّا تمسك خط بالسيارة؟

نقدر نقول إنها حلقة مليانة عشوائيات وحِكم؟ وفيها عنصر مهم مفقود.. إذا لقيتوه رجّعوه للبودكاست. بدأ عبادي وأسامة الحلقة بفلسفة «من كل بحر قطرة»، وأن الواحد لازم يكتسب شوي من كل مجال، ثم سولفوا عن مدة صلاحية الميمز، وكيف يعيش الميم أو الرياكشن ويتداوله الناس لين يطلع له بديل ياخذ مكانه. بعدها حوّلوا على وسائل النقل وأهمية السيارة والقطار والسفينة والطيارة في العالم، وتجادلوا أيّها أفضل للسفر، ومن هنا جابوا طاري محطات الطريق وسفرات الخطوط. وتكلموا عن تغيّب عبادي عن مسرحية حسن البلام، وجلس يبرّر ربع ساعة كاملة. أمّا فقرة «خدمة العملاء» فأخذت إجازة هالحلقة، بس مشاكلكم ما تاخذ إجازة.. أرسلوها لنا برسالة صوتية على الرابط وازهلوها: https://surveys.thmanyah.com/r/Gx8yRO الروابط: حساب عبادي حجّاي على إنستقرام - @ihajayحساب أسامة بازيد على إنستقرام - @osamabzحساب ناصر بامشموس على إنستقرام - @nasserbam ــــ • تابع البطولات السعودية على تطبيق ثمانية.
28 Oct

طقوس موسم الوسم مع أبو حمدان

تطلع الفجر بجاكيت، وترجع الظهر تدوّر على المكيف، وتجي العصر تشتهي شويهي؟ أنت رسميًا في موسم الوسم. سولفنا مع ضيفنا أبو حمدان عن طقوس وجداول موسم الوسم، من نسانيس الفجر لحرّ الظهر واعتدال الجو في الليل، وأعلنوا رسميًا دخول وقت الشاهي بالحليب وسخانة المويه والكشتات، ثم سولفوا عن قصة أبو حمدان لمّا نشب بسيارته في مواقف المعيقلية وقت «شتاء الديرة»، وكيف فزع له عبادي وطلّعه منها. أما الخبر الأهم، فهو عودة العلاقات بين عبادي وإيلون ماسك بعد القطعة الطويلة، وتسريبات خطيرة سرّية عن سيارة تسلا «رودستر» (Roadster) اللي تطير، بعدها تكلموا عن الصداقات في عمر كبير: من وين تجيب طاقة تتعرف على ناس جدد؟ وأيش شروطك في الصديق الجديد؟ أسامة يشترط قلاية هوائية، وعبادي يبيه يعرف في الكورة، وأبو حمدان يبيه ينام معه في السينما، وختموها بحل مشاكلكم. أمّا فقرة «خدمة العملاء» فأخذت إجازة هالحلقة، بس مشاكلكم ما تاخذ إجازة.. أرسلوها لنا برسالة صوتية على الرابط وازهلوها: https://surveys.thmanyah.com/r/Gx8yRO الروابط: حساب عبادي حجّاي على إنستقرام - @ihajayحساب أبو حمدان على إنستقرام - @abu7amdanحساب أسامة اليحيى «أبو سارة» على إنستقرام - @osama97yحساب أسامة بازيد على إنستقرام - @osamabzحساب ناصر بامشموس على إنستقرام - @nasserbam ــــ • تابع البطولات السعودية على تطبيق ثمانية.
21 Oct

هل اسمك يحدد شكلك؟

لو سمعت اسم «خالد»، غالبًا جت في بالك صورة معيّنة وحكمت على شخصيته حكم مبدئي.. مب عنصرية لكن هذي اللي يسمّونها «الصورة النمطية». بدأت الحلقة بتتويج «حلتيته» جديد: أسامة بازيد، وحاول عبادي يبعد التهمة عنه وسلّط الضوء -فوق ما هو مسلّط- على حبّة في جبهته، والحبوب عمومًا اللي تطلع قبل المناسبة بيوم. سولفوا عن أول وظائفهم: عبادي في قسم الأجبان بسوبرماركت، وأسامة في مقهى «د. كيف»، وعلّمنا من تجربته وين تروح المأكولات الزايدة آخر اليوم. فتحوا بعدها نقاش إذا عادي تذوق منتج وتمشي بدون ما تشتري؟ وهل نفخ الكفرات ببلاش والتمشيطة عند الحلاق تدخل في نفس الحكم؟ ختموا الحلقة بآرائهم في فلم «ديقر» (Digger) وفلم «هارت أوف ذا بيست» (Heart of the Beast)، وتمثيلية لمشاكلكم من فقرة «خدمة العملاء ». أمّا فقرة «خدمة العملاء» فأخذت إجازة هالحلقة، بس مشاكلكم ما تاخذ إجازة.. أرسلوها لنا برسالة صوتية على الرابط وازهلوها: https://surveys.thmanyah.com/r/Gx8yRO الروابط: حساب عبادي حجّاي على إنستقرام - @ihajayحساب أسامة بازيد على إنستقرام - @osamabzحساب ناصر بامشموس على إنستقرام - @nasserbam ــــ • تابع البطولات السعودية على تطبيق ثمانية.
14 Oct

الغالي سعره فيه والرخيص مخيس؟ مع التوأم المهندسين

كم مرة طلبت شيء ما تحتاجه، بس عشان الهدية المجانية اللي معه؟ استضفنا التوأم المهندسين عبدالله ومحمد الدهامي، المعروفين بـ«ترك المهندسين» من فريق «أو جي» (OG)، واللي لو بدّلوا أماكنهم في نص الحلقة ما انتبهنا. بدأت الحلقة بسالفة مقاطع «يوم جديد ويد جديدة» مع سام 6، والطباعة ثلاثية الأبعاد. ثم حوّلوا على الإعلانات اللي تبيع لك عطر وتعطيك معه بيت أو سيارة أو آيفون مجانًا، وإغراء الأسعار قبل وبعد. وتكلموا عن المكانس الكهربائية بين الغالي والرخيص، والرخيصة منها اللي توصّخ أكثر مما تنظّف. بعدها سولفوا عن طريقة شرب الإسبريسو مع المويه الغازية، ومكينة «إكسبلوم»، وجابوا طاري البطولة العالمية للباريستا. ثم طرحوا تساؤل: هل فيه شيء اسمه شاهي مختص، ولّا هذولي جماعة غاروا من حقين القهوة المختصة؟ ومن الشاهي المختص انتقلوا للماتشا والشاهي المثلّج ومشروبات الطاقة قبل النادي. وأخيرًا حاولوا في فقرة «خدمة العملاء» يحلّون مشاكلكم. إذا عندك مشكلة، عويصة أو بسيطة، أرسلها لـ «خدمة العملاء» وازهلها، عبادي وأسامة بيحلّونها -أو يزيدونها-. https://surveys.thmanyah.com/r/Gx8yRO الروابط: حساب عبدالله الدهامي على إنستقرام - @budygardحساب محمد الدهامي على إنستقرام - @engtwins.24حساب عبادي حجّاي على إنستقرام - @ihajayحساب أسامة بازيد على إنستقرام - @osamabzحساب ناصر بامشموس على إنستقرام - @nasserbam ــــ • تابع البطولات السعودية على تطبيق ثمانية.
7 Oct

عندك مشكلة مع التعفّن الدماغي؟

التعفّن الدماغي مشكلة.. يخلّيك ما تكمّل متابعة مقطع طويل، ودايم تبي اللي بعده. فما ودنا نطوّلها عليك.. هالمرة الحلقة بدون وصف؛ للمتعفنين دماغيًا أولًا، ثم ثانيًا لكشفكم هل تقرون الوصف ولّا لا؟ 🤨 اللي من «أهل البودكاست» على قولة عبادي، أو «أصدقاء البودكاست» على قولة أسامة، ويقرأ وصف الحلقات دائمًا، يعلّمنا في التعليقات ويثبت وجوده عشان نصفّق لكم في الحلقة الجاية. -ومرة وحدة يمدح اللي يكتب الوصف لو كنتم مب متعفنين دماغيًا وعندكم وقت للتعبير، وشوفوني أعطيكم حرية الرأي.- — جهّز ضحكتك واحجز مقعدك في جولة عروض أسامة بازيد و«لحد يدري».🤫 https://thmanyah.link/cTEMOI الروابط: حساب أوس النفيعي على إنستقرام - @aws_alnefieحساب عبادي حجّاي على إنستقرام - @ihajayحساب أسامة بازيد على إنستقرام - @osamabzحساب ناصر بامشموس على إنستقرام - @nasserbam ــــ • تابع البطولات السعودية على تطبيق ثمانية.
30 Sept

ذكريات الكامري وسيارة «سير» السعودية مع أوس النفيعي

كل واحد فينا له قصة مع سيارة حوض، أو كرسيدا أبوه، أو كامري العائلة المتوارثة. سولفوا الشباب مع الكوميديان الرهيب أوس النفيعي، عن السيارات القديمة من الكراون فكتوريا لين أول سيارة ساقها كل واحد منهم، ثم حوّلوا على السيارات الغريبة، مثل هيونداي إتش 1 وفان ستروين، ثم تجادلوا عن الجلسة عكس السير في المترو والقطار تدوّخ صدق، ولّا بس كيس؟ تناقشوا عن سيارة «سير» الكهربائية السعودية الجديدة، والمزايا اللي فيها مثل مكتبة الألعاب، ثم جابوا طاري باقي السيارات مثل تسلا وبي واي دي والسيارات الصينية. تكلموا عن الآيفون الجديد واللون البرقندي، وهبّة تزيين الجوالات والسيارات، وترند الفصفصة اللي مدري من وين طلع لنا، وختموها بفقرة خدمة العملاء اللي حلّينا فيها مشاكلكم. حلّينا مشاكلكم في فقرة «خدمة العملاء»، لو عندك مشكلة؟ اكتبها لنا ودواك عندنا. بس السؤال: مين يحلّ لنا مشاكلنا؟ الروابط: حساب أوس النفيعي على إنستقرام - @aws_alnefieحساب عبادي حجّاي على إنستقرام - @ihajayحساب أسامة بازيد على إنستقرام - @osamabzحساب ناصر بامشموس على إنستقرام - @nasserbam ــــ • تابع البطولات السعودية على تطبيق ثمانية.
23 Sept

هل الصدفة خير من ألف ميعاد؟

هل عندك خطط للاحتفال باليوم الوطني؟ أو زي ما تجي تجي؟ حلقة اليوم عن الصدفة والتخطيط، وبين محاسن الصدف وترتيب المواعيد، والفرق بين الصدفة والحظ. سولفوا عن آلة القهوة «إكسبلوم» واتهموها أنها تتنصّت وتصوّر، ثم سولفوا عن الاختراعات والأشياء اللي جت بالصدفة، مثل قصة اكتشاف القهوة، وقصة اختراع القلم، بعدها حوّلوا على جماعة العفوية وجماعة الحلتيته، وختموها بعقابات الأطفال والأنظمة القسرية اللي تمشي عليهم، مثل سحب البلايستيشن، ووقت النوم الإجباري. وسرّبنا خبر محد يدري عنه، إلّا اللي بيسمعه في الحلقة. -جولة كوميدية لأسامة بازيد في أكتوبر- 🤫 لحد يدري. الروابط: حساب عبادي حجّاي على إنستقرام - @ihajayحساب أسامة بازيد على إنستقرام - @osamabzحساب ناصر بامشموس على إنستقرام - @nasserbam ــــ • تابع البطولات السعودية على تطبيق ثمانية.
16 Sept

دور الأخ الكبير في التربية مع محمد بازيد

يقولون الأخ الكبير له دور في التربية، أو له دور بس، أو تربية بس.. ما ندري، لكن استضفنا الأخ الكبير القدير محمد بازيد عشان نعرف. بدأت الحلقة بعشوائية سوالف ما بين هبّة عبادي في الاستثمار بالأسهم الخاصة، أو على قولته «برايفت إكويتي»، ثم دخلوا على موضوع الأخ الكبير ودوره في التربية، وقرّر يصارحنا أسامة عن قصة طموحه الرياضي في الاحتراف برياضة الإسكواش مع نادي القادسية قبل ما يُقمع من أخوه محمد. وطالما عائلة بازيد حضرت، حضر معها موضوع الطيارات والطيران، فإذا كان عندك أسئلة زي عبادي عن الدرجة السياحية الجديدة.. ما نوعدك بس يمكن تلقى الإجابة. سولفوا عن اللي فازت مع قينيس بجائزة أسرع آكلة بوريتو في العالم، وسألوا بعض: «لو بتفوز في قينيس، بتفوز على أيش؟» اسمعوا إجاباتهم في الحلقة، وعطونا إجاباتكم. الروابط: حساب عبادي حجّاي على إنستقرام - @ihajayحساب أسامة بازيد على إنستقرام - @osamabzحساب ناصر بامشموس على إنستقرام - @nasserbam ــــ • تابع البطولات السعودية على تطبيق ثمانية.

See All (53)

4.5

out of 5

45 Ratings

أحلى بودكااااست

2 days ago

yeonminano

أحبكم يا رب ما تموتوا
.

26 Sept

T u r k i .

.
مطالبة

26 Aug

Remsleh2

اطالب بحلقتين بالأسبوع اقل شي بلييز
استمروا ❣️

27 Jan

AlanoudMoh

مادريت انكم نقلتوا هنا توني ادري وصار عندي حلقات متراكمه اسمعها للدوام وبزحمة الرياض، الافضللللل حلقة مصطلحات الجيل الجديد اكثر حلقه ضحكت فيها بحياتي ورجعت عدتها لامي بعد ١٠/١٠ المعد ناصر يحسسني بالانتماء لانه من الجيل الجديد معنا وذباته تضحك the genZ’s inside jokes لاتغيرونه

بودكاست أسبوعي غير مفيد. يجلس فيه عبادي وأسامة بازيد جلسة حبيّة، يسولفون فيها عن أحداث الأسبوع الماضي من وجهة نظرهم الشخصية وخيالهم الواسع. ما بتطلع منه بمعلومة لكن بيوسع صدرك!