الكاجولز

ثمانية/ thmanyah
  • 4.6 (7)
  • Games
  • Weekly

 بودكاست ترفيهي أسبوعي نسولف فيه عن ثقافة الألعاب وما حولها في حياتنا. جلسة شبابية تشبهكم، سعة صدر وفقرات منوّعة وسواليف ممتعة.

  1. 3 days ago

    هل الألعاب تحرق سعرات؟ مع عيسى الدوسري 🏋🏻‍♂️

    هل حصر الرياضة بالنادي بس.. منطقي؟ وإذا ما دخلت النادي ما عندك حياة؟ شرّفنا عيسى الدوسري من فريق «إنسباير»، سولف مع شباب الكاجولز عن الرياضة والناس اللي تروح النادي عشان تسولف، وعن شعور الرجعة بعد القطعة الطويلة، وهل سوار «ووب» كذبة وشكليات ولا أداة تفيدك فعلًا؟ وتكلموا عن اللي ما يتحرك ولا يمشي، ويضرب بالنعمة لين يحسّ بشعور التخمة.  تناقشوا إذا الألعاب الإلكترونية ترفع نبضات القلب وتحرق سعرات مثل الرياضة، وتكلموا عن لعبة «ديد لوك» (Deadlock) اللي تشبه «دوتا» (Dota) و«ليق أوف ليجندز» (League of Legends) و«أوفرواتش» (Overwatch)، وشهرة اللعبة بوقت قصير حتى وهي ما انطلقت رسميًا والدخول لها بالدعوات بس. ومن هنا انفتح نقاش الألعاب التنافسية والإدمان، والألعاب اللي تسحب وقتك، وجابوا طاري «ذا ويتشر» (The Witcher). ختموا الحلقة بفقرة القوائم: قائمة أفضل 10 أندية رياضية، مثل «وقت اللياقة» و«شبوف»، وقائمة أفضل 10 مطاعم صحية، مثل «كالو» و«فيري إيزي». ـــ الروابط: حساب عيسى الدوسري على إنستقرام - @issamethods «عالمي» من «سبل» تمنحك 8 عناوين في 8 دول، لتتسوّق عالميًا وتشحن مشترياتك إلى عنوانك الوطني 🌍لمعرفة المزيد

  2. 24 Oct

    عندك الشجاعة تكون مكروه؟ مع أبو أثير

    كم مرة سوّيت شيء بس عشان الناس تحبك؟ وهل الشجاعة الحقيقية إنك تتحمّل تكون مكروه؟ اجتمعوا الفلاسفة في لقاء الجبابرة.. ضيفنا أبو أثير مع أبو محيميد، ثنائي لا يمكن هزمه. بدأت فلسفتهم من التخطيط الربعي للأهداف الشخصية، وما لحقوا يكملون مشروعهم إلا والشباب ماسكينهم. حلقة يسولف فيها الشباب عن «شجاعة الكره»، ونقيضها: الفئة اللي تحاول تكسب رضا الناس، أو كما تُعرف بالإنقليزية «People Pleasers». ليش نسوي أشياء بس عشان نكسب محبة الناس؟ وهل كان حاتم الطائي منهم؟ تطرّقوا لمعجبين الشخصيات الكريهة، واللي يمشي على مبدأ «خالف تُعرف»، ولمهارة إنك تقول «لا». ودّتهم الفلسفة إلى عالم الأنمي، ناقشوا شجاعة «إرين» من «أتاك أون تايتن» (Attack on Titan)، وكنسلة «إيتاتشي» من «ناروتو» (Naruto). سولفوا عن تصادم العوالم؛ لمّا يلتقي صديقك بأبوك، بعدها ناقشوا استحقاقية جيل زد وجرأتهم، ثم سمعوا مشاريعكم في فقرة «شارك تنك» ودرسوا جدوى الاستثمار فيها، وختموا الحلقة برأيهم في سيارة تسلا الجديدة اللي تطير وتتشقلب. ـــ الروابط: حساب عمّار الشنقيطي «أبو أثير» على إنستقرام - @abuatheeri «عالمي» من «سبل» تمنحك 8 عناوين في 8 دول، لتتسوّق عالميًا وتشحن مشترياتك إلى عنوانك الوطني 🌍لمعرفة المزيد

  3. 17 Oct

    تزعل إذا أحد ناداك «يا درج»؟ 🗄️

    ليش تتحسّس إذا أحد ناداك «يا درج»، مع إن الدرج ما سوّى لك شيء؟ حلقة للمشتاقين لأجواء «CN4»، فيها شباب الكاجولز لحالهم مع سوالف خارج الصندوق. سولفوا عن الجمادات اللي نتنادى فيها، مثل «يا سبيكة» و«يا درج»، وكيف معناها يتغيّر حسب نظرتك لها وقيمتها عندك. وطبّقوها على بعض: لو كل واحد منهم جماد أيش بيكون؟ وتكلموا عن جمادات نعطيها قيمة أكبر من حقها، وجمادات استعجلنا بتسميتها. ثم انتقلوا لفقرة «التضحيات: خذ ثلاث واترك ثلاث»، لو رحت جزيرة بتعيش فيها، أيش بتاخذ وأيش بتترك من: السكين، والجوال، وبلايستيشن، والسرير، والكتاب، والولاعة؟ وختموا الحلقة بقائمة التصنيف العشوائية، وصنّفوا فيها الجمادات من «أسطوري» إلى «ما له فايدة»: ترمس الشاهي، ودرج السيارة، وكرسي اللعب، والشجر الصناعي، وسلك HDMI، وحتى الموناليزا، ونظارة أبو نايف، وقبعة أبو لولوة، ومضرب بادل أبو محيميد. 🔥🎮 —— لا تنسون لعبتنا هذا الشهر: «فول أوت: نيو فيقاس» (Fallout: New Vegas)، حمّلها والعب معنا، وجهّز رأيك للنقاش! ـــــ «عالمي» من «سبل» تمنحك 8 عناوين في 8 دول، لتتسوّق عالميًا وتشحن مشترياتك إلى عنوانك الوطني 🌍 لمعرفة المزيد

  4. 10 Oct

    غربة المعيشة أصعب من غربة السفر؟ 🧳

    هل الغربة بس في السفر البعيد؟ ولّا أي واحد يخوض تجربة جديدة وغريبة يصير مغترب؟ اللي ناقل من مدينة لمدينة، واللي مغيّر دوامه.. واللي تغيّروا جيرانه. هذي نقاشات الحلقة اللي ما خلت من اختلاف وجهات النظر ومحاولات الإقناع، يسولف فيها شباب الكاجولز عن «الغربة» بكل أشكالها: غربة المعيشة ومحاولة الاستقرار، وتجارب الاغتراب، وسفر الإجازة الصيفية، وطقوس المغتربين بعد العودة للديار.  ومن الغربة سولفوا عن حلم ناس كثير: امتلاك مزرعة، وجابوا طاري برنامج «مزرعة كلاركسون» (Clarkson's Farm). وتكلموا عن لعبة الرعب «ستاي كلوز» (Stay Close).  ثم انتقلوا إلى فقرة القوائم بدايةً من قائمة أسوأ 10 نصائح قبل السفر، طبّقها إذا تبي سفرتك تخرّب، وقائمة أفضل 10 ألعاب ثنائية تلعبها مع خويّك، منها «إت تيكس تو» (It Takes Two) و«سبلت فكشن» (Split Fiction) و«بورتل 2» (Portal 2) و«أوفركوكد» (Overcooked) و«رزدنت إيفل 5» (Resident Evil 5). 🔥🎮 —— ختمنا الحلقة بإطلاق طال انتظاره «نادي اللاعبين»: كل شهر نحدد لعبة ونلعبها معكم ونجربها، ونتناقش عنها في نهاية الشهر. ولعبة هذا الشهر «فول أوت: نيو فيقاس» (Fallout: New Vegas).. حمّلها والعب معنا، وجهّز رأيك للنقاش! ــــ «عالمي» من «سبل» تمنحك 8 عناوين في 8 دول، لتتسوّق عالميًا وتشحن مشترياتك إلى عنوانك الوطني 🌍 لمعرفة المزيد

  5. 3 Oct

    أكثر لعبة تحتاج مخ مع ياسر مخ 🧠

    هل كل لعبة تحتاج تشغّل مخّك فيها؟ وهل عندك ذاكرة لبعض الأشياء تقدر تسويها وأنت مطفّي مخّك؟ ضيفنا في هذي الحلقة صانع المحتوى «ياسر مخ» من فريق آر إيت (R8)، سولف مع شباب الكاجولز عن أنواع الذكاء -كونه خبير بالأمخاخ- والذاكرة العضلية مثل حفظ الكيبورد بدون ما تشوفه. سولفوا عن خريطة «الكيبورد» في «روبلكس»، وبثوث «تويتش» القديمة وأول صناع محتوى تابعوهم، مثل «عادل المقرن» و«طرباخ» و«معاذ» و«بندريتا». وبين طقطقة ومناكفات ما تخلص بين ياسر مخ وأبو محيميد، تحدّوهم بمسابقة «من سيربح المليون»، ثم تناقشوا عن أكثر لعبة تحتاج مخ: من البلوت والشطرنج، إلى «ليق أوف ليجندز» و«زيلدا» و«إلدن رنق». ختموا الحلقة بقائمة أفضل«ألعاب السولز»، وقائمة أفضل 10 سلاسل ألعاب، مثل «رزدنت إيفل» و«ذا ويتشر» و«قد أوف وور» و«متل قير سوليد». الروابط: حساب ياسر مخ على إنستقرام - @iyasserm55 ــــــ «عالمي» من «سبل» تمنحك 8 عناوين في 8 دول، لتتسوّق عالميًا وتشحن مشترياتك إلى عنوانك الوطني 🌍 لمعرفة المزيد

  6. 26 Sept

    لعبة «FC 27» تستاهل ولّا لا؟ مع أبو مكة 🎮

    مباراة وحدة ممكن تمسح جهد موسم كامل.. وبطولات «FC 26» ما ينجّحها إلا الجمهور السعودي! هذا رأي ضيفنا «أبو مكة» في حلقته مع شباب الكاجولز. «أبو مكة»، واحد من أبرز لاعبي «FC 26» السعوديين، عطانا علوم اللاعب المحترف: طريقة الاستعداد للبطولات، وضغط المباريات على الجيل الجديد، وليه يحس أن بطولة كاملة تنحسم بمباراة وحدة ظالمة ما تنصف جهد موسم كامل. سولفوا عن إطلاق «FC 27» المنتظر، وكواليس البطولات مثل «كأس العالم للرياضات الإلكترونية» (EWC). ناقشوا خسارة «أندريس»، وتوقعاتهم لـ«ناسادا» اللي كانوا يشوفونه الأفضل، ومستوى البطل «رازفان». جابوا طاري البثوث المباشرة للستريمرز للعبة «EA FC» وأرقامه القوية على منصة «كيك»، وعلاقة مهارة لعب الكورة بمهارة اللعبة. وكذلك تناقشوا في «نمط المهنة»، واختيار اللاعبين مثل «ميسي» و«بوتياس» و«ديونق». ختموا الحلقة بقائمة أفضل 10 لاعبين سعوديين في «FC 26»، وكان منهم «مساعد الدوسري» و«أبو فوزي» و«سحوي» و«بيدوف»، وقائمة ثانية لأكثر البطاقات الخرافية في تاريخ فيفا: من «دومبيا» و«إباربو» و«جرفينيو» في «فيفا 15»، و«بن يدر» و«رايان كينت» في «فيفا 20». الروابط: حساب أبو مكة على إكس - @ahmdmujahhd حساب محمد الرجيعي على إنستقرام - @mohammed_radwan حساب عبدالرحمن المحيميد على إنستقرام - @dr7.am  حساب خالد الهويمل على إنستقرام - @khaaaliiiiid ـــــ «عالمي» من «سبل» تمنحك 8 عناوين في 8 دول، لتتسوّق عالميًا وتشحن مشترياتك إلى عنوانك الوطني 🌍 لمعرفة المزيد.

  7. 19 Sept

    تصير تاجر حزين ولّا فقير سعيد؟

    أسهل طريقة تحسّن مزاجك: تصرف. وأسهل طريقة تخرّب مزاجك: تفتح كشف الحساب بعدها. حلقة يسولف فيها شباب الكاجولز عن «الهدر المالي»، وعن العلاقة بين الحالة النفسية والقريشات؛ ليه نصرف أكثر لما نتضايق؟ ومتى يصير الشراء علاج مؤقت؟  ثم دخلوا في نقاش -عقيم-: كيف تنطق الكلمات الأجنبية، بلهجتها الأصلية ولّا بلهجتك؟ هل تقول «بارميجان» ولّا «بارميزان»؟ و«آبل» ولّا «أبل»؟ بعدها استعرضوا قائمة 10 أشياء تمنيت تشتريها وأنت صغير، منها بلايستيشن وقيم بوي وأجهزة الألعاب عمومًا، والسيكل والدباب، والكاميرا، والحيوانات الأليفة. وختموا الحلقة بفقرة «خروج مغلوب»: أيش أكثر شيء يلعب بميزانيتك؟ منافسة جمعت شحن الألعاب واشتراكات الترفيه والقهوة وتطبيقات التوصيل والسينما والتسوق الإلكتروني. ــــــ ألعاب ثمانية على دسكورد: https://discord.gg/eEWMWJ8YbV «سُبل» المشغل اللوجستي الوطني تلعب دورها مع دورينا، لمعرفة المزيد.

  8. 12 Sept

    هل أبو سعيد يذاكر لبرنامج «حروف مع عزيز»؟

    بعض الناس عندهم سرعة بديهة، وبعضهم عندهم سرعة بدون بديهة.. أنت من أي فئة؟ أبو سعيد، العضو الجديد في فريق «بيكس»، يشوف أن «البلوت» أفضل لعبة في التاريخ، تزيد من قوة تحليلك وسرعة بديهتك، ولاعبه المفضل فيها «ممصّع الأذاني»؛ ومن هنا فتحوا شباب الكاجولز سيرة لاعبينهم المفضلين: «مقمقش»، و«كنق الصغير»، و«الأدهم»، و«سحتون»، و«صنّ مغطى». سولفوا عن الألعاب اللي تختبر سرعة البديهة، مثل «حروف مع عزيز»، وسألوا أبو سعيد السؤال اللي يدور ببال الكل: هل يذاكر للبرنامج قبل التصوير ولّا يدخل على البركة؟ وكيف تكوّنت ثنائيته مع «دربحه». سولفوا عن الهواشات اللي تصير في المساجد والمواقف الغريبة، مثل قصة إمام قطع صلاته وصار يركض ورا بزران أزعجوه. وعلى السريع.. ناقشوا استراتيجية فريق «تويستد» في «دوري صنّاع المحتوى» ولعبة «تكن»، ثم انتقلوا لقصة لعبة «ريد ديد ريدمبشن» وشخصية «داتش» الساطية، وربطوها بسوالف الحشّاشين وثقافة رعاة البقر والغرب الأمريكي. ختموا الحلقة بقائمة «أفضل 10 ألعاب تفكير»، واللي كان من ضمنها: سين جيم، وكود نيمز، وحروف مع عزيز، وتحدي الصور مع أبو عمر. الروابط: حساب أبو سعيد على إكس - @abosaed_10 حساب محمد الرجيعي على إنستقرام - @mohammed_radwan حساب عبدالرحمن المحيميد على إنستقرام - @bydr7man حساب خالد الهويمل على إنستقرام - @khaaaliiiiid ـــــ «سُبل» المشغل اللوجستي الوطني تلعب دورها مع دورينا، لمعرفة المزيد.

See All (22)

Ratings & Reviews

4.6
out of 5
7 Ratings

About

 بودكاست ترفيهي أسبوعي نسولف فيه عن ثقافة الألعاب وما حولها في حياتنا. جلسة شبابية تشبهكم، سعة صدر وفقرات منوّعة وسواليف ممتعة.

Information

  • Creator
    ثمانية/ thmanyah
  • Years Active
    2026
  • Episodes
    22
  • Rating
    Clean
  • Show Website
    الكاجولز

You Might Also Like