Platgesjlage

Beeselse Lijst

'Platgesjlage' is de podcast van de Bezelse Lieës. De Bezelse Lieës - of in ‘t Nederlands: de Beeselse Lijst - is un lokale politieke partie die actief is in de gemeinte Bezel. Mit deze podcast wilt de Bezelse Lieës uch as loesteraer mitnimme in wat d’r sjpeelt in de Bezelse gemeintepolitiek en oetligge wie veur dao as partie in sjtoan. Det doon veur in ‘t Bezels plat, omdet veur os moodertaal van groeëte waerde vinje veur os gemeinsjap. Zo sjloan veur die ongerwerpe twieë kieër plat!

Avsnitt

  1. 2022-03-11

    Aaflevering 10 - De sjoël in Bezel en un truukblik op de aafgeloupe 4 jaor.

    In de raodsvergadering van 7 mieërt is d'r gèn besjloet genaome euver de lokasie van de nieje basissjoël in Bezel. Wat de Bezelse Lieës betref ongeluifelik, omdet alle seine op greun leeke te sjtoan en alles eine kantj oet wees. In dees aaflevering reflektere veur dao op en kieke veur wie dit noe wieër mot om oeteindelik toch det besjloet te kinne nimme! Daonaeve is dit de letste aaflevering die veur de verkiezingen is opgenoame. Daorom nimme veur uch nog effe mit truuk nao wat veur zo-al bereik höbbe de aafgeloupe veer jaor.

    20 min
  2. Aaflevering 9 - Van 't gaas aaf!

    2022-03-04

    Aaflevering 9 - Van 't gaas aaf!

    In de vurrige aaflevering höbbe veur 't gehad euver wie veur väöl duurzame energie motte gaon opwekke. Ein van de raejene daoveur is det veur in 2050 veur van 't gaas aaf motte zien. Wie det henj en veut geit kriege sjteit in de wermtetransisievisie. In dees aaflevering gaon veur daorom in op waat det inhelt, wie det werkelik idderein geit rake, mer kieke veur auch wat d'r noe al gedaon kin waere.

    17 min
  3. Aaflevering 8 - Groeëtsjalige opwek van energie

    2022-02-25

    Aaflevering 8 - Groeëtsjalige opwek van energie

    V'r motte mèt zien alle mieër duurzame energie goan opwekke, om minder aafhankelik te waere van fossiele brandjsjtoffe. Det geldt auch veur de gemeinte Bezel. Sjtieëds mieër luuj höbbe al zonnepanele op 't daak van häör hoeës, mer is det genog? Motte veur in Bezel auch goan dinke aan windjmeulens, zoas die in de Gemeintes Leudal en Peel & Maas zien neergezat? In dees aaflevering goan veur daorom in op wie de Bezelse Lieës dink euver deze zogenaamde groeëtsjalige opwek. Motte veur det wille? En as veur det gaon doon: wie den?

    17 min
  4. Aaflevering 7 - Goeje en betaalbare zorg

    2022-02-18

    Aaflevering 7 - Goeje en betaalbare zorg

    De Bezelse Lieës haet as leus: "Good veur mekaar!". Veur wille good veur mekaar zien, dus euver 't beeje van zorg höbbe veur auch waal get te vinje. Mer wat is goeje zorg? En wennier is good, good genog? De Bezelse gemeinteraod mot namelik auch op de cente lette. In dees aaflevering höbbe veur t daorom euver goeje en betaalbare zorg, én kieke veur nog uns truuk nao wie det veur aafgeloupe jaor - veural door de zorg - in un finansjeel lastig parket kwame.

    18 min
  5. Aaflevering 6 - Cultuur in Bezel

    2022-02-11

    Aaflevering 6 - Cultuur in Bezel

    Bie de Bezelse Lieës geit cultuur os aan 't hert. Det is ein van de raejene det veur deze podcast in 't plat opnimme. Mer cultuur is mieër den allein plat kalle. Väöl mieër. Wat te dinke van al die culturele evenemente wat idder jaor in os kerne waere georganiseerd? En doanaeve gebeurt d'r sjienbaar ins in de 7 jaor get mit unne draak...  In dees aaflevering nimme veur uch doarom gaer mit in wie veur bie de Bezelse Lieës dinke euver cultuur in Bezel.

    17 min
  6. Aaflevering 5 - Woeëne in Bezel

    2022-02-04

    Aaflevering 5 - Woeëne in Bezel

    Veur woeëne gaer in Bezel. Det gunne veur bie de Bezelse Lieës idderein. Toch sjteit de wuuëningmert in os dörp en in os gemeinte flink onger druk. Daodoor komme d'r gèn (jong) luuj bie, en det haet ziene weersjlaag op de laefbaarheid. D'r mot dus gebouwd waere! Wie veur det veur os zeen, huurt geur in dees aaflevering.

    18 min
  7. Aaflevering 4 - Participasie organizere

    2022-01-28

    Aaflevering 4 - Participasie organizere

    Luuj waere al mondiger en kommunicasielieëne waere al korter. Bie sjtieëds mieër projekte of beleidsvorming waert un vorm van participasie verwach. Mer tegoej aan participasie doon is lastig, det weite veur bie de Bezelse Lieës oet de ieërste handj. Toch is 't gèn ongerwerp wo veur veur truukdeinze. Daorom geit dees aaflevering euver wie veur dinke euver t organizere van participasie.

    18 min
  8. Aaflevering 3 - De Sjoël in Bezel

    2022-01-21

    Aaflevering 3 - De Sjoël in Bezel

    Dit is aaflevering 3 van Platgesjlage. In dees aaflevering höbbe veur 't euver de toekoms van de basissjoël in 't dörp Bezel. De sjoël is van belang veur os kinjer, en veur de kinjer van os kinjer. Mer wo lik die toekoms? Is d'r waal un toekoms? Dao höbbe veur un duudelikke meining euver. Dèt ligge veur uch gaer oet.

    14 min
  9. Aaflevering 2 - Toerisme & Recreatie

    2022-01-14

    Aaflevering 2 - Toerisme & Recreatie

    Dit is aaflevering 2 van Patgesjlage, de podcast van de Bezelse Lieës. Dit kieër höbbe veur 't euver toerisme en recreatie. Un belangriek ongerwerp, want de Gemeinte Bezel zuut zichzelf gaer as un toeristische gemeinte. Det kump mit name doordet 't hie aangenaam recreëre is. Recreëere doon veur bie de Bezelse Lieës gaer, dus dao höbbe veur auch zeker un meining euver en un visie op. Die huurt geur in dees aaflevering.

    20 min
  10. Aaflevering 1 - un kennismaking mit de Bezelse Lieës

    2022-01-06

    Aaflevering 1 - un kennismaking mit de Bezelse Lieës

    Dit is de allerierste aaflevering van 'Platgesjlage', de podcast van de Bezelse Lieës. De Bezelse Lieës - of in ‘t Nederlands: de Beeselse Lijst - is un lokale politieke partie die actief is in de gemeinte Bezel.  Mit deze podcast wille veur uch as loesteraer mitnimme in wat d’r sjpeelt in de Bezelse gemeintepolitiek en oetligge wie veur dao as partie in sjtoan. Det doon veur in ‘t plat, omdet veur os moodertaal van groeëte waerde vinje veur os gemeinsjap.

    13 min
  • 10 avsnitt

Om

'Platgesjlage' is de podcast van de Bezelse Lieës. De Bezelse Lieës - of in ‘t Nederlands: de Beeselse Lijst - is un lokale politieke partie die actief is in de gemeinte Bezel. Mit deze podcast wilt de Bezelse Lieës uch as loesteraer mitnimme in wat d’r sjpeelt in de Bezelse gemeintepolitiek en oetligge wie veur dao as partie in sjtoan. Det doon veur in ‘t Bezels plat, omdet veur os moodertaal van groeëte waerde vinje veur os gemeinsjap. Zo sjloan veur die ongerwerpe twieë kieër plat!

Information

  • Skapad av
    Beeselse Lijst
  • Aktiva år
    2 tn
  • Avsnitt
    10
  • Åldersgräns
    Barnvänligt
  • Copyright
    © Beeselse Lijst
  • Programmets webbplats
    Platgesjlage