Afrikaans.Radio

•

Channel • 6 Shows

Christianity

Christianity

Updated daily
Comedy

Comedy

Weekly series
Society & Culture

Society & Culture

Updated weekly
Social Sciences

Social Sciences

Weekly series
Business

Business

Every-two-weeks series
Alternative Health

Alternative Health

Twice monthly

15/05/2024

Kyk Op! ‘n Nag van Aurora’s en Sterre met Prof David Block

Noord, Suid, Oos en Wes… kyk in enige rigting en dis doom en gloom. ’n Verkeerslig wat nie werk nie, ‘n honger bedelaar, ‘n pothole, en dan Cyril se “let’s do more”. So in hierdie episode kyk ons eerder OP! Ons praat met die bekroonde sterrekundige, en algeheel lekker ou, Prof David Block oor die merkwaardige en rare verskynsel– die Aurora’s, wat op die 10de en 11de Mei gesien is van Gansbaai tot by Etosha. Prof Block verduidelik vir ons die wetenskap agter die ligte skouspel. Buiten wetenskaplike geselsies, deel Prof Block sy aansteeklike passie vir alles wat magies is in die lewe. Ons bring ook ’n ode aan ons geliefde moeders. En… Baby Reindeer… want ons kan nie help nie! Dankie vir al die kommentaar en besoek Prof Block se webtuiste. Prof David Block · Afrikaans.Radio · KLETS · KLETS - YouTube

15/05/2024

•

1hr 6min
13/07/2023

Nagsê Here #40

Goeie Naand, Dit is altyd ‘n voorreg om opregte vriende te hê. Nou gesels ons nie oor kenisse nie maar vriende as waarde toevoeging. Reël maar ‘n reunie en terwyl jy die boodskappe lees onthou jy die mense, die verlede, die lag en huil, die groei saam en die waarde wat hulle aan jou lewe geheg het. Dalk het jy vandag vriende wat jou werklik ondersteun, jy voel jy kan jou lewe in hulle hande plaas. Jou hartsgeheime met hulle deel, jou toekomsdrome saam beplan en weet hulle sal jou bystaan. In Mattheus 6 lees ons “Kyk na die voëls van die hemel; hulle saai nie en hulle maai nie en hulle bring nie bymekaar in skure nie, en tog voed julle hemelse Vader hulle. Is julle nie baie meer werd as hulle nie? Wie tog onder julle kan, deur hom te kwel, een el by sy lengte voeg? En wat kwel julle jul oor klere? Let op die lelies van die veld, hoe hulle groei; hulle arbei nie en hulle spin nie; en Ek sê vir julle dat selfs Salomo in al sy heerlikheid nie bekleed was soos een van hulle nie.” Hierdie is ‘n vriendskap verhouding met Die Here. Jou lewe is in Sy Hande. Hy is die vlieënier, jy die passasier, hoewel Hy toertjies ver bo die grond maak, jy voel bang en onseker, bring Hy jou veilig tuis. Mag jy vanaand as jy voel dat jy die vastigheid van die grond verloor het en blootgestel is aan enige iets wat verkeerd kan gaan weet dat Hy die stuurstang vashou terwyl Hy vir jou sorg. Sien die voëls in die lug raak, die lelies op die grond en glo dat jy vir Hom baie werd is, mag al jou kwellinge verdwyn met die wete dat Die Here, jou God, in beheer is. AMEN Nagsê Here. Afrikaans.Radio · Nagsê Here

13/07/2023

•

2 min
20/06/2023

Nagsê Here #18

Goeie Naand, Ek hoop dit gaan goed met jou en jou geliefdes. Daar is soveel gebroke verhoudings, feitlik daagliks verneem ek van vriende wat baklei of kwaad is vir mekaar, mense wat vertrou is en ander in die steek gelaat het of besteel het. Dan praat ons nie eers van huwelikke wat op die rotse land nie en die ewige twis in families tussen broers, susters of ouers nie. In die kerk ervaar jy seerkry, in jou huis, in jou vriendekring in jou werksplek. Dit skep regtig waar ‘n gedagte dat die duiwel besig is om oorhand te kry. Wat het geword van liefde, eensgesindheid en saamwoon in vrede? Wat het geword van ons diens en antwoord aan God met ons leefwyse en verhoudings? Koning Dawid het baie van hierdie onmin ook ervaar, Saul wou hom doodmaak, sy eie seun Absalom ook, die volk in kampe geskeur, hoeveel keer moes hy nie vlug of wegkruip nie. Dan skryf hy ‘n pelgrimslied in Psalm 133 “Hoe goed, hoe mooi is dit as broers eensgesind saam woon! Dit is soos reukolie wat van die kop af in die baard afloop, die baard van Aäron, af tot by die soom van sy klere. Dit is soos die dou van Hermonberg wat op die berge by Sion val. Waar broers so saam woon, skenk die Here sy seën: 'n lang, lang lewe.” Mag jy vanaand in jou geselsie met God jou lewe in Sy Hande plaas en vra dat jy ook die goedheid en mooiheid kan ervaar waar broers in eengesindheid saamwoon. Mag Die Here, jou God, jou seën, om die verskil te maak tussen die gebroke mense sodat Sy liefde en vrede kan heers. Hy het jou so, só nodig. AMEN Nagsê Here. Afrikaans.Radio · Nagsê Here

20/06/2023

•

2 min
06/03/2024

Sophia sê haar sê

In KLETS vandag gesels Matthys met die Animal Healer en Communicator Hettie Richter oor hoe sy met diere gesels en hulle help om hul behoeftes en gedrag te verstaan. Sy gebruik haar intuïsie om die boodskappe te interpreteer wat die diere oordra deur hul liggaamstaal, vokalisasies, en energiepatrone. Deur genesing en kommunikasie help Hettie om die lewenskwaliteit van diere te verbeter en 'n dieper verbinding tussen jou en jou dier te bevorder. Sophia, 'n ander deelnemer aan die gesprek, kry ook die kans om haar gedagtes te deel. Sy vertel Matthys presies wat sy van hom en ook van haarself dink en Colene se "hallo" uit die noorde. Volgende week is ons terug en dan hoor ons alles van die Noorderligte. Hettie Richter · Afrikaans.Radio · KLETS · KLETS - YouTube

06/03/2024

•

43 min
14/02/2024

Val-in-die-tuin Dag!

Laat ons jou lei deur die tuin van liefde op hierdie spesiale dag van Val-in-die-tuin! As jy nog nie jou dag beplan het nie, sit terug en luister na Dr. Eugene Viljoen, 'n vooraanstaande kliniese sielkundige en seksuoloog, wat sy insigte deel oor die lekkernye en uitdagings binne verhoudings en tussen die lakens. Ons gesels ook met Sidney Gilroy oor die nuwe potgooi #BOEKPOD wat nou op Afrikaans.Radio beskikbaar is. Ons deel in die komiese avonture van Juju en sy party lede terwyl hulle worstel om hul snot te hou, en Colene probeer om minder te vloek terwyl sy die mag van liefde en vriendelikheid omarm. Mag Cupido se pyl almal se harte tref, behalwe die ANC se harte. #VoetsekANC Dr. Eugene Viljoen · Afrikaans.Radio · KLETS · KLETS - YouTube

14/02/2024

•

1hr 22min
20/07/2023

Nagsê Here #41

Goeie Naand, Hoe lekker sal dit nie wees as almal saam kan lag en vrede hê nie? Sou jy gevra word wat hoop beteken, sal jy kan antwoord dat almal gelukkig moet wees? Kyk en luister maar na mense, feitlik almal beleef een of ander tyd mislukte verhoudings, seerkry verhoudings, onseker verhoudings en liefdelose verhoudings. Die gesonde verhoudings weërspieël daarteenoor ‘n kragbron van geluk, verhoudings waar mense mekaar aanvaar, bemoedig, bystaan en in liefde leef. Paulus skryf hiervan in Romeine 15 “En mag die God van lydsaamheid en bemoediging aan julle gee om eensgesind onder mekaar te wees ooreenkomstig die wil van Christus Jesus, sodat julle die God en Vader van onse Here Jesus Christus eendragtiglik uit een mond kan verheerlik. Neem daarom mekaar aan, soos Christus ons ook aangeneem het, tot heerlikheid van God.” Paulus vra hierdie openhartige aanvaarding van mekaar sodat God verheerlik kan word deur eensgesindheid. Miskien het jy dalk vanaand ‘n moedelose gevoel, nie in jouself nie maar as gevolg van verhoudings en ooreenkomste wat skipbreuk lei, dalk voel jy, jy het hoop verloor. Die woorde klink maklik om te sê en tog is dit waar, “Ons dien ‘n God van hoop, in Christus Jesus skep Hy hoop in hopelose situasies, Sy Liefde skep in jou ‘n deursettingsvermoë om jou denke en dade te vul met hoop. Paulus sluit hierdie gedeelte af met ‘n seën wat vanaand vir jou ook gebid word “En mag die God van die hoop julle vervul met alle blydskap en vrede deur die geloof, dat julle oorvloedig kan wees in die hoop deur die krag van die Heilige Gees!” AMEN Nagsê Here. Afrikaans.Radio · Nagsê Here

20/07/2023

•

3 min
19/06/2023

Nagsê Here #17

Goeie Naand, Ons ken almal die liedjie “Wat ‘n Vriend het ons in Jesus, Hy wat in ons plek wil staan..” Wanneer jy aan die woorde dink dan wonder jy dalk ook aan die vriende wat jy het. Met absolute geloof weet jy dat Jesus altyd was, is en sal wees, as Vriend, Verlosser en God. Hoe vergelykbaar is dit met vriende, mense-vriende hier op aarde? In Spreuke 18:24 lees ons vanaand “'n Man met baie vriende word geruïneer, maar daar is 'n vriend wat sterker aanhang as 'n broer.” Jy ken die term “mooiweersvriende”, as dit goed gaan met jou word jy omring deur vriende, wanneer mense jou nodig het word jy as ‘n vriend gereken. Daar is so baie stories hieroor in elkeen van ons se geskiedenis, jy weet ook hoe dit voel om alleen te staan en soekend na een opregte vriend verlang. Jy voel geruïneerd, misbruik en stukkend. Selfs familie vergeet van jou. Ons praat nie nou van vriende in terme van bankbalans, kuiers of vakansies nie, ons praat van hartsvriende. Jy soek na God in mense, ‘n bietjie van Jesus se Liefde maar sien dit nie raak nie. Die teks in Spreuke sê juis daar is ‘n vriend, Die Here self stuur iemand, ‘n vriend na jou toe, iemand soos Hy. Die Here hoor jou sugtende gebed, hierdie vriend is ‘n seën wat jou sal bystaan in jou hartseer, jou verlies, jou kommer en wanhoop juis om geluk te vind. Mag jy vanaand reeds so ‘n vriend wil wees vir iemand anders wat jy ken en ‘n ware vriend deur God gestuur ontmoet. Sy Vriendskap is dit waaraan ware vriende gemeet word. AMEN Nagsê Here. Afrikaans.Radio · Nagsê Here

19/06/2023

•

2 min
09/08/2025

9 Augustus 2025 - 'n Ode aan Vroue

Vrouedag: Sy’t Onthou” 9 Augustus. Dis nie net ’n vakansiedag nie. Dis nie net “discount op blompotte by Checkers” nie. Dis nie net ’n WhatsApp-storie met pienk skrif en “Jy’s spesiaal, vriendin” nie. Dis ’n dag. ’n Ernstige dag. Met geskiedenis. Met backbone. 1956. Pretoria. Uniegebou. 20 000 vroue. Nie met plakkate en skree nie — maar met pas. Met styl. Met stilte. Dertig minute. Staan. Net so. En laat die Unie weet: “Wathint’ abafazi… wathint’ imbokodo.” Vat aan ’n vrou, jy vat aan ’n rots. ’n Rots met ’n handsak. En ’n petisie. En waarskynlik ’n ‘n tissue in die bra, want jy weet… net in geval. En as jy jou ore spits… as jy regtig luister… kan jy haar hoor sê: “Ek staan op ’n moerse rots langs die see by Paternoster. Die rots sidder onder my sole. My bo-beenspiere bult. My bekken smyt die aangeleerde gelate knak uit haar uit. Se moer. Ek is rots. Ek is klip. Ek is duin.” Hulle’t nie net teen pasboeke gestaan nie. Hulle’t gestaan vir stem. Vir spasie. Vir storie. Vir reg. Vandag? In raadskamers. In operasieteaters. By braais. In WhatsApp-groepe waar hulle die enigste een is wat vra, “Mense, het ons al hout gereël?” Vroue leef gemiddeld langer as mans. Nie omdat hulle xx genes het nie — maar omdat hulle nie op n trampolien spring met ’n kettingsaag vir ’n YouTube video nie. Vroue verloor in hul leeftyd tussen 30 en 40 liter bloed — net oor die maandding. En hulle’s steeds by die werk. En koop piesangs. En gee raad. En organiseer klaskamerversierings vir Erfenisdag. En, hulle sien meer kleure. Waar jy “blou” sien, sien sy: “blou-met-emosionele-ondertone-van-subtiele-onvoltooide-verwagtinge.” Dis nie net ’n kleur nie. Dis ’n gevoel. En dan’s daar die geheue. Jyt dalk vergeet waar jy jou sleutels gelos het… Maar sy weet. Sy’t ook onthou wat jy in op 31 Desember 2017 om 11:42 gesê het toe jy haar ma ‘oorheersend’ genoem het. Sy’t daai datum gestoor soos ’n verjaarsdag. Vrouedag is nie ’n blom nie. Dis nie bubbly nie. Dis nie ’n post wat sê “Girl power!” met glitter nie. Dis ’n herinnering: Sy’s daar. Sy’s moeg. Sy’s sterk. Sy’s mooi. Sy’s skerp. Sy’s stadig om te kwaad te word… maar behoed jou as jy daar kom. En as sy dan opstaan, dán gebeur dit: “Helder sing my tiete ’n koperklepgeluid. My hande pak Moordbaai en Bekbaai. My arms skeur ekstaties bo my kop: Ek is. Ek is. Die here hoor my — ’n vry fokken vrou.” So vandag? Sê nie net “Gelukkige Vrouedag” nie. Sê: “Dankie dat jy alles onthou, al vergeet ek soms alles.” Dankie dat jy altyd weet waar die skêr is. Waar die kinders se skoene is. Waar ek myself verloor het — en weer moet kry. Want sy’t nie net onthou nie. Sy’t aangehou. Afrikaans.Radio · KLETS · KLETS - YouTube

09/08/2025

•

4 min
06/06/2023

Nagsê Here #5

Goeie naand, Mense het maar ‘n manier van kommunikasie met woord en daad selfs met lyftaal of "houdinkies". Wyse raad van my pa was altyd as jy iets wil sê dink of dit waar is, of dit nodig is en of dit vriendelik is. As een van die drie ontbreek bly eerder stil. Nou die aand met Spreuke 17 lees ek die laaste twee verse. “Wie sy woorde inhou, besit kennis; en hy wat kalm is van gees, is 'n man van verstand. Selfs 'n sot sal as hy swyg, vir wys gereken word; as hy sy lippe toehou, vir verstandig.” Dit is mooi woorde gelees maar bitter moeilik om te leef. Sommige mense het net die vermoë om jou nerfdermpie van emosies te prikkel. Gedagtig aan die teks wil ek of moet ek Die Here vra ‘hoekom het Hy my gemaak soos ‘n ou ramkiekie met net een snaar, daardie een nerfdermpie wat so maklik getokkel kan word en nie ‘n harp met baie snare nie’. In jou lewe dalk ook, so maklik word emosies geraak wat jou kalmte versteur. Raak net aan daardie een snaar en jy raak deurmekaar. Jou oë blits vonke, jou houding verstyf, op die ou einde tref dit jou tong en jou lippe open. Woorde vlieg uit en iemand skreeu “Bel die polisie”. Het jy maar met kalmte in wysheid opgetree maar nou sit jy met ‘n rooi gesig en dink dit was dwaas gewees, het ek maar geswyg. Ons is al almal deur sulke gevalle. Die “jammer sê” erkenning kom na die woorde gesê. Mag jy ook vanaand soos Dawid in Ps 131 vers 2 sê: “Ek het rus en kalmte gevind. Soos 'n kindjie wat by sy moeder tevredenheid gevind het, so het ek tevredenheid gevind.” Mag jy vanaand kalmte en rus by Die Here, jou Skepper vind, Hy bied jou tevredenheid al sou omstandighede en mense jou ontstel. Sy Liefde en Sorg, hou jou in toom en speel ‘n wiegelied, al is daar net een snaar. AMEN Nagsê Here Afrikaans.Radio · Nagsê Here

06/06/2023

•

3 min
03/09/2025

Totsiens Neil, hallo Hannon en ’n Mouton Curro deal

Ons sê totsiens aan Neil de Beer. 'n Vriend van die show en vegter vir Suid-Afrika. Neil was nooit bang vir ’n moeilike vraag of ’n ongemaklike waarheid nie. Hy’t gelag, ge"moer", gedebatteer en altyd hoop gebring. Hierdie episode is ons huldeblyk aan hom, die man wat ge-KLETS het soos min ander kon. Maar die lewe staan nie stil nie. By die Silwerskermfees wen Hannon en die Tannies juig. Maar die einste vasgespykerde aanhangers besluit om die gay boer van Boer Soek ’n Vrou aan te vat op socials. Curro word deur die Mouton Trust oorgeneem. ’n Paar miljarde verander van hande, en ons wonder of dit die toekoms van leer red, of net nog ’n mooi belegging is. Militêre oefeninge is weer op die agenda. Groot woorde, groot speelgoed, maar die impak vir Suid-Afrika se gewone burger is iets anders. Greta Thunberg klim weer op ’n boot, vol nuwe planne en vars vaart. Sy probeer die planeet red; ons probeer net deur die week kom. Afrikaans.Radio · KLETS · KLETS - YouTube

03/09/2025

•

59 min

Die KLANKBANK vir Afrikaanse Podsendings! Afrikaans.Radio is ‘n platform wat ‘n “nuwe manier van Afrikaans wees” ontdek en verken, sonder grense of beperkings. Kom luister en praat saam! In jou TYD. In jou TAAL.

Website

Afrikaans.Radio

Top Shows

Kyk Op! ‘n Nag van Aurora’s en Sterre met Prof David Block

Nagsê Here #40

Nagsê Here #18

Sophia sê haar sê

Val-in-die-tuin Dag!

Nagsê Here #41

Nagsê Here #17

9 Augustus 2025 - 'n Ode aan Vroue

Nagsê Here #5

Totsiens Neil, hallo Hannon en ’n Mouton Curro deal

About

Afrikaans.Radio

Top Shows

Top Episodes

About