Kultur

Radio 100,7

Interviewen, Kriticken, Commentairen a Reaktiounen zu der kultureller Aktualitéit

  1. 9 ชม. ที่แล้ว

    National Year of Reading

    Am Land vum Winnie-the-Pooh liese Kanner esou wéineg wéi scho laang net méi. D'brittesch Regierung wëllt dat änneren an huet 2026 zum National Year of Reading deklaréiert. Mee wéi kann een d‘Kanner erëm fir Bicher begeeschteren? D‘Claire Barthelemy bericht vu London.

    4 นาที

  2. 9 ชม. ที่แล้ว

    "Entre-Temps": d'Compagne Philippe Découflé am Groussen Theater

    Eng grouss Auer, déi lénks uewe vun der Bün wärend dem Stéck wëllt no vir an zeréck no hannen dréit, wëllt fir Verwirrung suergen ... a weist dach ganz onverblimmt, datt dësen Danz iwwer d’Zäit soll goen. D’Stéck “Stereo”, mat deem de Paräisser Choregraph Philippe Découflé 2024 de Public vum Groussen Theater elektriséiert hat, huet de Marc Clement net gesinn, wuel awer dem Découflé seng zweet Visitt gëschter mat “Entre-Temps”, eng Aart dänzeresch Meditatioun iwwer d’Zäit.

    6 นาที

  3. 9 ชม. ที่แล้ว

    Teaser B-Radio: "Wann et muss sinn, zeréckschloen!"

    D’Bild vu Fraen als Affer, déi sech net physesch wiere kënnen, net wiere sollen - dat Bild akzeptéiert d’Andrea Böhm net. Déi erfueren däitsch Journalistin ass jorelaang als Auslandskorrespondentin a Krichsreporterin ëm d’Welt gereest. An hirem Essai “Fighting Like a Woman. Die Geschichte der Frauen, die zurückschlagen” (Rowohlt Verlag), schreift si iwwer Frae vu gëschter an haut, déi sech Kampftechniken ugëeegent hunn, déi sech physesch géint Aggressioune verteidegen a fir hir Rechter kämpfen. D'Andrea Böhm steet am Mëttelpunkt vum neien Episod vu B-Radio, dee mir dëse Sonndeg um Radio 100,7 diffuséieren. Hei scho mol e klenge Virgeschmaach

    10 นาที

  4. 1 วันที่แล้ว

    Taskmaster

    Pro Staffel kommen hei 5 brittesch Komiker a Komikerinnen zesummen a mussen absurd Aufgabe léisen, déi se vum Taskmaster gestallt kréien. Eng Serie fir jiddereen, dee Fan vun absurdem Humor an intelligente Léisungs-Weeër ass.

    6 นาที

  5. 1 วันที่แล้ว

    Trumpiséierung vum franséische Verlagswiesen: eng Entloossung bei Grasset

    Nodeems de Vincent Bolloré, Haaptaktionär vum Grupp Vivendi, um Dënschdeg den Olivier Nora, Direkter vun den Editions Grasset, entlooss huet, wëllen elo 115 Schrëftsteller:innen d’Verlagshaus verloossen. De Jeff Schinker ass beim Marc Clement am Studio fir iwwer dat, wat am Milieu schonn d’Trumpiséierung vum franséische Verlagswiese genannt gëtt, ze schwätzen.

    6 นาที

  6. 1 วันที่แล้ว

    Tëschent Café Ubu an Dada-Cave kritt déi jonk Konscht eng nei Plattform

    “Besteeënd Infrastrukturen nei an innovativ notzen” dat ass och dem Service culturel vun der Stad Esch-Uelzecht seng Philosophie. Dowéinst ënnerstëtzt en zanter dësem Joer en neien Ausstellungscycle am Escher Theaterfoyer. Do gi jo scho méi laang Konschtexpoen gewisen, mee elo kritt en eng kloer Ausriichtung: ënner dem Numm “Trampolin” soll en der jonker Konscht aus der Groussregioun eng Plattform bidden; viséiert sinn d’Absolvente vu Konschthéichschoulen, déi mat engem éischten Expoprojet eventuell méi liicht Kontakter zu der professioneller Konschtwelt knäppe kënnen. Als Expocuratrice konnt d’Danielle Igniti gewonne ginn: Konschtexpertin a Philologin, Member a verschiddene Konschtjuryen, bei Lët’z Arles, war am Verwaltungsrot vum Mudam, knapps 30 Joer laang Kulturcheffin vun Diddeleng, tëschent 1999 an 2015 Presidentin vum Planning Familial a laangjäreg Chronistin beim 100,7. Firwat elo den Trampolin? Dat wollt d’Kerstin Thalau vun der Danielle Igniti gewuer ginn.

    19 นาที

  7. 2 วันที่แล้ว

    "Comme ça et pas autrement": "Viens Élie" vum Jonas Sollberger

    "Viens Élie" ass den Debutroman vum jonke Schwäizer Schrëftsteller Jonas Sollberger, deen et direkt gepackt huet, ee Buch bei de prestigiéisen Editions de Minuit erauszebréngen. De Jeff Schinker huet deen 140 Säite kuerzen a just e bësse méi wéi ee Saz laange Roman gelies.

    12 วินาที

  8. 2 วันที่แล้ว

    An der Philharmonie eng Stater Stroossekuliss opbauen

    Moies um siwe soll d’Welt nach an der Rei sinn ... och um Kierchbierg? Journalisten hu jo e Faibel fir de Bléck hanner d’Kulissen, fir Aktivitéiten an Decisiounen ze thematiséieren, déi fir d’Ëffentlechkeet onsiichtbar sinn. D’Marie Trussart an d’Kerstin Thalau sinn e Schrëtt zeréckgaangen: an zwar AN d’Kulissen, eng 800 Meter vum 100,7.

    19 นาที
ดูทั้งหมด (50)

เกี่ยวกับ

Interviewen, Kriticken, Commentairen a Reaktiounen zu der kultureller Aktualitéit

ข้อมูล

  • ช่องรายการ
    Radio 100,7
  • ผู้จัดทำ
    radio 100,7
  • ออกอากาศปี
    พ.ศ. 2560 - พ.ศ. 2569
  • ตอน
    50
  • การจัดระดับ
    เหมาะสม
  • ลิขสิทธิ์
    © Média de Service public 100,7
  • เว็บไซต์รายการ
    Kultur

เพิ่มเติมจาก "Radio 100,7"