故鄉。生活。台語詩

戀戀曾文溪

｢故鄉。生活。台語詩」選用嘉義、台南、高雄等南台灣詩人作家，包括顧德莎、蕭藤村、韓滿、黃勁連、藍淑貞、劉惠蓉、凃妙沂、林鳳珠、簡秀芽…等人作品共165首，另15首作品來自｢台語新詩徵選活動」，合計180首，製播成180集廣播節目，作品豐富多元，多數是以在地文史地理及花草植物為主題，以及為抒情、寫意之作。 此外，針對詩中觸及之文史地理或花草植物主題，邀請相關文史、植物專家進行解說，讓聽眾欣賞詩詞之餘，也能對本土人文、自然、歷史等相關知識做進一步了解。 指導單位：文化部影視及流行音樂產業局 製作主持：曾文溪廣播電台 / 嘉仕 節目官網：http://www.fm899.com.tw/poem 粉絲專頁：http://www.facebook.com/poem899 美術設計：吳靜芳 音樂提供：陳婉菱、上揚唱片 Special thanks to Bronn Journey for the wonderful music Journey Home：https://bronnjourney.com -- Hosting provided by SoundOn

  1. 13/12/2021

    油桐花 / 韓滿 (終篇)

    【詩名】：油桐花 【作者】：韓滿 【詩文】： 白雪白雪飛飛飛 飛過雲頂飛過月 飛到山頭佮樹尾 無細膩煞摔落地 地毯地毯白白白 親像仙女的面紗 敢若阿娘仔的手帕 歡迎逐家來遮踅 清風清風吹吹吹 吹走手帕佮面紗 芳味一陣一陣過 落花有情油桐花 註：台語文用字尊重作者原創，不做更動，如有疑問請查詢教育部《臺灣閩南語常用詞辭典》網站。

    12 min

  2. 13/12/2021

    紫藤往回 / 蕭藤村

    【詩名】：紫藤往回 【作者】：蕭藤村 【詩文】： 春意褪落一身的青色 換一軀跳舞的衣裳 佮皇帝相爭茄仔色 茄仔色真合舞弄青春 迎春 隨風 舞一齣一冬的告別 舞過了後 剪掉枝骨 暫時告別 明年重來 顛倒大葩 顛倒媠豔 年年往回 並無厭𤺪 伊咧聽候 聽候媠色 伊咧準備 準備媠齣 註：台語文用字尊重作者原創，不做更動，如有疑問請查詢教育部《臺灣閩南語常用詞辭典》網站。

    11 min

  3. 13/12/2021

    野百合 / 藍淑貞

    【詩名】：野百合 【作者】：藍淑貞 【詩文】： 山頂的野百合 親像號令兵 舉一支白色的古吹 軁過石頭縫 軁過赤查某的草刺 軁過菅芒的牽纏 歕出台灣的春天 海邊的野百合 毋驚炎日的考驗 毋驚秋風的摧殘 毋驚土地的焦鬆 展開白色的古吹 譜一首新版的補破網 歕出台灣快樂的出帆 白色的野百合 有台灣阿媽的信念 有羅漢跤的堅定 自山頂湠到海墘 種佇台灣人的心 譜出民主的歌 歕出台灣人的希望 註：台語文用字尊重作者原創，不做更動，如有疑問請查詢教育部《臺灣閩南語常用詞辭典》網站。

    10 min

  4. 13/12/2021

    龍眼花當迭開 / 林鳳珠

    【詩名】：龍眼花當迭開 【作者】：林鳳珠 【詩文】： 蜂 飛值大崗山兮春天 閏二月兮龍眼花正當迭開 咱身軀予抹一點也花芳味 來聽大崗山古早兮傳奇 聽龜會食蛇兮大事 聽瓦會飛起蒞山頂兮神奇 啊！三百年兮古寺 四百年兮文氣 予咱嘛來含一嘴龍眼花蜜 吟一兩首詩 蜂 飛值大崗山兮春天 奚龍眼花漸漸會變作蜜兮芳氣 秋天若是屆 咱得會記得 更再來含一兩嘴蜜 吟一兩首詩 沐著一身兮月光 慢慢也行入後山彼個月娘兮世界去 圖片來源：官秀品 提供 註：台語文用字尊重作者原創，不做更動，如有疑問請查詢教育部《臺灣閩南語常用詞辭典》網站。

    11 min

  5. 13/12/2021

    老人斑 / 黃勁連

    【詩名】：老人斑 【作者】：黃勁連 【詩文】： 也無寫批來通知，無張無持 伊就搖頭拌耳，大主大意 偷偷仔走來我的身軀徛去 早起、愛睏的中晝時 抑是恬靜的三更半暝 趕來 佇我的跤婆、手盤、喙邊 釘點做記號 因歡喜甲 講 因已經揣著足好的地理 因足敖拉天的 定定 笑微微共我說起 無免偌久，頭毛落霜雪 青春老去，你就報銷去 毋免偌久 一場眠夢 你就無聲無說，無言無語 親像灶空的火恬恬化去(hua--khi) 人生的歌唱完矣 人誠稀微，頭犁犁 行田岸仔墘轉去 彼時 天頂星佇我的頭殼頂閃爍 註：台語文用字尊重作者原創，不做更動，如有疑問請查詢教育部《臺灣閩南語常用詞辭典》網站。

    11 min

  6. 13/12/2021

    春天 / 劉惠蓉

    【詩名】：春天 【作者】：劉惠蓉 【詩文】： 春天歹鬥陣 連鞭吼 連鞭笑 歡喜的時 溫柔輕聲共咱咱 叫咱綴伊跳舞 綴伊去演唱 用伊燒烙的情 畫一幅 上媠的色水 開出美麗的花蕊 受氣的時 呸面歹聲嗽 毋是透風 就是落大雨 一个無注意 害阮傷風流鼻水 註：台語文用字尊重作者原創，不做更動，如有疑問請查詢教育部《臺灣閩南語常用詞辭典》網站。

    10 min

  7. 13/12/2021

    大型的舞會 / 韓滿

    【詩名】：大型的舞會 【作者】：韓滿 【詩文】： 走過 一稜一稜青蘢蘢（ling）的茶園 一陣一陣的咖啡芳嘛唌人袂倒 叭叭 傱對山頂去 日頭無相辭 就覕入去烏布 雄雄恬啁啁 跕跤跕手歪歪斜斜 濕濕的草埔仔邊 澹澹的溪仔墘 溡溡的樹仔跤 有幾若百蕊目睭 刺過來射過去 哇 細kâi聲仔 噓 噓 噓 干焦喘氣的聲 一葩一葩的光 飛過來 走過去 愈來愈濟 愈來愈光 愈來愈媠 開始一个大型的舞會 查埔的飛落來 邀請閉思的姑娘仔 華爾滋一直跳袂煞 愛的故事就按呢開始 時間 沓沓仔 沓沓仔 過去 看火金蛄的人 慢慢仔 慢慢仔 離開 註：台語文用字尊重作者原創，不做更動，如有疑問請查詢教育部《臺灣閩南語常用詞辭典》網站。

    11 min

  8. 13/12/2021

    午后 / 林鳳珠

    【詩名】：午后 【作者】：林鳳珠 【詩文】： 有一種畫面 猶未變成歷史 有一種歲月 離咱猶無足久 日頭稍許也偏就西 睏晝兮氣氛充滿置庄內 戶橉下彼幾隻鷄也 伸頷頸「咕！咕！咕！」叫起來 阿婆是欲出去 抑是才對菜園也轉來﹖ 痀痀兮身影 行過巷也底兮破處瓦 慢慢兮腳步 無追時代搬徙 園也、市場合古處 是伊全部兮生活 有一種歲月 離咱愈來愈遠 床母做兮記號 親像猶印置古早兮田庄 時間交替出年代 居處愈新愈氣派 有時 斡一下頭才知 細漢兮記智 其實 猶旋置彼大片舊舊兮磚瓦內 註：台語文用字尊重作者原創，不做更動，如有疑問請查詢教育部《臺灣閩南語常用詞辭典》網站。

    11 min
See All (179)

Ratings & Reviews

5
out of 5
8 Ratings

About

｢故鄉。生活。台語詩」選用嘉義、台南、高雄等南台灣詩人作家，包括顧德莎、蕭藤村、韓滿、黃勁連、藍淑貞、劉惠蓉、凃妙沂、林鳳珠、簡秀芽…等人作品共165首，另15首作品來自｢台語新詩徵選活動」，合計180首，製播成180集廣播節目，作品豐富多元，多數是以在地文史地理及花草植物為主題，以及為抒情、寫意之作。 此外，針對詩中觸及之文史地理或花草植物主題，邀請相關文史、植物專家進行解說，讓聽眾欣賞詩詞之餘，也能對本土人文、自然、歷史等相關知識做進一步了解。 指導單位：文化部影視及流行音樂產業局 製作主持：曾文溪廣播電台 / 嘉仕 節目官網：http://www.fm899.com.tw/poem 粉絲專頁：http://www.facebook.com/poem899 美術設計：吳靜芳 音樂提供：陳婉菱、上揚唱片 Special thanks to Bronn Journey for the wonderful music Journey Home：https://bronnjourney.com -- Hosting provided by SoundOn

Information

More From 戀戀曾文溪