បទយកការណ៍

RFI ខេមរភាសា / RFI Khmer
  • 0,0 (0)
  • TIN TỨC
  • HẰNG NGÀY

គឺជា​ការ​ចាប់អារម្មណ៍ និង​ការ​ក្រឡេកមើល ទៅលើ​បញ្ហា​នយោបាយ សង្គម ឬ​សេដ្ឋកិច្ច នៃ​ប្រទេស​កម្ពុជា​បច្ចុប្បន្ន។ កម្មវិធីនេះ រៀបចំ​ដោយ​អ្នកឆ្លើយឆ្លងព័ត៌មាន​របស់​យើង នៅ​ភ្នំពេញ ហើយ​នឹង​ត្រូវ​ចាក់ផ្សាយ ជារៀងរាល់​ថ្ងៃ ពី​ថ្ងៃចន្ទ​ដល់​ថ្ងៃ​អាទិត្យ។

  1. 1 NGÀY TRƯỚC

    លេណដ្ឋានតាមផ្ទះជាជម្រើសចុងក្រោយ សម្រាប់ពលរដ្ឋក្រាញននៀលការពារទ្រព្យ

    ប្រឈមនឹងការបាញ់គ្រាប់ផ្លោងពីសំណាក់ភាគីថៃចូលទឹកដីកម្ពុជា ការជីកលេណដ្ឋានតាមផ្ទះសម្បែង ជាជម្រើសតែមួយគត់ សម្រាប់ពលរដ្ឋរស់នៅតាមបន្ទាត់ព្រំដែន ដែលបន្តស៊ូទ្រាំក្រាញននៀលមិនចាកចេញទៅរកកន្លែងសុវត្ថិភាព។ ពលរដ្ឋមួយចំនួនតាមបន្ទាត់ព្រំដែនបានប្រើប្រាស់លេណដ្ឋាន ដែលធ្លាប់ជីកកាលពីផ្ទុះសង្គ្រាមលើកមុន ក្នុងអំឡុងខែកក្កដា ឆ្នាំ២០២៥។ រីឯពលរដ្ឋខ្លះទៀត ក៏ចាប់ផ្តើមជីកលេណដ្ឋាន ដើម្បីធ្វើជាជម្រកការពារសមាជិកគ្រួសារ ក្នុងពេលមានអាសន្នជាថ្មី។

    6 phút

  2. 2 NGÀY TRƯỚC

    ភរិយាយុទ្ធជនពលី៖ «ប្តីខ្ញុំបានធ្វើអ្វី ដែលគាត់បាននិយាយហើយ»

    «ជីវិតជូនជាតិ ធាតុជូនម្តាយ រូបកាយទុកឲ្យគ្រួសារអ្នកបូជា...»  នេះជាប្រយោគដែលលោកអនុសេនីយ៍ទោ កេត សុភ័ក្ត្រា ធ្លាប់និយាយមុនចេញ ទៅតតាំងសង្រ្គាមជាមួយភាគីថៃ កាលពីអំឡុងខែកក្កដា ឆ្នាំ២០២៥។ ជាអកុសល នៅអំឡុងការប៉ះទង្គិចជាថ្មីគ្រានេះ លោកអនុសេនីយ៍ទោ កេត សុភ័ក្ត្រា បានលះបង់ជីវិតនៅសមរភូមិប្រាសាទតាមាន់ នៅយប់ថ្ងៃពុធ ទី១០ ខែធ្នូ ដើម្បីបុព្វហេតុការពារមាតុភូមិកម្ពុជា។ ភរិយាយុទ្ធជនពលីរូបនេះ បានថ្លែងដោយក្តីសោកសង្រេងជាពន់ពេកថា សា្វមីរបស់ខ្លួនបានបូជាសាច់ស្រស់ ឈាមស្រស់ ដូចអ្វីដែលលោកធ្លាប់បាននិយាយ។

    8 phút

  3. 4 NGÀY TRƯỚC

    ជម្លោះព្រំដែនខ្មែរ-ថៃ៖ កម្ពុជារួមគ្នាបរិច្ចាគឈាមជូនកងទ័ពជួរមុខ និងពលរដ្ឋ

    នៅព្រឹកថ្ងៃទី៩ ខែធ្នូ ឆ្នាំ២០២៥ នៅឯសកលវិទ្យាល័យការពារជាតិ ក្នុងខណ្ឌឬស្សីកែវ ក្បែរស្ពានអាកាស ឬស្សីកែវ រាជធានីភ្នំពេញ យុវជន ពលរដ្ឋ និងកងកម្លាំងយោធាគ្រប់លំដាប់ថ្នាក់យ៉ាងច្រើនកុះកររួបរួមគ្នាមកបរិច្ចាគឈាមដោយស្ម័គ្រចិត្ត ដើម្បីជួយជាកម្លាំងចិត្តដល់កងទ័ពជួរមុខ និងប្រជាជនដែលរស់នៅតាមព្រំដែន។ កម្មវិធីបរិច្ចាគឈាមមួយនេះត្រូវបានរៀបចំភ្លាមៗ នៅក្រោយជម្លោះនៅតំបន់ព្រំដែនកម្ពុជា-ថៃចាប់ឡើងកម្តៅជាថ្មី កាល​ពីថ្ងៃទី៨ ខែធ្នូ ឆ្នាំ២០២៥នេះ ដោយបណ្តាលអោយកងទ័ព និងប្រជាជនខ្មែរជាយដែន យ៉ាងហោច ៤នាក់បាត់បង់ជីវិត និងជាច្រើននាក់រងរបួស៕

    7 phút

  4. 6 THG 12

    ពិព័រណ៍ពាណិជ្ជកម្មកម្ពុជាឆ្នាំ២០២៥នឹងជួយបង្កើនផលិតភាពក្នុងស្រុក ខណៈមានវិបត្តិព្រំដែន

    ព្រឹត្តិការណ៍ពិព័រណ៍ពាណិជ្ជកម្មកម្ពុជាឆ្នាំ២០២៥ កំពុងត្រូវបានរៀបចំឡើង រយៈពេល៤ថ្ងៃ ចាប់ពីថ្ងៃទី៤ ដល់ថ្ងៃទី៧ ខែធ្នូ ឆ្នាំ២០២៥ នៅឯមជ្ឈមណ្ឌលបុរីប៉េងហួតបឹងស្នោរ។  ប្រធានបទសំខាន់នៅក្នុងឆ្នាំនេះគឺ “យុគសម័យថ្មីនៃពាណិជ្ជកម្ម៖ ការបង្កើនកិត្យានុភាពផលិតផលក្នុងស្រុក” ។ សម្រាប់ក្រសួងពាណិជ្ជកម្មកម្ពុជា គោលបំណងនៃការៀបចំពិព័រណ៍ពាណិជ្ជកម្មនេះ មិនត្រឹមតែតាំងបង្ហាញនិងបង្កើនកិត្យានុភាពផលិតផល និងសេវាកម្មខ្មែរក្នុងស្រុកដែលមានគុណភាពខ្ពស់និងសម្បូរបែប ក្នុងអំឡុងពេលកម្ពុជានៅមានវិបត្តិព្រំដែនជាមួយថៃប៉ុណ្ណោះទេ ប៉ុន្តែព្រឹត្តិការណ៍ពិព័រណ៍ពាណិជ្ជកម្មឆ្នាំនេះ ក៏ត្រូវបានរំពឹងថា នឹងរួមចំណែកដល់ការពង្រឹងទំនាក់ទំនងពាណិជ្ជកម្មរវាងកម្ពុជាជាមួយនឹងទីផ្សារសកលលោកផ្សេងទៀតផងដែរ។

    10 phút

  5. 6 THG 12

    ព្រះមហាក្សត្រខ្មែរ​​យាងទៅទត​សមុច្ច័យ​កាសែតនិងទស្សនាវដ្តីអំពីខ្មែរ នៅបណ្ណាល័យបារាំង Bulac

    បន្ទាប់ពី​យាងចូលរួម​ក្នុង​ព្រះរាជពិធីថា្វយព្រះរាជកិត្តិយស​ព្រះអង្គ​ចូលជា​សមាជិក​សមាគត​នៃ​បណ្ឌិត្យ​សភាវិទ្យាសាស្រ្ត​ឯនាយសមុទ្រ​ នៅទីក្រុង​ប៉ារីស ព្រះករុណា​ព្រះមហាក្សត្រ​នៃ​ព្រះរាជាណាចក្រ​កម្ពុជា​ កាលពីថ្ងៃសុក្រទី ៥ធ្នូ បា​នយាងទៅ​ទត​សមុច្ច័យ​កាសែត និង​ទស្សនាវដ្តី​អំពីខ្មែរដែលស្តុក​ទុកនៅ​បណ្ណាល័យ ​បារាំង Bulac នៅទីក្រុងប៉ារីស។

    8 phút

  6. 4 THG 12

    សហគមន៍ភ្នំណាមលៀរ ចង់ឃើញការកែលម្អផ្លូវ ដើម្បីជំរុញទេសចរណ៍ក្នុងតំបន់

    តំបន់ការពារធម្មជាតិភ្នំណាមលៀរនៅក្នុងខេត្តមណ្ឌលគិរី  មិនត្រឹមតែកន្លែងអភិរក្សសត្វព្រៃ និងសត្វស្លាបជាច្រើនប្រភេទប៉ុណ្ណោះទេ តែក៏ជាតំបន់កម្សាន្តលំហែអារម្មណ៍បែបធម្មជាតិផងដែរ។ កង្វះហេដ្ឋារចនាសម្ព័ន្ធទេសចរណ៍ ជាពិសេសផ្លូវទៅកាន់ភ្នំណាមលៀរ ដែលរងការខូចខាតឥតដាច់ ដោយសារភ្លៀងធ្លាក់នៅរដូវវស្សា ជាហេតុធ្វើឱ្យតំបន់ទេសចរណ៍មួយនេះខ្សត់ភ្ញៀវទៅកម្សាន្ត។ ក្នុងន័យនេះ ទាំងភ្ញៀវទេសចរ និងប្រជាសហគមន៍ចង់ឃើញការអភិវឌ្ឍវិស័យទេសចរណ៍ខេត្តមណ្ឌលគិរី ឱ្យបានទូលំទូលាយ ជាពិសេសការជួសជុលកែលម្អបណ្តាញផ្លូវតភ្ជាប់ទៅភ្នំណាមលៀរឱ្យបានល្អប្រសើរ៕

    9 phút

  7. 2 THG 12

    សាលាឧទ្ធរណ៍ភ្នំពេញបដិសេធជាថ្មីសំណើនៅក្រៅឃុំរបស់សកម្មជនបរិស្ថាន

    ជាថ្មីម្តងទៀត នៅរសៀលថ្ងៃទី១ ខែធ្នូ ឆ្នាំ២០២៥ សាលាឧទ្ធរណ៍រាជធានីភ្នំពេញបានសម្រេចបដិសេធជាថ្មី លើសំណើសុំនៅក្រៅឃុំរបស់សកម្មជនបរិស្ថានទាំង ៥រូប ដែលជាសមាជិករបស់ចលនាមាតាធម្មជាតិ។ ទាំងក្រុមគ្រួសាររបស់សកម្មជន អ្នកគាំទ្រ និងអង្គការសង្គមស៊ីវិល សុទ្ធតែបានសម្តែងការសោកស្តាយជាខ្លាំង ចំពោះសេចក្តីសម្រេចរបស់តុលាការយ៉ាងដូច្នេះលើសកម្មជនវ័យក្មេង ដែលជាអ្នកស្រលាញ់ការពារធនធានធម្មជាតិ និងការពារបរិស្ថានដែលជាប្រយោជន៍រួមរបស់ជាតិ។

    10 phút

  8. 1 THG 12

    ប្រាក់ចំណូលក៏តិច បំណុលក៏មាន ពលករត្រូវការប្រព័ន្ធគាំពារសង្គមមួយរឹងមាំ

    ចាប់តាំងពីមានជម្លោះព្រំដែនកម្ពុជា-ថៃ ពលករខ្មែរជាង៩សែននាក់ បានបង្ខំចិត្តនាំគ្នាចាកចេញពីការងារក្នុងប្រទេសថៃ ក្រោមហេតុផល រក្សាសុវត្ថិភាពផ្ទាល់ខ្លួន។ ពលករខ្មែរត្រឡប់មកប្រទេសកំណើតវិញក្នុង​ចំនួន​ដ៏ច្រើន​បែបនេះ ត្រូវគេមើលឃើញថា កំពុងធ្វើឱ្យសេដ្ឋកិច្ចជនបទ ទីផ្សារការងារ និងប្រព័ន្ធសុវត្ថិភាពសង្គម រងសម្ពាធគួរឲ្យព្រួយបារម្ភ។ ពលករមួយចំនួនកំពុងប្រឈមនឹងវិបត្តិបំណុលធនាគារ និងខ្វះការងារធ្វើជាដើម។ ឆ្លើយតបនឹងកង្វល់របស់ពលករ ភាគីក្រសួងការងារ និងសមាគមមីក្រូហិរញ្ញវត្ថុ បានខ្នះខ្នែងរក​ដំណោះស្រាយ​មួយចំនួន ដែល​អាច​ជួយ​សម្រួល​ដល់​ការ​លំបាក​របស់​ពួកគេ៕

    13 phút
Xem tất cả (76)

Giới Thiệu

គឺជា​ការ​ចាប់អារម្មណ៍ និង​ការ​ក្រឡេកមើល ទៅលើ​បញ្ហា​នយោបាយ សង្គម ឬ​សេដ្ឋកិច្ច នៃ​ប្រទេស​កម្ពុជា​បច្ចុប្បន្ន។ កម្មវិធីនេះ រៀបចំ​ដោយ​អ្នកឆ្លើយឆ្លងព័ត៌មាន​របស់​យើង នៅ​ភ្នំពេញ ហើយ​នឹង​ត្រូវ​ចាក់ផ្សាយ ជារៀងរាល់​ថ្ងៃ ពី​ថ្ងៃចន្ទ​ដល់​ថ្ងៃ​អាទិត្យ។

Thông Tin

Nội Dung Khác Của RFI ខេមរភាសា / RFI Khmer

Có Thể Bạn Cũng Thích