ពិព័រណ៍ពាណិជ្ជកម្មកម្ពុជាឆ្នាំ២០២៥នឹងជួយបង្កើនផលិតភាពក្នុងស្រុក ខណៈមានវិបត្តិព្រំដែន

ព្រឹត្តិការណ៍ពិព័រណ៍ពាណិជ្ជកម្មកម្ពុជាឆ្នាំ២០២៥ កំពុងត្រូវបានរៀបចំឡើង រយៈពេល៤ថ្ងៃ ចាប់ពីថ្ងៃទី៤ ដល់ថ្ងៃទី៧ ខែធ្នូ ឆ្នាំ២០២៥ នៅឯមជ្ឈមណ្ឌលបុរីប៉េងហួតបឹងស្នោរ។  ប្រធានបទសំខាន់នៅក្នុងឆ្នាំនេះគឺ “យុគសម័យថ្មីនៃពាណិជ្ជកម្ម៖ ការបង្កើនកិត្យានុភាពផលិតផលក្នុងស្រុក” ។ សម្រាប់ក្រសួងពាណិជ្ជកម្មកម្ពុជា គោលបំណងនៃការៀបចំពិព័រណ៍ពាណិជ្ជកម្មនេះ មិនត្រឹមតែតាំងបង្ហាញនិងបង្កើនកិត្យានុភាពផលិតផល និងសេវាកម្មខ្មែរក្នុងស្រុកដែលមានគុណភាពខ្ពស់និងសម្បូរបែប ក្នុងអំឡុងពេលកម្ពុជានៅមានវិបត្តិព្រំដែនជាមួយថៃប៉ុណ្ណោះទេ ប៉ុន្តែព្រឹត្តិការណ៍ពិព័រណ៍ពាណិជ្ជកម្មឆ្នាំនេះ ក៏ត្រូវបានរំពឹងថា នឹងរួមចំណែកដល់ការពង្រឹងទំនាក់ទំនងពាណិជ្ជកម្មរវាងកម្ពុជាជាមួយនឹងទីផ្សារសកលលោកផ្សេងទៀតផងដែរ។