台語學校咧衝啥？母語欲活了好，著對教育來起造 ft.董力玄╱台灣台語路協會理事長

2025年9月1號起，高雄路竹的北嶺國小正式轉型做全台頭一間台語實驗小學，毋但引起真濟台語家庭的注目，也確實大大提升招生人數；同時也引起其他縣市台語家庭的討論，希望家己所在的縣市也會當設立台語小學。

到底台語小學是咧學啥？敢是有較濟台語課？抑是用台語咧上課？台語敢有法度用來上各種課？學校又閣會拄著啥款困難或者質疑？這集邀請台灣台語路協會理事長，同時也是台語家庭母親的董力玄，𤆬咱做伙來了解台語學校，嘛了解台語家庭的需求佮困境。