家族裡的病態期待：長女病

你敢是厝內的大漢查某囝？敢會定定感覺有身為大漢查某囝的壓力佮期待？遮的壓力佮期待是啥人予你的？社會？家庭？爸母？抑是……你家己？「你著愛做予小弟小妹看」、「小弟小妹較毋捌代誌，你按怎無共看予好？！」、「你是阿姊當然著鬥相共厝內」，弟妹細漢你愛顧，爸母老矣你愛顧，敢若全世界攏愛你照顧，若是你的身佮心破病矣，啥人來顧？

這集邀請《長女病》作者張慧慈(小花媽)來分享伊的家族經歷、長女病敢是一種社會遺傳？伊閣收集著啥物無仝款的長女病個案，長女以外猶有啥人可能會致著這款「病」？亞特、佑仁佮慧慈咱來講透機。