牛哥講經丨廣東話哲學、書籍分享

讀物農莊 Anybooks Farm
  • 5.0 (8)
  • LITERATURA
  • CADA SEMANA
牛哥講經丨廣東話哲學、書籍分享
牛哥講經會員專屬內容

立即收聽《牛哥解經》、《西哲幼稚園》、《生活雜談》！（支持牛某製作不同內容）

3 días gratis, luego $9.99 cada mes

牛哥講經，用廣東話詮釋經典畀你聽。 🐂🐂🐂🐂🐂 夜晚瞓唔著就睇書，睇書就記錄下所思所想。主要睇哲學、政治、歷史。 香港人，就用香港話講經。每星期開講。 Instagram： @cowgortalk YouTube：讀物農莊 Anybooks Farm Patreon： patreon.com/cowgortalk 文字版：cowgortalk.wordpress.com 如果對會員podcast (牛哥解經、西哲幼稚園、生活雜談）有興趣，記得成為Patreon會員；或者參加到Spotify 嘅Paid Subscriber: https://podcasters.spotify.com/pod/show/cowgortalk/subscribe 可以去https://open.spotify.com/show/6arTIDfqLrebjBvibr811k?si=c52990eb056a4dbe 睇睇會員podcast嘅主題！ 期待你嘅加入！

  1. 《變形記》出版小秘密，原來隻「蟲」係咁解？卡夫卡喺一百年前以最荒謬嘅劇情，寫實咁剖析打工仔嘅苦痛丨有文有路（2）丨野人文化，《變形記》

    HACE 1 DÍA

    《變形記》出版小秘密，原來隻「蟲」係咁解？卡夫卡喺一百年前以最荒謬嘅劇情，寫實咁剖析打工仔嘅苦痛丨有文有路（2）丨野人文化，《變形記》

    歡迎你嚟到有文有路，人生路茫芒，文化方見道。今集係有文有路嘅第二集，我哋會繼續用野人文化出版嘅《變形記》，嚟講講卡夫卡嘅作品。 上集我哋講咗卡夫卡嘅生平，認識到家庭為卡夫卡帶嚟莫大嘅精神壓力，而卡夫卡總係要拖住懷有結核病嘅身軀，每日營營役役咁工作。 喺罕有嘅工餘時間，卡夫卡將家庭、工作、疾病凝結，寫成一部小故事，亦即係喺1915年出版嘅《變形記》，以最引人入勝、近乎荒誕嘅劇情，記錄一個打工仔嘅無奈同被動。 最神奇嘅係，即使劇情荒誕，但你仍然會喺故事當中感到源源不絕嘅寫實。 今集，我哋會先講講一個《變形記》出版時嘅小秘密——如果你喺封面見到一個圖案，咁即係嗰一個版本係唔尊重卡夫卡嘅意願。之後，我哋就會一齊睇下《變形記》嘅開頭。

    31 min

  2. HACE 2 DÍAS

    牟宗三思想入門（1）：中國哲學Q&A，「惻隱之心會唔會係後天？」聽下牟宗三點答──《人文講習錄》丨中哲共讀（14）

    逢星期三夜晚九點直播  IG投票係牟宗三嘅《中國哲學十九講》勝出，但《中國哲學十九講》有前傳，咁就講咗前傳先。 睇前傳嘅時候見到有本《人文講習錄》，幾得意，同大家分享下。  00:00 開頭  05:45 問題：惻隱之心係唔係先天？  29:06 問題：良知點解係天地萬物之本？  54:01 告誡  1:20:59 問題：良知同天心有咩分別？  1:24:56 問題：惻隱之心係唔係後天？  1:28:51 比較先天後天  閱讀材料： 《人文講習錄》

    2 h y 14 min
  3. 儒門版羅生門：受盡屈辱嘅牟宗三，遇上私怨嘅胡適？點解牟宗三會將胡適視為「北大之罪人」？丨生活雜談EP18—新儒家列傳（2）丨《新儒家眼中的胡適》

    HACE 4 DÍAS • SÓLO PARA PERSONAS CON SUSCRIPCIÓN

    儒門版羅生門：受盡屈辱嘅牟宗三，遇上私怨嘅胡適？點解牟宗三會將胡適視為「北大之罪人」？丨生活雜談EP18—新儒家列傳（2）丨《新儒家眼中的胡適》

    上次我哋講到胡適喺「中古思想史」畀咗一個牟宗三唔滿意嘅分數，而胡適為分數所作嘅預計顯然出錯咗。翟講到： 「然而，牟宗三卻是在全班所有的學生中，唯一能以其不世出的哲學天才，在中國哲學史上留下其豐功偉業的人。在牟宗三之後，凡治中國哲學者，對牟宗三的學術觀點可以贊成，也可以不同意，但卻不能置之不理，一如治西方哲學者絕不可繞過康德。……為人絕頂聰明而又一貫以聰明自負的胡適，僅憑「一科的成績」來「卜其人的終身」，「卜」到牟宗三身上無疑是「卜」錯了。」（頁274） 從今日嘅觀點睇嚟，牟宗三的確係中國哲學其中一座不可繞過嘅大山。但係青年嘅牟宗三並無受到足夠重視，亦係事實。對於牟宗三嚟講，考試錯判只係一度小小嘅難關，而畢業後嘅前路仍然受限於胡適。 當年牟宗三二十四歲，已經喺北大預科讀咗兩年，哲學系本科讀咗三年，佢想將自己關於胡煦｛音：許｝同周易哲學嘅長篇論文，投到哲學系系刊當中，點知投稿時間過咗年幾都未有出版消息，咁牟宗三就問系刊嘅主事者，點知文稿係壓咗喺負責審查嘅文學院院長度，邊個係當時嘅文學院院長？自然係胡適。 牟宗三於是走去搵胡適講數，結果並唔理想，佢回憶到「但無論如何，從此以後，就算把胡先生得罪了！」 到底胡適有無被得罪，之後處處留難牟宗三呢？對牟宗三嚟講，答案係肯定嘅——胡適唔單止將自己定為平庸，仲斷咗自己嘅人生。 不過，我哋會嘗試拆解呢場儒門版羅生門嘅真面目，通過對牟宗三回憶嘅抽絲剝繭，我哋會發現事件並唔係咁簡單。 依家，我哋先睇下牟宗三點樣去搵胡適講數。

    39 min
  4. 卡夫卡生平：「上帝不要我寫，但是我必須寫。」憂鬱嘅猶太青年，以寫作治療原生家庭嘅創傷；用布拉格地標，同你重遊存在主義先驅嘅人生丨有文有路（1）丨野人文化，《變形記》

    4 ENE

    卡夫卡生平：「上帝不要我寫，但是我必須寫。」憂鬱嘅猶太青年，以寫作治療原生家庭嘅創傷；用布拉格地標，同你重遊存在主義先驅嘅人生丨有文有路（1）丨野人文化，《變形記》

    如果你走去搵法蘭茲．卡夫卡（Franz Kafka）嘅相，想睇下佢咩樣，你總係會搵到一個著住西裝、打晒呔，個樣是是正正，表情成幅牆，眼神帶住幾分憂鬱嘅猶太人。靚仔係靚仔，但睇落只係一個周街都會見到嘅打工仔。 無錯，卡夫卡的確係一個稱職嘅打工仔，只係喺「正常人」嘅形象背後，佢係日頭返工，夜晚寫作嘅癲佬（in a good way）。佢將源自父親嘅壓力、對愛情嘅焦苦、以及結核病嘅痛楚，一一通過文字抒發……

    22 min
  5. 〈逍遙遊・不龜手之藥〉逐字解（DSE考生勿入），DSE範文入面最mind-blown嘅文章，一齊理解莊子嘅無用之用，原來無用之用仲有續集──《莊子・逍遙遊》丨中哲共讀（13）丨廣東話讀書會

    3 ENE

    〈逍遙遊・不龜手之藥〉逐字解（DSE考生勿入），DSE範文入面最mind-blown嘅文章，一齊理解莊子嘅無用之用，原來無用之用仲有續集──《莊子・逍遙遊》丨中哲共讀（13）丨廣東話讀書會

    建議喺spotify/patreon 睇 逢星期三夜晚九點直播IG投票係牟宗三嘅《中國哲學十九講》勝出，但我要時間預備，所以用〈不龜手之藥〉／無用之用嚟過場。 00:00 開始，簡介〈逍遙遊〉精神 18:19 不龜手之藥前傳，肩吾問於連叔 40:36 不龜手之藥 1:00:53 大樹謂樗 1:18:30 無用之用續集 1:35:33 總結 閱讀材料：《莊子・逍遙遊》

    2 h y 5 min
  6. 牛哥解經（21）：存在莊子3丨戰國之苦（下），守株待兔新解；支離疏同髑髏，顛覆幸福定義嘅悲劇丨《莊子——中國古代的存在主義》〈痛哉現實〉

    30/12/2024 • SÓLO PARA PERSONAS CON SUSCRIPCIÓN

    牛哥解經（21）：存在莊子3丨戰國之苦（下），守株待兔新解；支離疏同髑髏，顛覆幸福定義嘅悲劇丨《莊子——中國古代的存在主義》〈痛哉現實〉

    上集，我哋嘗試用莊子視角去回顧戰國嘅普遍發展。今集，我哋就要睇下莊子所見到嘅現實情況——宋國嘅特殊情況。 我哋會先睇睇兩個著名嘅故事「支離疏」同「楚遇髑髏」，作為我哋頭兩個部分。從兩個反常嘅常態，我哋會見到幸福同生命被戰亂所重新定義。 之後，我哋會講講「宋國被困」、「襄公狂願」，睇睇宋國歷史對宋國人民嘅影響。上集提到宋國經常陷入混亂，使人疑問宋國嘅血統係唔係有咩暴力成分。但只要我哋從宋國嘅地理同歷史入手，混亂成因，就會不言自明。我哋亦會睇睇守株待兔嘅新解。 最後，「今觀康王」，去到莊子嘅時候，宋國國君自立為王——就係著名嘅康王，康王好戰，將宋國國力推到最高，但莊子並無殷喜，而係見到局面已經進入戰國時代中最為動盪嘅時刻，因而回憶起商朝嘅名臣，箕｛音：機｝子。

    32 min
  7. 《古蘭經》視角下嘅耶穌——詳細記錄瑪麗亞處女生子嘅過程，「爾撒」擁有比《聖經》記載更奇妙嘅誕生，作為瑪麗亞之子，成為無神性嘅「救贖者」丨哲學即食麵（8）丨林長寬，〈理解《

    25/12/2024

    《古蘭經》視角下嘅耶穌——詳細記錄瑪麗亞處女生子嘅過程，「爾撒」擁有比《聖經》記載更奇妙嘅誕生，作為瑪麗亞之子，成為無神性嘅「救贖者」丨哲學即食麵（8）丨林長寬，〈理解《

    我哋喺生活雜談EP5，講述《被隱藏的眾神》嘅時候，好簡單咁對比過亞伯拉罕諸教（Abrahamic religion）。所謂亞伯拉罕諸教，就係視亞伯拉罕為先祖，信奉一神——最著名嘅，自然係猶太教、基督教、伊斯蘭教。亞伯拉罕諸教流傳非常廣，世界上頭兩大嘅宗教，都係亞伯拉罕諸教（基督宗教、伊斯蘭教）；屈指一算，全球有一半人口以上，相信亞伯拉罕諸教。 由於亞伯拉罕諸教之間承認唔同經典，因而有唔同教義。而佢哋對同一個故事，會有唔同詮釋。最典型嘅例子，如果你問亞伯拉罕聽到神喻之後，獻祭嘅兒子係邊個，基督宗教教徒會答你係亞伯拉罕嘅妻子，撒拉所生嘅兒子，以撒。但多數穆斯林（伊斯蘭教徒）就會答你係亞伯拉罕嘅妾夏甲所生嘅易斯馬儀（亦即係《舊約》所稱嘅以實瑪利）。大家如果對呢個故事差異有興趣，可以話我知，我再出一集嚟講。 相比其他亞伯拉罕諸教（基督宗教、猶太教），伊斯蘭教明顯較為新興，當佢喺公元七世紀建立嘅時候，佢就要喺阿拉伯地區，選擇點樣承繼之前嘅猶太教、基督宗教嘅傳統同教義。喺穆斯林信仰嘅立場睇嚟，最後嘅先知穆罕默德就係要宣揚一種「獨一神」（Wahid）嘅倫理觀。穆斯林認為《古蘭經》係直接源自獨一神嘅話語，而基督宗教嘅《聖經》係經由耶穌之後嘅門徒，以及之後好幾代信徒所編、所抄寫，因而加咗唔少人為因素。 基督宗教就認為《古蘭經》係穆罕默德自己嘅說話，同神無關 而伊斯蘭教同基督宗教對耶穌嘅睇法，亦有好大唔同。基督宗教對耶穌嘅睇法，大家日常都接觸到，而用歷史批判法去睇基督宗教對耶穌嘅睇法，我哋喺podcast提過。 今餐，我哋就要睇睇《古蘭經》眼中嘅耶穌。呢集，我建議你配合文稿閱讀，因為有唔少《古蘭經》經文。

    24 min
  8. 「當今之世，講晚周諸子，只有我熊某能講，其餘都是混扯。」熊十力一聲獅子吼，改寫牟宗三人生；青年牟宗三曾經做過胡適嘅學生，胡適喺日記點樣點評價牟宗三？丨生活雜談EP17—胡適與

    22/12/2024 • SÓLO PARA PERSONAS CON SUSCRIPCIÓN

    「當今之世，講晚周諸子，只有我熊某能講，其餘都是混扯。」熊十力一聲獅子吼，改寫牟宗三人生；青年牟宗三曾經做過胡適嘅學生，胡適喺日記點樣點評價牟宗三？丨生活雜談EP17—胡適與

    胡適與新儒家（1）：青年牟宗三曾經做過胡適嘅學生，胡適喺日記點樣點評價牟宗三？遇上識獅子吼嘅熊十力，牟宗三人生因而大改變，佢講到：「使我的眼睛心思在浮泛的向外追逐中回光返照」丨生活雜談EP17丨新儒家眼中的胡適 獅吼捧喝並唔係禪宗嘅專利。喺近代新儒家當中亦出現過會使出獅子吼嘅儒者，佢就係第一代新儒家，熊十力先生。我哋會喺今集了解獅子吼嘅威力，以及講講點解獅子吼對青年牟宗三嘅影響，順道講埋咩係「聞見之知」、「德性之知」。依家，我哋就要返到去1930年嘅北京大學，感受胡適所帶嚟嘅新學風。 胡適與新學風 喺1930年嘅北京大學，最令人注目嘅哲學學者並唔係第一代嘅新儒家。當時，第一代嘅新儒家熊十力先生有喺北京大學教書，但唔多人上佢堂，課堂門外，係門可羅雀。有一位學生（我哋最尾先開估佢係邊個）講到： 「在課堂上講書，熊先生並不是很好的，因老先生和我們這—代是不相同的，『老先生並不宜於公開演演或課堂上的講演，他的好處是在家裏談。……」 與之相反，胡適當時因為出版咗《中國哲學史大綱》，聲名大噪，成為知識份子當中嘅大明星，佢凡係上堂，都係門庭若市。而胡適代表住一種同以往嘅中式學堂唔同嘅新學風，除咗教學方法、課堂設計同以往唔同，老師同學生之間唔再係絕對嘅上而下關係，胡適同當時嘅北大教授對待學生，係非常客氣同禮遇，例如會稱呼學生為Mr. 某某，喺教學上以揄揚鼓勵為主，其實就係行緊西方現代學制，尤其係美國學校嘅教學法。 呢一種新學風，令唔少知識份子可以相對自由、親切咁接觸西方學問，而對愛好中國哲學（尤其係形上學）嘅牟宗三嚟講，顯然適應唔到……

    29 min
Ver todo (217)

Tráiler

Calificaciones y reseñas

5
de 5
8 calificaciones

Acerca de

牛哥講經，用廣東話詮釋經典畀你聽。 🐂🐂🐂🐂🐂 夜晚瞓唔著就睇書，睇書就記錄下所思所想。主要睇哲學、政治、歷史。 香港人，就用香港話講經。每星期開講。 Instagram： @cowgortalk YouTube：讀物農莊 Anybooks Farm Patreon： patreon.com/cowgortalk 文字版：cowgortalk.wordpress.com 如果對會員podcast (牛哥解經、西哲幼稚園、生活雜談）有興趣，記得成為Patreon會員；或者參加到Spotify 嘅Paid Subscriber: https://podcasters.spotify.com/pod/show/cowgortalk/subscribe 可以去https://open.spotify.com/show/6arTIDfqLrebjBvibr811k?si=c52990eb056a4dbe 睇睇會員podcast嘅主題！ 期待你嘅加入！

Información

También te podría interesar

Para escuchar episodios explícitos, inicia sesión.

Mantente al día con este programa

Inicia sesión o regístrate para seguir programas, guardar episodios y enterarte de las últimas novedades.
Elige un país o región

Africa, Oriente Medio e India

Asia-Pacífico

Europa

Latinoamérica y el Caribe

Estados Unidos y Canadá