神怪劇咧衝啥？戲說籠面扮神明，會做會唱帶天命 ft.黃新皓╱演員、歌手

號稱「上緣投乩身」，閣是演員、閣是歌手的黃新皓(阿皓)來「告白」！佇出名本土劇《戲說台灣》演出田都元帥煞來衝紅的阿皓，毋但演神明，閣是自細佮神明有好交情！本底出道欲唱歌的阿皓，是按怎煞變成演員？而且一搬就是十偌年，毋但去到中國演出古裝的「籠面戲(偶像劇)」，轉來台灣嘛是戲路無停真無閒，踅一大輾煞又閣回到當初時上想欲做的歌手身份，這回推出專輯《新の告白》，聽講閣是佮神明先撨好勢的？阿皓講神明捌共伊指示：「成功著愛行遠路」，到底啥意思？做伙來聽神明的話按怎破解。