أنا البطل - Ana El Batal

Mostafa Halawa
  • 5.0 (2)
  • SELF-IMPROVEMENT
  • UPDATED WEEKLY

لو تخيلنا إن الحياة بقت عبارة عن مسابقة، الناس دايما هيبقوا عايزينك تكسب ميدالية واتنين و تلاتة، و انت دايما هتبقي حاسس انك متأخر و مش هتعرف ترضيهم، هترتاح بس لما تبقي صادق مع نفسك وتعرف انت فين و محتاج تحقق ايه .. ساعتها بس هتقدر تقول أنا البطل

Episodes

  1. 10/17/2022

    الحكومة

    الحلقة دي سريعا كدة سجلتها في البلكونة عندي عشان بصراحة ماقدرتش ماتكلمش علي فوز كريم بنزيما بالكورة الدهبية .. و اللي يعرفني كويس يعرف قد ايه انا كنت مش بطيق اشوفه في التلفزيون و نفسي انه يمشي من ريال مدريد .. بس اللي حاصل دلوقتي مختلف .. و بقيت مش قادر اشوف ريال مدريد من غيره! الحلقة دي احتفالا بتتويج ابو ابراهيم ملك جديد للكورة و بطل لازم تحترمه و تعرف قصته حتي لو مش بتحب الكورة.

    8 min
  2. هنلحق؟

    09/10/2022

    هنلحق؟

    في الحلقة دي .. حاولت اعمل الصح.. بإني اشارك في الحملة اللي عملاها حكومتنا المصرية "اتحضر للأخضر" .. في مبادرة رئيس الجمهورية لنشر الوعي البيئي .. عشان احنا لو انت ماتعرفش .. هنستضيف الدورة السابعة و عشرين لمؤتمرالمناخ و اللي بيتكلموا فيه بشكل اساسي عن مشكلة الاحتباس الحراري .. و هو دة كمان موضوع حلقتنا .. فتفتكر هنلحق؟؟؟ ماتنساش تعمل شير للحلقة لو عجبتك و اعمل لي فولو علي الانستاجرام .. هتلاقيني في اللينك دة:  https://www.instagram.com/halawelah/  و ماتنساش اصلا تتحضر للأخضر

    10 min

  3. 08/27/2022

    أنا متأثر

    الحلقة دي غريبة شوية .. عشان بدايتها غير نهايتها ..  في الأول كنت حابب اتكلم عن ملك فرعوني .. احنا بنفتكره لحد انهاردة لسبب غريب شوية .. الملك دة توت عنخ أمون بعدين لقيت ان مصدر الهامي اني اوصل للفكرة دي .. كان أحمد الغندور أو الدحيح  اللي هو واحد من أهم صناع المحتوي في الوطن العربي .. فقررت تأجيل حلقة الفراعنة دي شوية و ابدأ أتكلم عن صناع المحتوي!  حبيت أن تكون الحلقة دي تكريم لكل صناع المحتوي اللي كانوا سبب في الهامي و تحفيزي أني ابدأ البودكاست دة .. شكرا ليكم كلكم .. كنتم و مازلتم مؤثرين .. كنت و مازلت أنا متأثر

    13 min

  4. 08/06/2022

    بعد ايه؟

    الحلقة دي مبنية علي جملة كتبتها أم كلثوم علي العود بتاعها .. بنتكلم عن قصص ابطال قدروا انهم يحققوا نجاح كبير اوي .. بس ماقدروش يشوفوا النجاح دة بعينيهم .. جاليليو جاليلي اللي قدر انه يثبت ظواهر كونية كتير اوي بس مات قبل ما العالم يعرف نظرياته العلمية العظيمة دي .. و فيفيان ماير المربية اللي بعد ما توفت قدروا انهم يلاقوا كنز في بيتها .. و اللي ممكن تتفرج عليه من الموقع دة... www.vivianmaier.com .. ساعدني في كتابة الحلقة: منة الله مصطفي عشان تكون أول حلقة من الموسم الثاني لبودكاست أنا البطل

    10 min

  5. 04/12/2022

    أنا مش بطل؟

    ممكن يكون لكل واحد فينا مفهوم للفشل .. بس كلنا هنتفق ان مفيش طريقة نقدر نحول بيها الفشل لنجاح الا بالإعتراف بالفشل و بعدين نبدأ نشوف ازاي نتغلب علي أسباب الفشل دي! ممكن حتي نسيب المجال خالص لو شايفين اننا مش هنقدر و نشوف مجال تاني يمكن ننجح فيه! في الحلقة دي بنشوف مثال كبير اوي علي الفشل و الاستمرار فيه .. و مفيش أي نية للنجاح! .. مفيش خطة .. مفيش خطوات واضحة لينا كدة .. و بالتالي مفيش أمل! مش هنستني حاجة من منتخب مصر .. و كلها هتبقي اجتهادات شخصية من محمد صلاح و بقية اللعيبة..  اسمع الحلقة الخامسة و خلينا نتناقش .. منتخب مصر هيعمل ايه تحت قيادة المدرب الجديد ايهاب جلال.

    10 min

  6. 02/12/2022

    الحلقة دي متأخرة

    في الحلقة دي بنحكي قصص أبطال قدروا انهم يحققوا احلامهم في سن كبير زي ستان لي مخترع شخصية سبايدرمان و الأفنجرز .. الفنانة عارفة عبد الرسول .. و الكولونيل ساندرز مؤسس سلسلة مطاعم دجاج كنتاكي. متنساش تسمع الحلقات اللي فاتت و تعمل شير للحلقة دي و خلينا نتناقش علي الإنستجرام هل فيه سن مناسب للنجاح؟ هل انا متأخر؟

    11 min

  7. 01/08/2022

    كسبت بأخلاقي

    فكرة الحلقة دي صعبة شوية عشان مش كلنا هنبقي متفقين مع قرارات ابطال القصص اللي هنتناقش فيها في الحلقة دي .. فيه شعرة رفيعة اوي بين المزايدة و الأخلاق طول ما هي حاجة مش فجة و واضحة. في الحلقة دي بنحكي قصة اسطورة الجودو محمد رشوان و الجندي المسعف ديزموند دوس و ازاي كل واحد فيهم انتصر لمبادئه و أخلاقه .. ساعدني في الحلقة دي: منة الله مصطفي - خالد السبيعي - ابتهال فؤاد - يوسف بدوي - بشاير عوض

    10 min

  8. 10/12/2021

    كارير شيفت .. بجد؟

    لكل واحد موهبة في حاجة غير اللي درس فيها .. أكيد بتعرف تعمل حاجة غير اللي بتدرسه .. ممكن تستخدم الحاجة دي في انك تتشهر او انك بس بتضيع وقت و تستغله صح .. ممكن تتعرف علي ناس جديدة .. ممكن تسيب المجال اللي درسته كله اصلا و تبدأ تشتغل بموهبتك دي و دة اللي بنسميه الكارير شيفت هيكون معايا ضيوف .. المهندسة مريم موسي و اللي بتشتغل موديل و كمان عندها براند منتجات يدوية اسمه "سلام" و الدكتور عمرو زكريا الصيدلي صاحب الصوت الجميل. لو عجبتك الحلقة ماتنساش تعمل لايك و شير علي السوشيال ميديا .. و تابعني علي الانستاجرام في اللينك اللي تحت دة https://www.instagram.com/halawelah/

    28 min

  9. 10/01/2021

    يعني ايه نجاح؟

    في الحلقة الأولي من برنامج "أنا البطل" .. بنناقش تعريف جديد لمعني النجاح اسمه "النجاح النسبي" .. بحكي لكم قصص بتبين لكم ان مش دايما النجاح بيكون في الفوز بشكله المعروف .. بالعكس النجاح الحقيقي هو انك تعرف تحدد معايير النجاح بالنسبالك و ماتضحكش علي نفسك .. و ساعتها بس هتقدر تقول أنا البطل

    6 min
  • 9 Episodes

Ratings & Reviews

5
out of 5
2 Ratings

About

لو تخيلنا إن الحياة بقت عبارة عن مسابقة، الناس دايما هيبقوا عايزينك تكسب ميدالية واتنين و تلاتة، و انت دايما هتبقي حاسس انك متأخر و مش هتعرف ترضيهم، هترتاح بس لما تبقي صادق مع نفسك وتعرف انت فين و محتاج تحقق ايه .. ساعتها بس هتقدر تقول أنا البطل

Information