صوت قلبك

docen

5.0 (3)
SOCIETY & CULTURE

تعالي نتكلم شويه عن الي بنحسه والي بيحصل حوالينا

11/02/2025

كله تمام

اوقات بنوصل لمرحله الي هو لا حول ولا قوه الا بالله مرحله فقدان الشغف او الاستسلام لاي امر الي بنسميها بالبلدي التمام او التطبيل ان صح التعبير احساس الهزيمه الي دايما جوه عقلك وبتتحول لحد. شبه المعيز فب قطيع اي حاجه بتتمم وراها وخلاص عايز تخلص ويعدي الوقت ويخلص اليوم واي حاجه بقت يا عادي يا تمام المهم يخلص اليوم والأسبوع والشهر ونقبض المرتب نعد فلوس ونحس انها ورقه.. ملهاش قيمه وندرك اننا متبدلين مشاعر مش حاسين فا نقرر نبيع حاجه بنحبها ولما نبيعها. يااه دا انا كمت بحبها بس عادي او تمام وكان لم يكن هناك شئ ويعدي اليوم والأسبوع والشهر ونرجع نقبض الفلوس فا نحط علي جمب فا نحوش فا نشتري احلامنا وبعدين ؟ مفيش حاجه فاضي تمام عقلك مهزوم ياتري مين هزمك؟ قلبك ولاروحك الي ماتو وكان الواحد في مرحله غيبوبه بعد محاوله انعاش ولا قدرت تفرح بالحياه انها رجعت ولا منها مت فا اوكيه هتصحي منها ويعدي اليوم والاسبوع والشهر وترجع تقبض وتحس انووو …

2 min
10/01/2025

عدت سنه

اوقات تحت شويه مطر ومع مزيكا هاديه بتحس بضغف فجاه في التحكم في عينك وتسافر وسط ذكريات حاولت كتير تنساها ونسيتها فعلا فا يفتكرك اوجعاك قبل ذكرياتك ومعرفش هل بتصعب عليك نفسك ؟ ولا الموضوع موضوع وجع في مكان معين في جسمك بيقولو الي بينكتب مش بيموت فا قررت مكتبش تاني فا عدت سنه وعدي وقت كتير صعب يمكن اول مره تحس بطول السنه انها مجرتش زي كل الي قبلها وقد اي عانيت وحاربت فيها ضعف جوايا وضغط افكاري بانهاء نفسي واطفي نور العالم صراعات كلها بتدور جوه دماغي بس ومن براه البهلوان الشاطر الي قادر يرسم كل ضحكه علي وشوش او المعالج النفسي المستمع الجيد وازاي بتخيط كلامك تلم بيه جرح نضج نضج في كل تصرف بس الحقيقه انا سجنت حقيقتي وسجنت الطفل الي جوايا اوقات بزعل مني نفسي اني ازاي كنت بفكر حتي اقتله انا كنت فاكر ان الي انسكر بيتصلح في الحقيقه مفيش حاجه بتتكسر غيرك وكانك كسرت ازاز مرايتك او رميت طوبه علي الميه الي شايف فيها انعاكسك الازاز لساته ازاي وكمان الميه بس انت.. مبقاش موجود فا مفيش حاجه بتتكسر غيرك انا اكتشفت اني اتخنت بعد سنه بعد ما كنت فاكر انه كان قسمه ونصيب فا مسكت مرايتي ولزقتها عشان مشوفنيش مكسور فا فضلت انا غالي.. ونضيف وسبت الميه تعيش في طفيلاتها

2 min
06/06/2025

متكتف

بتمني ربنا يذلك زي ما اذللتني او اذيك بنفس الطريقه الي اذيتني بيها بس مش بقدر بتتظاهري انك بتهتم لي ولكنك مش بتحترميني حتي. انانيه بس بيقف قدام افكاري دي حناني وشوقي ليك كل ما اشوفك واقع خطوه ولو مخدوش احس اني بجري ورا العالم كله عشانك مع اني بجري من العالم كله بسببك مش عارف محبكش ولا عارف اهرب منك بس بهرب مني بهرب من حزني والاقيني واقف قدامك وعمال اتجاهل ان كل ما الجرح يلم اجيلك وسط الليل عشان مشوفش شوكك. واقرب اشم جمال بستانك وكان بتخضدر بريحه الورد. وفي النور بكتشف اني متخضدر من فقدان الدم اه الحب جميل زي ما بيقولي والعشق فعلا مرض مين بقي يداوي المرض ومين يقول للفراق اهلا وانا مقدرتش افارق في غيابك هفارق ازاي وانا بيني بينك خطوات انا عمري ما حد اذاني قد ما انت اذتني ومع انك ماذلت بتقطع فيا ماذلت بمدلك ايدي تعضها وكانك طفل صغير في يعيني بيلعب بيعض ايدي ومش قادر اشيلها من بوءه يمكن يحن او حتي يضحك ضحكه فا تسكن الم جوايا من زمان وكاني اتمنالك الدنيا واتمني لنفسي القبر عشان اقفل النور وينتهي العالم واهرب للابد. ..

2 min
05/31/2025

ورده

عايز ابعد واسيب واهرب لمكان بعيد ويجي لحظه تفتكر فيها ان غيرك هيملك عيونهها فا تحس بنار الغيره جواك فا تطفيها. تلاقيك بتطفي نفسك … فا بتقرر تقتل جزء منك فا تقتل روحك وتعيش هايم وسط الحياه فاكر نفسك سعيد لحد ما تيجي تزوك في خيالك وتيجي البسمه علي خدك فا تعرف انك مكنتش سعيد قبل كده لا استنيت كتير اوي ليوم نرجع فيه. ويرجع الحب دا كله لقلب كان نابض ليك وجه يوم رجعت انت فيه. ومرجعش قلبي او رجع وخوفي حابسه حابسه بين الشك مره والكسره مره خايف احبك تاني فا تقتلني تاني وخايف اقرب اكتر اتعور كنت ورده بحب اشمها بس لما بعدتي. لاقتني بنزف من شوكك هل انا ممكن اشمك تاني ودا الصراع الحقيقي حالا هل هعرف اشمك من غير ما احس بالشوك زي اول مره ول اعمل نفسي مش واخد بالي من نزيفي واشمك من تاني انا اول مره لالقيني خايف اوي من حاجه بالشكل دا اه اه نفسي انام في حضنك زي العيال الصغيره ولكن الراجل الكبير هنا ماسك عصايه وواقف مستني يضربني لو نمت فيه تقريبا السلحفه بتحاول ترجع لمكان ولادتها بس المحارب تاه بين الجثث

2 min
05/15/2025

نقطه

اي قصه بيكون ليها نهايه وانت القصه الوحيده الي بحاول مخليش ليها نهايه وكل ما انهي سطر .. اتجاهل النقطه وابدا سطر جديد مهما حاولت اغير في سيناريوهاتك نسيتي انت ان قلمي حبره هيخلص في مره الجزء الاخير من القصه فا اديتك عمري وكاني دمعه تايها في المجره الوقت بعدك فضل مكانه .. وانا لسه واقف في نفس المكان مستنيكي ولما مشيتي وهان قلبي عليكي. فمستحملش قلبي وراح معاكي واستنيك ليوم تلمسني ايديك وتحضني فا اوعي تسيبيني … كان نفسي تحبيبني لو ساعه كمان ولاقيت اني الي لسه ماسك وحماس قلبي كانه في الانعاش بيحاول مميتش ولما حضنتني ل ٣ ثواني او ٤ كان محيت فيهم .. شهور كانه غذاب اذاب الفواد. لثواني اتمحي تمام بيحكي عن موت محارب منتحر بسكين في ظهره حط الخنجر في ايد الحبيب واترمي في حضنه من جديد اترمي فيه بظهره بظهره ..لانه واثق فيك فخان القلب… وقتلته قتله بالغيره مره والشك مرتين ف طلع سكينه من ظهره وكوا جرحه وخاف لدموع الحبيب تسيل اكتر من دمه ووقع في الارض من خفقان القلب .. والم كوي الجرح.. وفضل مستني .. الايد تحارب عشانه ورفع عينه من الارض وشاف ان القاتل سايب ايده.. فرضي القتيل بحاله واستشهد في سبيل قلب شاف فيه الروح شكلك نسيتي انه بحاول محطش نقطه وابدا سطر جديد بس للاسف انهي الحبر.. وبدا دمي يكتب وبدا امراض جسمي تبان وبدا. قلبي ينبض بشكل مختلف وبدا التحاليل تقولي بيانات مش كويسه وبدا افهم انه النهايه قربت وكان قلبي بيقولي .. انها النهايه فا كويت جروحي عشان يوقف دمي ما يكتب .. ولكن نسيت اني اديتك الخنجر تاني وشكلك هطعنتني تاني وشكك هتفتح جرح تاني ويسيل الدم ويكتب .. انها ..

3 min
05/04/2025

سلحفه

بيقولو السلاحف بترجع لموطنها وبتحفظ الطريق لمكان ولادتها مهما تاهت في المحيط وواكتشفت ان كل الطرق فعلا تؤدي الي روما فا بهرب من كل طريق وكل شارع وذكري واكتشفت اني بهرب مني.. مع كل نغمه مزيكا بفتكر فيها ان كل لحظه حلوه كانت بتشتغل الموسيقي في مكان ما سواء رقصنا علي ضفاف الميه او اتمشينا علي البحر او حتي تحت رسم الاستاذ مايكل انجلو فا قررت اكتبلك رساله من غير نغمه واسيب لقلبي يعزف بالحانه واكتشفت انه ما عاد في قلب نبض يعزف بينبض الخوف لما بنشوف شعر يشبهك في الطريق ووسط الزحمه بدور علي عيون تشبهك وما عاد لركوب القطر لاي رحله معني من غير كتفك انام عليه وحرم عليا احضان العالم.. وكاني واقف في الاشاره مستني واعمل بقلبي كل يوم تخاطر يمكن يوصلك نبضه مني قالي الوقت بينسي وانا فاكرك كل يوم وقالو شوف العالم والناس كتير وانت كنت عالم والناس كلهم ايا كوكب السماء. ايا فينوس يا اله حب الاغريق كان موطنك روما وسلك كل طوق لروما ولاقيتني في سجن الرومان سجن من غير قضيب واخد برايا ولكن جوايا كتف كل نبضه لسه بذور الاماكن الي بنتصالح فيها يمكن قلبي الاقيه وسط الحطان ولسه بحط من روايحك.. لما بلاقيني منهار ولسه بحضن الذكريات. لسه علي جداري للوحه الي متخبي فيها صورتنا ولسه بدعي زي رساله الي قي ظهر السلحفاه يمكن كلامي ميوصلكش ولكن اتمني يوما ما.. تلاقي السلحه موطنها. ويلاقي المسافر روما

3 min
04/07/2025

رساله

انا مش عارف هل نا فعلا خايف اعرف حد ولا انا بهرب من حقيقتي الي بتقابلني كل مره بظهر فيها قدام الناس يمكن ياعزيز يالي الي سامعني حالا بقلب كل طاقه انك تقرب وتحكي وتحب، وانا بقولك خليك بعيد عشان ناري بتحرق مش فاهم انها بتحرقني انا قبل اي حاجه تانيه اوقات بالغلط بقف قدام ذكرياتي فا اهرب في اي مكان حتي لو حمام الشغل مثلا وانسي الوقت والمكان وتفكرني دموعي وترجعني للواقع لما تخبط ايدي وهيه نازله عليها انا مش عارف لو مفروض احكيلك عن اكتئابي الي بقاله سنين وان حتي الادويه معالجتنيش ولا عن الوحده الي بقابلها حتي من نفسي تجاه نفسي ولا عن وجع قلبي الي شق صدري وانتهي بيه المطاف اوسع انه يتلاقي تاني ويخف ولا احكيلك عن .. عن ايه .. مش عارف حزني الي انا مش عارف افهم مكانه في جسمي بقي في دمي وماشي في جسمي كله انا متخضدر ومفصول عن الواقع لدرجه انه يوم ما عملت حادثه انكسرت ومعرفتش انا شوفت الموت في اكتر من حادثه، منهم ٢ في طياره و٢ متكسل واحد زلزال ومش عارف اي تاني بس يعني انت بتتعامل مع انسان .. في مرحله الزومبي بس كل دا حاجه. ولما بنيجي جمب وجع ذكرياتي وقلبي.. صدقني يهون العالم وادفع كل حاجه ومتوجعش من دماغي.. انا اكتشف ان حتي مش بستعمل اي توابل في اكلي ولا حتي الملح… علي فكره مش بعمل دايت بس يمكن انا اتعودت ان الطعم والمعني.. انتهي من زمان انا بتوتر لما بشوف ناس في الشارع كتير بحس ان في افكار جوه عقلي ان حد هيموتني او ان في طيف حواليا بيجري ورايا بحس انه العالم ضيق زي المقابر وكل نا بمشي واشم ريحه في الهوا.. بحس انها بتلمس حاجه جوايا فا يا اقتلها يا افكر اقتلني اقتلني وانهي العالم والوجع بس معرفش ليه او ازاي .. بيرجع عقلي لمنطقه تحميني من نفسي يمكن بدعي ربنا يحميني مني لان بقيت بخاف مني معرفش امته هحس انه انا بقيت احسن او اصلا يعني اي ابقي احسن فا دي رسالتي ليك يالي بتحاول تقرب مني.. خليك بعيد عشان تفضل شايفني الشخص الجميل االناجح الشاطر… زي ما قولتلك الفحم ريحته بتلزق في الهدوم بمجر الدخان وانا الماظه من بره بس كونها فحم ريحته وحشه…. فا حاسب علي ريحتك مني .

4 min
12/22/2024

مش كفايه

صوت قلبك

4 min

5

out of 5

3 Ratings

تعالي نتكلم شويه عن الي بنحسه والي بيحصل حوالينا

Creator

docen
Years Active

2020 - 2025
Episodes

50
Rating

Clean
Copyright

© docen
Show Website

صوت قلبك

Society & Culture

Society & Culture

Updated Biweekly
Self-Improvement

Self-Improvement

Updated Weekly