#3: Сваякі асуджаных да смяротнага пакарання

Выпуск ад 21.04.2020. Выпуск прысвечаны сваякам тых, хто быў асуджаны да смяротнага пакарання. Хтосьці з асуджаных яшчэ жывы, а ў дачыненні да іншых была ўжытая “вышэйшая мера пакарання”. Паўла — сына Тамары Сялюн — расстралялі ў 2014 годзе. Генадзя — бацьку Аляксандры Якавіцкай — у 2016 годзе. Віктар Паўлаў на момант стварэння падкаста знаходзіцца ў чаканні растрэлу. (UPD. У сакавіку 2022 года праваабаронцы атрымалі дакументальнае пацверджанне расстрэлу Віктара Паўлава) Братоў Станіслава і Іллю Косцевых 10 студзеня 2020 года прыгаварылі да вышэйшай меры пакарання. Іх сястра Ганна зараз змагаецца за іх жыццё. (UPD. Братоў Косцевых памілавалі 30 красавіка 2021 года. Ім змянілі смяротнае пакарання на пажыццёвае зняволенне). У пасведчанні аб смерці расстраляных напісана “убыл по приговору”. Чаму менавіта такая фармулёўка? Як жывуць сваякі асуджаных і што яны адчуваюць? Беларусь—апошняя краіна Еўропы, дзе існуе смяротнае пакаранне. Праваабаронцы выступаюць супраць яго, але гэта не азначае, што яны апраўдваюць злачынствы асуджаных. Кожны чалавек павінен несці пакаранне, адпаведнае здзейсненаму. Але расстрэл такім пакараннем не з’яўляецца. У падкасце выкарыстана музыка: tochka k (Яўген Кучмейна), а таксама Emily A Sprague “Long Walks”, Планета Всех “К дождю”.