5 pyetje

Radio Evropa e Lirë
  • 0.0 (0)
  • NEWS
  • UPDATED WEEKLY

Në podkastin e Radios Evropa e Lirë, 5 pyetje, një temë sqarohet me ndihmën e profesionistëve dhe ekspertëve, përmes përgjigjeve që kapin thelbin.

Episodes

  1. 2D AGO

    Paga përballë shpenzimeve: Si t’i menaxhojmë paratë?

    Sa herë që rriten të ardhurat, duket sikur rriten edhe shpenzimet. Në një realitet ku çmimet ndryshojnë vazhdimisht, shumëkush përballet me sfidën se si t’i menaxhojë financat dhe ta mbajë nën kontroll buxhetin mujor. Në episodin e dhjetë të podkastit “5 pyetje”, trajtojmë kulturën financiare dhe sfidat reale me të cilat përballen qytetarët në menaxhimin e parave. Kontabilistja Elvira Ibrahimi flet për ndikimin e rritjes së pagës minimale në standardin e jetesës, presionin ndaj stilit të jetesës nga rrjetet sociale, dhe mënyrat praktike për të kursyer dhe për ta mbyllur muajin pa u futur në borxhe.

    23 min

  2. JAN 31

    Si të përgatitesh për Olimpiadë shkencore dhe të kthehesh me medalje?

    Si përgatiten nxënësit nga Kosova për gara ndërkombëtare dhe çfarë roli luajnë mentorimi dhe mbështetja në suksesin e tyre? Në episodin e nëntë të podkastit 5 Pyetje flasim për përvojën e disa nxënësve nga Kosova në Olimpiadën e Shkencave në Shtetet e Bashkuara, të cilët u kthyen me 16 medalje. Të ftuar janë Merita Aliçkaj-Zeli, trajnere, dhe Adri Vila, nxënës, fitues i dy medaljeve të arta.

    24 min

  3. JAN 24

    Çfarë të studiosh në një botë që po ndryshon?

    A po i përgatit arsimi në Kosovë të rinjtë për tregun e punës? Në një kohë kur teknologjia dhe inteligjenca artificiale po ndryshojnë shpejt profesionet, kjo pyetje po bëhet gjithnjë e më e rëndësishme për nxënësit, studentët dhe prindërit. Në Ditën Ndërkombëtare të Arsimit, flasim për hendekun mes shkollës dhe tregut të punës, për aftësitë që u mungojnë të rinjve dhe për dilemën se çfarë duhet studiuar sot për të pasur një të ardhme të sigurt. E ftuara jonë është Arta Shehu Zaimi, inxhiniere dhe sipërmarrëse në fushën e teknologjisë dhe arsimit.

    26 min

  4. JAN 17

    Rreziku nga mesazhet mashtruese

    Mesazhe për gjoba trafiku, dërgesa postare apo njoftime nga banka që kërkojnë pagesë të menjëhershme po u vijnë gjithnjë e më shpesh qytetarëve. Por pas tyre fshihen skema mashtrimi. Në episodin e shtatë të podcastit “5 Pyetje”, flasim me Korab Keqekollën, njohës i sigurisë kibernetike.

    27 min

  5. JAN 10

    Vërshimet në Kosovë: Si të mbrohemi nga përmbytjet?

    Reshjet intensive të shiut vërshuan gjatë kësaj jave shumë pjesë të Kosovës. Përmbytjet nuk janë më lajm i rrallë në Kosovë, por përgjigjet ende mungojnë. A është faji vetëm i motit, apo i sistemit infrastrukturor? Në episodin e gjashtë të podkastit “5 Pyetje”, flasim me njohësin e menaxhimit të emergjencave, Tahir Ahmetin, për rrezikun që përsëritet dhe përgatitjen që mungon.

    18 min

  6. JAN 3

    A bëheni milionerë në pension nëse investoni në rini në aksione?

    Investimi në aksione apo blerja e pjesëve të vogla të kompanive premton fitim, por shpesh shoqërohet me pasiguri dhe frikë nga rreziku. Sa e vështirë është të investosh? Çfarë duhet ditur para se të fillosh? Dhe, kur investimi bëhet një hap i mençur?

    28 min

  7. 12/27/2025

    A mund t’i besojmë inteligjencës artificiale për shëndetin tonë?

    Sot, për çdo pyetje, përgjigja është vetëm disa klikime larg. ChatGPT dhe mjetet e tjera të inteligjencës artificiale (IA) po bëhen pjesë e përditshmërisë sonë – edhe kur bëhet fjalë për shëndetin. Por, sa mund t’i besojmë IA-së për këshilla mjekësore? Ku është kufiri mes ndihmës dhe rrezikut? Në episodin e katërt të podkastit 5 pyetje flasim me Dr. Dardan Albanin nga Klinika Digjitale, për rolin e IA-së në shëndetësi dhe se si duhet ta përdorim teknologjinë pa e rrezikuar shëndetin tonë.

    23 min

  8. 12/20/2025

    Manipulimet me inteligjencë artificiale: Si po ndikohen mendimet tona

    A mund t’i besojmë ende asaj që shohim? Në epokën e inteligjencës artificiale (IA), imazhet dhe videot e rreme po qarkullojnë më shpejt se kurrë, duke ndikuar opinionin publik. Në episodin e tretë të podkastit 5 pyetje flasim me Hyrije Mehmetin nga platforma e verifikimit të fakteve, Hibrid – për format më të shpeshta të manipulimit me IA, pse njerëzit bien lehtë pre e përmbajtjes së manipuluar, dhe si mund të mbrohemi nga dezinformatat digjitale.

    32 min

  9. 12/13/2025

    Sa të sigurt janë fëmijët në internet në Kosovë?

    A duhet Kosova ta kufizojë përdorimin e rrjeteve sociale për fëmijët, duke parë shembujt e disa shteteve të tjera? Në episodin e dytë të podkastit 5 pyetje, diskutojmë për sigurinë e fëmijëve në internet dhe rreth rreziqeve digjitale me Blerton Abazin, profesor i kibernetikës.

    20 min

  10. 12/06/2025

    Pse luftohet kaq shumë për votën e diasporës?

    Diaspora e Kosovës bëhet rëndom shkak i përplasjeve politike mes partive në vend. Në episodin e parë të podkastit 5 pyetje, me Lirim Krasniqin nga organizata joqeveritare Germin diskutojmë pse partitë po luftojnë për mërgatën, sa mund ta ndryshojë ajo rezultatin zgjedhor dhe çfarë kërkon realisht diaspora nga vendlindja.

    17 min
  • 10 Episodes

About

Në podkastin e Radios Evropa e Lirë, 5 pyetje, një temë sqarohet me ndihmën e profesionistëve dhe ekspertëve, përmes përgjigjeve që kapin thelbin.

Information

  • Creator
    Radio Evropa e Lirë
  • Years Active
    2025 - 2026
  • Episodes
    10
  • Rating
    Clean
  • Copyright
    © Copyright 2026 - RFE/RL, Inc.
  • Show Website
    5 pyetje