58歲鐵人校董Ben sir | 我用226話畀學生聽咩叫「堅持」

今集嘅嘉賓，係國內工廠老闆、係小學嘅校董，同時亦係一位完成過226公里鐵人賽嘅運動員。佢，就係58歲嘅Ben Sir。

究竟佢點樣喺廠佬、校董、田徑隊義務教練同鐵人呢幾個身份之間切換自如? 點解一個30歲前冇運動習慣嘅人，會踏上跑步同三鐵之路?

喺Ben sir嘅字典入面，「堅持」比「獎盃」更重要。佢會分享佢獨特嘅教學理念，點樣用自己嘅經歷，去教識學生同家長，咩先係運動嘅真正意義。

立即收聽!