AI တၢ်တၤတၢ်မ့ၢ်အိၣ်ဘၣ်ဆၣ် တၢ်မၤလၤကပီၤတၢ်ကျိးထံကျိာ်မူဒါတၢ်အရ့ဒိၣ်

စးထီၣ်လၢဘီမုၢ်စၢဖှိၣ်ကရၢပာ်ပနီၣ် ထံဂုၤကီၢ်ဂၤတၢ်ကွဲးကျိးထံကျိာ်အမုၢ်နံၤ—International Translation Day န့ၣ် ခဲကနံၣ်အံၤပှဲၤထီၣ်ဝဲ ၈နံၣ်လံန့ၣ်လီၤ. တၢ်မၤလၤကပီၤ မုၢ်နံၤအံၤ လီၤဘၣ်ဝဲဒၣ် ဖဲလါစဲးပထဲဘၢၣ်အသီ ၃ဝအနံၤ ဒီး မ့ၢ်ဝဲတၢ်ပာ်ပနီၣ် ပှၤသ့ပှၤဘၣ်စဲၤနီၣ်လၢကျိာ်သ့ၣ်တဖၣ် အတၢ်ဖံးတၢ်မၤ လၢအလုၢ်ဖိမၤန့ၢ် တၢ်သ့ၣ်ညါနၢ်ပၢၢ်လုၢ်လၢ်ဆဲးလၤ, တၢ်ဘျးစဲဒီး တဝၢတၢ်ဖိးတံၢ်စဲဘူးသ့ၣ်တဖၣ်န့ၣ်လီၤ. ဘၣ်ဆၣ်သနာ်က့ ပှၤကွဲးကျိးထံကျိာ်ဒီး ပှၤကတိၤကျိးထံကျိာ် ဖဲအီစထြ့လယါကီၢ်ပူၤသ့ၣ်တဖၣ် နာ်ဝဲဒၣ် အလီၢ်အိၣ်လၢတၢ်ကဘၣ်မၤအါထီၣ်တၢ်ဖံးတၢ်မၤ လၢတၢ်ကဒီသဒၢတၢ်ဖံးတၢ်မၤတကွီၣ်ဒီး ပာ်လီၤတိာ်ခီလၢကျိာ်တၢ်တြီတံာ်တာ်သ့ၣ်တဖၣ်အံၤအဂီၢ်န့ၣ်လီၤ.