Also

Kringvarp Føroya

Also er ein kjaksending, har tríggir luttakarar kjakast um støður, sum vit øll annaðhvørt eru, hava verið ella onkuntíð kunnu koma í. Talan er um engageraðar kjakarar, sum hava eina áskoðan, tora at siga sína hugsan, um enn hon er “skeiv” og kunnu vera hittinorðað. Hetta er ein sending, har lurtarar senda inn spurningar til sendingina. Ongin trupulleiki er ov lítil ella ov stórur. Tey hava eina meining um alt! Also á Facebook (letur upp í nýggjum kaga)

  1. Also: Konan er ikki eitt barn

    08/06/2019

    Also: Konan er ikki eitt barn

    Eisini panelið var í iva, tí tað snýr seg um at vísa í verki, tað tú vilt, at børnini skulu læra. Tó so, tá børnini eru farin í song, er søgan ein onnur. Hetta vóru tey øll samd um. Erliga panelið var eisini á einum máli um at siga kortanei til valsvik, men tey vóru ósamd um, hvussu nógv man skal avmarka sínar dreymar og síni ynski av umhvørvisávum. Í seinasta Also-panelinum á hesum sinni eru Símun Gullaksen, Dánjal Samuelsen og Oda Wilhelmsdóttir Andreasen.

    59 min
  2. Halt fram við at skriva og ringja

    01/06/2019

    Halt fram við at skriva og ringja

    Hvat skal eg gera, spurdi ein lurtari, sum hevði trupulleikar av, at sambandið við hini bæði systkini, sum búgva uttanlands, er versnað seinnu árini. Skal eg halda fram við at skriva og ringja, ella skal eg bara lata tað fara, spurdi viðkomandi panelið, sum í morgun var mannað við Bergi Debes Joensen, Ásu Andreasen og Janusi Poulsen. - Halt fram við at skriva og ringja, men følir tú, at bara tú ert áhugað í at halda sambandið við líka, so skalt tú kanska umhugsa at gevast, svaraði panelið. Umframt henda spurningin, skuldi panelið eisini svara uppá spurningin um, hvat foreldur at einari 16 ára gamlari gentu, sum hevur fingið sær sjeik, sum áður hevur hevur tikið rúsevnir, skulu gera. Og tvístøðan í morgun var um eina kvinnu, sum í flogfari kom at sita undir liðini á einum heldur stórum manni, sum breiddi seg meira enn gott er. At enda svaraði panelið stutt uppá ein spurning um happing. Øssur Egholm var teknikari í morgun og í útvarpsstovuni var Sveinur Tróndarson.

    1 h 2 min

  3. 25/05/2019

    Also: At velja kyn er óetiskt!

    Eitt par við trimum dreingjum spyr hesaferð panelið, hvat tey halda um ynski hjá teimum um at hjálpa náttúruni á veg, so tey kunnu fáa eina gentu. Hinir spurningarnir eru frá gentum, ið ikki tíma at ferðast saman við familju longur, tí tey vaksnu skeldast so illa, og frá ungari kvinnu, sum heldur, at vermamman vitjar sonin alt ov nógv. Í panelinum hesaferð eru Theresa Turidardóttir Kreutzmann, Jóngerð Nielsen og Rudolf Joensen

    58 min
  4. Tosa við foreldrini um tað

    18/05/2019

    Tosa við foreldrini um tað

    Tað var ikki semja í panelinum í morgun. Hvørki tá tað snúði seg um teir báðar spurningarnar um pápan, sum drekkur ov nógv, ella tá tað snúði seg um mannin, sum fyri kortum er komin eftir, at hann er samkyndur. Og heldur ikki, tá tvístøðan var á lofti, har ein persónur hevði vunnið eina hálva millión krónur, sum hann ætlaði at brúka uppá seg sjálvan heldur enn alla familjuna. Tey vóru tó samd, tá ein sms-spurningur kom um starvsfelagan á røktarheimi, sum var vinarlig móti teimum avvarðandi og teimum, sum eru klár í høvdinum, meðan viðkomandi fór illa við teimum, sum eru óklár og teimum, sum ikki eru við síni fullu fimm. Í panelinum í morgun vóru Høgni Heinesen, Durita Nolsøe og Kitty May Ellefsen. Øssur Egholm var teknikari og í útvarpsstovuni var Sveinur Tróndarson.

    1 h
  5. Also: Tú ert tann vaksni!

    12/05/2019

    Also: Tú ert tann vaksni!

    Brøvini hjá okkum í dag eru frá monnum, sum eru ørkymlaðir um familjulimir. Annar um tannáringadóttrina, sum ikki vil hava samband við hann og hin um konuna, sum er so nógv broytt, og sum ikki vil vita av honum longur. Tvístøðan snýr seg um ein málning frá einum góðum vini, og sms-spurningurin er um eina trampolin. Í panelinum hesaferð eru Turið Horn, Malan Eyðunsdóttir og Hallelujasofus

    55 min
  6. Sig við kundan, at tit stongja

    04/05/2019

    Sig við kundan, at tit stongja

    - Tað besta hevði tó verið, um eigarin av handlinum hevði gjørt eina fráboðanarskipan, so allir kundar í senn fingu boð um hátalaraskipanina. Slíkar skipanir eru vanligar uttanlands, men ikki so vanligar her, og tað áttu tær kanska at verið. Tað var svarið hjá Also-panelinum til eitt starvsfólk í einum handli, sum troyttaðist av kundum, sum ofta kemur í handilin beint fyri afturlatingartíð. Og sum ikki skilir, at tá handilin stongir klokkan 22 á kvøldi, so er tað klokkan 22 og ikki klokkan 22.30 ella seinni enn tað. Eisini skuldi panelið taka støðu til brævið hjá einari kvinnu, sum hevði mist tolið við manninum. Hann ger einki til nyttu heima, hvørki so ella so. Og tvístøðan hesaferð snúði seg um loyalitet. Skalt tú vera loyalur móti vinmanninum, tá hann sigur tær eitt loyndarmál, ella móti konuni, tí loyndarmálið snýr seg um konuna hjá svági tínum. Hesaferð vóru tað Eiler Fagraklett, Dánjal Samuelsen og Ása Andreasen, sum mannaðu Also-panelið. Øssur Egholm var teknikari og Sveinur Tróndarson var vertur.

    1 h 1 min
  7. Also: Tit mugu bíta tað í tykkum!

    27/04/2019

    Also: Tit mugu bíta tað í tykkum!

    - Tá tú hevur tosað vítt og breitt um ferðamálið, so er tað ikki loyniligt longur, og so eigur tú ikki at vera bilsin um, at onnur vilja við, vil panelluttakari vera við. Annars snúgva evnini hesaferð seg um, hvat man skal gera, tá man heldur ommubørn tosa ov ljótt og niðurgerandi við eina ommu, og tvístøðan snýr seg um at læna pengar út til eitt endamál fyri síðan at finna útav, at teir møguliga verða nýttir til nakað heilt annað. Í panelinum hesaferð eru Jana Mortensen, Janus Poulsen og Símun Gullaksen

    59 min
  8. ALSO: Skal maður við í bindiklubb?

    13/04/2019

    ALSO: Skal maður við í bindiklubb?

    Vinkonurnar eru ikki samdar um svarið, og spyrja tí ALSO panelið, hvat tær skulu gera, og panelið er ivaleyst. Sigur tú frá, um tú sært maðk í fiskinum, og skalt tú geva eina umbering fyri ein sang, sum kanska fór um mark? Hesir spurningar eru millum teir, sum panelið svarar hesaferð. Í panelinum eru Henrik Old, Durita Nolsøe og Rudolf Joensen

    56 min
Ver todo (50)

Acerca de

Also er ein kjaksending, har tríggir luttakarar kjakast um støður, sum vit øll annaðhvørt eru, hava verið ella onkuntíð kunnu koma í. Talan er um engageraðar kjakarar, sum hava eina áskoðan, tora at siga sína hugsan, um enn hon er “skeiv” og kunnu vera hittinorðað. Hetta er ein sending, har lurtarar senda inn spurningar til sendingina. Ongin trupulleiki er ov lítil ella ov stórur. Tey hava eina meining um alt! Also á Facebook (letur upp í nýggjum kaga)

Información

  • Creador
    Kringvarp Føroya
  • Años de actividad
    2013 - 2019
  • Episodios
    50
  • Clasificación
    Apto
  • Copyright
    © All rights reserved.
  • Mostrar sitio web
    Also

Más de Kringvarp Føroya