Todos os podcast | Consellería do ritmo

AGalegaAudio
  • 0,0 (0)
  • МУЗЫКА

Consellería do Ritmo emítese os domingos ás 22:00 horas en Radio Galega Música. Tito Lesende produce e conduce unha serie de capítulos monográficos ou temáticos arredor dunha charla repousada cun artista no ámbito rock ou pop galego. Os músicos e músicas terán un espazo preferente, e poderán compartir protagonismo con outros axentes da escena musical galega: axentes, promotoras, recintos senlleiros etc.

  1. 12.03.2024

    Adrián Costa

    Adrián Costa foi un neno prodixio a quen se podía ver tocando a guitarra e cantando polos bares de Compostela cando tiña 13 anos. Daquela formou a Red Blues Band co seu colega Marcos Coll, mestre da harmónica, con quen máis tarde montaría Los Reyes del KO. Co paso do tempo, Adrián fixo xiras tocando con músicos tan importantes como Mick Taylor (Rolling Stones) ou Buddy Miles (Jimi Hendrix). A través das súas aventuras profesionais, viviu e traballou durante moitos anos en Madrid, Berlín e California, pero agora regresou a Santiago de Compostela e dende aquí defende algúns proxectos gozosísimos: The Criers, Los Saxos del Averno ou o supergrupo Combo Paradiso, entre outros. É un gusto para a Consellería do Ritmo recibir a Adrián Costa, instrumentista con clase, home de mundo e xefe das músicas modernas de raíz negra.

  2. 12.03.2024

    Agoraphobia

    Coa visita de Agoraphobia, a Consellería do Ritmo concentra a súa atención nun universo de guitarras distorsionadas e baterías contundentes como mazas. Este cuarteto chega do Barbanza, pero xa sabe o queé tocar nos Estados Unidos, Reino Unido ou Alemaña. Por esas terras pasearon os seus dous álbums longos: "Incoming noise" (2017) e "Unaligned" (2019), exercicios incontestables de rock duro que exhiben os froitos da súa formación instrumental. Nesta ocasión, Tito Lesende conversa con Paula Rego e Lucía Fernández, base rítmica de Agoraphobia.

  3. 12.03.2024

    Allova

    A rusa Alla Mikhaylova comezou formándose como música clásica en Cheliábinsk, conectou co pop electrónico en San Petersburgo, especializouse en Madrid e, en 2018, xa establecida na Coruña, lanzou o seu proxecto Allova. "Hope and despair", o seu primeiro disco, editouse este mesmo ano e bebe da influencia do trip-hop dos anos 90, cunha produción sofisticada e un ambiente ás veces escuro, outras veces non tanto, pero sempre hipnótico. A Consellería do Ritmo recibe a visita de Allova para falar da súa historia; unha ollada diferente á escena musical galega.

  4. 12.03.2024

    Budiño

    Xosé Manuel Budiño é un referente da música galega no senso máis amplo. Na súa visita á Consellería do Ritmo, conversa con Tito Lesende sobre os seus inicios coa gaita en Moaña e unhas influencias musicais que propician o diálogo do folk galego co pop internacional. Budiño lembra a Narf e rememora a súa experiencia de xira por diferentes países. Este capítulo ilustra a carreira artística do gaiteiro ata chegar a "Fulgor", o seu disco máis recente.

  5. 12.03.2024

    Eladio Santos

    A Consellería do Ritmo recibe a visita de Eladio Santos, home de música. Autor, artista e técnico de son nesa sala de referencia que é La Fábrica de Chocolate, Eladio pertenceu a formacións como Foggy Mental Breakdown, Brandell Mosca ou Medusa, e tamén leva moitos anos facéndolle de Sancho Panza ao impagable Tony Lomba. Pero, sobre todo, Eladioé a alma de Eladio y los seres queridos, un clásico da escena galega do pop de autor nos anos recentes. "Academia", o seu último disco,é un álbum de grandes cancións.

  6. 12.03.2024

    Especial Nadal

    A Consellería do Ritmo celebra o Nadal e despide a segunda temporada cun capítulo especial no que recupera algúns dos momentos máis significativos de 2021. O conselleiro Lesende marcha de vacacións lembrando confidencias e diversión con Sés, Xoel López, Iván Ferreiro, Pauliña ou Grande Amore, entre outros. Se che apetece coñecer o programa, esta sesión pode ser a porta perfecta. Pero, se xa es habitual na Consellería, convidámoste a despedir o ano rememorando estes "hits".

  7. 12.03.2024

    Guadi Galego

    A carreira de Guadi Galego é a historia dunha travesía atrevida. Gaiteira de inicio, tamén pianista, cantora polas circunstancias. Formouse na música tradicional con vocación de renovar o noso concepto galego do folk como integrante de Berrogüetto. Tamén deixou pouso con proxectos como Espido ou aCadaCanto. Finalmente emprendeu unha andaina propia, cara a música pop interpretada en galego e cun punto de sofisticación electrónica. Neste capítulo, Tito Lesende recibe a Guadi Galego para conversar con calma na Consellería do Ritmo.

  8. 12.03.2024

    Herdeiros da Crus

    Dende principios dos anos 90, os Heredeiros da Crus son unha banda fundamental para o rock galego e tamén unha importante ferramenta de normalización para esta lingua. En 2022, estes golfos celebrarán 30 anos dende a súa formación, pero a Consellería do Ritmo anticípase ao aniversario para escolmar a andaina dos Heredeiros en 60 minutos de música e palique. Neste capítulo, Tito Lesende recibe a Fran Velo, baixista mítico do grupo, coa súa barba exipcia, ultra hidratada, e a súa elegancia de rock and roll, disposto a facer memoria e a contalo todo.

См. все (27)

Об этом подкасте

Consellería do Ritmo emítese os domingos ás 22:00 horas en Radio Galega Música. Tito Lesende produce e conduce unha serie de capítulos monográficos ou temáticos arredor dunha charla repousada cun artista no ámbito rock ou pop galego. Os músicos e músicas terán un espazo preferente, e poderán compartir protagonismo con outros axentes da escena musical galega: axentes, promotoras, recintos senlleiros etc.

Информация

  • Автор
    AGalegaAudio
  • Годы выхода
    2 тыс.
  • Выпуски
    27
  • Ограничения
    Без ненормативной лексики
  • Сайт подкаста
    Todos os podcast | Consellería do ritmo