Container-Rundi

FC Wabern

0.0 (0)
Soccer

Frisch vo dr Lerbere weg - Unger dem Motto redemr mit Trainer, Spieler und Funktionäre über Fussball, dumms Züg u natürlech ires Herzbluet füre FC Wabern. Immer uf Sendig direkt us üsere Heimat: dr Container uf dr Lerbermatt.

09/04/2025

Projekt Lerbermatte – Es geit vorwärts!

Mitemne klare JA vom Gemeindsparlament Köniz chunnt z'Projekt Lerbermatt is Rolle. Ir Containerrundi luegemr mitem Dani und Jones gnauer härä. Was macht z Projekt us? Wie verbesserets d'Situation vom FC Wabern effektiv u was passiert jz i dä nächschte Wuche und Mönet? Mir erfahre wele Ufwand viu Beteiligti vom Verein, ir Politik oder ir Awohnerschaft betriebe hei, für dss mr ändläch es deheim bechöme. Usserdem was chöi aui Mitglieder jz und i Zukunft bitrage,dss üsi Heimat Wirklechkeit wird. Kurzfassig: Positiv blibe, ufkläre und füre Verein isetzä. Jz i di ersti Spezialfolg zur Lerbere inelose. 00:00 Kes Intro: Diesmau gad zur Sach 06:25 Was si die wichtigste Elemänt vom Projekt 10:00 Sturzruum – Ändlech meh Sicherheit für aui Spielerinne u Spieler 12:45 Warum Bedenkä und ä witeri Verzögerig nid grächtfertigt sy 14:20 Wie beteiligetsech BERE und bruchts de gli Lerbere-Merchandise? 15:55 So geits vorussichtlech witer… 19:50 Das chöi Mitglieder und Supporter jz für BERE leischtä? 21:15 Für wän gits aues ä Plakette uf de Stühl im neue Klubhuus?
08/05/2025

Sänä – Dolmetscher zwüschä dä Frontä

Mitem Chinderwage isch dr Sänä vor Jahrzähntä ufd Lerbärä grollt worde. Jz ischer nach langer Odyssee als Trainer vor erste Mannschaft zum FC Wabern zrüggcho. Bishär hetr als Schiri, Fanarbeiter, Trainer u i viune angere Rollä jeglechi Perspektive vom Schuttä lerä kenne u setzt sis Wüsse jz fürd Entwicklig vo üsem Verein i. Wer viu Vereine gseh het, kennt o viu Vereinsrivalitäte inBern. Entsprechend simer mitim o ufd Hass-Outobahn abboge, sehr zur Fröid vom Mätthu. Us därä verbale Rudelbildig het üs dr Sänä mit sire Schirierfahrig aber wieder versöhnlech id Gegewart gfüehrt u mir freue üs mit aune Waberaner ufä Saisonstart 00: 00 Intro: Batistuta und Ramelow 01:00 Kaderplanig XXL 06:30 Wärtä läbä und besser wärdä 08:08 Es Ching vor Lerberä 12:10 D’Schiri-Leitere ufäkletteret 16:10 Matchverlouf: Wasme vom Schiridasein lert 18:40 Werum uf Schönbühl usä? 20:00 Rivalitäte: Wo steisch uf dr Hasslistä? 27:10 Mir wüssä wo dis Outo steit! 30:50 Perspektive Fanarbeiter 34:00 De vilech glich mau no uf dr Lerbärä schuttä 36:50 Mir sueche no ä Eb-Trainer:in
07/17/2025

Luu – Entscheidige träffä (EM-Spezialfolg)

Mir si ir Hochphase vor WEURO 2025 u drum hei für die Folg üsi BERE-Froue Véro und Lena z’Mikrofon fürd Container-Rundi übernoh. Si heisech nid la lumpä und hei ä hochkarätigi Interviewpartnerin a Tisch ghout: D Luu isch äs ufsträbends Schiritalent wo aktuell scho NLB-Froue pfifft. Drzue leitet sie aber ono Spiu vo Männer bis 3. Liga und Juniore. Egal öbs um Nervosität vor de Spiu oder o zTräffä vo schwäre Entscheidige geit oder öbs bim Pfiffä Ungerschiede zwüsche Männer u Frouematche git. Sie isch di perfekti Gsprächspartnerin für die EM-Sonderfolg. Jz am Fanmarsch oder bim Güschä-Ufeloufe lose! Allez BERE und Hopp Schwiiz! 00:00 Intro: Wie wird z Wätter?02:58 Welcome Luu!06:40 Ischme als Schiri vor de Spiu ou nervös?08:30 Wie trainiert eigch ä Schiri?11:25 Mä kenntsäch: Nur 2.5% vo de Schiris si Froue20:30 Entscheidige treffe, nid ganz eifach22:00 EM-Fieber: ou für Schiris? Repräsentation es wichtigs Thema31 :05 Videoanalyse und Coaching + Shoutout an Rémy, üse BERE-Kameramaa
12/16/2024

Shane – We d’Events BERE-Heimat sy

Ir Adventsfolg chunnt äs witers flissigs Heinzumännli vo BERE zu Wort – dr Shane üsä Eventmaster. Er isch verantwortlech fürd Organisation vom Speedycup, Gurtecup und involviert is Management vo witere Events vom FC Wabern. Er git üs Iblick wieso dssech di astrengendi Helferjagd glich immer wieder lohnt und was ihm es eigets Clubhuus würd erliechtere. Ke Überraschig es würd extrem viu helfe! Nebebi steuemr fest dss dr Ufnahmetermin am Sunntigmittag - nachdem die beide Co-Hosts im Usgang si gsi, als wäresi no nid 30gi – nid nur förderlech fürd Rhetorik u di raschi Ufassigsgab isch. Aber zum Glück gits Ovo-Produkt. @Wander mir nehme süsch paar Gratisprodukt i Container uf Intro – Ovoluencer Mätthu 00:55 Halleturnier fägä für Jung und Alt 05:45 Speedycup - es git imfau ztüe, aber es fägt fürd Ching 11:35 Ir Halle hetme zwöi Lungä! 13:00 Turnä chaner ouno 17:20 Bruef, Ehrenamt und Sport kombiniere 21:50 Usblick uf di nächschte Events 24:30 Dr Troum vom Klubhuus läbt – siter Junior isch Outro – Z erstmau dr Techniker Fund am Mikro
10/28/2024

Carla und Vero: Vorbilder, (EM-)Vorfröid und Vorurteil ?

Zuegäh, es isch lang gange bis z erste Froueteam üsi Farbe treit. Immerhin grad no rechtzytig dssmer mit ihne chöi d Vorfreud ufd Heim-EM vor Schwizer Frouenati 2025 teilä. D Begeisterig vor Carla und Vero für dä Event ziehtsech als rote Fade dür di Folg. Mir rede mit beidnä aber ou wiesi d Neugründig vo de Waberanerinne erlebt hei, welne Vorurteil si begegne und was ä Trainer vomne Froueteam muess beachte. Ä Folg mit Potenzial zum Klassiker zwerde! Also öpe wie «Bend it like Beckham», eifach mit bere-brasilianische Vibes. 01:25 Zwüsche Alternativliga und BERE 09:20 Zu (männlechä) Vorbilder, Meitschicamps u dä Afäng ufem Pousäplatz 15:10 Usblick EM: Fankultur a Frouematche 17:35 Was bringt d’EM am Frouefuessball zBärn? U was bruchts drfür? 21:01 Vorurteil vs. Überraschig, u was Kindergrössine drmit ztüe hei 23:07 Matts Grätsche: Isch z Spiufeld zgross für euch? 26:10 Zrügg zu BERE: D Rouä vom Trainer im Froueteam Outro: «U mi lobet dr nie?!» Outro 2: Kennsch no ä Goalie meh für üs?
10/03/2024

Silvan: Ä Junioretrainer leistet ganzi Arbeit

Trainer und Trainerinne – gad im Juniorebereich – si immer gfragti Persone. Das isch bi BERE nid angers als bi aune Vereine. Grund gnue zum Start vor dritte Staffel Containerrundi ä Junioretrainer i Fokus z’rücke: Dr Silvan, üsä C-Junioretrainer. Sit är 18i (!) isch, begleitet er mitem Leo zahlrichi Juniore uf irem Weg und het mit einige dr ganz Weg vor Fussballschule bis id Pubertät mitgmacht. Er verzeut wie dssersech da drbi selber entwicklet het und mit welne Methode i sore lange Zyt Konflikte greglet werde. Usserdäm heimer mit ihm drüber gredt, wie me als Trainer, Spieler und Fan jede Tag pro Wuche Fuessball unger ei Hut bringt. U wichtigi Frag isch öber o bi hitzige YB-Matche si analytisch Trainerblick cha bhaute. Intro: Kindheitstrouma Hörspiel 01:53 «De weiss de scho viu z verzeue» 03:30 Mitwachse mit dä Juniore und lose si no zue? 11:07 Sit Jahre im Duo ungerwegs: Ufgabeteilig u Konflikte 16:33 BERE sit immer! 20:10 Matts Grätsche! 24:10 Fanemotione vs. Analytische Blick 27:15 Di ganzi Wuche Fuessbau 30:10 Und BERE für immer? Outro: Warum eigch die längi Podcastpouse?
07/17/2022

Gäbu: Ä Junioreblick ufe BERE

Guet si Schueuferie, drum het üse Gast sech für di 2ti summerpousefolg zyt gnoh. Mitem Gäbu (Cb-Junior) luegemr druf, werum dsses als BERE-Junior fägt, wasme unbedingt sött ir Infrastruktur verbessere u was sini bisherige Karrierehighlights si gsi. Usserdem erklärtr wie dssme am beste jublet 😉 Jz inelose: 00:00 intro: me gsehts nach de ferie 01:20 malvunu: ä fuessbaufamilie, aber nid nume. 03:40 Brüetschä: gern gegenang oder mitenang? 4:55 was haltet e junior bi wabere? unger angerem z eis? 06:00 Cupabenteuer statt meisterschaftsfrust inklusive Jürgs Psychotricks 12:35 Was luegschdr vom eis ab? 15:45 Junioreblick ufd infrastruktur 🏟: was muess besser werde? 18:40 Dr Troum vom Eis 🤩 21:20 Dreamteam füre Pouseplatz 24:55 nomination für di nöchschti containerrundi PS. Dr Mätthu isch natürlech wieder gsung, für die wone ufem Gurte gsichtet hei. Aber leider am Ufnahmedatum no nid gsi :)
07/09/2022

Mauro: Flick-Flack-Scorer

Öb am Strand, bim ufe güsche ufeloufe oder im outo uf dr fähri nach elba, es git wieder öpis ufd ohre vor containerrundi. Mir hei Bsuech gha vom Mauro, Flick-Flack-Scorer und gheime Star im Bündnerland. Wer z Duell BERE-Celerina über drü haubzyte gwinnt, was er usem Trainerjob glert het u werum er üse vereinseignig Frouefuessballexperte isch; ds aues no paar stories meh, heimr mit ihm besproche. Los jz inne! 00:00 Intro: Bi üs wüsstrs zersch 01:20 Nie mehr 5. Liga 01:40 Mir si prämiert, merci FVBJ 🤙🏼 02:20 Scorer, Trainer, Sänger, Wiukomme Mauro 04:25 Warum Fuessbau u nid Ski? Si Weg vo Celerina nach Bern 09:20 Trainer: Glück oder Verpflichtig? 10:15 Trainer vs. Eltern? Trainer mit Eltern! 15:25 Hesch Lieblingsspieler 17:40 Influencer? 21:30 BERE vs Celerina, wer gwinnt? 24:10 Froue-EM in England: ischer Experte? Spielermaa? Fan? Uf jedefau vor Ort drbi. 29:00 Wo geits mitm Eis here? 32:10 Merci Introspeaker 33:10 Outro: Priis

Frisch vo dr Lerbere weg - Unger dem Motto redemr mit Trainer, Spieler und Funktionäre über Fussball, dumms Züg u natürlech ires Herzbluet füre FC Wabern. Immer uf Sendig direkt us üsere Heimat: dr Container uf dr Lerbermatt.

Creator

FC Wabern
Years Active

2021 - 2025
Episodes

20
Rating

Clean
Copyright

© FC Wabern