Conxecturas

José Antonio Martínez
  • 0.0 (0)
  • Personal Journals
  • Weekly

Opinións ou xuízos formados sobre meros indicios ou aparencias, sen un fundamento certo.

  1. 23h ago

    150. Traballo fixo e liberdade

    This is episode 151 of the podcast Conxecturas by @joseantonio, published on 4 de novembro de 2026. You can leave text and audio comments at this link. Es de quen cres que un traballo fixo faría á xente máis libre? Mércores, 4 de novembro. Son José Antonio, e isto é Conxecturas. A precariedade laboral coarta en moitos casos o exercicio de dereitos fundamentais das persoas. Non é que quen se mova non sae na foto, como dicía Alfonso Guerra para falar da realidade dos partidos políticos, senón que quen fale, non digo proteste, ou que simplemente faga unha pregunta pode ver a súa estabilidade económica moi comprometida. Calquera pensaría que os traballadores da Función Pública, con traballo e salario asegurado, serían máis activos na defensa da calidade dos servizos públicos nos que están a traballar, sen tanta reverencia ao cargo político de turno, ou das súas propias condicións laborais. E hainos que si. Deberiamos estarmos obrigados a un compromiso activo polo público coma resposta á nosa estabilidade laboral?

    150. Traballo fixo e liberdade

  2. 1d ago

    150. Unha barca, un erro no centro da vila

    This is episode 150 of the podcast Conxecturas by @joseantonio, published on 3 de novembro de 2026. You can leave text and audio comments at this link. Es de quen se enfada e berra á xente cando ti cometes un erro? Martes, 3 de novembro. Son José Antonio, e isto é Conxecturas. Dous prestocasters camiño do traballo a piques de seren atropelados por unha barca. No centro da vila! O enganche dun remolque soltouse (ou rachou) e con barca incluída, saiu proxectado enriba dunha beirrarúa. Sen danos. Un forte ruído e unha voz que me dicía: "Corre!", que é o que fixen. Unha barca sobre unha beirrarúa e un condutor que sae do coche. O meu compañeiro ofrécelle axuda mentres unha señora dille algo como "hai que ter coidado!". E en vez de desculpas, ou un simple silencio, diríxese cara a ela berrándolle: "Tampouco é para tanto! Máis grave é o de Adamuz". E nós, reiniciamos o camiño. Para o que puido ser non foi nada, mais aínda continúo a pensar nesa reacción tan, non sei.

    150. Unha barca, un erro no centro da vila

  3. 5d ago

    148. Larpeirada. Desvirtualizando

    This is episode 149 of the podcast Conxecturas by @joseantonio, published on 30 de outubro de 2026. You can leave text and audio comments at this link. Es de quen cres que desvirtualizar é mellor que imaxinar? Venres, 30 de outubro. Son José Antonio, e isto é Conxecturas. Sábado, 9:45 da mañá. Catro podcasters almorzando nunha cafetaría da Coruña. Inconfundibles (as fotos das redes sociais axudan). Ao saudármos e ao escoitar as súas voces, teletransporteime á gravación dun dos episodios de "Los Últimos de Feedlipinas". (xa tardas se non o coñeces) A maxia do podcasting. E iso que faltaba o micro enriba da mesa (sairía máis tarde). Con Agustín, Julián, Hell e David Tella daba comezo á miña paticipación a Larpeiradas&Podcast. Grazas aos "coruñeses" David Freire, Juan Ortiz e Agustín pola organización e a acollida. Grazas pola oportunidade de coñecer podcaster old-school e a prestocaster como Xavi, da Palabra do Día. Mágoa que non puidera ficar todo o día. Necesario. Motivante. Acolledor. Se tedes a oportunidade de pasar por un destes encontros, aproveitade.

    148. Larpeirada. Desvirtualizando

  4. 6d ago

    147. Por tantos

    This is episode 148 of the podcast Conxecturas by @joseantonio, published on 29 de outubro de 2026. You can leave text and audio comments at this link. Es de quen non entendes ás veces o que te están a vender? Xoves, 29 de outubro. Son José Antonio, e isto é Conxecturas. Mirei unha pantalla que proxetaba un reloxio e, de súpeto, apareceu un banner publicitario que me dicía: "Dios está contigo". Unha chamada da divindade. A Biblia está chea delas: voces que veñen do ceo, visións nocturnas, persoas interpostas, anxos, mesmo unha silva ardendo. Agora marketing online. E pa que? Migra, guia o meu pobo, libérao da escravitude, acolle o meu fillo, proclama a Boa Nova, motivos ben variados, mais no fondo o mesmo. E agora? Marca unha cruz no IRPF. Por tantos. Moito mudou o conto. Dedicaríalle un presto se a publidade da Conferencia Episcopal puxese: "Acolle un emigrante", "Non especules coa vivenda" ou"Sanidade e educación de calidade para todas as persoas"?

    147. Por tantos

  5. Oct 28

    146. PrestoCast, o speed-dating do podcasting

    This is episode 147 of the podcast Conxecturas by @joseantonio, published on 28 de outubro de 2026. You can leave text and audio comments at this link. Es de quen cre que Prestocast aporta algo singular ao mundo do podcasting? Mércores, 28 de outubro. Son José Antonio, e isto é Conxecturas. Non hai nada que lle guste máis a un podcaster que falar de podcating, como repite Emílcar, o espírito santo do podcating, en palabras de @jeanbedel. Emílcar, prestocaster desde a fase beta e o que ten máis seguidores despois de @joanboluda, é de quen abrazaron con paixón ribereña o fin da limitación temporal para os prestocasters pro, xa que dos últimos catro prestos tres superan con moito eses 60 segundos. Malia ter a posibilidade de facer o mesmo, penso que o reto que me supón condensar as miñas conxecturas en tan pouco espazo de tempo, non é tanto unha limitación senón un desafío que me anima a continuar. E tamén me gusta escoitar esa sucesión de voces diversas, que me aportan pequenas pílulas nun ritmo de 60 por hora. Prestocast: o speed-dating do podcasting. Iso si!: sen o toque romántico.

    146. PrestoCast, o speed-dating do podcasting

  6. Oct 27

    145. Fenómeno fan.

    Hai prestos que aparecen nas sobremesas das comidas. Dedicado a Gore. Es de quen cre que Jorge Drexler é o Justin Bieber dun público de mediana idade orientado á esquerda? Martes, 27 de outubro. Son José Antonio, e isto é Conxecturas. Hai moito fan. Persoas que siguen a persoas, equipos, grupos, que se implican con elas máis alá do que parecía normal (é dicir, habitual, do que fan noutros ámbitos da súa vida). Hai quen fai km para acompañar a un equipo de fútbol a un partido irrelevante a golpe da metade da semana laboral. Hai que paga case o salario mínimo interprofesional por ver unha actuación "única". Hai quen é quen de pasar-perder un día á cola á espera da entrada a un espectáculo "irrepetible". O fenómeno fan xa ten os seus anos (quen non viu imaxes dos Beatles en branco e negro). Non distingue xa de idades, credos e orientacións políticas. Non hai mellores nin peores. Hai fans. E tamén drexliebers.

    145. Fenómeno fan.

  7. Oct 23

    144. Espellos

    Nas tendas de roupa utilízase unha combinación de física sinxela, colocación estratéxica e deseño de iluminación para que a figura se vexa máis estilizada e a roupa resulte máis atractiva: A inclinación do espello é o truco máis común. Cando o espello non está totalmente pegado á parede en vertical, senón lixeiramente inclinado coa parte superior cara a atrás ou apoiado no chan, créase unha perspectiva que alarga visualmente as pernas e fainos parecer máis altos e esveltos, de forma semellante a cando se saca unha foto desde un ángulo lixeiramente baixo. Nalgúns casos, os espellos teñen unha sutil curvatura cóncava no eixo vertical ou convexa no horizontal, case imperceptible a simple vista, pero suficiente para comprimir lixeiramente a silueta a nivel horizontal ou alongala en vertical. A iluminación dos probadores xoga un papel aínda máis decisivo ca o propio espello. Es de quen se preocupa do que lle mostra o espello? Venres, 23 de outubro. Son José Antonio, e isto é Conxecturas. Teño que cambiar os espellos da miña casa. Non funcionan ben, en especial o do baño. Viña coa vivenda e nunca me preocupei. Será cuestión do vidro, que estará algo curvado. Mais fai a figura máis achatada. Xa me fixara nas tendas de roupa. Alí víaseme ben. Unha visita á ducha do meu ximnasio corrobourono. En fronte da ducha hai un espello de corpo enteiro, e, teño que comentalo, cun pouco de rubor, que o meu corpo vese ben estilizado, case como o Apoxiomenos de Lisipo. Vese que o traballo no ximnasio está a dar os resultados e non podo permitir que a mala calidade do mobiliario da miña casa pertube ou afecta a miña autoestima. Non sei se che pasa o mesmo. Vou preguntar no ximnasio a marca de espello. Hai que ir polo seguro.

    144. Espellos

  8. Oct 22

    143. Desvirtualizar

    Grupo de Telegram de Larpeirada&Podcast: @larpeiradaypodcast https://www.fundeu.es/recomendacion/desvirtualizar-y-desvirtualizacion-terminos-adecuados/ Es de quen vai ir á Coruña este sábado? Xoves, 22 de outubro. Son José Antonio, e isto é Conxecturas. Non atopo a palabra no dicionario da RAG nin na RAE. Este termo, tan utilizado no mundo podcastil, si que é recollido pola Fundeu, que o define coma "coñecer en persoa a alguén con quen previamente se estableceu unha relación virtual". Isto é o que vai acontecerme este sábado 24 de outubro na Coruña, grazas ao Larpeirada&Podcast, que segue a xeira dos Eventos de Podcasting Independente e Amateur de Españ. Animada pola comunidade Feedlipina, na que poderei entres outras persoas coñecer a ese podcaster OldSchool que nunca viaxa sen paraguas. Chove ou vente, grazas a David Freire, Agus e Juan Ortiz por embarcarse na organización deste evento. Máis info no telegram do evento: @larpeiradaypodcast

    143. Desvirtualizar
See All (151)

About

Opinións ou xuízos formados sobre meros indicios ou aparencias, sen un fundamento certo.

Information

  • Creator
    José Antonio Martínez
  • Years Active
    2026
  • Episodes
    151
  • Rating
    Clean
  • Copyright
    © 2026 José Antonio Martínez
  • Show Website
    Conxecturas