Dawei Watch Podcast Dawei Watch

မြန်မာနိုင်ငံတစ်ဝန်း ဖြစ်ပျက်နေတဲ့ အဖြစ်အပျက်တွေကို Dawei Watch ပရိတ်သတ်တွေ သိရှိစေဖို့ မြန်မာ့ရေးရာအစီအစဉ်ကို မိတ်ဆက်လိုက်ပါတယ်။



ဒီတစ်ပတ် မြန်မာ့ရေးရာအစီအစဉ်မှာတော့ မတ်လ ၂၆ ရက်ကနေ ဧပြီလ ၁ရက်အထိ တစ်ပတ်တာအတွင်း ဖြစ်ပျက်ခဲ့တဲ့ အဖြစ်အပျက်တွေထဲက ထူးခြားဖြစ်စဉ်တွေကို စီစဉ်တင်ဆက်ထားတာဖြစ်ပါတယ်။ ဒီအစီအစဉ်ကို အပတ်စဉ် တနင်္ဂနွေနေ့တိုင်း တင်ဆက်သွားမှာဖြစ်ပါတယ်။

တနင်္သာရီတိုင်းထဲ တစ်ပတ်အတွင်း ဖြစ်ပျက်ခဲ့တဲ့ ထူးထူးခြားခြားသတင်းတွေကို သောတရှင်တွေ နားဆင်နိုင်ဖို့ တစ်ပတ်အတွင်းသတင်းကဏ္ဍကို တင်ဆက်လိုက်ပါတယ်။

"ထိုင်းရွေးကောက်ပွဲနဲ့ မြန်မာလုပ်သားတွေ အခြေအနေ"

--------------



မကြာခင်ကာလမှာ ထိုင်းနိုင်ငံရဲ့ အထွေထွေရွေးကောက်ပွဲရှိပါတယ်။ ထိုင်းရွှေးကောက်ပွဲ ကော်မရှင်က မေလ ၁၄ ရက်မှာ ပြုလုပ်မယ်လို့ ကြေညာထားပါတယ်။



ထိုင်းနိုင်ငံအတွင်းမှာ မြန်မာရွှေ့ပြောင်းအလုပ်သမားတွေ သန်းနဲ့ချီရှိနေပါတယ်။ ဒီလိုရွှေ့ပြောင်းအလုပ်သမားတွေကို ရွေးကောက်ပွဲတွေမှာ အသုံးချတာမျိုးတွေ ယခင်ကာလတွေတုန်းက ရှိခဲ့ဖူးပါတယ်။



ဒီလိုအခြေအနေတွေ ထပ်ရှိလာနိုင်လား၊ ရွေးကောက်ပွဲမတိုင်ခင်နဲ့ ရွေးကောက်ပွဲကာလတွေမှာ ရွှေ့ပြောင်းအလုပ်သမားတွေအနေနဲ့ ဘာတွေလိုက်နာ ရှောင်ရှားသင့်လဲဆိုတာကို ဒီစကားဝိုင်းကနေ သိမြင်နိုင်မှာ ဖြစ်ပါတယ်။



စကားဝိုင်းကိုတော့ ဦးထူးချစ် (FED)၊ ဦးခိုင်ကြီး (AAC)နဲ့ ကိုအောင်အောင် (ရခိုင်အလုပ်သမားများအဖွဲ့)တို့က ဦးဆောင်ဆွေးနွေးထားကြပါတယ်။



(Migrant Times မှရယူ​ဖော်ပြသည်)

Dawei Watch က တင်ဆက်ပေးနေတဲ့ ရင်ခုန်ခံစား တစ်ပတ်တာအားကစားရဲ့ပွဲကြိုကဏ္ဍအစီအစဉ်ကနေ ပြန်လည် ကြိုဆိုလိုက်ပါတယ်။



ပြီးခဲ့တဲ့သီတင်းပတ်တုန်းက နိုင်ငံတကာပွဲစဉ်တွေ ရှိနေတဲ့အတွက် လိဂ်ပွဲစဉ်တွေ ရပ်နားထားခဲ့ပါတယ်။



အခုတစ်ပတ်မှာတော့ ပရိသတ်မျှော်လင့်နေတဲ့ လိဂ်ပွဲစဉ်တွေ ပြန်လည်ဝင်ရောက်လို့ လာခဲ့ပါပြီ။



ဒါပေမဲ့ အသင်းတိုင်းဆီက အဓိကပွဲထွက်ကစားသမားတွေဟာ နိုင်ငံတကာပွဲစဉ်တွေ ကစားခဲ့ရတဲ့အတွက် ပွဲပန်းနေတာကို သတိပြုရပါလိမ့်မယ်။



အခုတစ်ပတ်မှာ ဘယ်အသင်းတွေ ရလဒ်ကောင်း ရသွားလေမလဲ၊ ဘယ်လိုပွဲစဉ်ကောင်းတွေ ရှိနေသလဲဆိုတာကို Dawei Watch က ရွေးချယ်သုံးသပ် တင်ဆက်ပေးလိုက်ပါတယ်။

ကမ္ဘာတစ်ဝန်းဖြစ်ပျက်နေတဲ့ အဖြစ်အပျက်များစွာကို Dawei Watch ပရိသတ်တွေ သိရှိစေဖို့ တစ်ပတ်အတွင်း နိုင်ငံတကာရေးရာ အစီအစဉ်ကို မိတ်ဆက်လိုက်ပါတယ်။



ဒီတစ်ပတ် နိုင်ငံတကာရေးရာမှာတော့ မတ် ၂၅ ရက်နေ့ကနေ ၃၁ ရက်နေ့အထိ တစ်ပတ်တာအတွင်း အဖြစ်အပျက်အချို့ကို စီစဉ်တင်ဆက်ထားတာ ဖြစ်ပါတယ်။

Dawei Watch ရဲ့ နေ့စဉ်သတင်းအစီအစဉ်အတွက် ဒီနေ့တင်ဆက်ပေးမယ့် သတင်းတွေကတော့

- မိုင်းမတော်ဆပေါက်ကွဲလို့ လောင်းလုံးမြို့နယ်ပြည်သူ့ကာကွယ်ရေးတပ်ဖွဲ့ဝင်တစ်ဦးကျဆုံးခဲ့တဲ့အကြောင်း

- ပုလောမြို့က ရဲစခန်းနဲ့ စစ်ဆေးရေးဂိတ်တစ်ခု ဗုံးချတိုက်ခိုက်ခံရတဲ့အကြောင်း

- လောင်းလုံးဆေးရုံမှာ ကလေးတွေကို ကာကွယ်ဆေးပြန်ထိုးပေးနေတာ

- ထားဝယ်မြို့ လမ်းဘေးတစ်နေရာမှာ အမျိုးသားအလောင်းတစ်လောင်းကိုတွေ့ရှိခဲ့တဲ့အခြေအနေ

- ဌာနဆိုင်ရာရုံးတွေ မကြာခဏတိုက်ခိုက်ခံနေရတဲ့ ရေဖြူမြို့မှာ စစ်ကောင်စီက အင်းအားတိုးချထားလိုက်တဲ့အကြောင်း

- စစ်ဘေးသင့်ပြည်သူတွေအတွက် သယ်လာတဲ့ စားနပ်ရိက္ခာနဲ့ အသုံးဆောင်တွေကိုအဖမ်းခံရတာ

- အမေရိကန်သမ္မတဟောင်း ဒေါ်နယ်ထရမ့်ကို ရာဇဝတ်မှုနဲ့ စွဲချက်လိုက်တဲ့အကြောင်း

- ထိုင်းနိုင်ငံ စက်ရုံတစ်ခုက မြန်မာအလုပ်သမား တစ်ထောင်ကျော်ကို အလုပ်ထုတ်ခံရတဲ့အကြောင်း

- ထိုင်းမှာ ဗီဇာမပါဘဲ နေထိုင်ခွင့် ၁၄ ရက်သာရပါတော့မယ်ဆိုတဲ့အကြောင်း

စတဲ့သတင်းအကြောင်းအရာများစွာကိုနားဆင်ရမှာဖြစ်ပါတယ်။