(General News) ဝၢႆးၵိုတ်းတိုၵ်းတင်းသိုၵ်းမၢၼ်ႈယဝ်ႉ သိုၵ်းတဢၢင်းၼႅတ်ႈပၼ်ႇၵၢၼ်ၵဵပ်းၶွၼ်ႇတီႈၼမ်ႉၶမ

ဝၢႆးၵိုတ်းတိုၵ်းတင်းသိုၵ်းမၢၼ်ႈယဝ်ႉ သိုၵ်းတဢၢင်းၼႅတ်ႈပၼ်ႇၵၢၼ်ၵဵပ်းၶွၼ်ႇတီႈၼမ်ႉၶမ်း

ၽူႈတွႆႇႁွၵ်ႈ ၊ ၸၢႆးသႂ်ၸိုၼ်ႈမိူင်း

ၸဵမ်မိူဝ်ႈသိုၵ်းမၢၼ်ႈယိုတ်းဢႃႇၼႃႇၸိုင်ႈမိူင်းမႃးၼႆႉႁွင်ႈၵၢၼ်ဢၼ်မီးပုၼ်ႈၽွၼ်းတႃႇပူၵ်းပွင်ၼႂ်းဝၢၼ်ႈၼႂ်းမိူင်းၵေႃႈ ဢမ်ႇပဵၼ်ၵၢၼ်တႄႉတႄႉ ။ ဢွင်ႈတီႈဢၼ် သိုၵ်းမၢၼ်ႈတိုၵ်ႉၵုမ်းဝႆႉလႆႈ ပဵၼ်ပိူင်ၼိုင်ႈ ၊ ဢွင်ႈတီႈဢၼ် သိုၵ်းၸၢဝ်းၶိူဝ်း ႁိုဝ်ဢမ်ႇၼၼ် ၸုမ်းလုၵ်ႉၽိုၼ်ႉၶၢဝ်းႁွင် PDF ၸိူဝ်းၼႆႉ ၵုမ်းဝႆႉသမ်ႉ ပဵၼ်ဝႆႉပိူင်ၼိုင်ႈ ။ ဢၼ်လႆႈယၢပ်ႇ ၊ ပိူင်ဢၼ်လႂ်ဢွၵ်ႇမႃးၵေႃႈ လႆႈၵူဝ်လႆႈႁႄသမ်ႉ ပဵၼ်ၵူၼ်းမိူင်း ။

ပွတ်းတၢင်း ၼမ်ႉၶမ်း ၸိုင်ႈတႆး ပွတ်းႁွင်ႇၼႆႉၵေႃႈ သိုၵ်းတဢၢင်း TNLA ဢၢင်ႈၸိုဝ်ႈဝႃႈ ၶႂ်ႈတႄႇၵၢၼ်ၽွင်းငမ်းတူဝ်ၵဝ်ႇၼႆသေ ၶိုင်ႁႃလၢႆးၵဵပ်းၶွၼ်ႇၵူၼ်းမိူင်းလၢႆးၼိုင်ႈယဝ်ႉလၢႆးၼိုင်ႈ ။ ဢၼ်မႃးပူၵ်းပွင်ပၼ် ၵူၼ်းမိူင်းၶိုၼ်းသမ်ႉ ဢမ်ႇႁၼ်မီးသင်ၼႆ ၵူၼ်းၼမ်ႉၶမ်းလၢတ်ႈ ။ လွင်ႈၼႆႉ ၸၢႆးသႂ်ၸိုၼ်ႈမိူင်း တေႁၢႆးငၢၼ်းၼႄပၼ်ၵႂႃႇၶႃႈဢေႃႈ။

#podcast

#shannews