(General News) ၵူၼ်းမိူင်းထႆးသုမ်းၸဝ်ႈၽႅၼ်ႇလိၼ်လႄႈ တမ်ႇၼွႆႉမွင်ၸႂ် ၸုမ်းတႆးၵဵင်းမႂ်ႇ တေၸတ်းပၢင်ႁ

ၵူၼ်းမိူင်းထႆးသုမ်းၸဝ်ႈၽႅၼ်ႇလိၼ်လႄႈ တမ်ႇၼွႆႉမွင်ၸႂ် ၸုမ်းတႆးၵဵင်းမႂ်ႇ တေၸတ်းပၢင်ႁပ်ႉပီမႂ်ႇတီႈၵႅပ်ႈၵူၺ်းယဝ်ႉ

ၽူႈတွႆႇႁွၵ်ႈ ၊ ၸၢႆးသႂ်ၸိုၼ်ႈမိူင်း

ဢမ်ႇဝႃႈၼႂ်းမိူင်းတႆးမိူင်းထႆး ဝၢႆးဢွၵ်ႇဝႃႇယဝ်ႉၼႆ ယဵပ်ႇၶဝ်ႈၶၢဝ်းၵတ်းယဝ်ႉလႄႈ ၾိင်ႈၾႃႉပၢင်ႇသႂ် ၵႂႃႇလႂ်ပႆလႂ်ၵေႃႈ ငၢႆႈသေၶၢဝ်းၾူၼ် ။ ၸင်ႇၼၼ် ပီႈၼွင်ႉတႆးလႄႈထႆး ပၢၼ်သိုပ်ႇပၢၼ် တိုၼ်း မီးၾိင်ႈသူင်သိူဝ်းၸွမ်းၶၢဝ်းၵတ်း မီးၾိင်ႈၵိၼ်ၾိင်ႈလူႇတင်းၼမ် ၸဵမ်ဢဝ် ပွႆးလူႇမွၵ်ႇၼမ်ႉၾႆးတဵၼ်း ၊ ပွႆးလိူၼ်သိပ်းသွင်မူၼ်း ႁိုဝ် ၾိင်ႈလွႆးၵထူင်း ။ ဝၢႆးၼၼ်ႉၵေႃႈ ပွႆးႁပ်ႉပီမႂ်ႇၸဵမ်ၸိူဝ်းၼႆႉ။

မိူဝ်ႈလဵဝ်ၵေႃႈ ၸဵမ်ပီႈၼွင်ႉထႆး ၊ တႆး လႄႈ တၢင်ႇၸၢဝ်းၶိူဝ်း ၼင်ႇႁိုဝ်ၾိင်ႈတေဢမ်ႇၶၢတ်ႇဢမ်ႇႁၢႆၼၼ်ႉ သမ်ႉပေႃးႁၢင်ႈႁႅၼ်းဝႆႉၽႂ်မၼ်း ။ ၵူၺ်းၵႃႈ ၼႂ်းၸိုင်ႈထႆးသမ်ႉ ပီၼႆႉ ၽႂ်ၵေႃႈဢမ်ႇမုင်ႈဢမ်ႇမွင်းသေ ၸဝ်ႈၼၢင်းႁေႃၶမ်းလူင် တူၼ်ထူၼ်ႈ 9 ၸၢမ်ႇပူႈၼွၼ်းၽေးလႄႈ လူင်ပွင်ၸိုင်ႈထႆး မၵ်းမၼ်ႈဝၼ်းတမ်ႇၼွႆႉမွင်ၸႂ်ဝႆႉ 90 ဝၼ်း ၊ တေလႆႈလူတ်းယွမ်းတၢင်းမူၼ်ႈတၢင်းၵျေႃႇဝႃႈၼႆဝႆႉ ။

ၵွပ်ႈၼၼ်လႄႈ ပီႈၼွင်ႉတႆးၼႂ်းမိူင်းထႆးၵေႃႈ ၼင်ႇထုင်းၵႂၢမ်းဝႃႈ ယူႇမိူင်းလႂ်ဢဝ်မႆႉမိူင်းၼၼ်ႉႁဵတ်းတွၵ်ႇ ဢဝ်မွၵ်ႇမိူင်းၼၼ်ႉပၵ်းႁူဝ် ၼႆၼၼ်ႉ ၵႃႈတေလႆႈၸွမ်းလႄႈ ပီမႂ်ႇတႆး ပီၼႆႉ တေၸတ်းတီႈၵႅပ်ႈၵူၺ်းယဝ်ႉ ဝႃႈၼႆ ။ လွင်ႈၼႆႉ ၸၢႆးသႂ်ၸိုၼ်ႈမိူင်း တေႁၢႆးငၢၼ်းၼႄပၼ်ၵႂႃႇၶႃႈဢေႃႈ။

#podcast

#shannews

#ပီမႂ်ႇတႆး

#ၶုၼ်ႁေႃၶမ်း