(General News) ၸဝ်ႈၼႃႈတီႈထႆး ပိုၼ်ၽၢဝ်ႇ တေၵႂၢတ်ႇလၢင်ႉႁႅင်းၵၢၼ်ၸိူဝ်းဢမ်ႇၸွမ်းပိူင်

ၸဝ်ႈၼႃႈတီႈထႆး ပိုၼ်ၽၢဝ်ႇ တေၵႂၢတ်ႇလၢင်ႉႁႅင်းၵၢၼ်ၸိူဝ်းဢမ်ႇၸွမ်းပိူင်

ၽူႈတွႆႇႁွၵ်ႈ ၊ ၸၢႆးသႂ်ၸိုၼ်ႈမိူင်း

ၵူၼ်းမိူင်းႁူမ်ႈတုမ်မၢၼ်ႈ ၼပ်ႉပဵၼ်သႅၼ်ပဵၼ်လၢၼ်ႉ ႁွတ်ႈၽႅဝ်မိူင်းထႆး လူၺ်ႈလၢႆးတၢင်း ၵူႈလွင်ႈလွင်ႈ ၸဵမ်မိူဝ်ႈလၢႆသိပ်းပီ ။ ပၵ်းပိူင်ဢၼ်ၵဵဝ်ႇၶွင်ႈႁႅင်းၵၢၼ်မိူင်းထႆးၵေႃႈ မၢင်ပွၵ်ႈယွၼ်ႇယၢၼ်း မၢင်ပွၵ်ႈၶဵင်ႈၶႅင် ။ ႁႅင်းၵၢၼ်ပတ်းပိုၼ်ႉၼႂ်းၸိုင်ႈထႆးၼႆႉ ၸိူဝ်းႁဵတ်းၸွမ်းပၵ်းပိူင်ဢၼ်တမ်းဝႆႉၵေႃႈမီး ၸိူဝ်းဢမ်ႇၸွမ်းသေႁဵတ်းၵေႃႈမီး ။

ၸဝ်ႈၼႃႈတီႈထႆး ယၢမ်ႈၺွပ်းလႆႈ ႁႅင်းၵၢၼ်ဢၼ်ၽိတ်းပၵ်းပိူင်တင်းၼမ်ယဝ်ႉလႄႈ တႄႇဢဝ်ၼႆႉၵႂႃႇ ၸဝ်ႈၼႃႈတီႈထႆးတေလူင်းၵႂၢတ်ႇလၢင်ႉႁႅင်းၵၢၼ် ၸိူဝ်းႁဵတ်းဢမ်ႇမႅၼ်ႈပိူင် ၊ ဢမ်ႇထုၵ်ႇတီႈ ၸိူဝ်းၼႆႉ။ ၵွပ်ႈၼၼ် ႁႂ်ႈႁႅင်းၵၢၼ် မေႃယူႇမေႃၵိၼ်ၼင်ႇႁိုဝ်တေလွတ်ႈတၢင်းၽိတ်းၼႆ MIC - သုၼ်ၶေႃႈမုၼ်း ႁႅင်းၵၢၼ်ယၢၼ်မိူင်း ပၼ်ၾၢင်ႉဝႆႉ။ လွင်ႈၼႆႉ ၸၢႆးသႂ်ၸိုၼ်ႈမိူင်း တေႁၢႆးငၢၼ်းၼႄပၼ်ၵႂႃႇၶႃႈဢေႃႈ။

#podcast

#shannews

#ႁႅင်းၵၢၼ်