Deep Talk with Sanaa

Ariunsanaa Tsogbadrakh

Deep Talk with Sanaa. “Монтений Сормуус” блогийн зохиогч Санаагийн хөтөлдөг подкаст. Энд бид хүний сэтгэл зүй, амьдралын талаарх сонирхолтой сэдвүүдийг энгийнээр хуваалцах болно.

  1. Aug 10

    #57: USEGTOO уран бүтээлчийн нэгдэлтэй танилцацгаая: "Echoes of the City"

    Энэ удаагийн дугаараар ҮсэгТоо залуу уран бүтээлчдийн нэгдлийн "Echoes of the City" буюу “Хотын чимээ” хамтарсан үзэсгэлэнгийн бэлтгэл ажлын өдрийн ярилцлагыг хүргэж байна. Хот маш олон дуу чимээ, асуудал, утга, дурсамж, цаг хугацааг агуулна. Өөр өөрсдийн чиглэлээр уран бүтээлээ туурвидаг залуу уран бүтээлчид маань уг үзэсгэлэнгээр бидэнд ямар мэдрэмж төрүүлэх бол? Хариултыг нь биеэр очиж, харж, мэдрэхийг хүсэж байна. 00:02:26 Уран бүтээлч Тогтуун 00:18:33 Уран бүтээлч Тэргэл 00:27:33 Уран бүтээлч Халиунаа 00:31:11 Уран бүтээлч Орxон 00:38:44 Уран бүтээлч Мөнхцэцэг 00:51:47 Уран бүтээлч Цэлмүүн 01:01:05 Уран бүтээлч Мөнхтөгөлдөр Тус үзэсгэлэн нь 2026 оны 8 дугаар сарын 7-нд нээлтээ хийж, 8 дугаар сарын 30-ны өдөр хүртэл B Contemporary Art Gallery-н үзэсгэлэнгийн танхимд дэлгэгдэх билээ. Бүрэлдэхүүнд энэхүү нэгдлийг үүсгэн байгуулагч уран бүтээлч Э.Тогтуун, гэрэл зурагчин Н.Мөнхцэцэг, гэрэл зурагчин Г.Халиун, уран бүтээлч Э.Орхон, костюм дизайнер А.Мөнхтөгөлдөр, аниматор Т.Тэргэл, уран бүтээлч Б.Цэлмүүн нар оролцож байна. Мөн ХБНГУ-аас хүрэлцэн ирсэн зочин уран бүтээлч Катя Бринкманн, дуучин, ая зохиогч Г.Даваадалай нар байгаа болно. Ингээд урлаг, уран бүтээлчидтэй дугаарыг маань хүлээн аван сонсоно уу.

    #57: USEGTOO уран бүтээлчийн нэгдэлтэй танилцацгаая: "Echoes of the City"

  2. Jan 31

    #56: Уран бүтээлч Очир: "Teresa in the Moon" хамтлагийн дуунуудыг амьдаар нь сонсоход бэлэн үү?

    Энэ удаагийн дугаарт маань "Teresa in the Moon" хамтлагын үүсгэн байгуулагч, гоцлох дуучин, уран бүтээлч, сэтгэл судлаач Очир оролцлоо. (Видео подкаст төдийлөн оруулдаггүй надад их догдлом байлаа.) Бидний яриа хамтлагийн нэрээс эхлээд уран бүтээл бүтэх үйл явц, шинэ тоглолт, "Apollo's Love Never Dies" нэртэй шинэ цомгийн дуунуудын утга учрын тухай ярилцлаа. Тэдний "Twilight Serenade" нэртэй тоглолт 2026 оны 2 дугаар сарын 7-нд "On'n Off" продакшны байранд болох гэж байна. Хайр гэдэг үгийг бүгд мэдэх ч хэрхэн мэдрэгдэх нь хүн бүрт өөр шүү дээ. Twilight Serenade тоглолт нь дотоод хүнээ сонсохыг хүссэн, дурласан, зүрхээ шархлуулсан хэн бүхэнд зориулагдсан билээ. Тоглолтын тасалбарыг Portal.mn сайтаар дамжуулан захиалах боломжтой. https://www.portal.mn/en/events/twilight-serenade Уран бүтээлийн хувьд тэд өөрсдийн өвөрмөц аялгуугаараа танигдсан бөгөөд саяхан RAW Underground-д шинэ цомгийн дуунуудаасаа бичүүлжээ: https://www.youtube.com/watch?v=FxN3V_Ig5mk&list=RDFxN3V_Ig5mk&start_radio=1 2 сарын 7-нд уулзацгаая~!

  3. 10/27/2025

    #55: Харүки Мүриками "ӨДӨР БҮР НҮҮДЭГ БӨӨРӨН ЧУЛУУ" өгүүллэгийн хэсгээс

    Нил паблишингаас эрхлэн гаргасан "Гоо үзэсгэлэн бол шарх" нэртэй дэлхийн хайрын өгүүллэгүүдийн түүвэрт багтсан зохиолч Харүки Мүрикамигийн "Өдөр бүр нүүдэг бөөрөн чулуу" өгүүллэгийн хэсгээс уншлаа. Уг өгүүллэгийг орчуулагч Тэгшзаяа орчуулсан билээ. Өгүүллэгийн тухай товчхон: Амьдрал турш тааралдах хүүхнүүдээс илүү ч үгүй, дутуу ч үгүй яг 3 эмэгтэй л жинхэнэ учрал байдаг тухай ааваасаа сонссон Жүнпэй үргэлж энэ тухай гайхширдаг байлаа. Туршлагагүйгээс анхны хайрдаа сэтгэлээ илчилж чадаагүй түүнд хоёрхон боломж үлджээ. Жүнпэй нэгэн зоогийн газрын нээлтээр мэргэжлээ үл хэлэх Кири хэмээх эмэгтэйтэй танилцана. Хөдлөж өгөхгүй чулуу мэт гацсан амьдралд нь Кири хөнгөн агаад хүчтэйгээр нөлөөлж эхэлдэг.

  4. 07/30/2025

    #54: Ганц соролтоос цааш: 2-р хэсэг. Амьдрах ухааны боловсрол чухал

    "Хар тамхи" хэмээн бид бүгдийн хэлж дассан боловч цаадах шалтгаан, нөлөөллүүдийг далд байлгадаг табүү сэдвийг онцлон хүргэж буй билээ. Энэ удаагийн дугаараар "ЭКПАТ Монгол Үндэсний сүлжээ", "Өсвөр Үеийнхний Хөгжлийн төв ТББ"-ийн хөтөлбөрийн зохицуулагч Ихтамиртай ярилцлаа. Мансууруулах бодисын хэрэглээг таслан зогсоох арга хэмжээний өмнө урьдчилан сэргийлэх, санаатай болон санаандгүйгээр "ганц сороод" эхэлсэн бол болих хүсэлтэй хүнийг ялгаварлан гадуурхахгүйгээр амьдралын эрүүл хэв маягийг санал болгох хөтөлбөр орон зай байх хэрэгтэй. Гэвч үүнийг бүтээхэд бидэнд юу дутуу талаар ярилцлаа. #ListenBelieveProtect #Сонсъёитгэехамгаалъя #nevertheirfault #boysmovement #blueheartcampaign #blueumbrella #endtrafficking  Хамтран ажиллагч: ЭКПАТ Монгол Үндэсний сүлжээӨсвөр Үеийнхний Хөгжлийн төв ТББ

    #54: Ганц соролтоос цааш: 2-р хэсэг. Амьдрах ухааны боловсрол чухал

  5. 07/23/2025

    #52: Дуртай шүлгүүд: Яруу найрагч Б.Батрэгзэдмаа "Зөвхөн хайр" шүлгийн түүврийн хэсгээс

    Дуртай шүлгүүд цувралаа бичээгүй уджээ. Энэ удаа хайртай яруу найрагч Б.Батрэгзэдмаа гуайн хайрын тухай шүлгүүдээс уншлаа. Хэзээ нэгэн цагт хайранд итгэж, хэзээ нэгэн цагт хайраа алдан харамсаж, хэзээ нэгэн цагаас хайранд итгэх итгэлээ ахин эрж буй бол энэ шүлгүүд зүрхэнд тань эм байх болтугай. Улбар паблшингийн зөвшөөрөлтэйгээр нийтлэв. 00:00 Жинхэнэ чи мөн үү 02:01 Цаг хугацаан дотор хоёулаа 04:40 Нээ эсвэл хаа 07:15 Тэнэгхэн минь дээ 11:00 Харамсал 14:24 Хоёулаа эсвэл

    #52: Дуртай шүлгүүд: Яруу найрагч Б.Батрэгзэдмаа "Зөвхөн хайр" шүлгийн түүврийн хэсгээс

  6. 07/19/2025

    #51: Яруу найргийн тухай. Зочин яруу найрагч Санчир

    Тойрог хуучин хувцасны дэлгүүр дээр Playtime наадмаас үлдсэн хүмүүст зориулсан хурган эвентээр live podcast бичсэн билээ. Энэ дугаарын зочин бол яруу найрагч Санчир. Бид зуны нэгэн нарлаг өдөр хүүхдийн 100н гадаа диваан дээр суугаад яруу найраг, дурлал, хайр, бүтэлгүйтэл, сэтгэлийн тухай ярилцлаа. Тэрээр анхны шүлгийн түүвэр болох "157 тоотын диваажин" номоос бидэнд зориулж шүлгүүд уншиж өгсөн. Ингээд зуны өдөртэй, шүлэгтэй, ардах чимээ нь амьд дугаарыг маань хүлээн аван сонсоорой.

    #51: Яруу найргийн тухай. Зочин яруу найрагч Санчир

  7. 07/11/2025

    #50: Цаашдаа хэрхэх вэ? Нийгэм судлаачийн нүдээр. Зочин Доржтүвдэн

    Өнгөрсөн амралтын өдрүүдээр Тойрог хуучин хувцасны дэлгүүр дээр Playtime наадмаас үлдсэн хүмүүст зориулсан хурган эвентээр live podcast бичиж үзлээ. Энэ дугаарын зочин бол "Цогц Хөгжлийн Үндэсний Төв"-ийн судлаач Г.Доржтүвдэн. Бид дэлгүүр дотор тойрч суугаад амьдарч буй нийгмийнхээ тухай, юу бидэнд нөлөөлж байна, цаашдаа хэрхэх тухай, хэрхэн сонгогчдын боловсролоо дээшлүүлэх тухай ярилцлаа.

    #50: Цаашдаа хэрхэх вэ? Нийгэм судлаачийн нүдээр. Зочин Доржтүвдэн

  8. 01/08/2025

    #49: Номын тухай буу халъя: #3 Хүлээсээ тасалсан эмэгтэйн тухай “Цагаан хоолтон” (спойлер агуулав) [K4cDocEhdQ8]

    Оны эхний дугаараар бид Монсудар хэвлэлийн газраас эрхлэн гаргасан 2024 оны Нобелийн шагналт зохиолч Хан Ганы “Цагаан хоолтон” хэмээх тун зэвүүн зохиолын талаар ярьлаа. Зарим хэсгүүдэд уншаагүй хүмүүст *спойлер агуулагдаж байгаа ч оюуны эрхийг хүндэтгэн номын зарим хэсгүүдээс сонгон ярилцсан билээ. Үйл явдлын тухайд эгэл жирийн даруухан амьдардаг Ёнхи хэмээх эмэгтэй нэг шөнө эвгүй зүүднээс бол махнаас татгалзах болсон нь түүний нөхөр, гэр бүлийнхнийг тавгүйтүүлж эхэлнэ. Ёнхигийн өөрийнх нь шийдвэр атал яагаад бусдыг тавгүйтүүлэх болов гэдгээс зохиолын үйл явдал цааш хөвөрдөг билээ. Ингээд ээлжит “Номын тухай буу халья” булангийн дугаарыг маань хүлээн аван сонсоорой.

    #49: Номын тухай буу халъя: #3 Хүлээсээ тасалсан эмэгтэйн тухай “Цагаан хоолтон” (спойлер агуулав) [K4cDocEhdQ8]
See All (56)

4.3
out of 5
20 Ratings

About

Deep Talk with Sanaa. “Монтений Сормуус” блогийн зохиогч Санаагийн хөтөлдөг подкаст. Энд бид хүний сэтгэл зүй, амьдралын талаарх сонирхолтой сэдвүүдийг энгийнээр хуваалцах болно.

Information

  • Creator
    Ariunsanaa Tsogbadrakh
  • Years Active
    2018 - 2026
  • Episodes
    56
  • Rating
    Clean
  • Copyright
    © Ariunsanaa Tsogbadrakh
  • Show Website
    Deep Talk with Sanaa