FeedingKtown

Salah

5.0 (1)
Business

Podcast by Salah

04/24/2020

Ep.7 - Tampopo | تغيير المطعم من "داين ان" الى طلبات توصيل و استلام

من حسن حظ المطاعم بالكويت انها معتمدة على خدمة التوصيل من زمان، و لكن المطاعم اللي معتمدة على خدمة ال "داين ان" فقط، شنو كان وضعهم بعد ما فرضوا عليهم تسكير المطاعم و الاستعانة بخدمات التوصيل و الاستلام فقط؟ مريم النصف صاحبة مطعم الرامن Tampopo تقول لنا في هالحلقة شنو اللي مرت فيه و شلون تأقلمت مع السوق و غيرت اساليب الطبخ و المنيو عشان يناسب خدمة التوصيل. تابعونا و تواصلوا معانا في حسابات السوشال ميديا Twitter-Instagram-Snapchat كلها تحت نفس الاسم: Feedingktown

34 min
03/29/2020

Ep.6 - China Garden | فيروس كورونا..سوق المطاعم..و اجراءات الوقاية لسلامة الأغذية

العالم أصبح مكان مختلف للجميع، و ماكو شي ظل على حاله من بعد انتشار فيروس كورونا. و لكن من أكبر القطاعات المتضررة اليوم بجميع من يعمل فيها هو قطاع الأغذية. اغلاق المطاعم و جلوس الناس في بيوتهم بالاضافة الى الحذر الشديد، سبب هبوط حاد في مبيعات جميع المطاعم في كل أنحاء العالم. لذلك، أهم ما يجب معرفته في علاقة كورونا بالمطاعم هو اهتمام المطعم بالنظافة و الحرص في اعداد الأكل باجراءات وقائية لضمان سلامة الأغذية قبل وصولها للناس. شلون أثر انتشار فيروس كورونا على أداء المطاعم و شنو الاجراءات الوقائية اللي يجب ان يتخذها المطعم لحماية الناس و تقديم أكل سليم؟ أحمد العبد المحسن صاحب مطاعم China Garden يشرح لنا شلون تفوق في الحفاظ على مستوى المطعم و مطابخه و تقديم خدمة بمعايير عالمية في ضمان جودة و نظافة الأكل قبل و بعد الظروف اللي يمر فيها العالم. تابعونا و تواصلوا معانا في حسابات السوشال ميديا Twitter-Instagram-Snapchat كلها تحت نفس الاسم: Feedingktown

37 min
03/02/2020

Ep. 5 - يسوى؟

كل المشاريع التجارية الربحية أيا كان نشاطها هدفها الأول و الأخير هو الربح. و لكن أول خطوة للطريق الى الربح، هو التأكد من أن المشروع قادر يغطي تكاليفه بمنتجاته و أسعاره و مبيعاته و ما يوصل الى مرحلة الخسارة بسبب عدم القدرة على تغطية هذي التكاليف. لذلك في عملية حسابية بسيطة تعطيك فكرة شنو المفروض يكون أداء المشروع من ناحية المبيعات لتفادي مرحلة الخسارة، و هذي المعادلة اسمها "Break even analysis - تحليل نقطة التعادل" تستخدم هذي المعادلة في أي نشاط تجاري، و لكن تختلف طريقة تطبيقها و استخدامها على حسب هذا النشاط أيضا. في هالحلقة راح نتكلم عن هالمعادلة في مجال المطاعم و نستخدمها في مثال لكونسبت مطعم بسيط و نعرف شلون ممكن تساعدنا. راح يكون ويانا في هذي الحلقة عبدالله الداوود، مدير أول في الخدمات المصرفية للشركات بأحد البنوك. • ما هو ال break even analysis ؟ • شلون نستخدم هذي المعادلة في مجال المطاعم؟ • شلون ممكن تساعدنا هذي المعادلة في التعديل على قرارات المشروع و تسعير المنتجات؟ تابعونا و تواصلوا معانا في حسابات السوشال ميديا Twitter-Instagram-Snapchat كلها تحت نفس الاسم: Feedingktown

15 min
01/06/2020

Ep. 4 - Location Location Location..الموقع

من المعلومات المعروفة و الاساسية في انشاء أي بزنس، هو ان الموقع من أهم العوامل في انشاء أي مشروع. في مجال الاغذية و المطاعم بالتحديد، تتضاعف هذي الأهمية، و أغلب الأحيان بالكويت تكون سبب في نجاح أو فشل المشروع. في هذي الحلقة نلقي الضوء على موضوع الموقع و اختياره و توفره في السوق الكويتي، و نعرف اذا في مجال لمشروع صغير في بدايته مثل كونسبت Workers أنه يتحمل أسعار و أجارات المحلات المتوفرة بالسوق. دقايق ضيوف الحلقة و النقاط اللي تناقشنا فيها: عبدالرحمن القناعي - صاحب مطعم دونر سابقا 7:17-17:52 • ليش فوود بزنس؟ • شنو المطعم اللي فتحه؟ • المنطقة اللي اختارها للمطعم و الأسباب؟ عبدالله الداوود - مدير أول في الخدمات المصرفية للشركات بأحد البنوك 18:29-25:44 • أهمية الموقع و علاقته بطبيعة المشروع • هل بإمكان المشروع يبيع بأسعار منخفضة و يتحمل الأجارات بالسوق؟ أحمد عبدالغفور - صاحب شركة استشارات و خدمات التدقيق المالي و المحاسبة 26:48-42:00 • شنو طريقة البحث عن المواقع المتوفرة؟ • شلون نقيم سعر الموقع أو المحل؟ • شنو الأمور اللي لازم نحتاط منها خلال البحث و اختيار المواقع؟ تابعونا و تواصلوا معانا في حسابات السوشال ميديا Twitter-Instagram-Snapchat كلها تحت نفس الاسم: Feedingktown

44 min
10/24/2019

Ep. 3 - الكونسبت اللي في بالي

بعد ما شفت ان في مجال لدخول عالم الفوود بزنس، حسيت اني واثق من الكونسبت اللي بدخل فيه هذا المجال. لكن لمن ييت اكتبه على ورق، اصبحت الامور اصعب و اقل وضوح، لأن ببساطة كتابة الفكرة على ورق هي اول خطوة لتطبيق هذي الفكرة على ارض الواقع..و ارض الواقع عادة ما تستقبل احلام الناس بسهولة. في هالحلقة اتكلم عن تفاصيل الكونسبت و شنو الصعوبة في كتابته. قابلت علي بو شهري صاحب شركة "جلوبال ماركتس" و مساعد الحداد صاحب شركة Zeroo11Degrees للاستشارات التسويقية و التصميم و سألتهم من تجاربهم مع المشاريع اللي اشتغلوا معاها، شلون ممكن الواحد يعرف اذا فكرته للكونسبت صحيحة و جاهزة و من وين يبتدي عشان يطبقها.

42 min

5 Episodes

Podcast by Salah

Creator

Salah
Years Active

2019 - 2020
Episodes

5
Rating

Clean
Copyright

© All rights reserved
Show Website

FeedingKtown