Iz mau Realtalk

Gian Mader und Luc Blunier
  • 0.0 (0)
  • Improv

Sälü zemme und wiukomme bi üsem Podcast! Mir si zwöi Gymnasiaste us Bern, wo scho immer gern tiefgründigi Gspräch über wiukürlechi Theme gfüehrt hei, wo üs aktuell im Chopf si gsi. Deshaub o dr Name "Iz mau Realtalk". Dä Satz hei mr aus Symbol für üsi Gspräch gwäut, und dä wird üs aus Rubrik dür üse Podcast begleite. Faus du meh wosch erfahre, denn chasch du üs sehr gern zuelose. Jedi Wuche am Mänti chunt e neui Foug. Es würd üs freue, we mr di scho baud aus Zuehörer chöi drzue zeue, und hoffe das mr di cheu ungerhaute. Viu Spass!

  1. 04/25/2021

    E27: Nimm dis Testo

    Nehmet nech de Titu zherz. Spässli. Kmdd. Uf jede fau heimr wük zu 0 Prozent vor irgendöpis sinnvous i die Fougebeschriebig dri ztue. Hei üs denkt es lohnt sech efach nid. Anstattdessen hie e Definition vonere Kaffeetasse:  Kaf·fee·tas·se  Substantif, feminin [die], Tasse, aus der Kaffee getrunken wird. Ds isch e chline Teaser was euch i dere Foug erwartet. Es hout nech vo de Socke. Believe me. Naja. Mir wünsche euch e wunderbari Wuche. Ohne beschwerden. Choufet ke Waffe, und wenn doch, verchoufet se widr. We call it Handel. But not Use. Please. Thank You. See you Later, Alligator.

    58 min

  2. 03/14/2021

    E26: Realshort

    Churz aber ungloublech spassig isch die 26. Episode vo Iz Mau Realtalk. Thematisch aber verglichbar mit der Silverstar im Europapark. Neujahresvorsätz werde kulinarisch gwürzt und thematisch künstlech versüesst. Nach vergangenem Abstimmigssunnti heimr ds no Formgrecht düregno, und ordentlech wegbesproche. Die Überbouigsordnig nehme mir so nid ah. Und mir kämpfe o gege ds Ergebnis. RIGGED! Und übrigens, wie weimr e Planet erreiche wo hunderti vo Liechtjahr entfernt wird? Efach mau Bezug nä. Mir wünsche euch e entspannti Wuche vou vo agnehmer Liechtigkeit und Spassigkeit. Löht doch e Follow da und probiers mal, mit Gemütlichkeit mit Ruhe und Gemütlichkeit. (Bis ehrlech du hesh de Satz gsunge) Naja, Tschöss.

    38 min

  3. 02/28/2021

    E25: Miss World

    Wer wird i dere Foug zur Iz mau Realtalk Miss World krönt? Ishs der Pitbull oder doch dr Alain Berset? Klar ish, YB spiut nächst Jahr Champions League. Emu füre Gian, dr Luc ish da noni so sicher. Ws ni darf fehle si die deepe Theme, und dadrvo heimr hüt sogar mehreri, es isch ungloublech. Dir wüsset was zdüe ish. Shnapped nech e Teddybär und versammlet nech imene Kreisli mit eune Liebste. Löt üsi Stimm i euch itouche wie dr Michael Phelps (ja me schribt ne so i ha nachegluegt) ir Olympiadisziplin. Machet nech e schöne, gniesset no chli Sunne bevors nächst Wuche widr zrüg ungere Pullover geit. (Übrigens, Pull = ziehen, und over = drüber, aso zemme eig drüberziehen. Nid zverwechsle mit Pullunder = drunterziehen). Me ghört sech gli und i vouer Pracht wes widr heisst: Top, die Wette gilt.

    1h 5m

  4. 02/21/2021

    E24: ****** *** ****

    Was versteckt sech ech hinger de magische Sternli? Und i welem Kontext wirds ech verwendet. Das und viu meh erfahret dir i dr 24 Usgab vom Iz mau Realtalk Podcast. Me chönt meine, ds isch e Adventskalender, nume ds jede Mänti Wienachte isch (Zwinkersmiley). Es wird wärmer, aso schmeisset eui Teetassene weg, verrummet eui Dounejäggli, es geit it Sunne. Tanket e chli Vitamin D und loset drzue die voui Kost vo üsere Laberkunst. Themene si breitgfächeret, und wahnsinnig interessant. Spass. Isch trash. Aber lustig. Aso Lose. Danke. Dankeschön. Merci. Me ghört sech. Tschüss. ;)

    57 min

  5. 02/14/2021

    E23: Biologisch Urinstinkt

    Biologisch Urinstinkt: Was meine mr drmit. I dere Foug heimr es sehr aktuells, aber o kontroverses Thema besproche. Mir hei spontan über öpis gredt, womr üs im Moment Gedanke drzue gmacht hei, und üs dementsprechend chli verlore hei im Verlouf vom Gspräch. Mir hei üs trotzdem drzue entschide, die Foug ufezlade, wiu t'Mainussag i üsne Ouge immer no üser aktuelle Meinig entspricht. We dir aber findet, mir gseh das fausch, oder wenn mir Sache angers ahluege aus dir, denn wäre mr froh um Feedback und Inputs us eurer Sicht. I hoffe mir hei niemer persönlich ahgriffe und wünsche euch e schöne Start it Wuche. Merci für z'lose, und bis zum nächste Mau.

    1h 13m

  6. 01/31/2021

    E22: Seminar 101

    Du wosh rich werde ohni seuber e Idee z'sueche? Du wosch e Marktlücke schliesse ohni gross züberlege? Denn bsuech ize z'Seminar 101, Abteilig wie wirdi rich, ungerrichtet vom Iz mau Realtalk Podcast. Mir zeige euch i eim oder weniger schritte, wieme cha rich rich werde. Aber trotzdem. Me muess de wahre Tatsache it Ouge luege. Dr Klimawandu verfougt üs, und genau glich verfougt euch o t'Husufgab, z'Video gluegt zha vo Simplicissimus. Wiu anhand dem werde mir dr Klimawandu mau so richtig wegdiskutiere, ohni wenn und aber. Sit aber ni trurig, wiu mir hei e guete Winter hinger üs. Z'Jahr 2020 isch ume und mir hei viu drus glernt. Mir hei glernt wert schätze, und ds mache mr o mit üsne Views. Merci für z'inelose. Ds isch SRF Meteo gsi, adieu mitenand.

    1h 8m

  7. 01/24/2021

    E21: Error 50/50

    Lang vermisst aber nie vergesse. Iz mau Realtalk startet iz 2021i mitemne 90minüter. Mir sege ja immer: Quantität vor Qualität, aber hüt ish Quantität gleich Qualität. :) Wie o dr Biden heimr dr Elefant im Ruum müesse ahspreche: Zum eine natürlich t'USA, und zum andere Corona. Aber: gwürzt mit feinstem "Iz mau Realtalk"-Aroma, unverwechselbar und einzigartig. Aso los, dr Griff zude Marshall-Chopfhörer isch nid wit. Gönnet nechs und löhts la würke. Wiu: üsi Jahresvorsätz si endlech da. Endi jahr werde mr zemme ahluege, öb mr se hei erreicht oder nid. Es isch es Prachtwerk, ig chami fash ni zrückhaute. Göttlech. Na dann, mir rite iz i Sunneuntergang, dr Luc ufem brune Ross avalon und ig ufm Schimmu Eclipse. Lul, comedy gold. Iz aber fertig, ds zieht sech ja meh it Längi aus t'Präsidentschaft vom Trump. (mittlerwile übrigens fertig, liebi Republikaner). Tschüüüüüüüüüüüss.

    1h 28m

  8. 11/22/2020

    E20: Interessant

    Für aui Fantasy Gamer, vlt besser ni zuelose, aber aui angere: vlt besser o ni. Spässli. Würd üs natürlich freue we dir ds Mesiterwerch und Edelstück vo Podcast, wo gseuschaftskritischi und zuekunftsrelevanti Frage wie: bisch scho ir Winterstimmig oder wele Gamer bisch, thematisiert werde, chani nech nume vorschlah, schautet i und loset di Foug mit gspitze Ohre und erne heisse schoggi. We der scho vo chaut uf heiss heit gwechslet (e chline Insiderwitz verbout). Mir ghöre üs nächst Wuche widr und vergesset ni, ABSTIMME! Egau öb ja oder nei, efch abstimme, nach eurer eigete Meinig! Appreciated üsi Democracy. Naja. Hiube!

    55 min
See All (27)

About

Sälü zemme und wiukomme bi üsem Podcast! Mir si zwöi Gymnasiaste us Bern, wo scho immer gern tiefgründigi Gspräch über wiukürlechi Theme gfüehrt hei, wo üs aktuell im Chopf si gsi. Deshaub o dr Name "Iz mau Realtalk". Dä Satz hei mr aus Symbol für üsi Gspräch gwäut, und dä wird üs aus Rubrik dür üse Podcast begleite. Faus du meh wosch erfahre, denn chasch du üs sehr gern zuelose. Jedi Wuche am Mänti chunt e neui Foug. Es würd üs freue, we mr di scho baud aus Zuehörer chöi drzue zeue, und hoffe das mr di cheu ungerhaute. Viu Spass!

Information

  • Creator
    Gian Mader und Luc Blunier
  • Years Active
    2020 - 2021
  • Episodes
    27
  • Rating
    Explicit
  • Copyright
    © Gian Mader und Luc Blunier
  • Show Website
    Iz mau Realtalk