Дойдум ахтылҕана/сахалыы подкаст

Natalia Bochkareva
  • 5.0 (2)
  • Personal Journals

Бу подкастка тас дойдуга олорор биир дойдулаахтарбыт төрөөбүт дойдуга ахтылҕаннарын үллэстэллэр. Тас дойдуга хайдах тиийбиттэрин уонна кинилэр төрөөбүт дойдуга ахтылҕаннарын хайдах таһааралларын аһаҕастык кэпсииллэр.

Episodes

  1. 05/16/2023

    Евдокия Атласова - оҕону тас дойдуга төрүт тылынан иитии

    Уһун тохтобул кэнниттэн "Дойдум атылҕана" диэн подкаст биэриибитин салҕыыбыт. Бүгүн биһиэхэ ыалдьыттыы кэллэ - Евдокия Атласова, Йена диэн ааттаах куоракка Германияҕа оҕону төрүт тылынан итии туһунан аһаҕастык кэпсиир. Кини бэйэтин олоҕуттан саха тыл туһунан уонна кини улахан оруолун туһуран үллэстэр.

  2. 01/25/2022

    Лариса Кулаковская - мин сахабынан тоҕо киэн туттабын?

    Лариса Реасовна Кулаковская Сербия диэн дойдуга олорор. Кини Саха культууратын, историятын омук сиригэр элбэх киһи биллин диэн, аан дойду таһымыгар тахсар проектардаах. Биир саамай улахан үлэтэ - 2017 сыллаахха Сербияҕа Ыһыах ыспытын туһунан сиһилии кэпсиир. Аан дойдутааҕы Саха Диаспора биир саамай тутаах, сүбэ-ама ылар дипломата буолар.

  3. 11/30/2021

    Александра Новикова - Германияҕа AuPair үлэһититтэн университет устудьуона буолбутун туһунан кэпсээнэ

    Александра Новикова Германияҕа Маргбург университетыгар үөрэнэр. Кини бастаан AuPair программаннан хайдах кэлбитин туһунан, бастакы күннэрэ хайдах ааспыттарын туһунан уонна Германия университетыгар туттарсыбытын туһунан ахтар. Өскөтүн 27 сааскын туола илик буоллаххына уонна тас дойдуга олоруоххун баҕарар буоллаххына, бу биэрии туһалаах буолуо. Александра инстаграмм страницатын манна булуоххун сөп:  https://instagram.com/alexxandra_novikova?utm_medium=copy_link

  4. 08/29/2021

    Любомира Романова - омук тылын үөрэҕэ археолог идэтигэр тириэрдибитин туһунан

    Любомира Тулуза университетыгар Франция5а саха аһын туһунан докторскай үлэтин көмүскээн, антропобиология наука кандидата буолар.  Бу суолга хайдах үктэммитин туһунан уонна омук тыла хайдах киниэхэ көмөлөспүтүн туһунан истиҥник кэпсиир. Оҕо сааһыттан, оскуолатааҕы сыллартан уонна устудьуоннуу сылдьыбыт ахтыыларыттан үллэстэр.   Кинини Инстаграмм нөҥүө манна киирэн билсиэххин сөп: https://instagram.com/lubomirarom?utm_medium=copy_link

  5. 07/29/2021

    Любовь Большакова - Вальдорф оскуолаҕа үлэтин туһунан кэпсэтии

    Любовь Большакова Германияҕа олорор уонна Вальдорф оскуолаҕа омук тылын үөрэтэр.  Вальдорф педагогика биһиги оскуолаларбытыттан туох уларытылааҕын, оҕолор тугу үөрэтэллэрин уонна туох сыаллаах-соруктаах бу педагогика үлэлиирин туһунан сиһилии кэпсиир.  Кини Таатта улууһун Чымнаайы нэһилиэгэр төрөөбут уонна улааппыт буолан, оҕо сааһыттан ахтыыларын үллэстэр.

  6. 05/31/2021

    Күннэй Такааһай - Диаспора диэн Ыһыах

    Күннэй Такааһай Варшава университет психология наука кандидата, доцент, гуманитарнай наука доктора, Варшавскай университет научнай сотруднига. Бу биэриигэ кини диаспора диэни кыра эрдэҕиттэн билбитин, Үөһээ Бүлүү Намыгар улааппыт саастарын, Польшаҕа хайдах тиийбитин уонна диссертациятын Вацлав Серошевскай туһунан суруйбутун кэпсиир. Бу манна киирэн "Эдэр Саас" хаһыакка тахсыбыт кини туһунан статьятын ааҕыаххын сөп: https://edersaas.ru/k-nnej-takasaeva-s-ken-suoltalaah-tyldyt/ Күннэйи куйаар нөҥүө фэйсбукка манна киирэн билсиэххин сөп: https://www.facebook.com/Takaahaj

  7. 04/08/2021

    Людмила Никанорова - Тромсо Университетка үөрэх уонна наука үлэтэ

    Людмила Никанорова СВФУ историческай факультетка устудьуоннуу сылдьан бастакытын Тромсоҕа биир семестр үөрэнэн баран, манна салҕыы үөрэммитин туһунан кэпсиир. Кини кандидатскай үлэтин ыһыах туһунан суруйбутун үллэстэр уонна ол үлэтигэр саха тыла хайдах көмөлөспүтүн туһаайар.  Кини ыhыах туhунан кандидатскай үлэтин бу манна киирэн ааҕыаххытын сөп: https://munin.uit.no/handle/10037/15960  Людмила эбиитин үлэтинэн "Thinking About Indigenous Religions” диэн подкаст устар. Ол подкасты манна киирэн истиэххин сөп: https://open.spotify.com/show/3aTOTVPBQlRxycDQOsIUdR

  8. 03/15/2021

    Паша Бочкарева - Норвегия, Китай уонна Румыния үөрэхтэрэ тугу биэрэрий

    Иккис ыалдьыппыт Паша Бочкарева, СВФУ-га үөрэнэ сылдьан, Норвегияҕа уонна Китайга үөрэммитин туһунан кэпсиир. Билигин кини Румынияҕа магистр программатыгар үөрэнэр уонна Монтессори оҕо уйуһааныгар үлэлиир.

  9. 02/18/2021

    Сардана Хабарова - Хатырык куруутун сүрэхпэр

    Сардана Хабарова Линчөпинг (Швеция) диэн куоракка олорбута ырааппыт. Бу дойдуга хайдах тиийбитин, шведскай тылы хайдах үөрэппитин уонна дойдутуттан тугу саамай ахтарын уллэстэр. Бастакы сыллар ыарахаттарын, саха тылбыт омук тылы үөрэтэригэр күүһүн-кыаҕын уонна бу сайын төрөөбүт нэһилиэгэр барар былааннарын кэпсиир.

    Сардана Хабарова - Хатырык куруутун сүрэхпэр
  • 9 Episodes

Ratings & Reviews

5
out of 5
2 Ratings

About

Бу подкастка тас дойдуга олорор биир дойдулаахтарбыт төрөөбүт дойдуга ахтылҕаннарын үллэстэллэр. Тас дойдуга хайдах тиийбиттэрин уонна кинилэр төрөөбүт дойдуга ахтылҕаннарын хайдах таһааралларын аһаҕастык кэпсииллэр.

Information