Ongizatea

EITB Radio Televisión Pública Vasca

Ongizateari buruzko edukiak.

  1. 12/17/2024

    #14.- Lotsa sentitzeaz lotsatuta?

    Musugorrituta, begirada mantendu ezinda eta hitzak mihian trabatzen zaizkigula egoten gara gutako asko lotsa sentitzen dugunean. Norberak bere lotsak ditu, baina badira lotsa komunago batzuk, onartutako lotsak. Zer da lotsa? Zergatik sentitzen dugu eta zertarako balio du? Zer egin dezakegu lotsa sentiarazten diguten egoeren aurrean? Lotsa galdu daiteke? Galdera adina erantzun dituzte Irati Perez eta Ane Zuazubiskarrek Ez Hain Ondo podcastaren bigarren denboraldiko azken atalean.  Ez hain ondo podcasta,  Hiru Damatxok ekoitzi du EITB Podkasterako.

  2. 12/03/2024

    #13.- Zaindu gintuena zaintzen

    Haur bat tarteko dagoenean, beti d**o erreferentziazko pertsona helduren bat inguruan. Heltzen goazen heinean erreferentziazko pertsona heldu horrekin dugun harremana aldatzen doa. Zaintzen gaituna zaintzen amaitzen dugu. Zaintzen gintuena zaindu behar orain. Prest gaude zaindu gaituena zaintzeko? Ondo egingo al dugu? Zaindu nautenekin zorretan sentizen naiz, zer egin dezaket hori ez sentitzeko? Zer egin dezaket zaintza lanak egin bitartean harreman osasuntsuak mantentzeko? Galdera adina erantzun dituzte Irati Perez eta Ane Zuazubiskarrek atal honetarako. Ez Hain Ondo podcasta Hiru Damatxok ekoitzi du EITB Podkasterako.

  3. 11/27/2024

    #22.- Adimen emozionala: Sufrimendutik emozioetara

    Gizartearen historiako bilakaeran izugarri aldatu dira pertsonaren emozioak. Paleolito garaiko emozio primarioei, intuizioa erantsi zitzaion erdi-aroan. Egun, Jainkoen pareko teknlogia aurreratuek gaina hartu diete emozioei. Auto kontzientzia emozinalaren faltan, algoritmoek gailuetan erakusten dituzten egoerak bizi ezinda, gazteak emozioen amildegian erortzen ari dira. Teknologietan aurrerapauso handiak eman diren bitartean, pertsonaren barruko garapenean aurrerapauso gutxi egin du gizarteak. rne eta kanpo garapena ez baita parekoa izan. Teknologikoki izugarri hazi gara, baina emozionalki ez.  Zuzendaria, Soinu grabaketa eta muntaia: Iñaki Beraetxe  Gidoia: Maitane Ormazabal eta Telmo Lazkano.  Irudi grabaketa eta edizioa: Xabier Larrañaga  Postprodukzioa: Lander Ayllon  Grafismoa: Arantza Conde   Nerabeen Garrasia podcasta OnTimek ekoitzi du EITB Podkasterako.

  4. 11/20/2024

    #21.- Autolesioak eta suizidioa: ''Ezin dut gehiago!''

    Antsietatea, gorrotoa edo amorrua jasan ezin bihurtzen dira batzuetan eta nerabe batzuk, presio hori askatzeko beste irtenbiderik gabe, beren burua zauritzen dute.  Autolesioa, min fisikoa, min emozionala estaltzeko metodu antsiolitikoa da, eta suizidiorako bidea jarri dezake. Emozio zail horiek txikitatik lantzen ez badira,ito egiten dute pertsona, orain ala geroago. Epaiketa edo etiketarik gabe, autolesioak gertatu badira, eta bere buruaz beste egin dezakeenaren susmoa badago, barne motibazioa ateratzen lagundu behar da nerabearen egoera emozionala bideratzeko. Zuzendaria, Soinu grabaketa eta muntaia: Iñaki Beraetxe  Gidoia: Maitane Ormazabal eta Telmo Lazkano.  Irudi grabaketa eta edizioa: Xabier Larrañaga  Postprodukzioa: Lander Ayllon  Grafismoa: Arantza Conde   Nerabeen Garrasia podcasta OnTimek ekoitzi du EITB Podkasterako.

  5. 11/19/2024

    #12.- Doluak eta galerak

    Dolua ez da heriotzaren aurrean bakarrik agertzen. Heriotzarekin lotzen dugu, baina beste hamaika arrazoirengatik ere hasten zaizkigu dolu prozesuak. Maiz, ez dakigu dolu prozesu batean gaudenik ere, eta bertan gaude, sentitzen eta bizitzen ari garena ondo ulertu ezinik, ahal bezala, ahal duguna egiten. Zer da dolua? Zergatik sentitzen dugu eta zein egoeratan?Badago dolua bizitzeko modu egokirik? Zer egin bere aurrean? Galdera adina erantzun dituzte Irati Perez eta Ane Zuazubiskarrek atal honetan. Ez Hain Ondo, Hirudamatxok ekoitzi du EITB Podkasterako.

  6. 11/13/2024

    #20.- Bullyinga: ''Bakartu eta jazarri ninduten''

    Adingabeen artean,  Bullyinga da suizidio gehien eragiten dituen arrazoia. Hiltzen diren gazteen artean, tumoreen ondotik, bigarren kausa. Gainera, polarizatuta dauden jarrerak hobesten dituen mundu digitalak, mugikorrek, ziberbullyingaren neurrigabeko igoera ekarri dute. Irati Galardik eskolan jasan zuena eta bizitza nola bideratu duen azaldu digu. Gai hauei errotik heldu behar zaie, gizarte osoak esku hartuz, eta gazteen artean adimen emozionala eta garapen pertsonala sustatuz. Analfabetismo emozionala da egungo gizartearen adierazgarria nagusienetakoa. Gidoia: Maitane Ormazabal eta Telmo Lazkano.  Irudi grabaketa eta edizioa: Xabier Larrañaga  Postprodukzioa: Lander Ayllon  Grafismoa: Arantza Conde   Nerabeen Garrasia podcasta OnTimek ekoitzi du EITB Podkasterako.

  7. 11/06/2024

    #19.- Depresioa: ''Bizitzaren zamak zanpatu nau''

    Depresioa izugarri hedatu da gazteen artean. Ezin bizia, etsipena, sufrimendua eta atsekabe handia. Gatazkak kudeatzeko ezintasunak, areagotu egiten du porrotaren sentsazioa. Egoera hauen aurrean, esfortzuaren onura landu behar da gazteekin. Eta argi utzi, depresioa ez dela ahultasunaren ondorioa. Ez du indarrarekin zerikusirik; alderantziz laguntza eskatzea, jarrera ausarta da! Jesus Mari Guzmanek lagundu nolako sentimenduak izaten diren ulertzen.  Zuzendaria, Soinu grabaketa eta muntaia: Iñaki Beraetxe  Gidoia: Maitane Ormazabal eta Telmo Lazkano.  Irudi grabaketa eta edizioa: Xabier Larrañaga  Postprodukzioa: Lander Ayllon  Grafismoa: Arantza Conde   Nerabeen Garrasia podcasta OnTimek ekoitzi du EITB Podkasterako.

  8. 11/05/2024

    #11.- Antsietatea, berriro hemen?

    Jada badakigu antsietatea zer den. Noiz sentitzen dugun, zergatik eta ez, ez dela normala. Hala ere zer egin dezakegu antsietatea sentitzen dugunean? Nola egin aurre antsietateari? Nola bizi dezakegu? Badago jarraibiderik? Formularik? Galdera adina erantzun dituzte Irati Perez eta Ane Zuazubiskarrek Ez Hain Ondo podcastaren bigarren denboraldiko hirugarren  atal honetan. Ez Hain Ondo, Hirudamatxok ekoitzi du  EITB Podkasterako.

See All (183)

About

Ongizateari buruzko edukiak.

Information

  • Creator
    EITB Radio Televisión Pública Vasca
  • Years Active
    2021 - 2024
  • Episodes
    183
  • Rating
    Clean
  • Copyright
    © 2020 EITB Media
  • Show Website
    Ongizatea

You Might Also Like