阿愷之聲Podcast

王麒愷
  • 5.0 (7)
  • Personal Journals
  • Updated Weekly

歡迎收聽台語通勤第一品牌，用鹿港腔講萬事萬物的阿愷之聲Podcast！本節目連續入圍2025年、2026年廣播金鐘獎Podcast類藝術文化獎🏆 本節目有六个單元，歡迎收聽指教，恁若聽了心情變好，免客氣，歡迎贊助阿愷之聲：https://voiceofakai.oen.tw/ ► 空中泡茶間｜邀請士農工商各界好朋友，來講生活、講理想、講人生，用臺語講萬事萬物，萬事萬物攏是咱人生！ ► 文學烏亂濺｜本台的經典單元，主要討論各種文學作品，有時陣閣會邀請作者本人來講寫作。 ► 洛津浪音樂｜台長以前的夢想就是做音樂電台主持人，無論是古典音樂、Jazz和國內當代創作，來聽著音樂背後的故事。 ► 講鹿港說鹿港鹿港說不盡｜鹿港人致意鹿港事，這个單元專門講鹿港的過去和未來，透過新聞事件來瞭解地方。 ► 學姊你敢有閒？｜和鹿港學姊作伙主持的新單元，努力成作「台語相談室」第一品牌，若有任何想欲開講的主題歡迎call in。 ► 台長時間｜台長三不五時會出來坐檯，無論是回答聽眾call in抑是分享節目製作的想法，這是一个和聽眾朋友互動的單元。 最後，歡迎去以下所在收看阿愷之聲Podcast，恁會使佇facebook、instagram、threads和X追蹤來接收上新的節目消息！ Powered by Firstory Hosting

  1. 5d ago

    SP5 走揣地理路：快樂的出帆 ft.臺大地理系洪伯邑教授

    臺灣人愛食魚，佇咱這个四方面海的島國，地理學家會按怎講一桌海產好料的故事？ 延續頂一集節目，洪伯邑老師因為阿爸的一句話轉來家鄉彰化做田野，意外拍開西海岸的近海漁業研究。但故事才欲開始爾爾，後來是啥物機緣開始追臺灣的漁船來到遠洋，甚至去到印度洋的模里西斯（Republic of Mauritius）走揣臺灣人的影跡？ 這集節目就來聽洪伯邑老師的遠洋研究，到底地理學按怎包山包海？阿愷之聲準備快樂的出帆囉⛵️ ► 特別計畫｜阿愷之聲「走揣地理路」單元聽眾Call in！https://forms.gle/szmof8FTupz7Vwu37 ► 節目音樂｜李箴、鹿港新聲閣► 特別感謝｜教育部人文與社會科學標竿計畫 Geopolitical Ecology Research Platform 生態與地緣政治研究平台 、中研院生物多樣性研究中心端木茂甯老師研究室提供阿里山茶園的生態錄音 ► 贊助節目｜ https://voiceofakai.oen.tw Powered by Firstory Hosting

    SP5 走揣地理路：快樂的出帆 ft.臺大地理系洪伯邑教授

  2. Oct 7

    EP228 空中泡茶間：飛賊夜來香 ft. MC JJ

    若講阿愷之聲Podcast是受著嘉義阮劇團「這聲好啊 Our Podcast」的刺激來開台，按呢MC JJ的人生會行向劇場這條路， 「金枝演社」劇團絕對是重要的一葩燈火。咱少年時難免對家己的人生茫茫渺渺，若有一个好的前輩願意佮咱看顧，就有可能影響咱一世人。MC JJ佇伊二十出頭歲拄來到淡水食頭路時，有閒就會去金枝演社做志工，這群人拍開伊對劇場的想像，也對家己的創作有了進一步信心。 二十幾年了後，MC JJ總算頭一擺和金枝來合作，伊欲來改編野台戲《飛賊夜來香》的台語劇本。這集節目準備先來回顧MC JJ的編劇之路，入去劇場這途進前，JJ是啥物款的機緣接觸文學？伊按怎透過文學來觀察人間世事？甚至，伊按怎看劇場佇當代社會存在的意義？ 這集精彩，若聽了會合，歡迎續落來去看戲！ ► 工商服務｜金枝演社：當代野台《飛賊夜來香》2026/11/6 (五) - 11/15 (日) 臺北表演藝術中心 北斗座https://gbttw.tw/en07mU7Fv ► 來賓推冊｜馮內果《第五號屠宰場》、史坦貝克《憤怒的葡萄》► 節目音樂｜鹿港新聲閣► 贊助節目｜https://voiceofakai.oen.tw ► 繼續收聽｜ EP177 劇場演員按怎變？ft.余品潔＆鍾汶叡EP183 人生親像一齣喜劇？ft.金枝演社施冬麟EP188 戲劇路的員林囡仔時 ft.黃郁盛＆溪州阿倫 Powered by Firstory Hosting

    EP228 空中泡茶間：飛賊夜來香 ft. MC JJ

  3. Oct 1

    EP227 台長時間：廣島筆記

    「廣島那些活下來人們，沒有選擇對那場極端的人類悲慘保持沉默、將之遺忘，而是試圖去談論、研究、記錄，這是一種需要異常的努力才做得到的沉重行為......唯一有權遺忘廣島、對廣島保持沉默的人們，反而試圖談論廣島、研究廣島、記錄廣島。」－大江健三郎《廣島札記》 這集台長時間欲來分享前一陣子阿愷的日本旅行，特別是來到廣島這个城市的觀察。透過讀大江健三郎的冊、參觀和平紀念公園、參與一場精彩的廣島鯉魚隊棒球比賽和聽一場廣島交響樂團的音樂會。到底HIROSHIMA代表啥物款的日本精神？對廣島的故事轉來看臺灣，咱會當按怎想？ ► 節目音樂｜鹿港新聲閣► 贊助節目｜https://voiceofakai.oen.tw ► 繼續收聽｜ EP82 阿姆斯特丹和柏林的城市音樂觀察EP169 阿愷去東京EP173 來去東京聽爵士 ft.吳易叡EP212 北海道爵士喫茶旅行 Powered by Firstory Hosting

    EP227 台長時間：廣島筆記

  4. Sep 23

    EP226 台長時間：福興之聲 ft.彰化縣福興國中

    阿愷之聲出外景，來到距離阮兜駛車只要五分鐘的彰化縣福興國民中學，這是節目開台以來第一遍和國中學生和老師作伙錄節目！小等咧，這集叫做「福興之聲」，所以福興到底佇佗？ 福興鄉是鹿港鎮的厝邊，但因為鹿港的文化實在傷過強勢，真濟福興人出外攏會講家己是鹿港人。按呢講雖然較方便，但背後其實是對家鄉無啥熟似，因為生份，自然就無啥認同感。其實台長的戶口也佇福興鄉，我13.14歲就去彰化市讀冊，彼个年紀的目標就是努力考試來離開彰化，去上好的學校，但我也咧想，彼當陣若有老師、課程帶我認捌家鄉的故事，無的確，我的人生風景就會無仝？ 有這擺錄音機會是受阿愷之聲聽友尤慶堂老師牽線，慶堂老師是學校的地理老師，也是臺語老師，我真佩服佇教育前線教鹿港腔臺語的老師。這回欲來分享福興國中按怎推動108課綱，老師規劃予學生走出學校、認捌地方的「福地興農」課程，有幾落位同學來節目講家己的故事，甚至連校長林妙娟也來空中分享，相當非常趣味。 咱按怎講出家己的故事？緊來聽這集福興之聲！ ► 節目來賓｜尤慶堂老師、蔡媛聿同學、洪錫琪同學、陳郁璇同學、余悅瑄同學、林威廷同學、蔡鈞名、林妙娟校長（按照出聲順序） ► 節目音樂｜鹿港新聲閣► 贊助節目｜https://voiceofakai.oen.tw ► 廣告贊助｜春山出版新冊《重構臺灣流行歌曲史》by 陳培豐https://www.books.com.tw/products/0011062381 阿愷之聲工商服務時間，現子時春山出版推出好冊《重構臺灣流行歌曲史：常民／移民的競合交響與「臺灣味」的誕生》。這本冊是中央研究院臺灣史研究所陳培豐老師寫作，陳老師長期研究臺語歌的歷史，我實在真好奇，到底臺語歌的「氣口」是啥？這擺的故事準備對戰後1960年尾期講起，佇彼个外國流行歌和國語歌強勢的時代，臺語歌漸漸予人感覺粗俗，但是，一般大眾猶閣咧接觸的布袋戲、歌仔戲、電子琴、那卡西甚至是Rock n Roll，按怎予臺語歌新的養分？甚至創造出氣口十足的臺灣味，將臺語歌結合草地氣和西洋摩登，創作出厝邊頭尾攏咧聽的歌謠？若講歌曲代表一个時代、一群人的生活，按呢60年代逐工聽臺語歌的人，亻因當咧經驗啥物款的世界？緊來看陳培豐老師講一段臺灣歌的故事！ Powered by Firstory Hosting

    EP226 台長時間：福興之聲 ft.彰化縣福興國中

  5. Sep 17

    EP225 台長時間：廣播金鐘獎入圍感想

    🏆 阿愷之聲Podcast入圍2026年廣播金鐘獎Podcast類藝術文化獎，這集欲來分享入圍感言，閣有聽完林生祥30週年演唱會的一寡感觸。 再次感謝一路以來支持、鼓勵過阿愷之聲朋友，臺語節目這條路上，因為有恁，我才有氣力繼續放送落去。 ► 廣告贊助｜春山出版新冊《重構臺灣流行歌曲史》by 陳培豐https://www.books.com.tw/products/0011062381 阿愷之聲工商服務時間，現子時春山出版推出好冊《重構臺灣流行歌曲史：常民／移民的競合交響與「臺灣味」的誕生》。這本冊是中央研究院臺灣史研究所陳培豐老師寫作，陳老師長期研究臺語歌的歷史，我實在真好奇，到底臺語歌的「氣口」是啥？這擺的故事準備對戰後1960年尾期講起，佇彼个外國流行歌和國語歌強勢的時代，臺語歌漸漸予人感覺粗俗，但是，一般大眾猶閣咧接觸的布袋戲、歌仔戲、電子琴、那卡西甚至是Rock n Roll，按怎予臺語歌新的養分？甚至創造出氣口十足的臺灣味，將臺語歌結合草地氣和西洋摩登，創作出厝邊頭尾攏咧聽的歌謠？若講歌曲代表一个時代、一群人的生活，按呢60年代逐工聽臺語歌的人，亻因當咧經驗啥物款的世界？緊來看陳培豐老師講一段臺灣歌的故事！ ► 節目音樂｜鹿港新聲閣► 封面相片｜徐偉哲► 贊助節目｜https://voiceofakai.oen.tw Powered by Firstory Hosting

    EP225 台長時間：廣播金鐘獎入圍感想

  6. Sep 9

    SP4 走揣地理路：轉來彰化的地理學家 ft.臺大地理系洪伯邑教授

    家鄉對地理學家的啟發是啥？ 進前，大部分時間攏佇國外真揜貼（iap-thiap，偏僻）的所在做田野調查的洪伯邑老師，有一回轉去彰化，和厝內的人分享工作上的代誌，伊的阿爸雄雄問一句：「你長期研究國外，敢講你真正瞭解咱家己的彰化？」這句話深深影響洪老師，後來決定透過科技部（國科會前身）計畫轉來研究彰化。故事就對「蚵仔」開始講！ 這集節目，伯邑老師欲來分享伊按怎對越南的茶山轉來彰化的海岸，按怎對「討小海」的厝邊隔壁慢慢仔瞭解芳苑、二林飼蚵仔的故事？故事甚至講到白海豬（白海豚）和海上風遨（gô，離岸風機）的議題，到底咱彰化人和海的關係是啥？ 人文地理正港包山包海，這集咱就對洪伯邑老師研究室的海洋邊界研究開始講。聽講，後一集欲去閣較遠的模里西斯（Republic of Mauritius），地理學家準備欲出帆！ ► 節目音樂｜李箴、鹿港新聲閣 ► 特別感謝｜教育部人文與社會科學標竿計畫 Geopolitical Ecology Research Platform 生態與地緣政治研究平台 、中研院生物多樣性研究中心端木茂甯老師研究室提供阿里山茶園的生態錄音 ► 贊助節目｜https://voiceofakai.oen.tw Powered by Firstory Hosting

    SP4 走揣地理路：轉來彰化的地理學家 ft.臺大地理系洪伯邑教授

  7. Sep 1

    EP224 空中泡茶間：再見1987 ft.林雨宣&導演吳宗叡

    面對政治暴力創傷，咱敢有可能和過去的家己和解？ 歡迎收聽阿愷之聲Podcast空中泡茶間單元，這回欲來介紹一齣公視台語台的新戲《再見1987》，節目來賓是演員林雨宣和導演吳宗叡。聽講生長佇臺北市大安區的雨宣，以前一句臺語攏袂曉？導演宗叡是因為愛聽K-POP才對韓國歷史有興趣？ 這齣《再見1987》改編自日本時代彰化女高學生丁韻仙的故事（戲中予作邱雪），伊後來和參與政治抗爭的翁婿來離別，一分開就是四十年。戲中，扮演邱雪查某囡「邱靜之」的就是林雨宣，伊按怎理解彼位充滿心事的阿母？閣會按怎陪伴阿母面對往過的創傷？ 這集節目，阮準備對來賓的故事講起。雨宣是按怎對臺灣史有興趣？甚至會想欲用演員的公共身份來關心社會議題？導演宗叡按怎看待當代臺灣史的影戲劇改編？這齣《再見1987》希望啥物款的人來看？總講一句，緊來收聽！ ► 工商服務｜國家電影及視聽文化中心 臺語片70週年放映會「零時ê望：流動．世界．台語片」► 買票連結｜ https://pse.is/9hx5mq ► 節目音樂｜鹿港新聲閣、再見1987主題曲〈春天的歌〉► 贊助節目｜https://voiceofakai.oen.tw Powered by Firstory Hosting

    EP224 空中泡茶間：再見1987 ft.林雨宣&導演吳宗叡

  8. Aug 30

    SP10 臺灣文學LivePodcast：林俊頴《七月爍爁》ft.溪州阿倫

    最後一場的阿愷之聲彰化冊店讀書會Live Podcast來到北斗有冊店，主題「文學的彰化書寫」，第二本欲討論作家林俊頴2025年發表的《七月爍爁》。這本小說出版了後隨得著臺灣文學金典獎和文化部金鼎獎，但對阮這款彰化讀者來講，這本小說竟然親像咧寫外國？ 出世佇彰化北斗鎮的林俊頴，後來到台中、台北甚至美國來讀冊，都城培養了伊的文學表達。後來林俊頴寫轉來家鄉，透過小說慢慢仔建立彼个「斗鎮」的世界觀，毋過這本《七月爍爁》雖然一直得獎，小說本身的爭議何在？阮會按怎看這本小說佇彰化文學當中的位置？ 彼一日，我和阿倫來到小說場景來講冊，聽講，冊店附近的彼間診所就是作家的親戚咧經營。好你加在，這日的斗鎮無爍爁（閃電），趕緊來收聽這集節目！ ► 緊來讀冊｜林俊頴《七月爍爁》https://www.books.com.tw/products/0011010681 ► 贊助單位｜國藝會► 特別感謝｜陳君宥的封面照片，有冊店的場所► 節目音樂｜鹿港新聲閣► 贊助節目｜https://voiceofakai.oen.tw► 節目念冊｜林俊頴〈因父及子及聖神之名〉 陳文璣七舅公笑問馬道遠神父，「神父方外之人，不遠千里而來，原本姓名到底是啥？」 「我原本姓名Douglas McBride，漢人總是將我的名簡單的Doug讀作dog，」馬神父飲茶，「入鄉隨俗，教友有一位很有學問的弟兄，老先生，幫我選了馬道遠三個漢字號名，任重道遠。」 「我讀冊時，英文老師幫我號名Winston，呼應我名字中的文。」 「Winston，」馬神父大鼻嗯的拖長聲，「Very British」 「所以你家族是有愛爾蘭的血統？」 「咦，陳先生住巷子內，內行的。我老父此邊的祖先確實原鄉是愛爾蘭，但是我的阿嬤有四分之一是德國人。」 七舅公指大廳的老爺鐘，解說此古董是德國製，彼當年四兄在基隆港買的，一路火車、三輪拖車、牛車運送，稻草草蓆鋪了一層又一層，恐驚損害，老父無禁無忌笑講，不悉底細的當作是運壽材。毛斷（摩登）的舶來物件老爺鐘在大厝噹噹響，響得雞公喔喔驚惶，金魚竄到缸底，當真過無一年，老父便過身。 「估計馬神父初來時，我四兄大部分時間不在斗鎮，而是在台中台北。你倆個相出入，真可惜。」 「我有印象，和四少爺有兩面之緣，殊紳士，講話真有意思。應該是我來斗鎮的第四年第五年，四少爺心臟病過身，告別式辦在大街的戲園，哇，有夠鬧熱。啊，失禮，我不應該講鬧熱。全大街滿滿人是來送你四兄的。」 「未當叫少爺，太見外了。佳哉你不是講阿舍（富家子弟）。」 「阿舍，匪聽（難聽）啦。」 Powered by Firstory Hosting

    SP10 臺灣文學LivePodcast：林俊頴《七月爍爁》ft.溪州阿倫
See All (272)

Ratings & Reviews

5
out of 5
7 Ratings

About

歡迎收聽台語通勤第一品牌，用鹿港腔講萬事萬物的阿愷之聲Podcast！本節目連續入圍2025年、2026年廣播金鐘獎Podcast類藝術文化獎🏆 本節目有六个單元，歡迎收聽指教，恁若聽了心情變好，免客氣，歡迎贊助阿愷之聲：https://voiceofakai.oen.tw/ ► 空中泡茶間｜邀請士農工商各界好朋友，來講生活、講理想、講人生，用臺語講萬事萬物，萬事萬物攏是咱人生！ ► 文學烏亂濺｜本台的經典單元，主要討論各種文學作品，有時陣閣會邀請作者本人來講寫作。 ► 洛津浪音樂｜台長以前的夢想就是做音樂電台主持人，無論是古典音樂、Jazz和國內當代創作，來聽著音樂背後的故事。 ► 講鹿港說鹿港鹿港說不盡｜鹿港人致意鹿港事，這个單元專門講鹿港的過去和未來，透過新聞事件來瞭解地方。 ► 學姊你敢有閒？｜和鹿港學姊作伙主持的新單元，努力成作「台語相談室」第一品牌，若有任何想欲開講的主題歡迎call in。 ► 台長時間｜台長三不五時會出來坐檯，無論是回答聽眾call in抑是分享節目製作的想法，這是一个和聽眾朋友互動的單元。 最後，歡迎去以下所在收看阿愷之聲Podcast，恁會使佇facebook、instagram、threads和X追蹤來接收上新的節目消息！ Powered by Firstory Hosting

Information

  • Creator
    王麒愷
  • Years Active
    2021 - 2026
  • Episodes
    272
  • Rating
    Clean
  • Copyright
    © 王麒愷
  • Show Website
    阿愷之聲Podcast

You Might Also Like